#ቅንጭብጭብ_ኢትዮጵያ

ፀበል ፥ በሚፀበሉ ፥ የጋኔን ፥ ማደሪያ ፥ በሆኑ ፥ ሰዎች : መሀል : ተከብቤያለው ፥ እንደርቢ ፣ ቡዳ ፣ አዛዝኤል : መተት ፣ ሰላቢ ፣ ድግምት...ወ..ዘ.ተ..........እዝጎ: ብዛታቸው ፥ ግን : እግዜሩ : ብዙ : ተባዙ ያለው : እነሱን ፥ ሳይሆን ፥ አይቀርም። እንዲህ : አንደ : ምድር : አሸዋ : ያበዛቸው። ምናልባት :ውስጣቸው :ስለማይገኝ : ይሆናላ : ብዬ ፥ የጥያቄም ፥ አባት ፥ የመልሱም ፥ እናት ፥ ሆኜ ፥ ቁጭ አልኩ።

እኩለ : ሌት : ላይ ጋደም : ብዬ : ሳለ እማሆይ በደጃፌ : አለፉ ብሩኬ...... ብሩኬ........ በለሆሳስ : ተጣሩ

እ......... አቤት : እማሆይ .... በመደነባበር : ስሜት

አንት : ሙዠሌያም : በሩን : ክፈት .....

ቀጭን : ትእዛዝ ......

እጄ ፥ ወደበሩ ፥ መክፈቻው ፥ አኮበኮበ..... ሲጢጢጢጢጥ... በሩ ፥ ተከፈተ።

እማሆይ ፥ እርቃናቸውን ፥ ናቸው ደነገጥኩ ራሴን እማሆይ : ፃድቅ : ናቸው : የፀጋ : ልብስ : (ፀጉር) ፈጣሪ : አከናንቧቸዋል : ብዬ ራሴን : መሸወድ ፈለኩ።

በርግጥ ፥ እሳቸው ፥ አፍላ ፥ እድሜ ላይ ናቸው። ቁንጅናቸውም ፧ እንኳን ለንደኔ ፥ አይነቱ አለማዊ መናኝንም ፥ ከአቋሙ ፥ ያዋዥቃል።

የጌታ ፥ ፍቃድ : ሆነና : እማሆይም : በውበታቸው ማርከው : መደቡ : ላይ : አጋድመው ፧ ደጋግመው : ነጠሩብኝ....

መቼም ልጄ ነገር በሶስት ይፀናል አሉኝ...... ልክ አንደኛውን ፧ ዙር እንደጨረሱ....

በተወደደ ፥ መቅኔ ፥ መተኪያ በማይገኝበት ፥ ቦታ ላይ ምን ፥ ኩነኔ ፧ ገባሁ? ፥ ጃል! አዎንታዬን ፥ ራሴን በመነቅነቅ ፧ ሶስት ግዜ ፧ እንጢነጥሩብኝ ፈቀድኩላቸው።


ስብሀት ለአብ_____ ቸፍ
ስብሀት ለወልድ_____ ቸፍ
ስብሀት ለመንፈስ ቅዱስ____ ቸፍ

ጠበል ፥ የሚረጩኝ ፥ ግርማ ፧ የ ሞገስ ፥ ተላበሱ አባት በመስቀላቸው ፧ ጀርባዬን እየደለቁ። አንተ ማነህ ?
ፈርጠም ፧ ብለው ፧ በነጎድጓድ ፧ ድምፃቸው....

ሴት ነኝ ያውም መነኩሴ.....

ሴት......ምንድነሽ?

ሴት አይነጥላ ፣ ሴት ሳር

የምንኩስና ስምሽ ማነው?

#እማሆይ_ረታ_ነጠረች

ወደሲኦል ትገቢዘንድ በእግዚአብሄር ስም አዝሻለው ጮኸሽ ውጪ..

ኡኡኡኡኡኡኡኡኡኡ ጮሄ ወደኩኝ .

ከወደኩበት ስነሳ ብዙ ምዕመን በቤተክርስቲያን ውስጥ ታድሞ የሚሆነውን በጥሞና ይመለከታል

ስምህ ማነው አሉኝ ግርማቸው የሚያስፈራ አባት

#ካሳ_ውቤ_ልዋጥህ

ህምምም ¡ አለ ነገር......

ፀሀፊ
ሱራፌል ጌትነት
ሱራ ቢራቢሮ
✍ @surabirabiro🦋

።።።።።👇👇👇👇።።።።።
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋

አልችልበት አልኩ ፡፡ የተሸነፍኩ ይመስለኛል ፡፡ለሊቱን ሙሉ እንቅልፍ ባይኔ ሳይዞር ነጋ ፡፡ልተኛ አይኔ ሩቡ ሲከደን ነው ደውላ ያስደነገጠችኝ ፡፡ ጭንቅ ባለው ድምፅ ስታወራኝ አንጀቴ ስፍስፍ አለ፡፡ከስንት ጊዜ በኋላ እንዲህ አወራችኝ ፡፡ ያወራችበት ድምፀት እሷም ድክም ብቅት እንዳላት ያሳብቃል፡፡ ስልኩ ጠርቶ ደዋዩዋ እሷመሆኗን ሳውቅ ተስገብግቤ ነው ያነሳሁት ፡፡ ከምኔው ከአልጋዬ ተስፈንጥሬ እንደወረድኩኮ…
“ይቅርታ ተኝተህ ነበር መሰለኝ ረበሽኩህ እንዴ!...”
“አ..አይ አልረበሽኝም እረ.. ምነው ከመሸ ችግር አለ”
“ምን ባክህ ድጋሚ … “
“ ተጣላችሁ!!...”
“እ… በናትህ የአሁኑን የዛሬን ብቻ … አንተ ጋ ነው አይደል አሁን “
አፈር ይብላና ይሄ ጋንድያ አጠገቤ ተጋድሞ ያንኮራፋል … ዛሬም እንደተለመደው ተጣልተው ነው እኔ ጋ የመጣው ፡፡ ሌላ መሄጃ የለውም፡፡ምን እንድየብኝ እንጃ እንዲሁ ያምነኛል፡፡ያለምክንያት ፡፡ ሲጨንቅ!! ፡፡
የማደንቅለት ነገር የፈለገ ቢናደድ ቢበሳጭ መሸሽ እንጂ እጁን ሰው ላይ ማንሳት አደለም ክፉ ቃል ከአንደበቱ እንዲወጣ አይፈልግም ፡፡
እኔ ደግሞ ይሉኝታ ይዞኝ እንጂ ሁለቱም ባላያቸው አጠገቤ ዝር ባይሉ እወዳለሁ ፡፡ ባልና ሚስት ተብዬውን፡፡
ችግር አለብኛ ፡፡ እሷን የማውቃትን ያህል አያውቃትማ ፡፡ የመረረ ነገር ተፈጥሮ ተለያይተን እንጂ ፍቅረኛሞች እንደነበርን ኣያውቅማ ፡፡ ላንለያይ የተለያየን፡፡ እህል ውሃችን አጓጉል የተጋጠመ፡ ፡ ርቀታችን አጋጣሚ በሚባል በማይታመን የብረት ገመድ ተተብትቦ እንደተያያዘ አያውቅም፡፡ ቢያውቅማ …..!!
እሸሻለሁ ብዬ መያዜን.. አመልጣለሁ ብዬ ጭራሽ ለኢላማ መመቻቸቴን ሳውቅ ባይደክመኝ ነበር የሚገርመው፡፡
ኡፍፍፍፍፍፍ ….
ሚስቱ ፍቅረኛዬ ነበረች፡፡ እብድ ያልኩላት ፍቅረኛዬ ፡፡ ይህንን እሱ አያውቅም ፡፡ ከተለያየን ከዓመታት በኋላ ነው እሱ የልብ ጓደኛዬ ሆኖ አንድ ቀን ቤቱ ጋብዞኝ ጉዴን ያየሁት ፡፡ጉዴን ልበል እንጂ… የጉዴ ፍላጭ አይን ውስጥ የምወደው አባቴ …. የአገጯ ጉድጓድ እህቴን … ምን መአት ነው !!
እጣፋንታዬን መበላሸቱን ባውቅም ላለማየት ያደረኩት ጥረት አልሳካ አለኝ፡፡ መጥፎ እድሌ በግድህ እየኝ አለኝ ፡፡ያውም እየደጋገምኩት፡፡ያውም እየተመላለስኩ ፡፡ ባንዱ ጥፋቴ ሚሊየን ጊዜ ተቀጣሁ ፡፡ ባንድ ጥይት ሁለቴ ስትሞት አሟሟትህ አያሳዝንህም ፡፡ አለ አይደል እየጠላኸውም የሚናፍቅህ ስቃይ …ቀባጠርኩ … ጭንቀቴ ነውኮ
“ሚጣዬ ማነው ስምሽ!” አልኳት ህፃኗን እጇን እየሳምኳት
“መክደሽ ….”አለችኝ ፡፡ አፏ ይጣፍጣል፡፡ ቀና ብዬ እናቷን አየኋት፡፡ከእንባዬና ከድንጋጤዬ ጋ እየታገልኩ፡፡
መቅደስ የሴተኛ አዳሪዋ እናቴ ስም ነው፡፡ ታውቃታለች፡፡ ኮረንቲ ተበጥሶ ሞታብኝ … እሷ ናት ያፅናናችኝ ፡፡ እናቴን እወዳት ነበር፡፡”ወይ ሙትና የእድር ገንዘብ አብላኝ !” ብትለኝም ስትሰክር ፡፡ ታውቃለች እንደምወዳት ፡፡
“ ልጃችንን ስሟን መቅደስ እልልሃለው !” ብለኝ ነበር ፡፡
“ሌላ ቀን ምን ላምጣልሽ? “ አልኳት
“ቲኒሽዬ ወንድም አምጣልኝ…. እናቴ ቲኒሽዬ ወንድም አምጥታልኝ ነበረ… እዝጋቤር ና ብሎት ሄደ ..ታመጣልኛለህ አባቢኮ… ?”
“ሂጂ ውጪና ተጫወቺ !!”
ቀና ብዬ እናቲቱን አየኋት ….አሁን እሷው ነች ከእምባዋና ከድንጋጤዋ የምትታገለው ፡፡ አውቅባታለሁ፡፡
ከምኔው ይሄ ሁሉ በሷ ሆነ???… እኔ የት ሄጄ ??
ኡፍፍፍ ደክሞኛል በቃ!! ትክት ብሎኛል !! ይሄ ባሏ አጠገቤ ተጋድሞ ያንኮራፋል ፡፡ ወንድም አገኘሁ ብሎ፡፡
በዚህ ሁሉ ሃሳብ አለመሞቴ ደንቆኛል ፡፡
እውነት!!! “መቅደስ!” ልጄ ባትሆን እስካሁን አቅም አይኖረኝም ነበር፡፡


ዘምሽ✍️

።።።።።👇👇👇👇።።።።።
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋
🦋🦋 t.me/kinchebchabi 🦋🦋

ፀሎቴን ባሰማ ፥ እንደሰው ዝም አለኝ
እሱንም ዘመቻ ፥ ወሰዱት መሰለኝ
.......
የእቴሜቴ ጀምበር
©ሲራክ ወንድሙ
.
እረኛ አይዘምርም ፥ ዝም ነው አድባሩ
ፋኖስ ክሩን አጥቷል ፥ መሸ ደህና እደሩ
ቡሬ መንደር ራቃት ፥ የለችም ከቤቷ
በሌት አልዘመረች ፥ ከፍቷታል ወፊቷ
ማልዶ ሌት ሚያነቃኝ ፥ ዶሮ በጉድ ወጣ
የሌት ድምፁን ሸጦ ፥ መውዜር ይዞ መጣ
ወዲያም ወደ ሰማይ
ከጎጆዬ በላይ
ፀሎቴን ባሰማ እንደሰው ዝም አለኝ
እሱንም ዘመቻ ወሰዱት መሰለኝ
.
የዛች የእዝነት አርማ ፥ የህዋ ላይ ሰንደቅ
እንዴት ቀን ከፍቶባት ፥ ውብ ጀምበሯ ትጥለቅ
ከዛች ከገራገር ፥ ከደጊቱ ዳሴ
እንደምን ብርቅ ይሁን ፥ ሰላም ለእለት ጉርሴ
ኧረ እንደምን በምን
ኧረ እንደምን በምን
አምነን ያነገስነው ብራ ቀን ይዳምን
እኔን አፈር ይብላኝ ፥ ለእኔ ቀኑ ይክፋ
አንቺን ያሳጣችሽ ፥ ያች አለም ትደፋ
እስከ መች አስከ መች ፥ የአረር ሙዳይ ቋጥረን
እንደጃኖ ኩታ ፥ ዝናር ጥለት አርገን
ሀገር እያጠፋን ፥ ያልፋል እንላለን ?
እንዴት ነው መሰንበት ?
መውዜር እንደነዶ በሚመዘዝበት?
ኧረ እንደምን በምን
ኧረ እንደምን በምን
አምነን ያነገስነው ብራ ቀን ይዳምን?
.
ከጩኸትሽ ማዶ ፥ ካኮረፈው ሰማይ
ቄራ ከመሰለው ፥ ከአድማስሽ ሸራ ላይ
እብሪት ያጠላበት ፥ ምስል ድንገት ካየው
ለቸር አንመስለኝም ፥ ያን ጊዜ ፈራለሁ
አርብ አርቡን አመሻሽ
የሰማዩ ገላ ሲመስል የደም ሻሽ
ንትብ የለበሰ
ከወደ አንገቱ ዘሞ የተዘለሰ
ይሁዳሽን ባላይ ፥ ወድቆ ሲያንሰራራ
መስቀል ሆኗል ለሻጭ ፥ ገዢ ራሱን ያኩራ
ከክርስቶስ ይልቅ ፥ ይሁዳ ነውና ሚረከብ መከራ
ምክኒያቱም ......
ዘመን እያሰፉ
ትውልድ ለሚነቅፉ
ነገር ጠንቷል ዛሬ ፥ አውቀውት ይረፉ
ለሻጭ መስቀል ሊሆን ፥ ምሏልና ዛፉ
.
በኑረት ቀራንዮ ፥ በህይወት ጎለጎታ
ከገዳይሽ ቀዬ ፥ አንቺ ሆነሽ ጌታ
በሰማያ አኮርባጅ ፥ ወዲያ ስትላጊ
የመከራን መስቀል በሌት ተሸክመሽ ፥ መንገድ ስትፈልጊ
ጨረቃዋ ገባች ፥ ከደመና ጉያ
ከዋክቶች ሸሽተው ፥ እንደሰደድ ቋያ
ጠረንሽን ገፍተው ፥ ከገላሽ ሲርቁ
በንቄት ሸምቀው ፥ ሊጥሉሽ ዘለቁ
.
ዞር ብንል ወዲያ ፥ አራራይ መረዋ
ቀና ብንል ኦና ፥ የጠቆረ ህዋ
የፀሎትሽ ጩኸት ፥ ካልደረሰው ያ ' ቃል
እሱም እንደሰዉ ዘምቶልሽ ይሆናል።
..................... //// ..............
©ሲራክ ወንድሙ @siraaq
የእቴሜቴ ጀምበር
ህዳር ፳፻፲፬ ዓ.ም
http://t.me/kinchebchabi

#ቅንጭብጭብ_ኢትዮጵያ

#አበባ_አየሁ

©ሲራክ ወንድሙ

እሩቅ ለሩቅ ሆነን
ይጠባል መስከረም ፥ ይታጠናል ህዳር
ፀደይ እየዳኸ
ክረምት ይጋልባል ፥ ተስፋዬን ሳሳምር

አምና በዚህ ሰዓት ፥ ጠበቅኩሽ በውርጩ
እስኪያልፍብኝ ሀሩር ፥ ወፎች እስኪንጫጩ

ጠበቅኩሽ ፥ ጠበቅኩሽ
የሌት ውብ እንቅልፌን ፥ በናፍቆት መጅ ድጬ
በመምጣትሽ እርሾ ፥ ልቤን አሳብጬ።

የአንቺ ሀገር ወዴት ነው የአድማስሽ አቀበት ?
እግሬን ላወላዳ ፥
ይቆምልኝ እንደው የልቤ ትኩሳት
ተይ ንገሪኝ ባክሽ ፥ ወዴት ነው ባዕቱ
ካቻምና ላይ ቆሜ ፥ መነነ ዘመኑ ከነፈ ጊዜያቱ

የተራራው ደረት በአደይ ፂም ጎልምሶ
የሀምሌ ጨለማ
ባባረረው ብርሃን ፥ ሲሄድ ተለሳልሶ
እንደው ለአዲስ ዓመት ፥ ትጋቴን አስታውሰሽ
ናፍቆት ፣ ተስፋ ፣ ፍቅርን - አንድ ላይ ታቅፈሽ
በሬን ከፍተሽ ግቢ ፥ አበባ - አየሁ ብለሽ
....
©ሲራክ @siraaq
https://t.me/kinchebchabi

ይመስላል ፍለጋ

@siraaq
.

ለበራድ ፡ ጎጆዬ ፡ እንዲሆናት ፡ ብዬ ፥ ፍሙን ፡ ብልክላት፣
ያቺ ፡ የአደራ ፡ ፍሜ ፥ በመንገድ ፡ አግኝታ ፡ ቦታ ፡ ብትጠይቃት ፣
አላውቃትም ፡ ብላ ፥ ዘማ ፡ አሳለፈቻት።
ፍም ፡ አላት ፡ ይሉኛል ፥ አይሞቃትም ፡ ዳሴን፣
ነብስ ፡ አለህ ፡ ይሉኛል ፥ አልሞላም ፡ በድኔን።
ፈልጌ ፡ አስሼ ፡ አገኛት ፡ እንደሆን ፥ ውብ ፡ ቀኔን ፡ ብሰዋ፣
አልተገናኘችም ፡ ከጥንት ፡ እስከዛሬ ፥ ነብሴ ፡ ከስጋዋ።
....****......*****.....
መስከረም ፳፻፲፭ ዓ.ም
''''''''''''''''' ' " ''''''''''''''''''''''''''
©ሲራክ ወንድሙ
https://t.me/kinchebchabi

ንጥል ፥ ተጓዥ አዳም
.
©ሲራክ ወንድሙ
.
ነብሴ የግጥም ድርድር
ልቤ የ' ዋ ባህር
ስሜ አፈር ገፊ - ኮስታራ ፏፏቴ
አደዬን አክስሜም - አልደርስም ከቤቴ
°°°°°°°°°
መስከረም ፳፻፲፭ ዓ.ም
-------------
https://t.me/kinchebchabi