#ستاج_إنتانية
#الخلاصة
ترتيب أولويات الدراسة 👇🏻

1⃣ دراسة ملف الصادات للألفابيت بدل ما تدرسوهم من النوطة

2⃣ دراسة أسئلة الدورات( ببيتا ) أو ملفات المقابلة يلي نشرناهم هون نفس دورات بيتا

3⃣ بعدين بتدرسوا الفقرات الهامة من النوطة يلي تم تحديدها اليوم 😁

🔗تنويه: بالدورات ممكن تشوفوا شغلات مو موجودة بالصفحات الداخلة بالنظري ف عادي درسوهم بجوز يرجع يسأل منن الدكتور

#الخلاصة
الأولية محرضة بالبلع و تحت سيطرة المركز

الثانوية تحت سيطرة المركز بتحريض البقايا الطعمية بمعزل عن البلع

الثالثية ..نفسها الثانوية عمليا لكن بدون سيطرة المركز بسبب القطع أو الرض الحاصل للمركز النووي العصبي "فتتولد ذاتيا" بعد تحريض البقايا الطعامية العالقة

التقلصات الثالثية
بمعزل عن المركز رغم سلامته - متزامنة غير منسقة غير دفعية 👍


تطبيق هالشي سىريرياً ؟👇

#الخلاصة

_رح نزل تسجيل من ص 85 لل 150 تقريبا
_وركزوا ع أول 36 ص
_ودرسوا الصدمة أربسيز
_وحلوا آخر 3 دورات

وهيك إن شاء الله تقريبا نوعا ما منأمن عالمادة إن شاء الله 😃

#أذنية #الخلاصة

🔰 قسم د.مجد بدو دراسة كلو لأنو قصير وبيحي من كلشي حتى أمور التشريح والمسا قبل ال12 إن شاء الله بكون جاهز تسجيلين مراجعة لقسمو

🔰 قسم د.قيصر :
الأذن : دراسة كلشي و #يمكن أول 14 صفحة تشريح وفيزيو هدول بكفو فقرات دوراتن ، أما بقية النوطة درسو كلشي

وإن شاء الله الجمعة المسا أو السبت رح ينزل تسجيل مراجعة للأذن 👌

الحنجرة: مننصح لتضمنوا تدرسوا فقرات دورات + بنك (من بيتا أو فنغر) + دورات
وطبعا مجرد توقع كالعادة ومافي شي مضمون 😁
يلي بزيد معو وقت يقرأ كلشي أضمن.
ومارح نقدر نزل تسجيل الحنجرة لضيق الوقت 💔
#موفقين 🌷

#ستاج_أشعة
السلام عليكم ورحمة الله *^▁^*

البوست الشامل إن شاء الله لما هو مطلوب منا في امتحان عملي الأشعة (كمان الترتيب حسب الأهمية) ..

🔸 نمط الامتحان : صورة شعاعية وعليها سؤال أتمتة إما عن التشريح الشعاعي الطبيعي (قصبة_رغامى..) أو تشخيص حالة مرضية بسيطة (استراوح صدر )أو علامات شعاعية مميزة (علامة الزجاجة بانصباب الجنب _ علامة سكة القطار بالربو )

🔸 مصدر الدراسة الأساسي سلايدات العملي ، جهاز التنفس 👇
https://t.me/Radi0l0gy_1/79
جهاز الهضم 👇
https://t.me/Radi0l0gy_1/78
سلايدات التوليد بتبلش عند الصفحة 27

https://t.me/Radi0l0gy_1/77
🔸 الملف الشهير يلي نصحونا كمان فيو الطلاب الأكبر منا (ملف ال89 ميغا 😂)
https://t.me/Radi0l0gy_1/83

🔸 الملف الشامل: فيو شغلات خارقة 🤩 لازم نطلع عليه ونتدرب على الصور
https://t.me/Radi0l0gy_1/56
يمكن بدو المتصفح يلي تحت الملف ليشتغل.

🔸 فيديوهين مفيدين لدكتور وجدي شرح على نفس السلايدات
https://youtu.be/OvoikqyDh6M
https://youtu.be/idmS5NvaIU8

🔸 بقلب الملف الشامل في ملف عملي للأربسيز رائع جدا شوفوا الأقسام المطلوبة بس خاصةً صورة الصدر من الصفحة 246 للأخير.
https://t.me/R_49_2/84

#الخلاصة بعد الاطلاع على جميع المصادر ، أسرع طريقة للدراسة 👇
أولا : دراسة سلايدات العملي
تانيا : دراسة ملف ال89 ميغا
وتقريبا بدها يومين

🛑 رح نعمل جاهدين إن شاء الله على فيديوهات مراجعة #شاملة تساعدنا جميعا 😃 بس ما منقدر نحدد أيمت بخلصوا بس ادعولنا نلحق 🌸👌

#الخلاصة بعد الاطلاع على جميع المصادر ، أسرع طريقة للدراسة 👇
أولا : دراسة سلايدات العملي
تانيا : دراسة ملف ال89 ميغا
وتقريبا بدها يومين

#طوارئ #الخلاصة
لأنو كتروا المنشورات فجمعنا كلشي مفيد بهالبوست 😌👇

🔸قسم د.رائعة: النوطة شوي طويلة لذلك بتقدروا تدرسوا من ملخص مصطفى الحلو شامل بنسبة كبيرة.
وفي تحت الرابط شوية تعديلات عليه

وفي #تسجيلات مراجعة لقسم د.رائعة ، من هالرابط وتحت لنوطة ال85ص. هنا

_بقي محاضرة جديدة للألفا مو موجودة بملخص الحلو(ادرسوها سهلة). هنا

حلوا دورات د.رائعة كلها تقريبا بتنحل

🔸قسم د.بنّود : فقرات الدورات مهمة كتير وبتكفي حسب الدورات 😁 هنا

وحلوا لعند 2016 تكميلي وقفوا

🔸قسم د.سلّوم : فقرات دورات بتكفي إن شاء الله (أصلا ما في وقت لأكتر من هيك😂).
شوفوهم بالملفات يلي نزلوا عقناة التخدير فخمين محدد عليهم الفقرات👇
من 1 إلى 6 هنا
من 7 إلى 11 هنا
من 12 إلى 14 هنا

_نوطة التسممات مندرسها من أدرينالين

_أو كحل إسعافي من اكسترا الفنغر فيو فقرات الدورات

ودورات د.سلوم فعليا بينحل كلشي.

🔸قسم د.مرجان 9 صفحات بس ، درسوها أضمن وركزوا على فقرات الدورات وفي ملخص اذا بدكم كافي 👌 هنا

_يلي بدو النوطة pdf هنا

🔸قسم د.بساطة 17 ص ، حسب ما شفنا بالدورات لهالقسم حرفيا عم يتكرروا 😁 مع تبديل شوية خيارات
ف يلي ماعندو وقت يكتفي بالدورات.
_نوطة pdf هنا

ودورات هالقسمين بينحلوا كلهم.

بالتوفيق جميعا إن شاء الله 🌸😁.

#الخلاصة

🔹الأبواب المسجلة حاليا (مهمة كتير) :
أول 6 أبواب + البابين 8 و10.

🔹الأبواب الغير مهمة حسب الدورات بيجي منن عدد قليل جدا7_9_18_19
هدول مارح نسجلن وإن شاء الله تكون الدورات كافية

🔹بقي مهم من الباب 11لل16 هدول إن شاء الله رح نحاول نسجلن كلن بكرا وإن ما قدرنا كلنا معظمن إن شاء الله.

🔸ومنذكر أنو الخطة B أي فصل ما بيلحق درسوا دوراتو وخياراتو.

دعواتكم 🌸

#الخلاصة

🔹الامتحان صور من السلايدات مع سؤال عن التشخيص (بدون حالة بس صورة ومابدو لا قصة سريرية ولا علاج)
لذلك لا تتعبوا حالكم بترجمة كل محتوى السلايدات بس بلزمكم صورة وتشخيص
.
15 سلايد بنعرضو مع خيارات بالعربي
عم يعرضوا الشغلات المميزة لاتقلقوا👌😌

+ ممكن يجي اي صورة من السلايدات مثلا منظار قعر العين مباشر او غير مباشر
وكمان جابوا سؤال صورة عن اختبار الدمع (هي من النظري).

مو دائما بتجي نفس صور السلايدات ممكن يغيرو بس بشكل عام اغلبن واضحين
+ الخيارات اجت عربي كلا 😅

🔹موجود صور مفيدة وملفات صور مساعدة للحالات نقلا عن الدفعات السابقة تحت البوست فوق.

#موفقين 🌸

#ستاج_أطفال1 #الخلاصة 🔥🔥
بالترتيب بتدرسوا 👇🏻

1⃣ أول شي بتدرسوا تفريغ الستاج رح نبعت ملفين شفناهم أفضل شي👌 بتحفظوا حالة متمكنين منها بتدرسوا أسبابها يفضل ترجعوا لمحلها من النظري (غالب الحالات هنن نوطة الأمراض الإنتانية عند الأطفال يعني قسم د.قبلاوي)

2⃣ تاني شي بتحلوا دورات ألفابيت (عم يشتغلوا ع ملحق شامل اليوم بخلص إن شاء الله )

3⃣ تالت شي بتدرسوا ملحق المقاربات أربسيز.

4⃣ رابع شي (للنيردات) يلي لحق يدرس نظري خلال الستاج يراجعوا أضمن 😅 لأنو المقابلة مو معروف ع شو بركزوا.

#موفقين

‍ السلام عليكم ورحمة الله وبركاته 🌸

باتت ملامح الوصول قريبة كأنها رأي عين بإذن الله، وها نحن نبدأ امتحانات الفصل الأول ونقترب من نهاية مشوارنا الطويل راجين من الله التسديد والتوفيق لكم ولنا.

بالنسبة للداخلية العصبية 🤓

🔹 مادة صعبة صح بس اذا درستوها وعطيتوها وقت كافي بتجي علامة عالية 😃 ، بدها تقريبا 9 أيام للي مو دارس خلال الفصل.

💠 شو هو المقرر؟

📝 #الخلاصة: 👈 #إما : نوط ملونة97 ص من السنة الماضية + تدرسوا 8 نوط ألفابيت.

👈#أو : نوط ملونة 97 ص (نفسن) + نوطة الدكتور الأبيض والأسود لعند ال155+ نوطة سمارت (فيها تعديلات وإضافات على نوطة الأبيض والأسود )

🔹 روابط المقرر :
1_ نوط ألفابيت + 4 خرزات ملونة :
https://t.me/alphabet_2023/940

2_ نوطة الأبيض والأسود :
https://t.me/Neurology888/5

نوطة سمارت :
https://t.me/Questions_Medicine_2022/7372
والها تعديلات تحت جمعناها 👇

💠 ليش نوطة الأبيض والأسود لعند 155 مو لعند 226 ص 😳(أمر مهم جدا)؟

النوطة الأساسية بتنتهي عند الصفحة 155 وما بعد هالصفحة في تكرار ونوطة سمارت فيها تعديلات وإضافات على ال155 ص ، ويلي بدو يكمل لآخر النوطة ما في مشكلة.

💠 شو ترتيب أقسام الأبيض والأسود حسب الأهمية ؟
صداع _ إنتانات _ ذاكرة _ أمراض العضلات _ أمراض النخاعين _ السكتة

💠 بأي قسم نبلش؟
امشوا بالترتيب بلشوا بالنوط الملونة 97ص (ال4 خرزات ) لأنو هدول قسم جديد من السنة الماضية وفيهم تعدادت وحفظ كتير و مافي غير درورة السنة الماضية الهم.

ولأنو لا سمح الله إن ما لحقتوا قسم معين بنوطة الأبيض والأسود ممكن تستعينوا بفقرات الدورات.

💠 شو نحل دورات؟
متل ما قلنا
✅ نوط 4 ملونة: بس دورة السنة الماضية
✅ نوطة الأبيض والأسود (=ألفابيت) : تقريبا معظم الدورات بتنحل.

💠 هل في تسجيلات مراجعة إن شاء الله ولأي قسم؟
إن شاء الله نلحق وما رح نقصر معكم ، ادعولنا لنستمر 🌸 ومو مبين لأي قسم رح نسجل حتى نطلع على الدورات.

#الخلاصة خطة نموذجية بعد جمع عدة آراء واستقراء للدورة الماضية.

🔷 اولا : سلايدات توليد

🔷 تانيا : سلايدات هضمية + تفريغ د.بشرى
ورح نزل تسجيل شامل إن شاء الله

🔷 تالتا : سلايدات صدرية

🔷 رابعا : ملخص فيزياء ونووي أو من نيرد للي بدو يضمن
ورح نزل تسجيل شامل إن شاء الله

🔷 خامسا : حل آخر دورة
ورح نزل تسجيل للدورة جديد.

#جلدية_حملة
السلام عليكم ورحمة الله 🌸

لاتقلقوا مادة سهلة جدا ومعدل إن شاء الله ورح نقدملكم بروتكول مقترح للمادة لتجيبوا أعلى علامة👇😁

💠 أولا: يلي ماعندو وقت يدرس #خيارات الدورات بتضمن علامة عالية كتير 👌

💠 تانيا: للي بدو يضمن أكتر (ماحدا بيعرف شو بصير) يدرس الفصول الهامة الها ويسمع #تسجيلات المراجعة(في لكل المادة تقريبا وكان التركيز الأكبر على فقرات الدورات 🤩).

🔹 شو هنن الفصول الهامة؟
بشكل عام الفصول الأولى أول 6 فصول مهمة كتير وأجا منها أسئلة جديدة كتير الفصل الماضي.

بالأخير هي نصائح وإن شاء الله بتفيدكم وبتوصلكم لأعلى علامة 😃

🔹 #الخلاصة : لتضمنوا كلشي ادرسوا خيارات الدورات مع أول 6 فصول واسمعوا بقية التسجيلات للفصول تحسبا إذا أجا شي جديد وبختصروا عليكم جدا وقت دراسة الدورات😌👌

#تنويهات:
📝 مصدر الدراسة اذا بدكم تدرسوا من الدنا لاتضيعوا حالكم بالكتاب.

📝 تسجيلات المراجعة من هالرابط وتحت👇
https://t.me/Importantfiles51/3227

📝 دورتنا الجلدية 👇
https://t.me/medicine_Aleppo_51/5646

#موفقين🌸

#من_استفساراتكم

💠 عم ننسأل كتير لوين ممكن نحل دورات؟ وشو هنن التصنيفات؟

#أولا:
🌐 تصنيف د.أشرف : النسائية الغدية
🌐 تصنيف د.حمود : أورام الجهاز التناسلي والأمراض التناسلية في فترة الحمل والنسائية العامة (مشترك مع د.رولا).
🌐 تصنيف د.رولا : النسائية العامة والنسائية الخاصة.

#تانيا:
قبل الدفعة 48 كان يعطي دكاترة تانيين مع دكاترتنا الحاليين من ضمنن دكتورة اسمها سناء ف لذلك بتحلوا دورات من الأحدث ل دورة 2017/2018 فصل تاني ببلش يطلع أسئلة لغير دكاترة ف إذا بدكم تكملوا حل ممكن لل2014/2015 تحلوها ك اختبار معلوماتكم (لأنو كانت أسئلة دكاترتنا الحاليين مختلطة مع الدكاترة البقية).

#الخلاصة : فعليا يلي بفيدنا نحل لعند 2017/2018 فصل تاني وإذا كملتوا حل رح تعرفوا تحلوا لأنو نفس المقرر.

#الخلاصة
💠 خطة العمل بهاليومين يلي بقيو 👇

طبعا هالشي من وجهة نظرنا وحسب قرائتنا لوضع المادة بس كللللشي وارد يتغير ما منضمن شي نحن 😅

🔹يلي خلص مقرر د.عمار و عم يدرس فقرات الدورات ل د.نديم يكملن بعدين يروح يدرس كل الدورات حتى القديمة 😁


🔹 يلي بلش دراسة أمبارح يدرس خيارات الدورات فقط ل د.نديم واذا زاد وقت يحل بنك قسمو أيضا
و يسمع تسجيلات قسم د.عمار مع حل دوراتو .

🔹 قسم د.ميخائيل : غالبا الكل رح يدرس بنك ال50 ثم 49 اذا زاد وقت + الدورات.

💠 الخلاصة :
_للي مو ملحق يدرس الدورات مع خياراتا بكل الأقسام ويركز عقسم د.عمار (هيك حسب الدورات السابقة بتكفي إن شاء الله).
_أما يلي ملحق ف يشتغل عالمضمون أكتر يدرس قسم د.عمار مع فقرات د.نديم.

#طب_شرعي

💢 السؤال يلي عبيتكرر شو ندرس للطب الشرعي؟
الكتاب صعب يلحق فهل يكفي ملخص أنس غاوي مثلا؟

🔴 #الكتاب 600 صفحة فيو معلومات سردية كتير واستطراد (على سبيل المثال من أسباب الموت المفاجئ الاحتشاء القلبي وبعدين بيحكيلي شو منشوف وآلية حدوث الخثرة) كأنو مادة داخلية.
وقيل حتى يلي بيدرس كتاب في أسئلة #صياغتها صعبة الحل.

🔴 #الملخصات: قيل ملخص أنس غاوي من أفضل الملخصات وهو عبارة عن223 ص فيه زبدة الكتاب وإذا تم دراسته منيح بيضمن علامة عالية بتوصل لل80ات إن شاء الله بس هاد ما بيعني يكون شامل لكل الأفكار الهامة ( ممكن ناقص شي جملة هامة وممكن يجيب الدكتور شي سؤال معلومة سردية لذلك الله أعلم شقد بيضمن) لكن كتيرين رح يدرسوا لأنو متل ما قلنا الكتاب طويل وصعب مراجعته..

عمليا يلي بيدرس الملخص وبيحفظو منيح (يعني كل سطر بسطرو👌) متل يلي بيدرس الكتاب لأنو مع كثافة المعلومات مارح نتذكر إلا المهم يلي موجود بالملخص نفسو.

🔴 طيب في #خطة أنو ندرس أبواب من الملخص وندرس أبواب من الكتاب بيجي عليها علامات كتير (قريبا إن شاء الله منحدد شو هنن) فمثلا متل الأبواب الأولى متوقع يجي أكتر شي عليها ممكن ندرسها من الكتاب وخصوصي أنو بتكون داخلة معنا بفحص العملي يلي حكينا عن طريقتو ببوست المادة المثبت.

🔴 #الخلاصة :
✍ يلي بدو يضمن كلشي يدرس الكتاب.
✍ يلي بدو علامة جيدة يدرس ملخص أنس غاوي مع الأسئلة السابقة طبعا.

#الخلاصة
نموذج المقابلة مو معروف بشكل دقيق
لكن برأينا أهم شي تدرسوا بيتا ثم تراجعوا من قناة ستاج الشرعي.

#باالتفصيل 👇🏻
✅ صور (من بيتا قسم المجاهر) + ملف الحروق والحالات الجنسية.

✅ بقسم المقابلات ببيتا في أسئلة نظرية ممكن تنطرح ك سؤال مرافق ع الصور 👌🏻
لذلك الأضمن يندرسو (خاصة مالنا ملحقين ندرس نظري 😁).

✅ #للمراجعة في قناة عملوها الزملاء مشكورين فيها معظم الصور (خصوصي صور الحروق والجنسية بما أنو مو موجودات ببيتا) 👇
https://t.me/+9wF_H1UT9ik1NzNk

هذا كل ما نعلمه ، نرجو من الله أن نكون وفّقنا في توجيهكم وبالتوفيق للجميع 🌸

#الخلاصة
نصيحتنا الأخيرة للمادة 👇

شو ندرس باختصار؟

💠 أولا: نيرد قسم العصبية ( أول 26 ص) ، عم يجي نص الأسئلة من هالقسم.

💠 تانيا : قسم النسائية من نيرد (من ص76 لل100).

💠 تالتا : الحركي سلايدات.

💠 رابعا : آخر دورتين ، والأضمن تطلعوا على دورتين تلاتة قديمات تحسبا.

🔴 قسم البولية ما أجا منو شي بالدورتين الأخيرات بس الأضمن يندرس من نيرد.

🔴 تسجيلات المراجعة رح تكون 👇
آخر دورتين وتسجيل للعصبية إن شاء الله.

#تنويه : طبعاً هالطريقة بناءً على قرائتنا للدورتين السابقات ما منعرف شو ممكن يصير مفاجأت لذلك اشتغلوا حسب وقتكم .

#تذكير #الخلاصة #أطفال2

🔴 الأضمن ندرس كل المادة ولكن أقسام أهم من غيرها 👇🏻

♦️ قسم العصبية : لأنو قسم جديد.

♦️ قسم الصدرية : أفكارها شوية صعبة.

♦️ قسم الغدية : دكتورة جديدة عطت المقرر بس سمعنا أنو نفس المقرر مطلوب ما لحقت تساوي مقرر والبعض قال مطلوب كلامها في المحاضرة (إذا حدا لخص كلامها منزلو إن شاء الله).

♦️ قالوا السنة الماضية أجت أسئلة الكلية جديدة ف الأضمن تنقرأ.

🔺 باقي الأقسام متل الهضمية والتغذية الدورات إذا مو تكرار حرفي في تكرار بالأفكار وأصلا أفكارها سهلة بتندرس بسهولة ومننصح تقرؤوهم ، خاصة هضمية وتغذية.

💢 شو الخطة للي عندو أطفال 1 لحتى يقدم أطفال2 ؟
ممكن يدرسوا من ملخص الفنغر أو يدرسوا أهم النوط والباقي قراءة مع دراسة الدورات ، فممكن يمشوا على خطة 👇🏻
الخميس : عصبية.
الجمعة : صدرية و غدية.
السبت : مراجعة من التسجيلات يلي رح نزلن إن شاء الله و حل دورات.

🔴 الخلاصة:
👈🏻 لضمان أكبر علامة : لازم تندرس كل الأقسام والأهم صدرية وعصبية وغدية.

👈🏻 لعلامة جيدة : النوط الهامة (صدرية وعصبية وغدية) وخيارات دورات.

👈🏻 للترفيع : خيارات الدورات بتضمن علامة سبعينات إن شاء الله.

💢 تسجيلات المراجعة رح نحاول تنزل بكير ورح نركز على هدول الأقسام الهامة ، دعواتكم لحتى نلحق 🌸

#ستاجات_الوطني
نقلا عن د.ماهر حمود

🔺أهم شي تحققو نسبة حضور بكل ستاج بحيث تدخلو المقابلة وبعدها مجموع 360 كافي لحتى تتأهلو للمقابلة حتى لو عندكن مقابلة راسبة ولكن المهم تكونو حضرانين جميع المقابلات والنسبة أكتر من 360
الداخلية: 30 بتنضرب ب6 يعني 180
الجراحة 30 بتنضرب ب4 يعني 120
النسائية والتوليد 30 بتنضرب ب4 يعني 120
الأطفال 30 بتنضرب ب3 يعني 90
العينية 30 على حالها
الأذنية 30 على حالها
الجلدية 30 على حالها

🔺معظم الستاجات شكلية والدراسة الها ما لازم تنعطى كتير وقت أو أهمية كبيرة والفائدة منها قليلة كتير إلا ما ندر
🔷ستاج النسائية والتوليد: بتداومو بمشفى التوليد وبيقمسو الفئة قسمين نص أول بيحضر نظري ونص تاني بينفرز أقسام للعيادات وطبعاً بتبدلو بين بعض كل أسبوع ومدة الستاج 8 أسابيع ... بالنسبة للحضور العيادات ما في تدقيق والنظري حسب أحيانا بدققو لما عدد كبير من الفئة بصير يغيب وطبعاً ما انحرم حدا ابداً لأنه آخر الستاج تنزل قائمة قبل المقابلة منشان يلي مو محقق نسبة دوام يعوض الأيام يلي ناقصة بالعيادات (بالمجمل التدقيق عالحضور ما كتير والسكرتيرة كتير حبابة ومتعاونة)
بالنسبة للمقابلة الكل ناجح واسئلة بسيطة عالسربع(اذا بدكن تدرسو للمقابلة اكتر من يوم ما تضيعو عليها أسئلة سابقة بالعادة كافية) والكل ناجح عادة

🔷 ستاج الجراحة: بقسمو الفئة تقريبا 8 اقسام وكل أسبوع فرز شكل.. لكل الجراحات بتنفرزو وحتى العناية الها أسبوع.. لكل طالب ورقة فرز وعلى اساسها بداوم وطبعاً يعتبر أكتر ستاج ما في تدقيق على الحضور
جراحة الأطفال بدققو كتير عالحضور
جراحة قلبية على سنتنا صار يدقق
جراحة عصبية كمان ممكن يدققو
بالنسبة للدراسة بكفي أسئلة السنوات السابقة أو أسئلة المقابلات تدرسوها بيومين تلاتة
اللجان متفاوتة الصعوبة.. عادة بلجنة الدكتور أحمد الحاج والدكتور يوسف سبسبي العلامات قليلة

🔷ستاج داخلية: كمان بتاخدو ورقة فرز وكل أسبوع الدوام بداخلية معينة... الستاج على ما أذكر 8_10 أسابيع
الدوام بالداخلية القلبية والداخلية العصبية أكتر شي بتم التدقيق عليه عادة تسجيلين حضور وفي التزام كامل عادة وهدول بساووا مقابلة بسيطة قبل توقيع رئيس القسم.. باقي الدخليات ما كتير بدققو... هي المقابلة الأفضل تكونوا دارسين الداخلية خلالها... وممكن تدرسوا قبل المقابلة أسئلة المقابلات بتلت أيام... اللجان بالمجمل سهلات عدا لجنة فيها دكتور طاهر فرفوطي ودكتور محمود ملحيس هي اللجنة الوحيدة تقريبا يلي ممكن ترسب بكل المقابلات فيفضل يلي ما بعرف يجاوب ما يشلف جواب شلون ما كان وإنما كلمة ما بعرف ممكن تنجيه... وطبعاً أسئلتن إذا دارس ما كتير صعبة فلا تحطوها كتير ببالكم

🔷ستاج أطفال: كمان في فرز هن بقسموكن والحضور عليه تدقيق وكل يوم في توقيع ويفضل الالتزام منيح بالدورام لأنه ما كتير في تساهل.. المقابلة بالمجمل نفس ترتيبة أطفال ١ و٢ ممكن بيوم يومين تدرسو لالها والكل ناجح عادة

🔷ستاج العينية: أسبوعين فقط وما كتير دققو عالحضور والمقابلة نفس الترتيبة بالخامسة والكل ناجح عادة

🔷ستاج الأذنية: أسبوعين فقط ونفس ترتيبة الرابعة الحضور بدققوا كتير كتير وما في تساهل يعني ما حققت نسبة عالترميمي مباشر يمكن مسموح غياب واحد أو ولا غياب هن بخبروكن.. المقابلة بسيطة والكل ناجح عادة المهم تلتزموا بالحضور

🔷الجلدية: أسبوعين فقط والحضور كمان بدققو عليه وبحال الغياب لازم تعوضو والمقابلة بسيطة نفس الرابعة سلايدات (٢٠ سؤال عبارة عن ١٠ مسائل سريرية سؤال بده التشخيص وسؤال تاني العلاج طبعاً السلايدات متوفرة ومحلولة)

#تنويه: هاد الكلام بالنسبة لطلاب #حلب وقد تختلف بعض الأمور من سنة لسنة

#الخلاصة: الستاجات ما تاكلو همها أمورها بسيطة وحاولوا تستفيدوا منها قدر الإمكان حتى لو الفائدة غالباً قليلة وكمان بالنسبة للدراسة فيكم تمشوا عبرنامج خاص فيكم وما شرط يكون مطابق للستاج يلي أنت فيه (إذا حسنت توفق بينن مو غلط).