🧠 “Kasb va yoshlar” shiori ostida ochiq eshiklar kuni bo‘lib o‘tdi.

💻 Bugun, Ijtimoiy himoya milliy agentligi Samarqand viloyati boshqarmasi tashabbusi bilan Samarqand imkoniyati cheklangan shaxslar uchun ixtisoslashtirilgan maxsus texnikumida “Kasb va yoshlar” shiori ostida o‘tkazilgan ochiq eshiklar kuni tadbirida viloyatdagi barcha alohida ta’lim ehtiyojlari bo‘lgan bolalar uchun ixtisoslashtirilgan maktab-internatlari hamda umumta’lim maktablarining nogironligi bor bo‘lgan 125 nafar 9-11-sinf bitiruvchilari va ularning ota-onalari texnikumga tashrif buyurib, yaratilgan shart-sharoitlar, o‘qitiladigan kasblar bilan yaqindan tanishib, o‘zlarini qiziqtirgan savollarga to‘liq ma’lumotga ega bo‘ldilar.

✅ Tadbir davomida o‘quvchilar va ota-onalar texnikumda olib borilayotgan dars va o‘quv amaliyot mashg‘ulotlarida bevosita ishtirok etib, xonalarning texnik jihatdan jihozlanishi, o‘qituvchilarning dars berish mahoratiga baho berishdi. Tadbir so‘nggida ishtirokchilar va texnikum rahbariyati tomonidan davra suhbati tashkil etilib, o‘quvchilarni kasbga yo‘naltirish, o‘quvchilarni o‘qishga qabul qilish tartibi, ularning bandligini ta’minlash, ta’lim sifatini oshirish kabi mavzular batafsil muhokama etildi.

🖋 Texnikumda o‘quvchilarga “Tikuvchilik”, “Maishiy texnika jihozlariga xizmat ko‘rsatish va ta’mirlash”, “Apparat va dasturiy ta’minot sozlovchisi”, “Poyabzal ta’mirlash ishlari”, “Duradgorlik va pol yotqizish ishlari ishchisi”, “Mebel ishlab chiqarish” kasblar bo‘yicha ta’lim-tarbiya jarayoni tashkil etilgan bo‘lib, nafaqat Samarqand viloyati va tumanlaridan, shuningdek, Qashqadaryo, Buxoro, Navoiy, Jizzax viloyatlarining maxsus maktab-internatlari bitiruvchilari o‘qishga qabul qilinadi.

🥹 O‘tkazilgan tadbir o‘quvchi-yoshlar va ularning ota-onalarida iliq taassurotlar qoldirdi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz

✅"Bolalarni zo‘rovonlikning barcha shaklidan himoya qilish" borasida hamkor tashkilotlar bilan davra suhbati bo‘lib o‘tdi.

💻Bugun, SOS Bolalar mahallalari uyushmasi Samarqand shahar filiali tomonidan “Bolalarni zo‘rovonlikning barcha shaklidan himoya qilish” mavzusida davra suhbati tashkil etildi. Ushbu global tashabbus bolalarga nisbatan zo‘ravonlikning barcha shakllarini bartaraf etishga qaratilgan. Ushbu tashabbus quyidagi ustuvor yo‘nalishlarni o‘z ichiga oladi:

• Bolalar huquqlari va farovonligini ta’minlash;
• Huquqiy himoya;
• Ma’lumotlarga asoslangan yondashuvlar;
• Bolalarni himoya qilish tizimlarini mustahkamlash;
• Raqamli muhitdagi xavflarni bartaraf etish;
•Asosiy manfaatdor tomonlar o‘rtasidagi hamkorlikni kuchaytirishdan iborat.

🖋Mazkur tadbirda, Ijtimoiy himoya milliy agentligi Samarqand viloyati boshqarmasining Bolalarni ijtimoiy himoya qilish shu’basi mudiri X.Raxmanov ishtirok etib bugungi kunda bolalarni zo‘rovonlikning barcha shakllaridan himoya qilish borasida olib borilayotgan ishlar to‘g‘risida gapirib o‘tdi va ushbu yo‘nalishlarda ishlarni jadallik bilan olib borishda hamkor tashkilotlarning o‘rni beqiyosligi hamda bu borada hamkorlikni kuchaytirib borishlik lozimligini takidlab o‘tdi.

🟢 Ijtimoiy himoya milliy agentligi Samarqand viloyati boshqarmasi matbuot xizmati

📝 telegram | 🎖 ihma.uz