Huquqiy axborot | Lotin
2.06K members
337 photos
38 videos
1 file
2.37K links
Yangi qonun hujjatlari, huquqiy islohotlar haqida tezkor maʼlumotlar taqdim etuvchi kanal

Savollar, huquqshunos maslahati uchun: www.advice.uz

Qonunchilikka takliflar uchun: @qonunchilikbot
Download Telegram
to view and join the conversation
#Adliya_xabari

⚡️ Ilk bor texnik hujjat Adliya vazirligida huquqiy ekspertizadan o‘tkazildi: hujjat pandemiya davrida bog‘chalarga qo‘yiladigan sanitariya talablari haqida

🔍 “COVID 19 pandemiyasi davrida maktabgacha taʼlim tashkilotlarining ish faoliyatiga qo‘yiladigan vaqtinchalik sanitariya-gigiyenik talablar” Adliya vazirligida huquqiy ekspertizadan o‘tkazildi va hisobga olindi.

🏫 Mazkur hujjat COVID-19 infeksiyasi tarqalish xavfi bilan bog‘liq sanitariya-epidemiologik vaziyatda, turi, tashkiliy-huquqiy va mulkchilik shaklidan qatʼiy nazar, maktabgacha taʼlim tashkilotlari (MTT)ning ish faoliyatiga nisbatan tatbiq etiladi.

🔰 Hujjatga ko‘ra, MTTga bolalarni qabul qilish vaqtida quyidagi asosiy qoidalarga rioya etish muhim hisoblanadi:

😷 tarbiyalanuvchini olib keluvchi va olib ketuvchi shaxs va tarbiyalanuvchilar MTTga tibbiy niqob tartibiga rioya etgan holda boradi;

🚫 tarbiyalanuvchining olib keluvchi va olib ketuvchi shaxslarga MTT hududiga kirishi taqiqlanadi;

📝 tarbiyalanuvchini MTTning masʼul xodimi qabul qilib oladi hamda tibbiy xodim tomonidan “ertalabki filtr” o‘tkaziladi va ko‘rsatkichlar maxsus jurnalga qayd qilinadi;

🚰 tarbiyalanuvchi “ertalabki filtr”dan o‘tgandan keyin guruhga kirishdan oldin tibbiy niqobni yechadi, kiyim va poyafzalini almashtiradi, so‘ngra MTT xodimi nazorati ostida 20 soniyadan kam bo‘lmagan muddatda qo‘llarini sovun bilan yaxshilab yuvadi;

🌡 MTTda tarbiyalanuvchilarning tana harorati kamida 2 marta (MTTga kelganda va uyga qaytishdan oldin) va ehtiyoj bo‘lganda o‘lchanadi.

📋 Shuningdek, hujjatda tarbiyalanuvchilarni xavfsiz taʼlim olishi va tarbiyalanishini tashkil etish chora-tadbirlari ham belgilangan.

📌 Jumladan, o‘yinlarni o‘tkazishda tarbiyalanuvchilar guruhi o‘zaro munosabatlarni cheklash orqali 2-3 boladan iborat kichik guruhlarga bo‘linadi.

⚠️ Eslatib o‘tamiz, Prezidentning tegishli Farmoniga ko‘ra, texnik hujjatlar joriy yilning 1 iyulidan eʼtiboran Adliya vazirligida majburiy tartibda huquqiy ekspertizadan o‘tkaziladi hamda ijobiy xulosa olingandan so‘ng hisobga olinadi va kuchga kiradi.

Kanalga ulanish👇👇👇
https://t.me/huquqiyaxborot_lotin
#Adliya_xabari

Xabaringiz bor, adliya organlari tizimida korrupsiyaga qarshi murosasiz urush eʼlon qilingan.

Bunda, Adliya vazirligi tizimidagi shu jumladan, adliya boshqarmalari, notarial idoralar, davlat xizmatlari markazlari, yuridik taʼlim muassasalaridagi korrupsiya ko‘rinishi haqidagi maʼlumotlarni telegramdagi @antikorbot boti orqali yoki vazirlik rasmiy veb-saytidagi maxsus platforma orqali yuborish mumkin.

Bunda, yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi qatʼiy sir saqlanishi kafolatlanadi.

Maxsus platforma havolasiga o‘tish manzili: http://www.minjust.uz/uz/anticorruption/feedback

Kanalga ulanish👇👇👇
https://t.me/huquqiyaxborot_lotin
#Adliya_xabari

“Mard o‘g‘lon” davlat mukofoti bilan taqdirlash to‘g‘risida” Prezident qarori qabul qilindi.

Qarorga asosan 28 nafar yoshlar “Mard o‘g‘lon”davlat mukofoti bilan taqdirlandi.

Eslatib o‘tamiz, “Mard o‘g‘lon” davlat mukofoti to‘g‘risidagi nizomga ko‘ra, ushbu mukofot o‘qishdagi muvaffaqiyatlari, ijtimoiy faolligi va isteʼdodi bilan tengdoshlariga o‘rnak bo‘lib kelayotgan 14 yoshga to‘lgan va 30 yoshdan oshmagan iqtidorli yigitlarga fan, taʼlim, tibbiyot, madaniyat, adabiyot, sanʼat, sport, ishlab chiqarish, harbiy xizmat sohalarida hamda huquqni muhofaza qilish organlaridagi faoliyatida erishgan alohida yutuqlari uchun beriladi.

Davlat mukofoti bazaviy hisoblash miqdorining 50 baravari (11 mln 150 ming so‘m) miqdorida belgilanadi.

Kanalga ulanish👇👇👇
https://t.me/huquqiyaxborot_lotin
#Adliya_xabari

❗️Pandemiya davrida maktablarga qo‘yiladigan sanitariya talablari belgilandi

“O‘zbekiston Respublikasida COVID-19 pandemiyasi davrida umumiy o‘rta taʼlim maktablari va o‘rta maxsus maktab internatlarining faoliyatini tashkillashtirish bo‘yicha vaqtinchalik sanitariya-epidemiologik talablar” Adliya vazirligida huquqiy ekspertizadan o‘tkazildi va hisobga olindi.

➡️ Mazkur hujjat COVID-19 pandemiyasi davrida mulkchilik shaklidan qatʼiy nazar, barcha umumtaʼlim maktablari va maxsus maktab internatlarning xavfsiz ish muhitini taʼminlashga qaratilgan ish faoliyatiga tatbiq etiladi.

🔰 Hujjatda, jumladan, quyidagilar nazarda tutilgan:

mashg‘ulotlarni soat 8:00 dan so‘ng boshlash va 17.30 dan kechiktirmasdan tugatish tavsiya etiladi, mashg‘ulotlar uch smenada tashkillashtirilishi mumkin;

⚠️ pandemiya davrida ommaviy tadbirlar (yig‘ilishlar, konsertlar, tug‘ilgan kunlar va shu kabilar) o‘tkazish vaqtincha to‘xtatiladi;

😷 barcha bolalar va ularning qonuniy vakillari niqoblarda kelishlari shart;

📝 maktabga kirishdan avval, maktabning tibbiy xodimlari/masʼul xodimlari tomonidan “ertalabki filtrlash” bo‘yicha maxsus punkt tashkil etilib, tegishi jurnal yuritiladi;

🚰 “ertalabki filtrlash” jarayonidan so‘ng, o‘quvchilar kirish joylarida o‘rnatilgan maxsus dispenserdan antiseptik vosita yordamida qo‘llarini zararsizlantiradilar;

niqob/respiratorsiz maktabga kirishiga ruxsat berilmaydi. Bunda, niqob kamida har 3 soatda, respiratorlar kamida har 8 soatda o‘zgartirilishi lozim;

🏷 sinflarda har bir o‘quvchiga 2 m² dan kam bo‘lmagan maydon bo‘lishi talab etiladi;

♨️ pandemiya paytida maktab oshxonalari o‘z ishini amaldagi sanitariya meʼyorlari va qoidalari talablariga rioya qilingan holda tashkil etadi;

🔻 yuqumli kasalliklar belgilari bo‘lgan o‘quvchilar/maktab xodimlari ushbu belgilar aniqlangan vaqtdan boshlab tez yordam guruhi yoki ota-onalar (qonuniy vakil) kelguniga qadar zudlik bilan izolyatsiya qilinishlari shart.

⚠️ Eslatib o‘tamiz, avvalroq pandemiya davrida bog‘chalarga qo‘yiladigan sanitariya talablari Adliya vazirligida huquqiy ekspertizadan o‘tkazilib, hisobga olingan edi.

Kanalga ulanish👇👇👇
https://t.me/huquqiyaxborot_lotin
​​#Adliya_xabari

⚡️Adliya vazirligi korrupsiyaga qarshi kurash bo‘yicha muvofiqlik sertifikatiga (37001) ega bo‘ldi

🔍 Adliya vazirligi faoliyatining barcha yo‘nalishlari bo‘yicha “CERT INTERNATIONAL” xalqaro tashkiloti (Slovakiya) tomonidan o‘rganildi.

🧾 O‘rganish natijasida vazirlik O‘zbekistonning davlat organlari ichida birinchi bo‘lib ISO 37001:2016 faoliyatining barcha yo‘nalishi “Korrupsiyaga qarshi kurashish menejment tizimi” xalqaro standartiga muvofiq deb baholandi va xalqaro reyestrga kiritildi hamda buni tasdiqlovchi sertifikatga ega bo‘ldi.

➡️ Adliya vazirligining korrupsiyaga qarshi kurashish menejment tizimi xalqaro standart talablariga muvofiq ichki hujjatlardan tashkil topgan bo‘lib, u butun Vazirlik tizimining doimiy nazorat ostida bo‘lishini taʼminlaydi.

❗️Ushbu muvofiqlik sertifikati Adliya vazirligida korrupsiyaga qarshi kurashish tizimi xalqaro standartga muvofiq to‘g‘ri yo‘lga qo‘yilganini tasdiqlaydi hamda kelajakda aholi va xorijiy tashkilotlar bilan aloqalarni va o‘zaro ishonchni yana-da rivojlantirishga olib keladi.

▫️Bu haqda batafsil maʼlumot bilan adliya.uz saytida tanishish mumkin.

Kanalga ulanish👇👇👇
https://t.me/huquqiyaxborot_lotin
#Adliya_xabari

❗️Yuridik texnikumlarga kirish uchun test sinovlari natijalari eʼlon qilindi

⚠️ O‘zbekiston Respublikasi Adliya vazirligi yuridik texnikumlariga o‘qishga kirish uchun test sinlovlarida ishtirok etgan abituriyentlar diqqatiga.

Davlat test markazi tomonidan O‘zbekiston Respublikasi Adliya vazirligi yuridik texnikumlariga o‘qishga kirish uchun o‘tkazilgan test sinlovlari natijalari eʼlon qilindi.

🔰Natijalar bilan quyida har bir yuridik texnikum kesimida tanishishingiz mumkin:

👉 1. Qoraqalpog‘iston Respublikasi yuridik texnikumi
👉 2. Andijon viloyati yuridik texnikumi
👉 3. Buxoro viloyati yuridik texnikumi
👉 4. Jizzax viloyati yuridik texnikumi
👉 5. Qashqadaryo viloyati yuridik texnikumi
👉 6. Navoi viloyati yuridik texnikumi
👉 7. Namangan viloyati yuridik texnikumi
👉 8. Samarqand viloyati yuridik texnikumi
👉 9. Sirdaryo viloyati yuridik texnikumi
👉 10. Surxondaryo viloyati yuridik texnikumi
👉 11. Farg‘ona viloyati yuridik texnikumi
👉 12. Xorazm viloyati yuridik texnikumi
👉 13. Toshkent viloyati yuridik texnikumi
👉 14. Toshkent shahar yuridik texnikumi
👉 15. Imtiyozga ega bo‘lgan abituriyentlar

Kanalga ulanish👇👇👇
https://t.me/huquqiyaxborot_lotin
#Adliya_xabari

O‘zbekiston Respublikasi Adliya vazirligi huzuridagi Oliy malaka komissiyasi tomonidan 2020 yilning 5 noyabr kuni soat 10:00 da xususiy notarial faoliyat bilan shug‘ullanish huquqini berish bo‘yicha malaka imtihoni o‘tkaziladi.

Malaka imtihoni jarayonlarini Adliya vazirligining www.minjust.uz rasmiy veb-sayti orqali bevosita kuzatib borishingiz mumkin.

Kanalga ulanish👇👇👇
https://t.me/huquqiyaxborot_lotin
#Adliya_xabari

🔰 Senatning to‘qqizinchi yalpi majlisida “O‘zbekiston Respublikasi Kasaba uyushmalari kunini belgilash to‘g‘risida” Qonun maʼqullandi.

Qonun bilan 11 noyabrni O‘zbekiston Respublikasi Kasaba uyushmalari kuni deb belgilash nazarda tutilmoqda.

Ayni damda respublikamizda qonun bilan tasdiqlangan 25 ta bayram belgilangan bo‘lib, 9 tasi dam olish kunlari, 16 tasi esa dam olmasdan nishonlanadigan kasb bayramlaridir.

❗️Eslatib o‘tamiz, Qonun kuchga kirishi uchun Prezident tomonidan imzolanishi va belgilangan tartibda rasman eʼlon qilinishi lozim.

Kanalga ulanish👇👇👇
https://t.me/huquqiyaxborot_lotin
#Adliya_xabari

Eslatma: Zo‘ravonlik targ‘iboti uchun javobgarlik bor

Axborot to‘g‘risidagi barcha qonun hujjatlarida zo‘ravonlik va shafqatsizlikni targ‘ib qilish qatʼiy taqiqlangan.

Kanalga ulanish👇👇👇
https://t.me/huquqiyaxborot_lotin
#Adliya_xabari

O‘zbekiston Respublikasi Adliya vazirligi huzuridagi Oliy malaka komissiyasi tomonidan 2020 yilning 4 dekabr kuni soat 10:00 da xususiy notarial faoliyat bilan shug‘ullanish huquqini berish bo‘yicha malaka imtihoni o‘tkaziladi.

Malaka imtihoni jarayonlarini Adliya vazirligining www.adliya.uz rasmiy veb-sayti orqali bevosita kuzatib borishingiz mumkin.

Kanalga ulanish👇👇👇
https://t.me/huquqiyaxborot_lotin
​​#Adliya_xabari

“Huquqiy targ‘ibot ishlari a’lochisi” ko‘krak nishoni o‘z sohiblariga topshirildi

Aholining huquqiy savodxonligini oshirish, qonun hujjatlari mazmun-mohiyatini keng aholi ommasiga tezkor va tushunarli yetkazishdagi xizmatlari uchun bir guruh davlat organlari va tashkilotlar xodimlari “Huquqiy targ‘ibot ishlari a’lochisi” ko‘krak nishoni bilan taqdirlandi.

Jumladan:

● Xudoyqulova Zilola Rahmatovna – Buxoro viloyat “Istiqlol-TV” teleradiokompaniyasi bosh muharriri;

Norqulova Shahzoda Xudjamovna – O‘zbekiston milliy teleradiokompaniyasi Jizzax viloyati teleradiokompaniyasi mutaxassisi;

Ziyatov Axrorjon Xabibullayevich – Farg‘ona yoshlar studiyasi koordinatori, “Marg‘ilon” telekanali muxbiri;

Tulyaganov Bobir Batirovich – Toshkent viloyati IIBB Axborot xizmati boshlig‘i-ichki ishlar bosh boshqarmasi boshlig‘ining matbuot kotibi;

● Narimanov Bekzod Abduvaliyevich – Toshkent davlat yuridik universiteti dekan o‘rinbosari;

Fayziyev Baxodir Rustamovich – Buxoro viloyati davlat soliq boshqarmasi Jamoatchilik bilan aloqalar va huquqiy axborot shoʻbasi boshlig‘i;

● Toshev Boboqul NorkobilovichAdliya vazirligi qoshidagi Yuristlar malakasini oshirish markazining Qonunchilik texnikasi va korrupsiyaga qarshi ekspertiza kafedrasi mudiri;

● Alimov Beruniy Sultonovich – O‘zbekiston Davlat jahon tillari universiteti Xalqaro jurnalistika fakulteti dotsenti;

● Nikita Makarenko – jurnalist, bloger, Uzreport telekanalidagi “Yangi reportaj” dasturi muallifi va boshlovchisi, “Effekt Makarenko” blogi muallifi;

● Irina Matviyenko – jurnalist, zo‘ravonlikka qarshi NeMolchi.uz loyihasi asoschisi;

● Kamolova Nargiza Tog‘matovna – O‘zbekiston Milliy teleradiokompaniyasi, “Yoshlar” teleradiokanali “Sport” va “Harbiy vatanparvarlik tarbiyasi” dasturlari masʼul muharriri.

Eslatib o‘tamiz, mazkur ko‘krak nishoni Adliya vazirligi tashabbusi bilan “Jamiyatda huquqiy ong va huquqiy madaniyatni yuksaltirish tizimini tubdan takomillashtirish to‘g‘risida”gi Prezident Farmoni asosida taʼsis etilgan.

Ko‘krak nishoni Konstitutsiya kuni arafasida tantanali ravishda o‘z egalariga topshiriladi.

Ko‘krak nishoni bilan taqdirlangan shaxslarga bazaviy hisoblash miqdorining 4 baravari miqdorida bir martalik pul mukofoti beriladi.

Kanalga ulanish👇👇👇
https://t.me/huquqiyaxborot
#Adliya_xabari

❗️Yangi yil arafasida davlat tashkilotlariga korporativ bayramlar o‘tkazish taqiqlanadi

Kanalga ulanish👇👇👇
https://t.me/huquqiyaxborot_lotin
#Adliya_xabari

2021 yil Davlat budjeti ma’qullandi

🔰 Senat tomonidan:

● “2021 yil uchun O‘zbekiston Respublikasining Davlat budjeti to‘g‘risida”gi;
● “Budjet jarayoni takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi;
● “2021 yil uchun O‘zbekiston Respublikasining Davlat budjeti to‘g‘risida”gi O‘zbekiston Respublikasi Qonuni qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi qonunlar maqullandi.

☑️ “2021 yil uchun O‘zbekiston Respublikasining Davlat budjeti to‘g‘risida”gi Qonun bilan kelgusi yil uchun asosiy makroiqtisodiy ko‘rsatkichlar va konsolidatsiyalashgan Davlat budjeti prognozlari hamda 2022 – 2023 yillar uchun budjet mo‘ljallari belgilanmoqda.

☑️ “Budjet jarayoni takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonun bilan Budjet kodeksiga kiritilgan o‘zgartish bilan budjet jarayonining shaffofligini ta’minlash tartibi buzilgan hollarda vazirlik va idoralar rahbar xodimlariga jarima qo‘llanilishi belgilanmoqda.

☑️ “2021 yil uchun O‘zbekiston Respublikasining Davlat budjeti to‘g‘risida”gi Qonun qabul qilinganligi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish haqida”gi Qonun bilan “O‘zbekiston Respublikasi Soliq kodeksiga o‘zgartish va qo‘shimchalar kiritish to‘g‘risida”gi Qonun va O‘zbekiston Respublikasi Soliq kodeksiga o‘zgartish kiritilishi nazarda tutilgan.

➡️ Shu bilan birga, Soliq kodeksi normalarining to‘g‘ridan-to‘g‘ri amal qilishini ta’minlash maqsadida tegishli soliq stavkalarini bosqichma-bosqich bazaviy stavkalarga yetkazishni nazarda tutuvchi o‘zgartishlar kiritilishi belgilanmoqda.

Kanalga ulanish👇👇👇
https://t.me/huquqiyaxborot_lotin
#Adliya_xabari

🔔 “Huquq bilimdonlari” tanlovining final bosqichini e’lon qilamiz

⚠️ Xabaringiz bor, tanlovning 2-bosqichi – onlayn test sinovlaridan muvaffaqiyatli o‘tib, eng yuqori ball jamlagan 11 nafar ishtirokchi (10-o‘rinni egallagan ishtirokchi bilan bir xil natijani qayd etgan ishtirokchi ham) uchinchi – final bosqichiga yetib keldi.

🖥 Yakuniy bosqich joriy yilning 22 dekabr kuni soat 10:00 da boshlanib, “Zoom” onlayn platformasi orqali bo‘lib o‘tadi.

🔎 G‘oliblar Adliya vazirligi xodimlari, nufuzli huquqshunoslar, davlat va jamoat arboblari, olimlar va jamoatchilik vakillaridan tarkib topgan komissiya tomonidan aniqlanadi.

🔰 G‘oliblar quyidagi sovg‘alar bilan taqdirlanadi:

📱 1-o‘rin – iPhone 12;

💻 2-o‘rin – Noutbuk;

🛹 3-o‘rin – Elektr samokat.

Ishtirokchilarga omad tilaymiz!

Kanalga ulanish👇👇👇
https://t.me/huquqiyaxborot_lotin
#Adliya_xabari

“Huquqiy targ‘ibotni amalga oshirishda innovatsion texnologiyalarni qo‘llash” tanlovi g‘oliblari aniqlandi

Joriy yilning 17 dekabr kuni eʼlon qilingan “Huquqiy targ‘ibotni amalga oshirishda innovatsion texnologiyalarni qo‘llash” tanlovi yakunlandi.

📲 Tanlovda qatnashish uchun 355 nafar nomzodlarning hujjatlari va tegishli materiallar @adliyaga_bot telegram boti orqali qabul qilindi.

Taqdim etilgan materiallar Adliya vazirligi hamda Innovatsion rivojlanish vazirligi xodimlaridan iborat tarkibda tashkil etilgan komissiya tomonidan o‘rganib chiqilib, quyidagilar g‘olib deb topildi:

● 1-o‘rinmehrtilsimi.uz sayti (Avezov Salamat Yuldashevich);
● 2-o‘rincivil.uz sayti (Abdixakimov Islombek Bahodir o‘g‘li);
● 3-o‘rin@yurist_maslahati telegram kanali (Shamsiddinov Muxriddin va boshqalar).

🔰 G‘oliblar homiylar tomonidan ajratilgan quyidagi sovg‘alar bilan taqdirlanadi:

● 1-o‘rin: planshet;
● 2-o‘rin: elektron kitoblar uchun qurilma;
● 3-o‘rin: aqlli soat.

Adliya vazirligi fuqarolarimizni jamiyat hayotida ijtimoiy faol bo‘lishga chorlab qoladi.

Kanalga ulanish👇👇👇
https://t.me/huquqiyaxborot_lotin
#Adliya_xabari

Adliya organlari va muassasalarida korrupsiyaga duch kelsangiz, bizga xabar bering

⚠️ Adliya organlari tizimida korrupsiyaga qarshi murosasiz urush eʼlon qilingan.

📲 Bunda Adliya vazirligi tizimidagi, jumladan, adliya boshqarmalar va bo‘limlar, notarial idoralar, davlat xizmatlari markazlari, FHDYO organlari va yuridik taʼlim muassasalaridagi korrupsiya holatlari haqida maʼlumotlarni telegramdagi @antikorbot botiga, “1008” ishonch telefoniga yoki vazirlik rasmiy veb-saytidagi maxsus platformaga yuborish mumkin.

❗️Yuborilgan xabarlar belgilangan tartibda ko‘rib chiqiladi hamda murojaat qiluvchining shaxsi sir saqlanishi kafolatlanadi.

Kanalga ulanish👇👇👇
https://t.me/huquqiyaxborot_lotin
#Adliya_xabari

❗️Senatning navbatdagi yalpi majlisi bugun videokonferensaloqa tarzida o‘tkaziladi

📋 O‘zbekiston Respublikasi Oliy Majlisi Senatining o‘n birinchi yalpi majlisi bugun soat 10.00 da Toshkent shahrida Oliy Majlis Senatining majlislar zalida o‘z ishini boshlaydi. Yalpi majlis videokonferensaloqa tarzida o‘tkaziladi.

Yalpi majlis Senatning www.senat.uz rasmiy sayti va ijtimoiy tarmoqlardagi sahifalari hamda “Uzreport” telekanali orqali jonli efirda yoritib boriladi.

Kanalga ulanish👇👇👇
https://t.me/huquqiyaxborot_lotin
#Adliya_xabari

Senat tomonidan “O‘zbekiston Respublikasining Konstitutsiyasiga o‘zgartishlar kiritish to‘g‘risida”gi Qonun maʼqullandi

Shunga ko‘ra, sud tizimida tashkiliy-tuzilmaviy o‘zgarishlar amalga oshirilayotganligini inobatga olib, O‘zbekiston Respublikasi Konstitutsiyasining 107-moddasiga tegishli o‘zgartishlar kiritilmoqda.

Mazkur Qonunning hayotga tatbiq etilishi sud tizimini boshqarish masalalarini takomillashtirilishi, viloyat va unga tenglashtirilgan sudlarni tashkiliy, moliyaviy va moddiy-texnik jihatdan taʼminlashga erishish bilan bir qatorda, eng avvalo, fuqarolarning sudma-sud sarson bo‘lib yurishiga barham berib, ularning muammosining bir joyda hal qilinishi imkonini beradi.

Kanalga ulanish👇👇👇
https://t.me/huquqiyaxborot_lotin
#Adliya_xabari

Shaharsozlik kodeksi yangi tahrirda qabul qilinmoqda

Senat tomonidan “O‘zbekiston Respublikasining Shaharsozlik kodeksini tasdiqlash haqida”gi Qonun maʼqullandi.

📝 Shaharsozlik kodeksida “aholi punkti”, “shahar”, “shaharcha” va “qishloq (ovul)” obyektlar turlari, “o‘zboshimchalik bilan qurilish qilish”, “urbanizatsiya” tushunchalari, shaharsozlik faoliyatida fuqarolar muhokamasi ishtiroki va boshqa iboralarga tushunchalar berilmoqda.

🔰 Shuningdek, Kodeksda normativ-texnik hujjatlarni joriy etish va ularning xisobini yuritish bo‘yicha yangi normalar mustahkamlanmoqda. Yaʼni:

shaharsozlik faoliyati sohasidagi qarorlarning muhokamasida jamoatchilik nazoratining ishtirokini taʼminlash;
yuridik va jismoniy shaxslarga yetkazilgan zararning o‘rni qoplanishining asosiy yo‘nalishlarini belgilab beradigan yangi norma;
pudrat uchun davlat shartnomasini ishlab chiqish va tuzish tartibi va pudrat ishlari qatʼiy shartnoma asosida amalga oshirilishi;
shaharsozlik hujjatlarini ekspertizadan o‘tkazishda ekspertlarning huquqlari va javobgarligi ko‘rsatilgan.

❗️Maʼqullangan Qonun Prezident tomonidan imzolanib, belgilangan tartibda eʼlon qilingach rasmiy kuchga ega bo‘ladi.

Kanalga ulanish👇👇👇
https://t.me/huquqiyaxborot_lotin
#Adliya_xabari

“Huquqiy axborot” endi “TikTok”da!

Aholining huquqiy ongi va madaniyatini yana-da yuksaltirish, xususan yosh avlod vakillarining huquqiy bilim va tushunchalarini oshirish maqsadida TikTok ijtimoiy tarmog‘ida ham “Huquqiy axborot” sahifasi tashkil etildi. Siz tiktok.com/@huquqiyaxborotuz havolasi orqali mamlakatimizda qabul qilinayotgan meʼyoriy hujjatlar, qonun va qarorlarning mazmun-mohiyati, yangi tartib-qoidalar, huquqiy yangiliklar aks etgan qiziqarli videolavhalar bilan tanishib borishingiz mumkin.

Obuna bo‘lish manzili: tiktok.com/@huquqiyaxborotuz