#премьера

Мухаббат ҳақида ёзмайман энди,
Азобдан бошқага ярамайди у.
Еттинчи осмоннинг устида туриб,
Ерда юрганларга қарамайди у.

Мухаббат ҳақида ёзмайман энди,
Қанча керак бўлса қийнади, етар.
Юракни гаровга олиб кетдию,
Фақат шеърлар қолди ундан бир дафтар.

Илоҳий неъматга келтирмайман шак,
Ишқимнинг исмини юракка ўйдим.
Энди севги сўзин айтмасам керак,
Мен унинг борига ишонмай қўйдим.

Ва унинг ҳақида ёзмайман аниқ,
Юракни минг йилда аранг совутдим.
Ичим аламларга тўлганича лиқ,
Кўнглим беқадрни йиғлаб овутдим.

Севиб бахт топганлар биздан минг узр,
Чин бўлса дунёси тургунча турсин!
Бизга бу боради буюргани шу,
Омади чопганлар қандини урсин!

Мен эса у ҳақда ёзмайман энди...

Малика Тавфиқ


https://t.me/iffatli_ayol

#ПРЕМЬЕРА

🔥Буни ҳаёт дейдилар...

Йиқиласан, турасан,
Гоҳ йиғлаб гоҳ куласан,
Кўксинга мушт урасан,
Буни ҳаёт дейдилар...

Кимлар келиб кетмайди,
Кимгадир бахт етмайди,
Сени писанд этмайди,
Буни ҳаёт дейдилар...

Оширади дардингни,
Синдиради мардингни,
Ер айлайди қадрингни,
Буни ҳаёт дейдилар...

Кўзлаганинг ой бўлар,
Лек тутганинг лой бўлар,
Уйинг тупроқ жой бўлар,
Буни ҳаёт дейдилар...

Етгунча мақсадинга,
Тош отар журъатинга,
Ўт ёқар сийратинга,
Буни ҳаёт дейдилар...

Осмон тутма ўзингни,
Ёшлаб кетар кўзингни,
Тингламайди сўзингни,
Буни ҳаёт дейдилар...

Яхшисидан кўп ёмон,
Айлайди рангинг сомон,
Бўлмайди ҳеч сен томон,
Буни ҳаёт дейдилар...

Шоқоллари шерман дер,
Виждонимни ерман дер,
Алдаб ростни дерман дер,
Буни ҳаёт дейдилар...

Эзади тўртта ёқдан,
Учсанг тортар оёқдан,
Ейсан армон таёқдан,
Буни ҳаёт дейдилар...

«Бермасанг пишмас ошинг»,
Турфа синовда бошинг,
Фойда бермас кўз ёшинг,
Буни ҳаёт дейдилар...

Ғамларинга куюнма,
Камларинга куюнма,
Мартабанга суюнма,
Буни ҳаёт дейдилар...

* * * * *

#премьера🔥🔥

Недан аёл кўнгли, ранжиган асли,
Умри ўтмоқдадир ,гўё куз фасли,
Юрак туп тубида, ётар бир дарди,
Хаққи йўқми аёл, бахтли бўлишга.

Ичига бир боқинг, қоронғу зулмат,
Тақдир битикми ё шумиди қисмат,
Ўзи учун яшашга этолмас журъат,
Хаққи йўқми аёл, бахтли бўлишга.

Болам чақам дея умрин ўтказган,
Ор номуси дея бахтидан кечган,
Қўш қўллаб армонга бахтин ютқазган,
Хаққи йўқми аёл, бахтли бўлишга.

Йўл тортган юзидан шашқатор ёши,
Заҳардек бўлар гоҳ оғзида оши,
Не учун ҳеч чиқмас қайғудан боши,
Ҳаққи йўқми аёл бахтли бўлишга. .

Ожиза деманг сиз, шошилманг бироз,
Қийшиқ қовурғадан шу битта айби,
Унга меҳр беринг,, қилманг эътироз.
Ҳаққи йўқми аёл бахтли бўлишга.

Кўз ёши ҳам юзига чизибди ажин,
Ҳар чизиқ остида дард бор яширин,
Ҳаёти ўтмоқда гуё чақмоғу яшин,
Ҳаққи йўқми аёл, бахтли бўлишга..

Кўз ёшин артгани, бирон дардкаш йўқ,
Дардлари юракда мисоли бир ўқ,
Чидолмай ўзига баъзан қилар дўқ,
Ҳаққи йўқми аёл, бахтли бўлишга.

#премьера

Қайдан келиб қолдинг бахтнинг нафаси,
Қайдан келиб қолдинг гул ифорли ўй.
Мен кирсам ёпилсин қалбинг қафаси,
Мени юрагинга маҳкам қамаб қўй!

Икки умидвору, икки бахт талаб,
Кўнгил деган юкни юргандик ташиб,
Қайси оловларда пайвандланди қалб,
Қайси чорраҳада қолдик учрашиб.

Осмоннинг аршида битилган қисмат,
Изингдан бормоғин исботи йўқдур.
Менинг кўксимдаги нишонинг бўлса,
Сенинг нигоҳларинг ҳаммаси ўқдур!

Айғирот отидек югурди умр,
Неча гулладигу, неча бор ҳазон!
Эски сатосини чалганда тақдир,
Куйга монандликдан бошқа йўқ имкон!

Қайдан келиб қолдинг бахтнинг нафаси,
Қайси ёруғ кунда бўлдинг сен пайдо.
Қайси бир ҳуш ёққан ҳислатларимга,
Мукофотлар ила сийлади Худо!

Малика Тавфиқ

ИФФАТЛИ АЁЛ КАНАЛИ СИЗ ЛОБАР АЁЛЛАР УЧУН


https://t.me/joinchat/V5iu5oCdJSgB4hAg