#ኩራት

ኩራት እጅግ ከተወገዙና አፀያፊ ከሆኑ ባህሪዎች አንዱ ነው። ኩራት የሰይጣንና አንጃዎቹ መለያ ሲሆን በተለይ የኢስላም ቀንደኛ ጠላቶች የሆኑት የአይሁዳውያን መገለጫ ነው።

ሰዎች በተለያዩ ምክንያቶች አፀያፊ በሆነው የኩራት በሽታ ይፈተናሉ። ከእነዚህ ምክንያቶች ጥቂቶቹ እነዚህ ናቸው ፦

አንደኛ፦
ኩራት በልብ ውስጥ ከሚገባባቸው በሮች አንዱ የእውቀት በር ነው። አንዳንድ እውቀትን ቀስመዋል የሚባሉ ሰዎች አብዛኛውን ጊዜ ከነሱ በላይ አዋቂ ያለ እስከ ማይመስላቸውና የእውቀት ጥግ የደረሱ ይመስል በኩራት ሲወጠሩ ትታዘባለህ። በተለይ ጥቂትን እውቀት የቀሰመ ሰው የበለጠ ለኩራት የተጋለጠ ነው። ይህ ከባድ አደጋ ሲሆን አላህ ያዘነለት ሲቀር ብዙዎች ተፈትነውበታል።

አላህ ይጠብቀን!

ሁለተኛ፦
ሁለተኛው የኩራት በር የጎሳ ፣ የዘርና የውበት (የቁንጅና) በር ነው። ከርሱ ውጭ ሌላው ጎሳ ጭራ የሚመስለው ዘሩ ከአፈር ሳይሆን ከሌላ ልዩ ከሆነ ነገር የተመዘዘ አድርጎ በመሳል በሌሎች ላይ የሚኮራ በዝቷል። ከዚህ ውጭ ዘመናዊ የቁንጅና ሳሎኖችና መቀባባቶች ብሎም ፎቶ ሾፓች በተንሰራፉበት ዘመን እንኳን ቆንጆው ሌላውም በኩራቱ ትዕቢት ተወጥሯል። ይህ የኩራት በር እጅግ የሰፋ ሆነና አላህ ያዘነለት ሲቀር ብዙዎች የበሩን ቁልፍ የግል ያደረጉት ይመስላል።

ሶስተኛ፦
ይህ የኩራት በር ከቀደምት ጊዜ ጀምሮ የነበሩ አመፀኞች ሲጠቀሙበት የነበረ በር ነው። የነ ፊርአውን ቃሩንና መሰሎቹ መገለጫ ሲሆን ይህም የሀብትና የገንዘብ በር ነው። ፊሉ አላህ ሀብት የሰጠው ከሌላው በተለየ መልኩ ስለ ወደደው አሊያም ስለ መረጠው ይመስለዋል። ሌላው ደግሞ በራሱ ብልሀትና ዘዴ እንዳከማቸው ያምናል። የተሰጠው ገንዘብ እርሱ ዘንድ ያለ አደራ መሆኑን ዘንግቷል። እናም ሌሎችን (ድሆች) ለርሱ የተፈጠሩ አድርጎ በማሰብ እራሱን ይቆልላል፤ ሚስኪኖች ሰው አይመስሉትም አንድ አይን እንጂ ያልተሰጠው እስኪ መስል ድረስ በአንደኛው አይኑ በንቀት ይመለከታቸዋል፤ ከዚህ የከፋ በሽታ የለም።

አላህ ይጠብቀን!

አራተኛ፦
ይህ በር የአንባገነኖች በር በመሆን ይታወቃል፤ ባለስልጣኖች የሚጠቁበት ነው። ስልጣናቸውን ተጠቅመው ሌላውን አሳንሰው ይመለከታሉ፤ ከነሱ ውጭ ያለው ሁሉ የጉንዳን ያህል አንሰው ይታዩዋቸዋል። ስልጣን ጊዜያዊ መሆኑን ፈፅሞ ዘንግተዋል። ዘውታሪ የሆነ የበላይነት የአለማቱ ጌታ የአላህ ብቻ እንደሆነ ሁሌም ይሰማሉ ነገር ግን አምነው መቀበል ይዳግታቸዋል። ከስልጣን የወረዱ ለት ድንጋጤው ከባድ ይሆንና አይኖቻቸው ይፈጣሉ፤ ሆኖም ጊዜው ካለፈ በኋላ ዋጋ አይኖረውም !

ከኩራት ለመራቅ ምን ማድረግ ይጠበቅብናል፦

1) ቀደም ሲል የነበሩ ኩራተኞች መጨረሻቸውን መመልከት፤ ቁርአን ከኩራተኞች አንጃ ከሆነው ሰይጣን ጀምሮ የሌሎቹንም መጨረሻ ምን ያህል አስከፊ እንደሆነ ነግሮናልና ታሪካቸውን ማስተንተን አስተማሪ ይሆናል።

2) በተለይ በዘር ፣ በጎሳና በውበት ኩራት የተፈተኑ ሰዎች፤ እንደሌላው እነሱም ሰዎች አንደ መሆናችን መጠን አመጣጣችን ከየት አንደሆነና መጨረሻችው ምን እንደሚሆን ዘወትር ማስተዋል እራስን ሰበር ለማድረግ ያግዛል። ዛሬ ቆንጆ ብትሆን ነገ ያ ሁሉ ውበት የሚረግፍ መሆኑን ለመረዳት ይጠቅማል።

3) ሞትን ማስታወስ ፤ ቀብርን መዘየርና ጀናዛ መሸኘትን ማዘውተርና መጨረሻችን የተለየ እንደማይሆን ማስተንተን።

4) ነገ የቂያም ቀን የኩራተኞች እጣ ፈንታ ምን እንደሆነ ማስታወስና ኩራተኛ የሆነ ሰው ጀነትን ሊገባ እንደማይችል አውቆ እራሱን የእሳት ማገዶ ላለማድግ ተናናሽ መሆን።

5) ረሱል (ሰለላሁ አለይሂ ወሰለም) ያደርጉት እንደነበረው ከሚስኪኖች ጋር መቀራረብ፣ እነርሱን መውደድ፤ ለነርሱም ማሰብና መንከባከብ።

6) ኩራተኛ ከሆኑና ሌሎችን አሳንሰው ከሚያዩ ሰዎች መራቅና የመሳሰሉት ናቸው።

7) ተናናሽ ለሆኑ ሰዎች አላህ ያዘጋጀላቸውን ታላቅ ሽልማት ማስታወስና ያንን ሽልማት ለማግኘት መጓጓት።

አላህ ኩራተኛ ከመሆን ይጠብቀን!