Universal Donor

မင်းကို သတိရမိသွားရင် ...

အဲ့ဒီနေ့တွေက ပျော်အောင်နေဖို့သိပ်ခက်တယ် ကောင်မလေးရဲ့ မတွေးဘူးလို့နေတာပါပဲ မေ့ပါပြီလို့ ညာတာပါပဲ ဒါပေမယ့် တကယ်တကယ်တမ်းကျတော့ အတွေးထဲ မင်းနာမည်လေး မင်းပုံစံလေး ပြန်မြင်ယောင်ရင် အဲ့ဒီတစ်နေ့လုံးက ဖုန်းဆက်ဖို့ တပြင်ပြင်နဲ့ ပြီးရင် ဆက်ဖြစ်တာလည်း မဟုတ်ဘူး ။ စာတွေရိုက်လိုက် ပြန်ဖျက်လိုက်နဲ့ ပြီးရင် ပို့ဖြစ်တာလည်းမဟုတ်ဘူးလေ ။ ဒီလိုပါပဲ အဆင်ပြေရဲ့လား ငေးကြည့်တယ် အဆင်ပြေနေတယ်ဆိုတော့လည်း စိတ်ထဲ တစ်မျိုးပဲ ကိုယ်မရှိပဲပျော်အောင် နေတတ်တဲ့ မင်းကို နည်းနည်းလေး မနာလိုနေသလိုမျိုးလေ ။

မင်းသိရဲ့လားဆိုတဲ့ စကားလုံးတွေလဲ မသုံးချင်တော့ဘူး ကောင်မလေးရဲ့ ... ပြီးတော့ မင်းရှိနေရဲ့လားဆိုပြီးလည်း လိုက်မရှာချင်တော့ဘူး ။ ပြီးသွားပြီဆိုတဲ့ အတိတ်ကို ပြီးသွားပြီဆိုတဲ့အတိုင်းပဲ နေရာမယွင်း ထားခဲ့ချင်တယ် လက်ရှိအခြေအနေတွေမှာ အတိတ်က အကြောင်းအရာတွေ လာပြီး မနွယ်စေချင်တော့ဘူး ။ ချစ်ခဲ့တာပဲလေဆိုတဲ့ စိတ်နဲ့ဖြေပြီး မင်း မချစ်တော့ဘူးလေ ဆိုတဲ့ အရှိတရားကို အသိတရားရချင်တယ် ဒီလောက်ပဲ မင်းကို လွမ်းလို့ ပြီးတော့ သတိရလို့ဆိုပြီး ဘယ်သူ့ရှေ့မှာမှ ပြိုလဲ မပြချင်တော့ဘူး ။ ငိုလည်း မချချင်တော့ဘူး ။

အမှတ်တရဆိုတာ မှတ်မိတဲ့လူပဲ နာရတတ်တဲ့ အနာတရနဲ့တူတယ် ... အဲ့ဒီတုန်းကလေဆိုတဲ့ စကားလုံးမျိုးက ဘာမှ မဟုတ်ပေမယ့် မင်းနာမည်ပါလာရင် မတွေးပဲ ဘယ်လိုနေရမှာလဲ သီချင်းစာသားလေးတစ်ကြောင်းကပဲ ဖြစ်ဖြစ် ဒါမှမဟုတ် စကားလုံးလေးတစ်လုံးကပဲ ဖြစ်ဖြစ် မင်းကို လွမ်းမိသွားဖို့ သတိရသွားဖို့ လုံလောက်ပေမယ့် မင်းကို သတိရင်မိသွားရင်လေ ပျော်အောင် နေဖို့သိပ်ခက်တယ် ။ စိတ်နဲ့လူနဲ့ ကပ်နေဖို့ သိပ်ခက်တယ် ။

မင်းကို သတိရမိသွားရင် အဲ့ဒီနေ့ အဲ့ဒီရက်တွေက အဆင်ပြေဖို့ သိပ်ခက်တယ်။

#Lin
#crd_to_owner_with_respect

❤1

35 views13:06