ရန်ကုန်၊ သင်္ဃန်းကျွန်းမြို့နယ် ရဲစန်းကို လက်ပစ်ဗုံး ပစ်သွင်း တိုက်ခိုက်မှု ရဲ ၂ ဦးသေဆုံး၊ လူနာတင်ကား ၂ စီး ရဲစခန်းထဲ ဝင်ရောက်သွား

ရန်ကုန်၊ မတ် ၂၅

ရန်ကုန်မြို့၊ သင်္ဃန်းကျွန်းမြို့နယ် ရဲစန်းကို လက်ပစ်ဗုံး ပစ်သွင်း တိုက်ခိုက်ရာ ရဲ ၂ ဦးသေဆုံးပြီး လူနာတင်ကား ၂ စီး ရဲစခန်းထဲ ဝင်ရောက်သွားကြောင်း Urban Justic အဖွဲ့ခေါင်းဆောင် Venom က ရန်ကုန်ခေတ်သစ် မီဒီယာသို့ ပြောဆိုသည်။

ယနေ့ မတ်လ ၂၅ ရက်နေ့ ညပိုင်းတွင် သင်္ဃန်းကျွန်းမြို့နယ် ရဲစခန်းကို Urban Justic အဖွဲ့က လက်ပစ်ဗုံး ၂ လုံး ပစ်သွင်း တိုက်ခိုက်ရာ ရဲ ၂ ဦးသေဆုံးပြီး ၂ ဦး ပြင်းထန် ဒဏ်ရာရရှိခဲ့ကြောင်း သိရသည်။

"ဒီည သင်္ဃန်းကျွန်း ရဲစခန်းကို လက်ပစ်ဗုံး ၂ လုံးနဲ့ ဆော်တာ ရဲခွေး ၂ ကောင် သေတယ်။ ၂ ကောင် ပြင်းထန် ဒဏ်ရာရတယ်" ဟု Urban Justic အဖွဲ့ခေါင်းဆောင် Venom က ပြောဆိုသည်။

အဆိုပါ တိုက်ခိုက်မှု ဖြစ်ပွားပြီးနောက် ရဲစခန်းအနီးရှိ လမ်းမကို ပိတ်ချထားကာ အင်အားအများအပြားဖြင့် စစ်ဆေးမှု ပြုလုပ်နေပြီး ရဲစခန်းအတွင်း လူနာတင်ကား ၂ စီး ရောက်ရှိကြောင်းသိရသည်။

ယင်းမာပင်တွင် သပိတ်စစ်ကြောင်း ၂ ခုပေါင်း၍ 'မတရားတဲ့ စစ်မှုထမ်းဥပဒေကို ဆန့်ကျင်ကြ' စာသားကြွေးကြော်ကာ ချီတက်ဆန္ဒပြ

ရန်ကုန်၊ မတ် ၂၅

စစ်ကိုင်းတိုင်း၊ယင်းမာပင်မြို့နယ်တွင် "တော်လှန်ရေး သွေးမအေး တောင်ပုသွေး ''သပိတ်စစ်ကြောင်းနှင့် '' ပြည်သူ့အားမာန် '' သပိတ်စစ်ကြောင်းတို့ ပူးပေါင်းပြီး 'မတရားတဲ့ စစ်မှုထမ်းဥပဒေကို ဆန့်ကျင်ကြ' စာသားကိုင်စွဲကြွေးကြော်ကာ ကျောင်းသားပြည်သူလူထုသည် စစ်အာဏာရှင်ကို ဆန့်ကျင်ချီတက်ဆန္ဒပြခဲ့ကြသည်။