‍ 🔳 #حضرت_فاطمہ_معصومہ سلام اللہ علیہا #امام_موسی_کاظم علیہ سلام کی بیٹی اور #امام_رضا علیہ السلام کی بہن ہیں اور آپ #معصومہ_قم کے نام سے بھی مشہور ہیں۔ جب امام رضا علیہ السلام کو #مامون عباسی نے امام علیہ السلام کی مرضی کے خلاف #مدینہ سے #خراسان بلایا تو جناب معصومہ علیہا السلام مدینہ میں اپنے بھائی کے بغیر نہ رہ سکیں اور یہ ارادہ کیا کہ امام علیہ السلام سے ملاقات کے لئے خراسان تشریف لے جائیں گی۔
آپ نے مدینہ سے خراسان کاسفر شروع کیا ،اس سفر کے دوران جناب معصومہ علیہا السلام کا کاروان #ساوہ نامی جگہ پہنچا اور یہ وہی جگہ تھی کہ جہاں حاکم وقت مامون کے کارندوں نے #آل_رسول علیہم السلام کے کاروان پر حملہ کیا اور کاروان میں موجود اکثر جوانوں کو #شہید کر دیا۔
جناب #شیخ_مرتضی_عاملی اپنی کتاب #حیاة_الامام_الرضا میں کہتے ہیں کہ جناب معصومہ علیہا سلام کو زہر دیا گیا تھا جسکی وجہ سے آپ کی شہادت ہوئی۔

🔰 آپ کی قم میں آمد
حضرت فاطمہ معصومہ علیہا السلام کے لئے اپنے عزیزوں کی شہادت ایک عظیم مصیبت تھی ، اس مصیبت اور زہر کے اثر سے آپ شدید بیمار ہو گئیں اور آپ نے فرمایا کہ مجھ کو #قم لے چلو کیونکہ میں نے اپنے والد سے سنا ہے کہ قم میرے #شیعوں_کا_مرکز ہے۔
یہی وجہ تھی کہ جناب فاطمہ معصوم سلام اللہ علیہا تئیس ربیع الأول کو شہر مقدس قم تشریف لائیں اور آپ کے چاہنے والوں نے بہت جاہ و حشم سے آپ کا استقبال کیا۔
قم میں ستّرہ دن قیام کے بعد آپ کی شہادت ہو گئی۔
✅ جناب معصومہ علیہا السلام کی فضیلت
جناب فاطمہ معصومہ علیہا السلام علم و فضل میں بے مثال تھیں اور متعدد روایات سے یہ بات ظاہر ہوتی ہے کہ معصومین علیہم السلام کی نگاہ میں آپ کی بہت فضیلت ہے۔امام جعفر الصادق علیہ السلام فرماتے ہیں کہ فاطمہ معصومہ علیہا السلام کا #حرم گویا ہم #اہلبیت علیہم السلام کا حرم ہے۔اسی لئے جب آپ کا #زیارتنامہ پڑھتے ہیں تو ائمہ معصومین علیہم السلام کو خطاب کر کے سلام کرتے ہیں در حالی کہ اس حرم میں ائمہ علیہم السلام کی قبور نہیں ہیں۔
———————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت #ربیع_الاول
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

‍ 🔰 #جناب_ شاہ_عبد_العظیم_حسنی علیہ السلام چار ربیع الثانی سن ۱۷۳ ھ کو #مدینہ_منورہ میں پیدا ہوئے۔ آپ کی عظمت کا اندازہ اس بات سے ہوتا ہے کہ آپ دیگر امامزادگان کے درمیان خاص منزلت رکھتےاور آپ کا نسب پانچ واسطوں سے #امام_حسن_مجتبیٰ علیہ السلام سے ملتا ہےاسکے علاوہ آپ #امام_رضا علیہ السلام کے اہمترین اصحاب میں شمار کئے جاتے ہیں۔
حضرت عبد العظیم علیہ السلام جلیل القدر محدث اور فقیہ تھے۔آپ زاہد اور عابد شب زندہ دار تھے۔

🔹عبد العظیم حسنی علیہ کی #شہر_ریّ میں آمد
جناب عبد العظیم حسنی علیہ السلام کی مدینہ سے ریّ کی جانب #ہجرت کی وجہ اس زمانے کے سیاسی حالات کا مطالعہ کرنے سے سمجھ میں آتی ہے۔ اس زمانے میں #بنی_عباس کے #ستمگر_خلفاء کی جانب سے #خاندان_اہلبیت علیہم السلام پر ڈھائی جانے والی مصیبتین سب پر عیاں ہیں اور تاریخ میں اہلبیت علیہم السلام کے #شیعوں پر ہونے والے مظالم بھی واضح ہیں اور حالات اتنے پر آشوب تھے کہ #امام_علی_النقی علیہ السلام کو زبردستی مدینہ سے سامرا منتقل کیا گیاتاکہ انکو تحت نظر رکھاجا سکے۔
حضرت عبدالعظیم علیہ السلام بھی خلفاء وقت کے انہی ظلم و ستم کا شکار ہوئے اور اپنی جان کی حفاظت کی خاطر ایک شہر سے دوسرے شہر ہجرت کرتے رہےیہاں تک کہ شہر ریّ میں مستقر ہوئے۔ ریّ میں بھی نامعلوم طریقہ سے آخر عمر تک کسی شیعہ کےگھر میں زندگی بسر کی اور کسی کو اپنے مقام اور عظمت کی خبر نہ ہونے دی۔
✅ آپ کی #زیارت_کا_ثواب
امام علی النقی علیہ السلام فرماتے ہیں مَنْ زَارَهُ وَجَبَتْ عَلَی اللَّهِ لَهُ الْجَنَّةُ - جو بھی انکی (حضرت عبد العظیم حسنی) زیارت کرے گا، اللہ اس پر جنت واجب کردے گا۔ (سفينۃ البحار، ج ۲، ص۱۲۱)
امام ہادی علیہ السلام نے ریّ میں رہنے والے ایک شیعہ سے فرمایا أمّا إنّک لَو زُرتَ قَبرَ عَبدِ العَظیمِ عِندَکم لَکنتَ کمَن زارَ الحُسَینَ بنَ عَلِیِّ علیه‌السلام – جان لو کہ اگر تم نے اپنے شہر میں عبد العظیم کی زیارت کی تو گویا تم نے امام حسین علیہ السلام کی زیارت کی۔ (کامل الزیارات، جعفر بن محمد بن قولویہ، ص ۳۲۴)
————————————————————
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت #ربیع_الثانی
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

امام صادق علیہ السلام آنلائن مدرسہ کے اراکین کا ماہانہ اجلاس۔
اس میٹنگ میں ادارہ کے مختلف شعبوں سے وابستہ افراد نے اپنے مفید مشورے بیان کئے اور تدریس کے آنلائن عصری تقاضوں پر تبادلہ خیال کیا۔
.
------------------
#مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

‍ ⬛️حضرت فاطمہ معصومہ سلام اللہ علیہا حضرت امام موسیٰ کاظم علیہ السلام کی صاحبزادی اورامام رضا علیہ السلام کی سگی بہن ہیں۔ جب مامون نے امام رضاعلیہ السلام کومکر و فریب سے ولی عہد بنا کر خراسان بھیجا توحضرت معصومہ ایک سال کے بعد اپنے بھائی کے دیدار کے لئے مدینہ سے خراسان کے لئے روانہ ہو گئیں
لیکن راستے میں بیمار پڑ گئیں اورآپ کی دس ربیع الثانی کواٹھائیس برس کی عمر میں شہر قم میں وفات ہوگئی۔اور آج قم مقدس میں آپ کا روضہ مبارک مرجع عام و خاص بنا ہوا ہے۔



مؤرخین نے آپ کی وفات کے مختلف أسباب بیان کئے ہیں ۔بعض کہتے ہیں کہ حکومت کی جانب سے آپ کو زہر دیا گیا ہےاور بعض کہتے ہیں کہ ساوہ میں آپ کے دیگر بھائیوں اور رشتہ داروں کو عباسی حکومت کے کارندوں نے شہید کردیا تھا جس کے صدمہ سے آپ کی وفات ہو گئی ۔


☑️ #مقام حضرت معصومه علیهاالسلام
امام صادق علیہ‌السلام نے فرمایا «... سَتُدْفَنُ فیها اِمرأةٌ من اَولادى تُسمّى فاطمةُ فَمَنْ زارَها وَجَبَتْ له الجَّنةُ؛
عنقریب میری اولاد میں سے ایک خاتون جن کا نام فاطمہ ہوگا قم میں دفن کیا جائے گا، جو ان کے مزار کی زیارت کرے اس پر جنت لازم ہوگی۔

بحار الأنوار ، ج ۶۰ ، ص ۲۱۶

اس روایت میں آپ کےدو اہم مقام کی طرف اشارہ کیا ہے؛۱۔مقام شفاعت۲۔آپ کے زائر کے لئے جنت کا واجب ہونا ۔
یہ دونوں باتیں آپ کے عظیم مقام کی طرف اشارہ کرتی ہیں ۔



#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت #ربیع_الثانی
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

امام صادق علیہ السلام بین الاقوامی ادارے کے عہدے داران کا اجلاس ہوا جس میں ادارے کے قوانین اور لائحہ عمل پر تبادلہ خیال کیا گیا۔
.
.
#امام_صادق_بین_الاقوامی_ادارے #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

امام صادق علیہ السلام بین الاقوامی ادارہ کے شعبہ تحقیقات کا مختصر تعارف
اسلامی تعلیم اور تربیت کے میدان میں مناسب نصاب تعلیم کے فقدان کو مد ّنظر رکھتے ہوئے اس موسسہ کے شعبہ تحقیقات نے اسلامی متون کی تدوین، ترجمہ اورتحقیق کا کام شروع کر دیا ہے۔
امام صادق علیہ السلام بین الاقوامی ادارے کے شعبہ تحقیقات میں اسلامی معاشرہ کے عصری تقاضوں کو مد نظر رکھتے ہوئے بچوں اور نو جوانوں کے لئے اردو ، عربی، فارسی اورانگلش میں تعلیمی نصاب کو تیار کیا جا رہا ہے۔
یہ تعلیمی نصاب زیور طبع سے آراستہ ہونے کے بعد امام صادق علیہ السلام آنلائن اکاڈمی میں پڑھایا جائے گا اور دنیا کے دیگر تعلیمی اداروں کے لئے بھی فراہم کیا جائے گا۔
#آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ حضرت زینب (سلام اللہ علیہا) کی ولادت با سعادت مدینہ منورہ میں ۵ جمادی الاول۵ہجری قمری میں ہوئی ۔ #امیر_المومین_ علی(علیہ السلام) کی بیٹی کہ جو انکے لئیے زینت تھیں کا نام نامی خود #رسول_اکرمﷺ نے زینب رکھا۔ حضرت زینب(علیہا السلام) کے نام اور القاب سے اندازہ ہوتا کہ #ائمہ_معصومین (علیہم السلام) کے نزدیک آپ کی کتنی عظمت و جلالت تھی۔ آپ کے القاب میں سے #عقیلہ_نبی_ہاشم، #عالمہ_غیر_معلمہ، #کاملہ، #فاضلہ مشہور ہیں۔
یقینا یہ دن خاندان عصمت و طہارت (علیہم السلام)کے لئے خوشی کا دن ہےاور اسی لئے اہلبیت (علیہم السلام) کے #شیعہ بھی مسرور ہیں کیونکہ آج علی (علیہ السلام) اور فاطمہ (علیہا السلام) کے گھر میں #محبوبہ_مصطفی، قرۃ عین مرتضی، نائبۃ الزہرا اور شریکۃ خامس آل عبا ،حضرت زینب کبری سلام اللہ علیہا کی ولادت ہوئی ہے۔
#حضرت_زینب_کا_علم
اس میں کوئی شک نہیں کہ آپ کی تربیت صاحب منبر سلونی نے کی تھی لہذا آپ کے علم کا مرتبہ بھی اسی درجہ کمال پر ہے اور اسی لئے امام معصوم حضرت سجاد (علیہ السلام) نے فرمایا[ أَنْتِ بِحَمْدِ اللَّهِ عَالِمَةٌ غَيْرُ مُعَلَّمَةٍ فَهِمَةٌ غَيْرُ مُفَهَّمَة]‏ اے پھوپی امّاں آپ بحمد اللہ ایسی عالمہ ہیں کہ جسکا کوئی استاد نہیں اور ایسی با فہم ہیں کہ آپ کو کسی سمجھانے والے کی ضرورت نہیں۔
حضرت فاطمہ زہرا (علیہا السلام) کے بعد آپ نے ہی مسند علمی کو سمبھالا شہر مدینہ ہو یا کوفہ خواتین کے درمیان علمی محافل کو سجائے رکھا۔
شہر کوفہ آپ کی دو خصوصیات کو کبھی نہیں بھول سکتا ایک آپ کے درس و تدریس کا سلسلہ کہ جہاں علم تفسیر قرآن، احکام شریعت اور آداب اسلامی کی تعلیم دی جاتی تھی اور دوسری وہ یاد کہ جب اسی شہر میں آپ اسیر کر کے لائی گئیں تھیں۔آپ نے پوری عمر علم و معرفت کے چراغ روش کئے اور لوگوں کو گمراہی سے نجات دلائی۔


#حضرت_زینب_سلام_الله_علیها
#ولادت #زینب_کبری_علیہاالسلام
#شیعه #آنلائن #مدرسہ_علمیہ #حوزہ_علمیہ #آنلاین_تعلیم #حوزوی_دروس
#امام_صادق_آنلائن_مدرسہ


#Zainab #Hadees #Madresa #OnlineMadresa #ShiaOnlineMadresa #ImamSadiqOnlineMadresa #Shia #Ziyarat
www.imamsadiq.tv/ur
urdu@imamsadiq.tv
facebook.com/imamsadiq.ur
Whatsapp: +98-9197 786 110

‍ مدینہ سوگوار ہے
#رسول_اکرم ﷺ کی شہادت کو پچھتر دن گزر گئے اور #مدینہ کی مسجد سونی ہے۔مونین حبیب خدا ﷺ کے فراق میں محزون تھے کہ شہر مدینہ میں ایسا ظلم ہوا کہ اگر روشن دن پر یہ ستم ہوتا تو تاریک رات میں بدل جاتا۔ اس شہر کے لوگوں نے ایک بیٹی کو باپ کا غم نہیں منانے دیا، ایسی بیٹی جو #سیدہ_نساء_العالمین تھیں، رسول خداﷺ کی لخت جگر تھیں، جو #امیر_المومنین (علیہ السلام) کی زوجہ تھیں ، جو جنت کے جوانوں کے سردار کی ماں تھیں۔ ظلم و ستم کی انتہا اس وقت ہو گئی کہ جب ظالموں نے خانہ وحی کو نذر آتش کردیا، وہ گھر جہاں وحی نازل ہوتی تھی، وہ دروازہ جہاں #جبرئیل_امین ادب سے اذن دخول لیتے تھے، وہ مکان جہاں رسول اللہﷺ آکر اشارہ کر کے سلام کرتے تھے اور فرماتے تھے السلام علیک یا اہل بیت النبوۃ۔۔۔

مادر کی جدائی
مولا علی (علیہ السلام) نے سب کو اکھٹا کیا تاکہ خاتون جنت کے آخری دیدار کریں، ارشاد فرمایا ام کلثوم، زینب، سکینہ، حسن، حسین، فضہ آو اور الوداع کہو رخصت ہو لو کہ اب تم اپنی ماں سے جنت میں ہی ملاقات کرو گے!
بے چینی کا عالم ہے بچے ماں کے جنازہ سے لپٹ کر رخصت ہو رہے ہیں کہ اسی اثنا ہاتف غیبی نے صدا دی اے #ابا_الحسن (علیہ السلام) ملائکہ حسنین (علیہماالسلام) کا گریہ نہیں دیکھ سکتے بچوں کو ماں سے جدا کر دیجئے۔
اہل زمین کے ساتھ اہل آسمان بھی غم گین ہیں، ملائکہ صف لگائے خانہ وحی پر تعزیت کے لئے کھڑے ہیں لیکن حضرت زہرا (علیہا السلام) کی وصیت کے مطابق جنازہ رات کی تاریکی میں اٹھایا جا رہا ہے، امت میں سے بس کچھ کو یہ سعادت ملی کی شہزادی کونین کے جنازہ میں شریک ہو سکیں اور باقی کسی کو اجازت نہیں تھی کیونکہ حضرت زہرا (علیہا السلام) ناراض تھیں۔

منتقم (عج) حضرت فاطمہ کا انتظار
آج ہم سب یتیم ہو گئے ، اب یہ اہم نہیں کہ پچھتر دن کی روایت مانی جائے یا پچانوے دن کی، اہم یہ ہے کہ #منتقم خون حضرت فاطمہ زہرا(سلام اللہ علیہا) #امام_عصر (عجل اللہ تعالی فرجہ الشریف) کے ظہور کی دعا کرین اور تاکہ عدالت قائم ہو سکے ظلم و ستم کا اس دنیا سے خاتمہ ہو جائے اور ظالمین کو انکے کیفر کردار تک پہنچا دیا جائے۔

#حضرت_زینب_سلام_الله_علیها
#شہادت #فاطمہ_الزہرا
#شیعه #آنلائن #حوزہ_علمیہ #آنلاین_تعلیم #حوزوی_دروس
#امام_صادق_آنلائن_مدرسہ
#Fatima #Shahadat #Madresa #OnlineMadresa #ShiaOnlineMadresa #ImamSadiqOnlineMadresa #Shia
www.imamsadiq.tv/ur
urdu@imamsadiq.tv
facebook.com/imamsadiq.ur
Whatsapp: +98-9197 786 110

‍ ⚫️#کربلا کے واقعہ کے بعد جب کاروان مدینہ آیا اور #ماں کو بیٹوں کی شہادت کی خبر دی گئی اور کیفیت شہادت کو بیان کیا گیا تو سب با آواز بلند گریہ کرنے لگے لیکن ماں کا صرف یہ سوال تھا کہ میرے #حسین (علیہ السلام) کے بارے میں باتاو۔۔۔#بشیر #حضرت_عباس(علیہ السلام) کی شہادت کی خبر دیتا تھا لیکن ماں صرف یہ پوچھتی تھی کہ میرے آقا حسین (علیہ السلام) کیسے ہیں۔۔۔؟ حضرت عباس (علیہ السلام) کی ماں جناب #امّ_البنین (علیہا السلام) امام کی محبت اور ولایت میں ایسا ڈوبی ہوئی تھیں کہ صرف امام حسین (علیہ السلام) کی سلامتی کا خیال تھا۔

🏴آج اسی #ماں_کی_شہادت کا دن ہے کہ جو اپے بیٹوں کو نہ روئیں اور زندگی بھر امام حسین (علیہ السلام) کے غم میں مرثیہ پڑھا۔

🔳آپ کا نام #فاطمہ اور لقب امّ البنین (علیہا السلام) ہے۔ آپ کے والد #حزام بن خالد بن ربیعہ ،جو ایک معروف خاندان سے تھے۔ آپ مولا علی(علیہ السلام) کی زوجہ تھیں اور آپ کوحضرت فاطمہ(علیہا السلام) کے بچوں کی خدمت کا شرف بھی ملا۔ اہلبیت(علیہم السلام) کے درمیان آپ کی بہت عظمت ہے اور مومنین اپنی حاجتوں کے لئے آپ سے توسل کرتے ہیں۔
ان پاک دامن بی بی نے اپنی پوری عمر کو حضرت فاطمہ (علیہا السلام) کے بچوں کی خدمت کے لئے وقف کر دیا تھا یہاں تک کہ اپنے چاروں بیٹوں کو امامت کی راہ میں قربان کردیا۔
سن 69 ہجری میں جناب امّ البنین (علیہا السلام) کی وفات ہوئی اور آپ کو چار معصوم اماموں (علیہم السلام) کے قریب #قبرستان_بقیع میں سپرد خاک کیا گیا۔

——————————————————-
#حضرت_ام_البنین #شہادت #فاطمہ_الزہرا #شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
Website:imamsadiq.tv/ur
Facebook:imamsadiq.ur/
Email: urdu@imamsadiq_tv
Instagram :imamsadiq_ur
Telegram:imamsadiq_ur
WhatsApp: +98-9197786110

‍ 🌺#حضرت_زہرا سلام اللہ علیہا کی عظمت
#امام_حسن_عسکری (علیہ السلام) #رسول_اللہ ﷺ سے نقل فرماتے ہیں کہ جب اللہ تعالی نے #حضرت_آدم(علیہ السلام) اور #حضرت_حوا(علیہا السلام) کو جنت میں خلق کیا تو دوںوں نے اپنے اوپر فخر کیا اور حضرت آدم (علیہ السلام) نے جناب حوا(علیہا السلام) سے فرمایا کہ خداوند عالم نے ہم سے بہتر کسی کو خلق نہیں کیا۔
خداوند عالم نے #جبرئیل(علیہ السلام) کو حکم دیا کہ میرے بندہ آدم (علیہ السلام) کو #فردوس اعلیٰ لے جاو، جیسے ہی آدم(علیہ السلام) اس بلند مقام پر پہنچے وہاں ایک خاتون کو دیکھا جو بہترین محل میں بیٹھی ہیں، انکے سر پر نور کا تاج ہے اور کانوں میں نور کے گوشوارے ہیں اور انکے جمال کے نور نے بہشت بریں کو منور کر دیا ہے۔
جبرائیل(علیہ السلام) سے پوچھا کہ یہ کون ہیں؟ تو جواب دیا کہ یہ فاطمہ (سلام اللہ علیہا) میرے حبیب اور نبی محمدﷺ کی بیٹی ہیں کہ جو آپ کی نسل میں ہوں گی۔
حضرت آدم نے پوچھا کہ یہ تاج کیسا ہے؟
جبرئیل(علیہ السلام) نے بتایا کہ یہ انکے شوہر#علی_بن_ابی_طالب (علیہ السلام) ہیں۔

💐حضرت فاطمہ(علیہا السلام) کی #رضایت اللہ کی رضایت ہے۔
بی بی دو عالم(علیہا السلام) کا مرتبہ اتنا بلند ہے کہ رسول اللہ ﷺ نے فرمایا کہ میری بیٹی جس سے راضی ہو گئیں میں اس سے راضی ہو جاوں گا اور جس سے میں راضی ہوگا اس سے اللہ راضی ہو جائے گا. اور جس سے میری بیٹی ناراض ہوئیں اس سے میں ناراض ہوجاوں گا اور جسنے مجهے ناراض کیا اس نے اللہ کو ناراض کیا۔

🌸شہزادی کونین مادر حسنین حضرت فاطمہ زہرا(علیہا السلام) کی ولادت با سعادت تمام مسلمین کو مبارک ہو۔
—————————————
#حضرت_فاطمہ #ولادت #فاطمہ_الزہرا #شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
Website:imamsadiq.tv/ur
Facebook:imamsadiq.ur/
Email: urdu@imamsadiq_tv
Instagram :imamsadiq_ur
Telegram:imamsadiq_ur
WhatsApp: +98-9197786110

‍ 📍 کتنا عظیم اور فضیلتوں والا مہینہ ہے ماہ #رجب کہ جسکا آغاز خوشی کےساتھ ہے ۔اسکی پہلی تاریخ #باقر_العلوم (علیہ السلام) سے وابستہ ہے یعنی علم اور معرفت کے سمندر سے منسوب ہے، #حلم اور #صبر کے مظہر سے وابستہ ہے۔

💐 #امام_باقر (علیہ السلام) سلسلہ #امامت اور #ولایت کی پانچویں کڑی ہیں اور آپ کی ولادت با سعادت پہلی رجب سن ۵۷ ھ میں ہوئی۔
آپ کا شرف یہ ہے کہ والد ین کی طرف سے علوی اور فاطمی ہیں،یعنی آپ کے والد #امام_زین_العابدین (علیہ السلام) اور والدہ #امام_حسن_مجتبی(علیہ السلام) کی بیٹی ہیں، دوسرے الفاط میں آپ حسنی بھی ہیں اور حسینی بھی ہیں۔

🌼 #محمد_بن_مسلم کی روایت ہے کہ ایک دن میں نے امام (علیہ السلام) سے عرض کیا کہ مولابہت سے لوگ ہیں جونہایت خلوص اور سنجیدگی سے عبادت اور بندگی کرتے ہیں لیکن آپ اہلبیت (علیہم السلام) کی ولایت نہیں رکھتے اور حق کو نہیں پہچانتے، کیا یہ خضوع اور خشوع والی عبادتیں انکو فائدہ پہنچائیں گی؟
💬امام باقر (علیہ السلام) نے فرمایا کہ اے محمد! اہلبیت پیامبر ﷺ کی مثال اس قوم میں ایسی ہے کہ جیسے اللہ کے نبی عیسیٰ (علیہ السلام) کی مثال بنی اسرائیل کے درمیان تھی۔
🔸بنی اسرائیل میں ایک گھر تھا کہ جسکے تمام لوگوں نے چالیس دن تک عبادت کی تاکہ انکی دعا قبول ہو جائے اور ایسا ہی ہوا کہ انکی دعا قبول ہو گئی، لیکن اسی گھرانے کے ایک فرد نے چالیس دن عبادت کی لیکن اسکی دعا مستجاب نہیں ہوئی۔ وہ شخص حضرت #عیسیٰ (علیہ السلام) کے پاس آیا اور اس کیفیت کو بیان کیا ، حضرت عیسیٰ (علیہ السلام) نے اس شخص کے متعلق خداوند عالم سے دریافت کیا۔
پروردگار عالم نے فرمایا، اے عیسیٰ میرے اس بندے کو جس در سے آنا چاہئے اس در سے داخل نہیں ہوا بلکہ کسی اور در سے آنےکی کوشش میں تھا کیونکہ اسکے دل میں تمہاری نبوت کی نسبت شک ہے۔
اگر یہ بندہ اسی حالت میں اتنی دعا کرے کہ عبادت کی کثرت سے اسکی گردن شکستہ اور انگلیاں ٹوٹ جائیں تب بھی اسکی دعا قبول نہیں ہو گی۔
حضرت عیسیٰ (علیہ السلام) نے اس شخص سے فرمایا کہ تم خدا کو تو پکارتے ہو لیکن اسکے نبی کی نبوت کے بارے میں شک کرتے ہو!؟
اس نے کہا کہ ہاں آپ نے صحیح فرمایا، آپ خداوند عالم سے دعا کرئے کہ مجھےمعاف کرے اور میرے دل سے آپ کی نسبت شک کو دور کر دے۔
حضرت عیسیٰ (علیہ السلام) نے اسکے لئے دعا کی اور اللہ تعالیٰ نے دعا قبول کرلی اور اسکو معاف کر دیا۔
🟢امام صادق (علیہ السلام) آنلائن مدرسہ تمام مومنین کی خدمت میں اس پر مسرت موقع پر تبریک و تہنیت پیش کرتا ہے۔
————————————————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

المصباح ایجوکیشنل سنٹر فار ورچوئل اسٹڈیز (مشہد مقدس) کے ایک وفد نے امام صادق(علیہ السلام) بین الاقوامی ادارہ (قم المقدسہ) کے دفتر کا دورہ کیا۔

اس ملاقات میں مختلف شعبوں میں انجام پانے والی باہمی سرگرمیوں پر تاکید کی گئی۔ بالخصوص شیعہ عقائد پر ہونے والے جدید اعتراضات کے جوابات فراہم کرنے پر مزید زور دیا گیا۔

—————————————-
#امام_صادق_بین_الاقوامی_ادارے #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت
🌐imamsadiq.tv/ur
🟪t.me/imamsadiq_ur
🟦facebook.com/imamsadiq.ur
🟩WhatsApp: +98-9197786110

‍ 🌸 #ماہ_رجب کی ۱۳ تاریخ اور ۳۰ #عام_الفیل کو عرش بریں سے لے کر فرش زمین تک خوشی کا سما تھا آسمانوں پر #ملائکہ اور زمین پر #مومنین خوشیا ں منا رہےتھے کہ #ابوطالب (علیہ السلام) کے گھر میں #اسد_اللہ_الغالب #علی_بن_ابی_طالب(علیہ السلام) کی ولادت ہوئی ہے۔
💐 #ایمان اور ولایت و امامت کی خوشبو سے خانہ کعبہ معطر ہو گیا #کعبہ کی دیوار پھولےنہ سمائی اور خوشی سے مسکرا کر مولود کعبہ کا استقبال کیا دیر نہ ہوئی تھی کہ کعبہ میں رکھے ہوئے بت گرنے لگے کیونکہ بت شکن کی آمد آمد ہے۔

🍃۱۳ رجب، #اللہ کے ولی اور #رسول_اللہﷺ کے وصی #امیر_المومنین علی بن ابی طالب (علیہ السلام)کی ولادت کا دن ہے کہ جنکی تعریف اور تمجید سے ہر زبان قاصر ہے۔کل ایمان،علم کا سمندر، حق کا معیار،شجاعت کی مثال، حکمت کا چشمہ اور ہدایت کاچراغ جن کے وجود سے ہر موجود فیضیاب ہو رہی ہے۔
🌸 رسول اکرمﷺ نےفرمایا کہ اگر اس دنیامیں موجود سمندر کا پانی روشنائی بن جائے اور تمام درخت قلم بن جائیں اور تمام انس اور جن مل کر علی (علیہ السلام) کے فضائل کو جمع کرنا چاہیں تب بھی فضائل جمع نہیں ہو سکتے۔

امام صادق (علیہ السلام) آنلائن مدرسہ تمام مسلمانوں کی خدمت میں اس پر مسرت دن کی تبریک و تہنیت پیش کرتا ہے۔
————————————————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ 🏴 #اسلام زندہ ہوتا ہے #کربلا سے اور کربلا زندہ ہے #حضرت_زینب (سلام اللہ علیہا ) سے! 🏴

🔳 آج ۱۴ #رجب کو حضرت زینب (علیہا السلام) اس دنیا سے رخصت ہو گئیں لیکن آپ کا پیغام ہمیشہ باقی رہے گا۔
نقل ہوا ہے کہ جب #ابن_عباس نے چاہا کہ #امام_حسین (علیہ السلام) کو کربلا جانے سے روکیں اور عرض کیا کہ کم از کم بچوں اور عورتوں کو ساتھ نہ لے جائیں۔لیکن جب حضرت زینب(علیہا السلام) نے یہ بات سنی تو جواب دیا کہ کیا آپ چاہتے ہیں کہ ہمارے سید و سردار تنہا اس سفر پر جائیں اور ہم یہاں رہ جائیں، خدا کی قسم ہم انکے ساتھ زندہ ہیں اور انہیں کے ساتھ مریں گےکیوں کہ اس دنیا میں ان سوا ہمارا کوئی نہیں۔

⚫️اور پھر اسی #جذبہ کو کربلا کے میدان میں دیکھایا اور #کوفہ و #شام کے بازاروں میں بھی بتایا کہ #امامت اور #ولایت کا #عقیدہ کتنا قیمتی ہے اورکس طرح اس عقیدہ کی حفاظت کرنا ہے۔
امام صادق (علیہ السلام) آنلائن مدرسہ #صبر و #استقامت کی مثال، #پاسبان_ولایت، #شریکۃ_الحسین(علیہ السلام) حضرت زینب (علیہا السلام) کی #شہادت پر تعزیت پیش کرتا ہے۔خداوند عالم کی بارگاہ میں دعا ہے کہ ہم سب کو اس دنیا میں حضرت زینب (علیہا السلام) کا پیروکار بننے کی توفیق عطا کرے اور آخرت میں شہزادی زینب (علیہا السلام) کی #شفاعت نصیب فرمائے۔


قال الرسول صلي‌الله‌عليه‌وآله وسلم:
مَن بَكي عَلي مُصابِ هذِهِ البِنتِ (زَينَبَ بِنتِ عَلِيّ‌ عليها‌السلام) كانَ كَمَن بَكي عَلي أخَوَيهَا الحَسَنِ و الحُسَينِ‌ عليهما‌السلام
جس نےاس دختر (زینب بنت علی علیہا السلام)کی مصیبتوں پر گریہ کیا اس نے گویا انکے بھائیوں حسن اور حسین (علیہما السلام) پر گریہ کیا۔
وفيات الأئمۃ، ص ۴۳۱.


———————————————————————

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ ۱۵ رجب:شہادت امام موسی کاظم (علیہ السلام)

🏴 اللّٰھم صلِّ علی موسَی بنَ جعفر و... على الْمُعَذَّبِ فِی قَعْرِ السُّجُونِ وَ ظُلَمِ الْمَطَامِیرِ ذِی السَّاقِ الْمَرْضُوضِ بِحَلَقِ الْقُیُودِ
خدایا #موسی_ابن_جعفر پر درود نازل فرما!۔۔۔ قیدخانوں اور تنگ و تاریک کمروں میں اذیتیں اٹھانے والے، ورم زدہ اور زخمی پیروں اور زنجیروں میں جکڑے ہوئے تھے۔۔
⚫️#امام_کاظم (علیہ السلام) کو #ظالم اور جابر حاکموں نے متعدد بار مختلف #زندانوں میں قید کروایا اور نہایت اذیتیں پہنچائیں، اسی لئے امام (علیہ السلام)کی #زیارت میں اس طرح کے جملے ملتے ہیں کہ وہ امام(علیہ السلام) کہ جنکو تاریک زندانوں میں زنجیروں میں جکڑ کر رکھا گیا۔
ظالم یہ فکر کرتے تھے کہ #اللہ کے نور کو خاموش کر سکتے ہیں لیکن یہ اللہ کا وعدہ ہےاور یہ نور ختم نہیں ہو سکتا۔

امام کاظم (علیہ السلام) کو #باب_الحوائج بھی کہا جاتا ہے یعنی #حاجتوں کا دروازہ اور اس بات میں کوئی شک نہیں کہ امام ہفتم (علیہ السلام) سے #توسل کر کے جو دعا مانگی جائے وہ بہت جلد قبول ہوتی ہے۔
◾️ #بغداد کے ایک #زندان میں آپ کو زہر دے کر #شہید کر دیا گیا اور شہادت کے بعد زندانبان نے حکم دیا کہ آپ کا جسم بے جان بغداد کے #پل پر رکھ دیا جائے اور ہتھکڑی اور بیڑی سمیت آپ کے جسم اقدس کو پل پر چھوڑ دیا گیا۔
◾️ #شیعوں کو امام(علیہ السلام)کی شہادت کی اطلاع ملی تو انھوں نے آپ کا جنازہ اٹھایا اور عقیدت و احترام کے ساتھ کاظمین میں سپرد خاک کیا۔
آج امام کاظم (علیہ السلام) کی المناک شہادت کے موقع پرشہر #کاظمین کی فضا دلگیر ہے بلکہ ہر #مومن اور کائنات کا ذرہ ذرہ مغموم ہے ۔

🏴🏴🏴 امام موسی کاظم (علیہ السلام) کی شہادت پر تمام مومنین کو تعزیت پیش کرتے ہیں۔

————————————————
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ ۲۶ رجب وفات حضرت ابوطالب (علیہ السلام)

⚫️ مکہ میں سن آٹھ عام الفیل کو #حضرت_عبد_المطلب علیہ السلام بستر علالت پر تھے اور وصیتیں فرما رہے تھے اور#جناب_ ابوطالب علیہ السلام اپنے والد گرامی کی وصیت سن رہے تھے۔جناب عبد المطلب علیہ السلام کی آخری وصیت حضرت ابو طالب علیہ السلام سے یہی تھی کہ میرے پوتے محمد (صلی اللہ علیہ وآلہ وسلم) کا خیال رکھانا اور ہر طرح سے انکی حمایت اور حفاظت کرنا۔
حضرت عبد المطلب علیہ السلام کے بعد جناب ابوطالب علیہ السلام نے دل و جان سے حضرت #رسول_اللہ ﷺ کی حفاظت کی اور ہر ممکن طریقہ سے حمایت کی یہاں تک کہ اپنے بچوں کو خطرہ میں ڈالا اور آنحضرت ﷺ کی حفاظت کرتے رہے۔ اور اسی طرح جناب رسالتمآب ﷺ بھی آپ سے بے حد محبت فرماتے تھے۔

◼️روایات میں ملتا ہے کہ جناب ابوطالب علیہ السلام رسول اکرم ﷺ سے انتنی زیادہ محبت کرتے تھے کہ جب کبھی آپ کی نگاہ نبی اکرم ﷺ پر پڑتی تھی تو رونے لگتے تھے اور فرماتے تھے کہ میں جب انکو (رسول اللہ ﷺ) دیکھتا ہوں مجھے میرے بھائی (عبد اللہ) یاد آجاتے ہیں۔

🔳 اسی لئے جب ۲۶ #رجب ۱۰ #عام_الفیل کو جناب ابوطالب علیہ السلام کی وفات ہوئی تو رسول اللہ ﷺ نےبہت زیادہ غم اور اندوہ کا اظہار کیا اور آپ کو اتنا صدمہ تھا کہ اس سال کو #عام_الحزن کا نام دیا اور سب کو حکم دیا کہ غم منائیں۔
نبوت کے حامی ولایت کے پاسبان آج کے دن اس دنیا سے چلے گئے ، تاریخ میں ہے کہ دفن کے وقت پیامبر اکرم ﷺ جناب ابوطالب علیہ السلام کے جنازہ کے قریب آئےاور فرمایا (ائے چچا جان)میں اسطرح آپ کے لئے #شفاعت کی دعا کروں گا کہ جسکو دیکھ کر جن اور انس تعجب کریں گے۔(۱)

🏴 آنحضرت ﷺ نے فرمایا ما نالت قریش منی شیئا اکرهه حتی مات ابوطالب
جب تک ابوطالب (علیہ السلام) زندہ تھے قریش میں ہمت نہیں تھی کہ مجھے نقصان پہنچا سکیں۔(۲)
حوالہ جات:
1. البدایة و النهایة؛ ابن کثیر، ج 3، ص 120.
2. سبل الهدی، ج2، ص 435.
———————————————————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ ۲۷ رجب عید مبعث
🌷یوں تو روز اول سے #رسول_اکرم ﷺ اللہ کے #نبی اور #رسول ہیں لیکن آپ نے اپنی نبوت کا اعلام ۴۰ سال کی عمر میں کیا کہ جب #غار_حرا میں آپ پر #وحی نازل ہوئی اور #قرآن_مجید کی پہلی آیات کا نزول ہوا کہ اقرأ بسم ربک الذی خلق۔۔۔
#روز_مبعث یا #بعثت اس دن کو کہا جاتا ہے کہ جب #ہجرت سے ۱۳ سال قبل بتاریخ ۲۷ رجب رسول گرامی اسلامﷺ کو مبعوث کیا گیا اور یہ دن عید کا دن ہے۔
💐 یہ دن مسلمانوں کے لئے عید کیوں نہ کہ یہ اسلام کے آغاز کا دن ہے۔کفر و ظلم و جور کی تاریکیوں کے خاتمہ کا دن ہے زمین پر اسلام کا نور پھیل رہا ہے اور ہدایت کے چراغ روشن ہو رہے ہیں۔ یہ #خاتم_الانبیاء کے مبعوث ہونے کا دن ہے، انسان کے کئے نوید اور مژدہ ہے کہ اب انسانیت کو اسکا وقار واپس ملے گا۔
🌸☘️ یقانا تاریخ بشر یت کے لئے یہ ایک اہم دن ہےکہ آج اللہ تعالی کے آخری نبی مبعوث ہوئے ہیں اور یہ انبیاء الہی کے سلسلہ کی آخری کڑی ہیں کہ جنکے ذریعہ تمام انبیاء کی زحمتیں منزل کمال تک پہونچیں گی۔
امام صادق (علیہ السلام) آنلائن مدرسہ تمام مونین کی خدمت میں اس پر برکت عید کی مناسبت سے تبریک و تہنیت پیش کرتا ہے۔
————————————————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ 🌺آج ولادت ہے ہمارے تیسرے امام (علیہ السلام) کی، آج آمد ہے #امام_علی (علیہ السلام) اور #حضرت_زہرا (علیہا السلام) کی زندگی کے دوسرے پھول کی، آج کا دن منسوب ہے #خامس_آل_عبا #امام_حسین(علیہ السلام) سے ۔ امام حسین (علیہ السلام) ایسی شخصیت ہیں کہ جنکو دو عظیم گروہوں کی سرداری ملی ایک تو آپ #سید_الشہداء قرار پائے اور دوسری طرف آپ جنت کے جوانوں کے #سرداربھی ہیں۔
🌸آج کے دن کی مناسبت سے امام حسین (علیہ السلام) کے بچپن کی ایک کرامت ذکرکی جا رہی ہے۔واقعہ کچھ اس طرح نقل کیا جاتا ہے کہ اللہ کی بارگاہ سے نکالا گیا ایک #فرشتہ کہ جسکا نام #فطرس تھا زمین کے کسی کونے میں اپنی سزا کاٹ رہا تھا۔وہ زمین کے کسی جزیرہ میں اپنے جلے ہوئے بال و پَر دیکھ کر افسوس کرتا تھا اور اسی حالت میں اس نے اللہ تعالی کی ۷۰۰ سال #عبادت جاری رکھی۔ جب امام حسین (علیہ السلام) کی #ولادت کی خبر عرش والوں کو ملی تو #جبرئیل_امین #ملائکہ کے ساتھ اہلبیت (علیہم السلام) کے پاس مبارکباد کے لئے آئے۔ جب فطرس نے ملائکہ کی اس رفت و آمد کو دیکھا اور ماجرا دریافت کیا تو اسنے بھی خواہش ظاہر کی کہ اسکو بھی #رسول_اللہ ﷺ کی خدمت میں لے جایا جائے تاکہ وہ ختمی مرتبتﷺ سے طلب #شفاعت کر سکے۔
💐جب فطرس نے رسول اکرمﷺ سے طلب شفاعت کی تو آنحضرت ﷺ نے فرمایا کہ تم اپنے بال و پَر کو حسین (علیہ السلام) کے #جھولے سے مس کرو اور فطرس نےحکم کی تعمیل کی اور امام حسین (علیہ السلام) کی برکت سے خداوند عالم نے فطرس کو معاف کر دیا اور دوبارہ عرش پر اسکو اپنی کھوئی ہوئی منزلت مل کئی۔فطرس نے اس واقعہ کے بعد اذن الہی سے اپنے آپ کو امام حسین (علیہ السلام) کی خدمت کے لئے وقف کر دیا اور امام (علیہ السلام) کی شہادت کے بعد امام (علیہ السلام) پر بھیجے گئے #درود و #سلام کو پہنچانے کی ذمہ داری کو انجام دینے لگا۔
🌸پروردگار عالم ہم سب کو بھی امام حسین (علیہ السلام) کی شفاعت نصیب فرئے۔
اسی مناسبت سے امام صادق(علیہ السلام)آنلائن مدرسہ تمام محبین آل محمد (علیہم السلام) کی خدمت میں مبارک باد پیش کرتا ہے۔
————————————————————-
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ #چار_شعبان سن ۲۶ ہجری کوایک با برکت مولود نے دنیا میں قدم رکھااور #فداکاری، #شجاعت و #ولایت کےمعنا اور مفہوم کو دنیا والوں کے لئے تازہ کردیا ۔یہ مولود جناب حضرت #ابو_الفضل_العباس (علیہ السلام) ہیں کہ جو #امام_علی (علیہ السلام) اور جناب #ام_البنین (علیہا السلام) کے فرزند ارجمند ہیں۔
جناب حضرت ابو الفضل العباس (علیہ السلام) تمام ظاہری اور باطنی کمالات کے مالک تھے اور خاندان عصمت و طہارت میں ایک نمایاں حیثیت رکھتے ہیں اسی لئے آپ کو #قمر_بنی_ہاشم کا لقب ملا ، یعنی بنی ہاشم کا چاند۔
حضرت ابوالفضل العباس کی سیرت میں علماء نے لکھا ہے کہ:
کان عبّاس ابن امیرالمؤمنین رجلاً جمیلاً وسیماً یرکب الفرس المُطَهّم و رِجْلاهُ یَخُطّان فی الأرض؛
امیر المومنین (علیہ السلام)کے بیٹے عباس نہایت خوبصورت اور رشید مرد تھےاور جب آپ گھوڑے پر سوار ہوتے تھے تو آپ کے پیر زمین پر خط دیتے تھے۔
اگر تاریخ میں کسی کو #مدافع_ ولایت کا بہترین نمونہ عمل دیکھنا ہو تو یقینا جناب ابو الفضل العباس (علیہ السلام)کا نام سر فہرت ہوگا۔بے شک آپ کی والدہ ماجدہ جناب ام البنین(علیہا السلام) نے آپ کی خوب تربیت کی اور آپ کو ولایت مداری کا خوب درس دیا۔
جناب عباس (علیہ السلام) نے اپنی پوری زندگی کے تمام لحظات کو #امام وقت کی خدمت کے لئے وقف کردیا تھا ، امام علی (علیہ السلام) کے زمانے سے لے کر #امام_حسین (علیہ السلام) کی رکاب میں فیض شہادت تک آپ نے رہتی دنیا تک شیعوں کے لئے ولایت کی پیروی کا عظیم درس پیش کیا۔
امام صادق (علیہ السلام) آنلائن مدرسہ تمام عاشقان اہلبیت (علیہم السلام) کو جناب عباس (علیہ السلام) کی ولادت با سعادت پر تبریک پیش کرتا ہے۔
—————————————————————
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ #ماہ_شعبان عظمتوں کا مہینہ ہےکیونکہ اس میں عظیم ہستیوں کی ولادتیں ہیں، پہلے #امام_حسین (علیہ السلام) کی ولادت پھر #حضرت_عباس (علیہ السلام) اور آج چوتھے #امام_حضرت_زین_العابدین (علیہ السلام) کی ولادت کا دن ہے۔
پانچ شعبان سن ۳۸ ہجری #مدینہ منورہ میں خاندان #وحی اور #امامت میں ایک نیا بھول کھلا کہ جس کے نور سے دنیا منور ہو گئی۔
امام حسین (علیہ السلام) کو اپنے بابا #علی_مرتضی (علیہ السلام) سے اتنی الفت تھی کہ آپ نے اپنےسب بیٹوں کا نام #علی رکھا۔
امام سجاد (علیہ السلام) #کربلا کے واقعہ کے بعد ۲۲ سال کی عمر میں منصب امامت پر فائز ہوئے اور اسطرح #امت کی ہدایت کا عہدہ سمبھالا۔
امام #علی_بن_الحسین (علیہ السلام) کے لئے کثرت سے #القاب نقل ہوئے ہیں جو اس بات کی دلیل ہیں کہ آپ بے انتہا کمالات اور خوبیوں کے مالک تھے،آپ کے کچھ مشہور القاب ہیں:
(۱) #سید_الساجدین : یعنی سجدے کرنے والوں کے سردار۔
(۲) #سجّاد : کثرت سے سجدہ کرنے والا۔
(۳) #زین_العابدین :اسکا مطلب ہے عبادت کرنے والوں کی زینت۔
(۴) #ذو_الثفنات : یہ لقب امام کو اس لئے ملا کیونکہ کثرت سے طولانی سجدے کرنے کے نتیجہ میں آپکی پیشانی پر اثر نمایاں ہو جاتا تھا اور بہت زیادہ گٹے پڑجاتے تھے۔
(۵) #ابن_الخیرتین : آپ کو اس لئے اس لقب سے یاد کیا جاتا ہے کیوں کہ آپ کے والد بنی ہاشم کے بہترین فرد تھے اور آپ کی والدہ یعنی بی بی #شہربانو (علیہا السلام)غیر عرب میں بہترین خاتون تھیں۔
امام سجاد (علیہ السلام) نے بہت زیادہ حساس اور خطرناک حالات میں امت کی راہنمائی کی اور اپنی درایت سے تبلیغ اسلام کا بہترین نمومہ دعاوں کی صورت میں پیش کیا۔ بنی امیہ کی ظالمانہ حکومت میں اسلامی معارف کو #دعاؤں کے مجموعہ کے ذریعہ مسلمانوں تک پہنچایا جوکہ آج بھی #صحیفہ_سجادیہ انسانوں کے لئے مشعل راہ ہے۔
امام صادق (علیہ السلام) آنلائن مدرسہ تمام مسلمانوں کی خدمت میں سید الساجدین، زین العابدین امام علی بن الحسین (علیہ السلام) کی ولادت کی مناسبت سے مبارک باد پیش کرتا ہے۔

———————————————————————————
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110