‍ 🌺بەناوی خودا🌺


#شەڕڤان

دیسان بۆنی باڕووت و خوێن
دیسان کوشتن ، ڕفێن ڕفێن

دیسان هاوار و بۆردمان
دیسان ڕۆڵەی بێ سەر و شوێن

دیسان ڕمانی ماڵی کورد
دیسان فڕۆکەی خەو پەڕێن

دیسان دەنگی بێدادیە و
سەد پیلانی گەند و نهێن

دیسان دیسان مناڵی کورد
بە چەشنی گوڵ هەڵدەوەرێن

دیسان ئایەی مەرگ و نەمان
نەیارەکان بۆ کورد دەڵێن

دیسان کورد و ئاوارەیی و
سەدان ڕووداوی دڵتەزێن

دیسان هێزی عوسمانییە و
ئەردوغانی تینوو بە خوێن

دیسان کورد و تەنیاییە و
سەدان دۆستی پەیمان شکێن

دیسان هۆڵی مافی بەشەر
بۆنەتە مەڕ ئەوەی لەوێن

سەریان شۆڕ بێت هەر هەموویان
ئەوان دژی بەشەر دەدوێن

ئەی ئەوانەی دژی داعیش
کوردیان دەویست ئێستا لە کوێن

بڕۆن بڕۆن ئێوە خێڕین
بڕۆن بڕۆن هەموو هەڵێن

تاکوو شەڕڤان کچە کورد بێت
بە ئەردوغان قەت نابەزێن


✍ #کاوە_داشبەندی
@joolandeh

تف لە ویژدانی مردووتان
نفرین لە مردوو و زیندووتان
لە کردەوەی ڕابردووتان
لە شیری پیسی خواردووتان

تف لە دڵی پیس و ڕەشتان
مەرگ و نەمان ببێ بەشتان
وەکوو دایکانی ڕۆژ ئاوا
کۆرپە بمرێ لە باوەشتان

تف لە سەری پەست و شۆڕتان
لە تانگ و تۆپ و قاپۆرتان
خۆتان، کۆرپە و وەها بمرن
کەس نەزانێ شوێنی گۆڕتان

تف لە خۆتان و نۆکەرتان
لە چەقەڵی دەور و بەرتان
کورد بە ئێوە قەت نامرێ
خاکی گشت عالەم بەسەرتان

#کاوە داشبەندی