🎖 Qatar Vaqflar va Islom ishlari vaziri Samarqandda bo‘ldi.

🖋 Qatar Vaqflar va Islom ishlari vaziri Al-G‘onim boshchiligidagi Qatar delegatsiyasi Samarqand shahriga rasmiy tashrifi davomida Samarqand shahar "Inson" ijtimoiy xizmatlar markazida bo‘lib, markaz faoliyati bilan yaqindan tanishdi hamda sohada qo‘shma loyihalar va dasturlarni amalga oshirish yuzasidan mas'ullar bilan fikr almashildi.

✅ Shuningdek, delegatsiya a'zolari Samarqand shahrining diqqatga sazovor joylariga tashrif buyurishdi. Ko‘hna shaharning bugungi kundagi qadimiy tarixi, betakror osori-atiqalari bilan jahon ahlini o‘ziga rom etib kelayotganligi, o‘rta asrlar davrida moviy gumbazli muazzam minoralar va o‘lmas obidalarga ega mazkur shaharning naqadar rivoj topganini va bugungacha saqlanib qolganligini alohida e'tirof etishdi.

🌎 Dunyoning eng buyuk shoir va faylasuflari uni - qalb bog‘i, sharq durdonasi, dunyoning ko‘zgusi va hatto yer yuzi deb atashganlarida ham, ular bu go‘zal shaharning barcha go‘zalligi va boyliklarini tasvirlab bera olmagan bo‘lar edilar, kelgunimcha Samarqand hayolimda edi ko‘rganimdan so‘ng yuragimda qoldi - Qatar Vaqflar va Islom ishlari vaziri Al-G'onim.

🤝 Delegatsiyaning O‘zbekistonga tashrifi davom etmoqda. Endilikda Agentlik rahbariyati bilan kelgusida amalga oshirilishi rejalashtirilgan bir qator muhim yo‘nalishlar bo‘yicha uchrashuv o‘tkazilishi belgilangan.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz