Plastik kartadan ortiqcha yechib olingan mablag‘ egasiga qaytarildi

Paxtachi tuman iste’molchilar huquqlarini himoya qilish jamiyati tomonidan tumanning "Ehtirom" ko‘chasida yashovchi I.T.ning plastik kartasidan “Best oil gaz” MCHJ xodimlari tomonidan ortiqcha yechib olingan mablag‘ni qaytarib olishda qiyinchilikka duch kelayotganligi xususidagi murojaati o‘rganildi.

Ma’lum bo‘lishicha, iste’molchi avtomobiliga yoqilg‘i quyish maqsadida “Best oil gaz” yoqilg‘i quyish shaxobchasiga boradi. Avtomobil uchun quyilgan yoqilg‘i uchun to‘lovni amalga oshirish jarayonida “Best oil gaz” MCHJ xodimlari tomonidan iste’molchi I.T.ning plastik kartasidan ortiqcha pul yechib olinadi. Fuqaro o‘z navbatida ortiqcha yechilgan mablag‘ni qaytarib berishlarini talab qiladi. Ushbu harakatlari samara bermagach, federatsiyaning 1091 qisqa raqamli ishonch telefoni orqali murojaat qoldiradi.

Masalaga tuman jamiyati mutaxassislari aralashuvi tezda o‘zining ijobiy samarasini ko‘rsatdi va iste’molchidan ortiqcha yechilgan mablag‘ summasi uning bank plastik kartasiga qaytarildi.

Federatsiyaning rasmiy sahifalari👇
Telegram | Facebook | YouTube | Istemol.uz

Sudda isteʼmolchi huquqlari himoya qilindi

Nukus shahrida istiqomat qiluvchi fuqaro X.A oʻzining Lacetti markali avtomashinasini taʼmirlash va texnik xizmat koʻrsatuvchi yakka tartibdagi tadbirkor S.Dga oʻzaro ogʻzaki shartnoma qilib 36 mln soʻmga 15 kun muddatda taʼmirlab berishlikni kelishib topshiradi.
Ammo, oʻz muddatida taʼmirlash ishlari bitmaydi. Bir oydan oshiq muddatda avtomashinani egasiga topshiradi, ammo mashina egasi koʻrsatilgan xizmatdan qanoatlanmaydi, xizmat koʻrsatuvchiga ish haqi va mashinaga solingan qismlar uchun jami 32 500 000 soʻm mablagʻ toʻlaydi.

"Nukus nodavlat sud ekspertizasi" JChJ tomonidan taʼmirdan chiqqan avtomashina texnik koʻrikdan oʻtkazilganda bu taʼmirlash ishlari va ish haqi uchun 20 214 725 soʻm yetarli deb koʻrsatib beradi.

Isteʼmolchi yakka tartibdagi xizmat koʻrsatuvchi tadbirkor mijozdan 12 285 275 soʻm ortiqcha olingan deb masalani qonuniy hal etib berishlarini so`rab Nukus shahar isteʼmolchilar huquqlarini himoya qilish jamiyatiga murojaat qiladi

Nukus shahar isteʼmolchilar huquqlarini himoya qilish jamiyati tomonidan iste’molchi huquqi sudda himoya qilinib, sudning hal qiluv qaroriga ko'ra da'vo talabi qanoatlantirilgan.

Da’vogar X.A. manfaatiga moddiy zarar uchun 13 185 275 soʼm, ma’naviy zarar uchun 3 000 000 soʻmni undirib berish to'g'risida hal qiluv qarori chiqarilib, muammo ijobiy hal qilib berildi.

Federatsiyaning rasmiy sahifalari👇
Telegram | Facebook | YouTube | Istemol.uz

Federatsiya xodimlari nufuzli dargohda malakalarini oshirmoqdalar

O‘zbekiston nodavlat notijorat tashkilotlari milliy assosiasiyasi tashabbusi bilan O‘zbekiston Respublikasi Prezidenti huzuridagi Davlat boshqaruvi akademiyasida NNTlar rahbarlarini qayta tayyorlash va ularning malakasini oshirishga qaratilgan o‘quv bo‘lib o‘tmoqda.

Undan ko‘zlangan maqsad O‘zbekiston Respublikasi Prezidentining “2021-2025-yillarda fuqarolik jamiyatini rivojlantirish konsepsiyasini tasdiqlash to‘g‘risida”gi farmonida belgilangan vazifalar ijrosini ta'minlash, Yangi O‘zbekiston taraqqiyot strategiyasida belgilangan maqsadlarni amalga oshirishda NNTlarning roli va ahamiyati, qolaversa, kuchli fuqarolik jamiyatini shakllantirish yo‘lida “uchinchi sektor” uchun kadrlarni tayyorlash va ularning malakasini oshirish kabilardan iboratdir.

O‘quv kursida Federatsiyaning Farg‘ona viloyat hududiy birlashmasi tizimidan Marg‘ilon shahar hamda Yozyovon tumani iste'molchilar huquqlarini himoya qilish jamiyatlari rahbarlari Ikromjon Abduraximov va Ma'muraxon Umarovalar ham ishtirok etmoqda.

Federatsiyaning rasmiy sahifalari👇
Telegram | Facebook | YouTube | Istemol.uz

Tovar va mahsulotlarning sifatiga e’tibor qaratish, sifatsiz mahsulotlarni xaridi bilan bog‘liq holatlar va ularga nisbatan kо‘rilayotgan chora-tadbirlar xususida O‘zbekiston iste`molchilar huquqlarini himoya qilish jamiyatlari federatsiyasi Qashqadaryo viloyati hududiy birlashmasi mutaxassisi bilan suhbat jarayoni.

Iste’molchilar huquqlari qonun himoyasida

O‘zbekiston iste’molchilar huquqlarini himoya qilish jamiyatlari Federatsiyasi hamda uning hududiy tuzilmalariga har kuni u yoki bu ko‘rinishda turli sohalarga oid murojaatlar kelib tushadi. Har bir murojaat qayd etilib, atroflicha o‘rganish uchun mutaxassislarga yo‘naltiriladi, qonunda belgilangan tartibda va muddatda ko‘rib chiqiladi. Maqsad esa iste’molchilarning muammolarini tez va ijobiy hal etishdan iborat.

Surxondaryo viloyat iste’molchilar huquqlarini himoya qilish birlashmasi, tuman (shahar) jamiyatlari mutaxassislari sa’y-harakati sabab bir qator murojaatlar o‘zining ijobiy yechimini topdi. Sariosiyo tuman “Bo‘yrapo‘sh” mahallasida yashovchi F.R. murojaatida tumanda joylashgan chiqindi to‘plash va olib ketish bilan shug‘ullanuvchi “BIO-TEX-EKO” mas’uliyati cheklangan jamiyati tomonidan fuqaro xonadoniga hisoblangan 698 680 so‘m noreal qarzdorlikdan norozi ekanligi keltirilgan. Ayni mazmundagi yana bir murojaat Uzun tumani “Do‘stlik” mahallasida istiqomat qiluvchi fuqarodan ham kelib tushgan. Murojaatga ko‘ra, BIO-TEX-EKO” mas’uliyati cheklangan jamiyati tomonidan 762 800 so‘m ortiqcha hisoblangan.

Mazkur murojaatlar tuman jamiyatlari xodimlari tomonidan atroflicha o‘rganilib, yuqorida keltirilgan qarzdorliklar haqiqatda asossiz ekanligiga oydinlik kiritildi. Hisoblangan noreal qarzdorlik esa bekor qilinishiga erishildi.

Bandixon tumani “Saroy” mahallasida yashovchi fuqaro M.K.dan kelib tushgan shikoyat xatida esa iste’molchi xarid qilgan termos sifatsiz ekanligi bayon etiladi. Nuqsonli mahsulotni sifatlisiga almashtirish bo‘yicha sotuvchiga qilingan murojat besamar ketgach, fuqaro Bandixon tuman iste’molchilar huquqlarini himoya qilish jamiyatiga yuzlangan. Tuman jamiyati xodimlari mazkur murojaatni joyiga chiqib o‘rganganida, sotilgan mahsulot chindan nuqsonli ekanligiga oydinlik kiritildi. Bu kabi vaziyatda iste’molchining qonuniy manfaatlari va sotuvchi tomonning majburiyatlari yuzasidan tushuntirish ishlari o‘tkazilganidan so‘ng, sotuvchi mahsulotni sifatlisiga almashtirib berdi. Yana bir iste’molchi murojati ijobiy hal etildi.

Federatsiyaning rasmiy sahifalari👇
Telegram | Facebook | YouTube | Istemol.uz

NAMANGANDA QARIYB 10 MILLARD SO'M MABLAG' ISTE'MOLCHILAR FOYDASIGA QAYTA HISOB-KITOB QILINDI

Kengash yig‘ilishida viloyatda iste’molchilar huquqlarini himoya qilish borasida 2025-yilning 3 oyi davomida amalga oshirilgan ishlar tahlil qilindi.

Xususan, viloyatda isteʼmolchilar huquqlarini himoya qilish jamiyatlariga isteʼmolchilar tomonidan 530 ta murojaatlar kelib tushgan. Ularning 69 tasi yozma ,461 tasi ogʼzaki, shundan ( 44 tasi elektron shaklda boʼlib), barcha arizalar tegishli tartibda oʼrganib chiqilgan.

Hisobot davrida hududiy birlashma va uning tuman (shahar) jamiyatlari tomonidan murojaatlar sohalar kesimida koʼrib chiqilib, isteʼmolchilar manfaatlariga yetkazilgan 9 778 126 998 (to`qqiz milliard yetti yuz yetmish sakkiz million bir yuz yigirma oltti ming to`qiz yuz to`qsan sakkiz ming) soʼm moddiy va maʼnaviy zararlar qayta hisob-kitob qilinishi va undirib berilishi taʼminlangan.

Shuningdek, joriy yil davomida 2 ta murojaat yuzasidan isteʼmolchilarga yetkazilgan zararlarni undirish yuzasidan fuqarolik ishlari boʼyicha sudlarga daʼvo arizalari kiritilib, isteʼmolchilar manfaatlariga yetkazilgan 5 129 900 soʼm zararlar sud orqali undirilgan.

Yig'ilish davomida iste’molchilar huquqlarini himoya qilishga doir chora-tadbirlar ijrosi, amalga oshirilgan ma’naviy-ma’rifiy ishlar hamda loyihalar, kelib tushgan murojaatlar va ularning yechimlari muhokama qilindi. Erishilgan yutuqlar va yo‘l qo‘yilgan kamchiliklarni bartaraf etish yuzasidan takliflar tinglandi.

Federatsiyaning rasmiy sahifalari👇
Telegram | Facebook | YouTube | Istemol.uz