2️⃣ جراحة 3 (بولية وعصبية) :

مادة جديدة على الدفعة 51

🔴 البولية: المنهاج 14 نوطة اشتغلوها الألفابيت، أول 10 نوط عبارة عن مراجعة من غير مواد كالأورام والتمخ ، وبعض النوط صعبة.

النوط 11 ، 12، 13، صعبات، لأنه الترجمة ركيكة، وربما يُعاد ترجمتن من خلال الألفابيت.
النوطة الرابعة كمان صعبة فيها تشريح بيجي عدد قليل منها.

🔥 الأسئلة: البولية كانت جديدة كلياً.
بالدورة التانية جابوا من النوط الأخيرة الصعبة 💔 لذلك كل شي وارد يجي.

بيعطي المادة نفس الدكاترة بيعطوا بالستاج ، د. مصطفى حربا - محمد شريِّف ،شرحن كويس ولكن بتنفهم بدون حضور 😅 وهنن بكتبوا الأسئلة تحت إشراف د.إبراهيم حديد.

🔴 العصبية:
1⃣ بيعطيها دكتور شاب محمد قاضي كمان شرحو كويس ما في سلايدات فالمحاضرة عبارة عن سرد فقط وبعرض صور😁
طالب د. محمد قاضي بكتاب قديم أقسام معينة وطبعها المركز للطلاب.

2⃣ بيعطي د.ماهر أعرج ( دكتور جراحة عظمية رح يعطيكم بجراحة 4) قسم صغير اشتغلوه الألفابيت بس جاب الأسئلة من ملف أتمتة حلينه قبل المادة 😅

⭕️ أهم قسم بالعصبية هو قسم الرضوض والأورام وأكتر قسمين بيجي منن .

⭕️ بقية الأقسام سهلة كم سؤال عالماشي .
تشوهات خلقية (استسقاء + التحام الدروز)، أذية الأعصاب المحيطية ،الآفات الشاغلة للقحف، سوء الرفو الشوكي.

💢 الزبدة : العصبية بتخلص بسهولة تقريبا بتلت أيام ولكن نمط الأسئلة صعب اختر المناسبة ، أما البولية بالعكس فدراستها صعبة ولكن الأسئلة أسهل بإذن الله، و بشكل عام أسهل جراحة هي لأنو العلامات بين ال90 وال95 🔥 كتااار وهناك تسجيلات لمعظم أقسام المادة تجدونهم هنا.

🔴 الستاج: مكانه بالطابق الثالث بمشفى الجامعة.
أسبوعين بقسموا الفئة نص بيحضر بولية أسبوع ونص بيحضر عصبية ، الدوام بالطابق التالت، الستاج مفيد بقسم البولية 😅 فيه صور وفيديوهات وحالات سريرية.
أما العصبية: ما في سلايدات والشرح جيد.

✅ المقابلة: سهلة جداً وعبارة عن ثقافة عامة والعلامات فوق ال18.

⭕️ الدراسة للمقابلة:
البولية: سلايدات البولية 5 ملفات، مجموعين بنوطة الستاج للألفابيت.
العصبية: أهم شي دراسة محاضرة الأعصاب المحيطية، ومحاضرة الرضوض، ويمكن ينسئل من غير شي ، دراسة الستاج يكفيها يومين.

🔴 ملاحظات هامة أخيرة :

✅ المادة في الفصل الثاني تأتي صعبة، وبكلا الدورتين العلامات متقاربة

✅ العصبية فقط بتندرس من الكتاب ، الفنغربرينت مفرغين كلام الدكتور بس هو طالب بحرفية الكتاب.

✅ ما بفيد حل دورات غير آخر دورتين لأنو تجدد المقرر قلنا لل51.

#جراحة3 #ستاج_جراحة3

#جراحة3
السلام عليكم ورحمة الله 😁
مادتكم القادمة تعتبر أصعب مادة فلازم تستعدوا منيح 👌 الصعوبة تنبع من صخامة المقرر..


🔴 المقرر: للي عندو نوط من السنة الماضية بولية نفسن ما تغيروا بس تعدلت النوطة 13 وصار في 14-15.
وكتاب العصبية صار كلو مطلوب.

🔴 نمط الأسئلة:

📌 البولية: لا تقلقوا من عدد النوط الكتير 😁 لأنو مواضيعها متقاطعة مع عدة مواد متل الأورام و التمخ و الكلية..

و مفاجأتنا الكم في تسجيلات مراجعة لكل المادة بفضل الله 🤓 عدا النوطة الأخيرة 15و نوطة 4 التشريح (السنة الماضية كانت مو مهمة بس هلق قال كتير مهمة انتبهوا 🔥).
رح يساعدوكم كتييير التسجيلات إن شاء الله 🔥 اهتمينا كتير فيهم وقتا..

بتجي أسئلة متوسطة وفي كم سؤال صعب لابد منن 😅

📌 العصبية: أسهل كدراسة ، الكتاب سلس جدا جدا جدا وقيّم علمياً ، ف لاترتعبوا من عدد الصفحات لأنو ورق صغير و الخط كبير و الشرح واضح بيمشي بسرعة 🤓👌
و كأسئلة نسبياً أسهل من البولية بس مشكلتن بجي اختر المناسبة يعني الصح أو الغلط..

للاسف ما قدرنا ننزل وقتا تسجيلات عصبية إلا لقسم الأورام.

🔴 الدوات: بفيدكم تحلوا بس آخر دورتين الدفعة 51.

⭕️ ملاحظات:
🔺 أسئلة الفصل التاني كانت كمان جديدة ما كرروا من أول دورة 😅

🔺 تغير قسم العصبية ف مافيكم تعمتدوا على اكسترا الفنغربرينت.

🔴 المادة ضخمة بس صدقا إذا اندرست صح مو متل الجراحات السابقة بتنجاب معدل وعلامات فوق ال٩٠ بوقتنا كانت كتيرة ف اتكلوا على الله وبلشوا 🤓 وتفاءلوا بالخير ❤️
قسموا الوقت منيح وبلشوا بكرا فوراً بدون تردد.

موفقين إن شاء الله جميعاً وبأعلى العلامات 🌸

#جراحة3 #حملة

يا جماعة المادة بدها دراسة لتترفع ما منها مهرب فالأسئلة كمان بتجي جديدة بهالدورة مع تكرار كم سؤال من آخر دورتين فقط (الدفعة51 و 52)

للترفيع و لضمان علامة جيدة عنا بروتوكول إسعافي: 👇

⭕️ العصبية: في ملخص لقسم د.قاضي بسيط شغل زملاءكم professional surgeon
رح ننشره تحت أو طبعاً اللي ملحق يراجع من الكتاب المقرر و يركز عالأبحاث الهامة

انتبهوا أسئلة العصبية اختر المخالفة..

⭕️ البولية: بصراحة النوط كتار بس ممكن تدرسوا الاكسترا منيح كتير
https://t.me/med51fingerprint/4857
ادرسوا يلي بتقدروا عليه منه، بس انتبهوا الرضوض والعقم وسوء الانتصاب الن نوط جديدة مابكفيهن الاكسترا، حاول تدرسوت الرضوض لأنه أجى منها اسئلة منيح أول دورة
وطبعاً في تسجيلات مراجعة لنوط البولية كتييييييير مفيدات إن شاءالله لا تنسوا تسمعوهم

⭕️ حلوا آخر دورتين احتمال كتير كبير يكرروا أسئلة أو عالأقل أفكار.

موفقين إن شاء الله شدوا همتكم لأنو هي أصعب مادة حمل عندكم ويفضل ما تطلعوا عالسادسة معكم هيك مادة تقيلة 😄