2️⃣ جراحة 3 (بولية وعصبية) :

مادة جديدة على الدفعة 51

🔴 البولية: المنهاج 14 نوطة اشتغلوها الألفابيت، أول 10 نوط عبارة عن مراجعة من غير مواد كالأورام والتمخ ، وبعض النوط صعبة.

النوط 11 ، 12، 13، صعبات، لأنه الترجمة ركيكة، وربما يُعاد ترجمتن من خلال الألفابيت.
النوطة الرابعة كمان صعبة فيها تشريح بيجي عدد قليل منها.

🔥 الأسئلة: البولية كانت جديدة كلياً.
بالدورة التانية جابوا من النوط الأخيرة الصعبة 💔 لذلك كل شي وارد يجي.

بيعطي المادة نفس الدكاترة بيعطوا بالستاج ، د. مصطفى حربا - محمد شريِّف ،شرحن كويس ولكن بتنفهم بدون حضور 😅 وهنن بكتبوا الأسئلة تحت إشراف د.إبراهيم حديد.

🔴 العصبية:
1⃣ بيعطيها دكتور شاب محمد قاضي كمان شرحو كويس ما في سلايدات فالمحاضرة عبارة عن سرد فقط وبعرض صور😁
طالب د. محمد قاضي بكتاب قديم أقسام معينة وطبعها المركز للطلاب.

2⃣ بيعطي د.ماهر أعرج ( دكتور جراحة عظمية رح يعطيكم بجراحة 4) قسم صغير اشتغلوه الألفابيت بس جاب الأسئلة من ملف أتمتة حلينه قبل المادة 😅

⭕️ أهم قسم بالعصبية هو قسم الرضوض والأورام وأكتر قسمين بيجي منن .

⭕️ بقية الأقسام سهلة كم سؤال عالماشي .
تشوهات خلقية (استسقاء + التحام الدروز)، أذية الأعصاب المحيطية ،الآفات الشاغلة للقحف، سوء الرفو الشوكي.

💢 الزبدة : العصبية بتخلص بسهولة تقريبا بتلت أيام ولكن نمط الأسئلة صعب اختر المناسبة ، أما البولية بالعكس فدراستها صعبة ولكن الأسئلة أسهل بإذن الله، و بشكل عام أسهل جراحة هي لأنو العلامات بين ال90 وال95 🔥 كتااار وهناك تسجيلات لمعظم أقسام المادة تجدونهم هنا.

🔴 الستاج: مكانه بالطابق الثالث بمشفى الجامعة.
أسبوعين بقسموا الفئة نص بيحضر بولية أسبوع ونص بيحضر عصبية ، الدوام بالطابق التالت، الستاج مفيد بقسم البولية 😅 فيه صور وفيديوهات وحالات سريرية.
أما العصبية: ما في سلايدات والشرح جيد.

✅ المقابلة: سهلة جداً وعبارة عن ثقافة عامة والعلامات فوق ال18.

⭕️ الدراسة للمقابلة:
البولية: سلايدات البولية 5 ملفات، مجموعين بنوطة الستاج للألفابيت.
العصبية: أهم شي دراسة محاضرة الأعصاب المحيطية، ومحاضرة الرضوض، ويمكن ينسئل من غير شي ، دراسة الستاج يكفيها يومين.

🔴 ملاحظات هامة أخيرة :

✅ المادة في الفصل الثاني تأتي صعبة، وبكلا الدورتين العلامات متقاربة

✅ العصبية فقط بتندرس من الكتاب ، الفنغربرينت مفرغين كلام الدكتور بس هو طالب بحرفية الكتاب.

✅ ما بفيد حل دورات غير آخر دورتين لأنو تجدد المقرر قلنا لل51.

#جراحة3 #ستاج_جراحة3

#ستاج_جراحة3

المطلوب للمقابلة 👇🏻
بيقابلكن لجنتين عادة :

🔹لجنة فيها د.قصي مع بعض المقيمين بالستاج سأل عن أشيع مواضيع الجراحة 3 وكانت ملفات الألفابيت كافية.

🔹لجنة فيها د.أيمن صطوف (دكتور بولية) ود.ماهر أعرج (جراحة عظمية) ود.مرجان كان موجود
يلي عم يحط العلامات كان د.أيمن لذلك كان التركيز عالبولية ومعظم وليس كل الأسئلة من ملف الألفا (ممكن يسألوا عن شغلات بسيطة بالبولية من معلوماتكم العامة) أما د.ماهر كانت أسئلتو صعبة شوي وغريبة بس لا تقلقوا متل ماقلنا البولية أهم.

العلامات عالية وسمعنا أقل علامة 16 واذا جاوبتوا صح 20 بسهولة.


💠 مننصح تدرسوا ملفات الألفابيت،
أول شي اضمنوا ملف البولية لأنو هو عبارة عن السلايدات فقط مع إضافات الدكاترة وإن شاء الله نوعا ما ممكن يتقيدوا الدكاترة بالمواضيع يلي فيه.

وبعدين ملف العصبية ادرسوه لأنو فعليا فيو زيادة كبيرة عن سلايدات الستاج وما معروف اذا ممكن يتقيدوا بمواضيعو.


موفقين إن شاء الله 🌸

‌ ‌ #ستاج_جراحة3
#أسئلة_المقابلات
بوست ثابت لتجميع أسئلة المقابلة كامل الفصل 📣
يلي قدم المقابلة يكتبلنا شو سألوه ليفيد البقية ❤️
🌸 الرجاء كتابة اسم الدكتور 🌸

#بالتوفيق 🌷

💫 الطب البشري 51 || جامعة حلب
🆔 @medicine_Aleppo_51 💯

#أماكن_الستاجات
#ستاج_عصبية: الطابق التاسع قاعة المعلوماتية.
#ستاج_كلية: قاعة الصدرية بالطابق التاني بمشفى الجامعة.
#ستاج_جراحة3: في الطابق الثالث بمشفى الجامعة.
#ستاج_عينية: قاعة الشهيد يوسف اليوسف
#ستاج_أطفال1: الطابق الثامن المخصص بكامله للأطفال.
#ستاج_نسائية: مشفى التوليد.