#ستاج_أذنية #حلب

🔴 طريقة مقترحة لدراسة ستاج الأذنية 👇🏻

💠 #أولاً: لنجاح المقابلة بكفي إن شاء الله :

⭕️ ملف ستاج الألفابيت يلي درسناه بالسنة الرابعة ، في شرح عن حالات.

⭕️ أسئلة دورات المقابلة من السنوات السابقة ، في ملفات رح نبعتها أو بدكن رجعوا فعلوا تطبيق بيتا فصل أول قسم المقابلات المجاني 🔥

💠 #ثانياً : يلي ناوي يتوسع أكتر بمادة الأذنية ممكن 👇🏻:

⭕️ يبدأ بدراسة شي ملخص من ملخصات الوطني أذنية يقرأو قراءة أفضل شي متل ملخص نيرد أو ذا بيست أو success أو...
أو ممكن يرجع لمقرر السنة الرابعة يرمم معلوماتو.
أي ملخص بدكم ارجعوا للرسالة المثبتة.

💠 #أخيراً : وسائل تساعد على مراجعة المادة :

⭕️ في أطالس صور للأمراض بتساعدكم.

⭕️ في فيديوهات لدكتور مصري هنا

⭕️ تسجيلات صوتية للأذنية👇🏻 :

📌 تسجيلات الوطني لفريق نيرد بتلاقوها هنا

📌 تتذكروا كان في تسجيلات مراجعة للستاج وللنظري عملناها لمادة الأذنية جامعة حلب 😁 ممكن تستفيدوا منها بمراجعة مقرر حلب إذا حبيتو.
تسجيل نوطة الأنف
تسجيل نوطة الفم و البلعوم
تسجيلين لنوطة الأذن
تسجيلين للستاج فيهم حالات و أفكار نظري

⭕️ نوطة د.مجد شيخ الغنامة سنة رابعة هنا
وأي مقرر لازمكم سنة رابعة أو خامسة جامعة حلب بتلاقوها بالبوت هنا

#موفقين 🌸

#ستاج_أذنية #حلب
ملف الستاج من السنة الرابعة ، ألفابيت.

#ستاج_عينية #حلب

🔴 ملفات و مصادر قد تفيد في دراسة ستاج العينية 👇🏻

⭕️ قناة ستاج العينية يلي عملناها بالسنة الخامسة قد تفيد كمان هلق بستاج السادسة.
https://t.me/ophthalmology51

⭕️ أطالس صور عينية.

⭕️ فيديوهات.

#ستاج_جلدية #حلب

🔴 مدة الستاج: أسبوعين بآخرهم في مقابلة بتشبه السنة الرابعة بقاعة يوسف اليوسف بس أصعب..

🔴 الحضور : في تدقيق و مسموح بغياب يوم واحد فقط ، بقسموكم قسمين قسم بداوم عالتسعة و التاني عالعشرة .

🔴 الإفادة: جيد جدا ، بيجي حالات مرضى بيشرحوها ، وأحيانا خاصة يوم التلاتا و الخميس بيعطيكم د.ماجد عطار بيعرض سلايدات نظري..
ممكن تجوا قبل الستاج او بعدو تداوموا بالعيادة الجلدية بتستفيدوا في حالات و الدكاترة متعاونين بس العدد يكون قليل ومنظم لأنو الغرفة صغيرة..
حتى بقسم الجلدية بالمشفى في جراحة جلدية ممكن تروحوا تشوفوا كم عملية متل استئصال ثآليل وآفات تانية..

🔴 المقابلة : 30 سلايد و النجاح لازم تحلوا 18 من 30 😄 والأسئلة صعبة شوي للأسف..

بيجي سلايد قصة سريرية بسيطة مع صورة و سلايد بعدو فورا علاج الحالة ف إذا شخصتوا غلط بطير السؤالين 🙃
تنويه هام: آخر فئة قدمت اجاها سؤالين عن مسبب المرض بس كانو سهلين
{اللشمانيا طفيلي و الثآليل HPV} فوقت تدرسوا انتبهوا عهل شي

في ملفات رح ننشرها أجا منها وبيجي كم سؤال خارجي ، ف اذا بدكم درسوا جلدية نظري خلال الستاج لتحققوا الإفادة الكاملة 👌

#ستاج_عينية #حلب

🔴 توقيت المقابلة: بكرا أول 150 اسم من الفئة أ عندهن مقابلة بالطابق السادس الساعه 9 إلا ربع الحضور والنص التاني بنفس التوقيت يوم الخميس.

🔴 نمط المقابلة: شفهية وليست سلايدات ، حضروا كم موضوع غالبل بيسألوكم شو دارسين.

🔴 مقترحات الدراسة:
في ملفات دورات مساعدة ملف دريم

ويلي بدو يقرأ نظري عينية رح نبعتلكم ملف لدراسة الوطني بدكن قرؤوا منو

بس أهم شي تحلوا دورات المقابلة خاصة أسئلة الدفعة 50 وحتى يلي بدو ممكن يرجع لأسئلة بيتا بالعينية قسم المقابلات بالسنة الخامسة.

#ستاج_نسائية. #حلب

🔴 الستاج ستة أسابيع ، بتنقسم الفئة لنصفين خلال هالستاج كل قسم بياخد محاضرات نظري مكان ستاج الرابعة والخامسة بالتناوب أسبوع أي أسبوع لأ

والقسم التاني بكون مقسوم مجموعات :
🚩 طلاب جناح طابق خامس و طلاب طابق سادس و مخاض : بتفتلوا مع المقيمين بالفيزيت الصباحية عالمريضات و بتستفيدوا من الأضابير والحالات..

🚩 البقية بالعيادات الخارجية النسائية : هون الإفادة محدودة بتاخدوا بس قصص سريرية من المريضات.

⭕️ بأسبوع النظري الحضور مهم جداً و التسجيل عالبطاقة 😁 ، رح تاخدوا تلت أسابيع نظري ، وفي إفادة عموماً.

🔴 المقابلة: متل نمط الرابعة والخامسة في لجنتين .

💢 مقترحات الدراسة خلال فترة الستاج:

📌 البعض بمشي نظري مع الستاج من المرجع أو شي ملخص ، والأهم تندرس المواضيع يلي بتاخدوها لأنو هي أهم شي بتنسألوا منها.
و بفترة الستاج ممكن تقرؤوا معظم مواضيع النسائية و التوليد و بتخلصوا من المادة أول دور.

📌 وقسم آخر عم يدرس غير مادة بهالفترة فأهم شي يدرس أسئلة دورات المقابلة السابقة للسوادس ، و ممكن تفيد أسئلة السنة الرابعة و الخامسة و قيل تكفي للنجاح إن شاء الله.

🔴 بعض المواضيع الهامة بالنسائية و التوليد :
الحمل الهاجر ، اندومتريوز ، الإجهاض ، سرطان عنق الرحم ، ارتكاز مشيمة معيب ، موانع الحمل ، رحى عدارية ، مقدمة الارجاج ،..

🔴 ننصح بسماع تسجيلات نيرد
https://t.me/National_Exam888/1231

#ستاج_جراحة. #حلب

🔴 المقابلة: بيكون في عدة لجان و قرعة وكل لجنة فيها دكاترة من عدة اختصاصات.


الغالبية العظمى من الطلاب تؤجل دراسة الجراحات لآخر السنة بحكم ما في مراجع مقررة 😁

فالمقابلة فعلياً توفيق و ماحدا بيقدر يتوقع بأي قسم ينسأل.

بس مننصح تدرسوا أسئلة دورات المقابلة وخاصة لأهم الأقسام للجراحات الكبرى التلاتة الجراحة العامة و العظمية و البولية و كمان جراحة الأطفال هامة.

💢 الأفضل تقرؤوا أقل شي المواضيع يلي عم تاخدوها بالستاج كل يوم من شي مصدر اعتمدتوه للفحص الوطني أو من مقرراتنتا القديمة أو من مقررات الشام ..

المهم تكونوا متوجهين بالمقابلة و تعرفوا أشيع المواضيع بكل قسم 😁 حتى تنجحوا بالمقابلة.

#ستاج_داخلية. #حلب

من أهم الستاجات يلي ضروري تكسبوا خبرة و إفادة علمية فيها و تدوروا بين الأقسام كلها 🤓

🔴 الغالبية العظمى من الطلاب بتبلش دراسة الوطني من الداخلية ف هي فرصة للي عندن ستاج داخلية يمشوها مع الستاج.

🔴 المقابلة تحددت بتاريخ 10/11/2022
السنة الماضية كان في عدة لجان بتقابل و قرعة بعملوها لتوزيع الطلاب.

🚩 في عدة دكاترة بتقابل 👇🏻 :

📌 قلبية : د.ملحيس ( أسئلتو صعبة كتير ) د.ماردنلي (أسئلة أسهل).
📌 هضمية : د.بشير ، د.معن و أحياناً د.مرجانة.
📌 عصبية : د.فرفوطي ( أسئلتو صعبة) ، د.سعد كوسا.
📌 صدرية : د.دعد (بتسأل من مادة الوقائي و أسئلة من الصدرية سهلة) ، د.عبد الله خوري ( أسئلة بسيطة).
📌 كلية : د.أصفري ( أسئلة بسيطة) ، د.وجيه الخطيب.
📌 غدية : د.هاشم الحسين ( بركز عالسكري و الدرق أكتر شي).

📌 يُقال أصعب شي أسئلة د.ملحيس و د.فرفوطي.

بكل لجنة غالبا في دكتورين أو تلاتة من اختصاصات مختلفة يعني مثلا لجنة فيها د.فرفوطي و د.ملحيس و د.معن (من أصعب اللجنات).

⭕️ لــذلــك ننصح تبدؤوا دراسة وتهتموا بالقلبية و الهضمية و الصدرية والعصبية..

أهم قسمين تتمكنوا منهن هنن القلبية و الهضمية الباقي دورات المقابلة ممكن تكفي.

⭕️ المقابلة توفيق من الله بالنهاية 😄
قد تكون دارس كلشي بس يسألوك سؤال صعب ف لذلك ادرسوا يلي بوسعكم و اتكلوا على الله ، ولا تقلقوا المقابلة سهلة و ما حدا برسب إن شاء الله..

⭕️ الخلاصة: بلشوا دراسة الأقسام الهامة و قبل بكم يوم بتدرسوا ملفات دورات المقابلة ، في ملفات كتير رح نبعت الأهم.

#ستاج_أطفال #حلب

🔴 المقابلة: بيكون في عدة لجان و قرعة وكل لجنة فيها دكتور أو تنين متل مقابلة الأطفال 1 و 2.
ففي عدة دكاترة بتقابل متل : د.علي سرو ، د.باسل معطي ، د.منار العبد الله ، د.سامي حافظ ، د.خالد خانجي.


⭕️ الغالبية العظمى من الطلاب حاليا بتدرس الأطفال ورا كل قسم من الداخلية لذلك المفروض تكونوا خلال الستاجات قرأتو شوي من المادة من المرجع أو من المخلص يلي اعتمدتوه لدراسة الوطني.

فالمقابلة فعلياً توفيق و ماحدا بيقدر يتوقع أي دكتور يسألو.

مننصح تدرسوا تقريباً متل ما درستوا للأطفال1و2 بالسنة الخامسة 👇🏻

💢 أولاً: جهزوا حالات سريرية شفتوهم خلال الستاج (حالتين مثلا) : اقرؤوا عنهم من مصدر دراسة الوطني ( مرجع أو ملخص) و تمكنوا من تفاصيلهم لأنو بتعرفوا طريقة المقابلة 😁 كل ما بتذكروا شغلة بقلولكم كملوا منها..

إذا ما اعتمدتوا مصدر للدراسة لحد هلق ممكن تقرؤوا عنهم من أي ملخص pdf رح نبعت ملفات..

💢 ثانياً: أسئلة دورات المقابلة هامة جداً متل المقابلات السنة الماضية ، بتلاقوها بملف ألفابيت أو تطبيق بيتا.


⭕️ الخلاصة : المهم تكونوا متوجهين بالمقابلة و تعرفوا أشيع المواضيع بكل قسم 😁 فجهزوا حالكم تنسألوا عن الحالات الشائعة قرؤوا عنها (مثلا الصدرية الربو والتهاب القصيبات الشعرية و ذات الرئة و الهضمية مثلا بسألو عن الإسهالات والإنتانات و هيك)

في دكاترة مقابلتن بتعتمد عمعلوماتكم السابقة وبسألوا من كل شي متل د.خانجي 😅.

#طب_شرعي #حملة #حلب

💭 مصادر المادة :
الكتاب أو في عدة ملخصات ملخص أنس غاوي أو ملخص نيرد أو الفنغر (أسامة المنصور بس ناقص السموم).

💭 خطتنا المقترحة:

👈🏻 يلي بدو يرفع فقط ترفيع :
الأبواب الهامة من شي ملخص والباقي يلي ما بلحق معكم دورات ، و ممكن خيارات الدورات تكفي للترفيع.

👈🏻 يلي بدو معدل لازم يدرس كل الفصول لأنو للأسف ممكن يجي من كل شي ، عادة كل دورة الدكتور بركز على باب معين وبيجي منو كمية كبيرة قد تصل للنصف متل ماصار بالدورة الأخيرة جاب من الباب الرابع الحروق (مع أنو ما جاي منو أسئلة دورات).

💭ملاحظات هامة:

⭕ الباب الرابع مهم جداً حسب آخر دورة بس هالدورة وارد يركز ع غير باب ، و الباب السادس و السابع أقل أهمية كان.

⭕ الباب السابع : الطب الشرعي الإجرامي المطلوب منو بآخر محاضرة قال نفرق بين الجمجمة والحوض بين الذكر والأنثى + البقع المنوية والبقع الدموية + ذكر انواع الزمر.

⭕ السموم : فقط جاب من جداول الترياقات بآخر دورة وكان عدد الأسئلة كتير.

💭 الدورات :
في تكرار دورات مهمة جدا وإن ما تكررت لكن بتساعد كتير لنتوجه بدراستنا  ولحتى نعرف نمط طرح الدكتور للأسئلة.
وحتى قيل دراسة خيارات الدورات بتنجح لحالها.


💭 تسجيلات المراجعة:
نزلنا وقتها تسجيلات لكل الأبواب عدا الباب الرابع والخامس ما أسعفنا الوقت ننزل.

💭 روابط الملفات والتسجيلات :
⭕️ ملخص أنس غاوي
⭕️ ملخص الفنغربرينت
⭕️ تسجيلات المراجعة
في تحت الرابط تسجيلات أيضاً.
⭕️ حل آخر دورة

#جراحة4 #حملة #حلب

💭 جراحة الأطفال: 15 سؤال ل د.محمد مرجان ، القسم جديد 76 ص ولكن الدورات القديمة ممكن تفيد ، والنوطة مفيدة حتى للوطني شاملة لأفكار جراحة الأطفال ، و نمط أسئلة الدكتور سلس جدا 😃 وهالقسم الوحيد يلي الو تسجيلات مراجعة.

والوقت المقدر لدراسة النوطة يوم ل يومين.

💭 الجراحة التجميلية: 10 أسئلة ، النوطة 50 ص بس عادة دورات إلا سؤالين 😁

💭 الجراحة العظمية: 65 سؤال 🔥 هنا بيت القصيد 🙃 المطلوب كتابين 800 ص وأكيد مستحيل حدا يدرسن 😅

شو الحل؟؟

تدرسوها بالمرة للوطني من مصدر كافي...

بس ما عنا علم عن مدى التطابق بين ملخصات الوطني و الأسئلة يلي رح تجي بمادة الجراحة4 و لكن كقاعدة عامة مصادر دراسة مواد السنوات الماضية أشمل من ملخصات الوطني.

⭕️ خيارات دراسة للعظمية مقترحة من طلاب قدموا 👇

🔺دورات وخيارات وبنوك فقط : قالوا بتضمن تقريبا نصف الأسئلة.
🔺بعض المواضيع الهامة من الكتاب مع الدورات والخيارات.
🔺 ملخص فيه فقرات دورات متل نيرد أو الفنغربرينت مع الدورات.

مننصح تطلعوا على ملحق الRbcs بفيدكم تقرؤوا منو خاصة أول محاضرة علم الكسور.. هنا

💢 الخلاصة : مننصح تدرسوا جراحة الأطفال و العظمية بالمرة للوطني إذا عندكم وقت هلق طبعاً.

أما يلي بس بدو يرفع مواد هلق فالأضمن تدرسوا نوطة جراحة الأطفال + دورات التجميل + العظمية ( جربوا درسوا ملخص بسيط مع دورات).

وأخييييرا الأهم هو حل آخر دورة ، في كم سؤال مشكوك سنعمل إن شاء الله على تصحيحه.

💭 روابط الملفات والتسجيلات:
نوطة جراحة الأطفال ألفابيت
اكسترا الفنغر
تسجيلات جراحة الأطفال
حل آخر دورة

#موفقين 🌸

#مداوة_سريرية. #حملة #حلب

💭 المقرر المطلوب: نوطة الدكتور لعند الصفحة 323 يعني محذوف اضطرابات النظم و الصادات.

💊 الأدوية العصبية والنفسية
💊 أدوية الغدد الصم
💊 الأدوية القلبية والكلوية
✖ اضطرابات النظم
✖ الصادات

💭 طريقة دراسة المادة: الطلاب عادة بدرسوها فقرات دورات بس أكيد كل سنة بطلع عنن الدكتور شوي 😁 لذلك الأضمن تنقرأ كلها.
الفقرات مهمة وشبه كافية لأنو فعليا النوطة فيها سرد كتير ومراجعة للأساسيات لذلك بيجي من الفقرات يلي فيها حكي عن الأدوية.

🔹طيب وين المشكلة لكن؟
الفقرات مشتتة وفي عدة ملفات وتحديدهم عالنوطة متعب شوي لذلك برأينا الطريقة الأنسب هي دراسة كل قسم وأول بأول بتروحوا بتحلوا دورات لتعرفوا وين بركز الدكتور بتعيدوا الفقرات بمراجعتكم للمادة.

💭 ملاحظات :
🔹 المادة سهلة إن شاء الله باعتبار درسنا بالداخليات أدوية قسم كبير منها (عصبية وغدية وقلبية وكلية).

🔹 في فيديوهات للدكتور ماهر الحسين لمعظم المواضيع كتير مفيدات وفيهم ربطات.

🔹 في اكسترا للفنغر من السنة الماضية شي 78ص شغل زميلنا أسامة المنصور.
وفي ملخص لفريق نيرد لفقرات الدورات قالوا.

💭 الخلاصة:
نوطة الدكتور مفيدة علمياً ،لذلك يلي عندو وقت يدرسها من النوطة أما يلي مضغوط ممكن يدرس اكسترا ، نسبة الدورات كتير كبيرة 😁 و نزلنا وقتها لكل المادة تسجيلات بفضل الله.

💭 روابط ملفات وتسجيلات :
المقرر PDF
اكسترا الفنغربرينت
تسجيلات المراجعة
فيديوهات دماهر الحسين
حل آخر دورة

#موفقين 🌸

#رثوية #حملة #حلب

💭 المقرر: 250ص مقرر د.زينة بس عطاه د.صالح باكير ومشرف المادة د.بشير ، المهم كتب الأسئلة د.صالح فكان الأسئلة ممتعة جداً عنمط مسائل اليورلد.

المقرر فيو حكي كتير بس الدكتور صالح ركز عالسريريات بالإعطاء و بهمو العرض المميز العلامة المميزة الفحص المميز ، الواسمات بكل مرض..
لذلك ممكن تدرسوا تفريغ كلام الدكتور بس النوطة سهلة ومفيدة جدا للوطني اقرؤوها.


💭 نمط الأسئلة: عدد الأسئلة 70_80 سؤال، في شي 30 مسألة على نمط مسائل uworld بس كلو من النوطة مافي اي شي خارجي و ممكن يكون لكل مسألة عليها أكتر من سؤال يعني متل نمط الجراحات ، وفي ملف حالات يورلد كتيير مهم قرؤوه (رابطه تحت)

الأسئلة سهلة بتنحل للي دارس لا تقلقوا 🤓 ولا يخلو طبعا من كم سؤال نكشات لكن كلوو بنحل والعلامات فوق ال90.

💠 للي ما بلحق ممكن يستعين بملحق الفنغر فيو أهم الأفكار 👌🏻

💭 في تسجيلات مراجعة ؟
في تسجيلات لكل المادة 😁 و إن شاء الله شاملات لكلشي ركز عليه الدكتور رح تستفيدوا منن جدا إن شاء الله ❤️
و في قنوات عملوها زملاءنا بالدفعة الله يجزيهم الخير مفرغين كلام الدكتور صالح ❤️ القناة هون و هون

💭 روابط الملفات والتسجيلات:
النوطة pdf محدد عليها حكي الدكتور
اكسترا الفنغربرينت
تسجيلات المراجعة
ملف حالات يورلد
حل آخر دورة

#أطفال2 #حملة #حلب

الأقسام الهامة 👇

♦️ قسم الهضمية والتغذية : أكبر قسم و كانت الأسئلة فيو جديدة على غير المعتاد ف ينصح تندرس وانتبهوا في نقص أفكار بالنوطة.

♦️ قسم الصدرية : أفكارها شوية صعبة و أجا آخر دورة من دورات قديمة.

♦️ قسم الغدية : دكتورة جديدة عطت المقرر فكانت الأسئلة أصعب قسم و في خيارات خارجية.

♦️ الرثوية و الأورام: بالعادة دورات ولكن أجا أسئلة جديدة ، بتنحل من دراستنا الرثوية.

🔺 باقي الأقسام إذا مو تكرار حرفي دورات في تكرار بالأفكار وأصلا أفكارها سهلة بتندرس بسهولة

الخلاصة:
🔴 كمية الدورات كبيرة ولكن الأضمن دراسة كل المادة و في أقسام أهم من غيرها متل ماذكرنا فوق👆
رح نرتب الأقسام حسب الأهمية وأنتو درسوا المناسب👇
الهضمية و التغذية _ الغدية_الصدرية _الرثوية و الأورام _العصبية_الكلية

♦️ روابط الملفات والتسجيلات :
المقرر pdf
اكسترا الفنغربرينت
تسجيل الصدرية
تسجيلات العصبية
تسجيلات الغدية
تسجيلات الهضمية والتغذية
حل آخر دورة

#أشعة2 #حملة #حلب

💠 المطلوب أقسام الجهاز العصبي والحركي والبولي والنسائية ولكن يلي لاحظناه عم يجي عليه أسئلة بشكل شبه كامل بآخر دورتين هو العصبية و شوية حركي و نسائية.

ما حدا بيعرف شو ممكن يصير بدورة هالفصل.

💠 أهم قسم يندرس قسم العصبية لأنو عم يجي عليه أسئلة جديدة.

💠 أهم شي تحلوا آخر تلت دورات (دورات الدفعة 50و51) من بيتا وتنتبهوا للأخطاء صصحناها وقتها عالقناة هون في بوست اضغط هنا.

💠 روابط الملفات والتسجيلات:
نوطة نيرد للأشعة2
تسجيل لقسم العصبية
تسجيل حل آخر دورتين انتبهوا للأخطاء
آخر دورة بدون حل

#موفقين

تذكير بتسجيلات المراجعة لجراحة الأطفال مفيدات جدا 🤩👌
بوست المادة هنا

#أشعة2 #حملة #حلب

💠 المطلوب أقسام الجهاز العصبي والحركي والبولي والنسائية ولكن يلي لاحظناه عم يجي عليه أسئلة بشكل شبه كامل بآخر دورتين هو العصبية و شوية حركي و نسائية.

ما حدا بيعرف شو ممكن يصير بدورة هالفصل لكن ننصحكم تدرسوها باليومين هدول 👇

💠 أولاً: أهم شي تحلوا آخر تلت دورات (دورات الدفعة 50و51) من بيتا وتنتبهوا للأخطاء صصحناها وقتها عالقناة هون في بوست اضغط هنا.
الأسئلة الجديدة كانت بآخر دورتين من قسم العصبية ف لذلك حتى تحلوا الدورات وتفهموهم وتضمنوا إذا أجا شي جديد تحلوه ضروري تدرسوا قسم العصبية لأنو عم يجي عليه أسئلة جديدة.
ضروري تعرفوا بكل زمن من أزمنة الMRI شلون بتظهر الآفات مثلا التصلب العديد أجا بآخر دورة..
لذلك مننصح تدرسوا قسم العصبية من نوطة نيرد (الروابط تحت).

💠 تانيا: قسم النسائية آخر دورتين دورات بس الأضمن تدرسوا سلايدات النسائية تبعات العملي قد يجي شي جديد.

💠 تالتاً: الجهاز الحركي لاتدرسوه من نيرد كتير ضخم في ملخص بسيط ، قد يفيد اذا أجا شي جديد..
اللي درس عظمية في ترابط كتير كبير مع هالقسم 😁

🔴 الخلاصة:
أهم شي آخر تلا دورات مع فهم الخيارات و اذا معكم وقت درسوا نسائية و حركي.

💠 روابط الملفات والتسجيلات:
نوطة نيرد للأشعة2
تسجيل لقسم العصبية
تسجيل حل آخر دورتين انتبهوا للأخطاء
آخر دورة بدون حل
سلايدات الحركي أو ملخص نيرد
سلايدات النسائية

لمن يرغب في فيديوهات بالعملي مفيدات اذا عندكن وقت هنا

#موفقين

#أشعة2 #حملة #حلب

💠 المطلوب أقسام الجهاز العصبي والحركي والبولي والنسائية ولكن يلي لاحظناه عم يجي عليه أسئلة بشكل شبه كامل بآخر دورتين هو العصبية و شوية حركي و نسائية.

ما حدا بيعرف شو ممكن يصير بدورة هالفصل لكن ننصحكم تدرسوها باليومين هدول 👇

💠 أولاً: أهم شي تحلوا آخر تلت دورات (دورات الدفعة 50و51) من بيتا وتنتبهوا للأخطاء صصحناها وقتها عالقناة هون في بوست اضغط هنا.
الأسئلة الجديدة كانت بآخر دورتين من قسم العصبية ف لذلك حتى تحلوا الدورات وتفهموهم وتضمنوا إذا أجا شي جديد تحلوه ضروري تدرسوا قسم العصبية لأنو عم يجي عليه أسئلة جديدة.
ضروري تعرفوا بكل زمن من أزمنة الMRI شلون بتظهر الآفات مثلا التصلب العديد أجا بآخر دورة..
لذلك مننصح تدرسوا قسم العصبية من نوطة نيرد (الروابط تحت).

💠 تانيا: قسم النسائية آخر دورتين دورات بس الأضمن تدرسوا سلايدات النسائية تبعات العملي قد يجي شي جديد.

💠 تالتاً: الجهاز الحركي لاتدرسوه من نيرد كتير ضخم في ملخص بسيط ، قد يفيد اذا أجا شي جديد..
اللي درس عظمية في ترابط كتير كبير مع هالقسم 😁

🔴 الخلاصة:
أهم شي آخر تلا دورات مع فهم الخيارات و اذا معكم وقت درسوا نسائية و حركي.

💠 روابط الملفات والتسجيلات:
نوطة نيرد للأشعة2
تسجيل لقسم العصبية
تسجيل حل آخر دورتين انتبهوا للأخطاء
آخر دورة بدون حل
سلايدات الحركي أو ملخص نيرد
سلايدات النسائية

لمن يرغب في فيديوهات بالعملي مفيدات اذا عندكن وقت هنا

#موفقين

#فيما_يخص_مقابلة_الداخلية #حلب

الأهم بالدرجة الأولى دراسة الهضمية و القلبية والعصبية.
و بالدرجة التانية الكلية و الصدرية و الغدية (بالترتيب).

خيارات الدراسة حسب الوقت 👇🏻
⭕️ نوط النظري: حددوا الفقرات المهمة يلي عبيسألوا منها الدكاترة ودرسوها.

⭕️ أسئلة المقابلات السابقة: من تطبيق بيتا فعلوا نسخ مجانية.

⭕️ ملفات دورات السوادس

و مهم كتير تشوفوا أسئلة الفئات يلي قدمت هنا.