Huquqiy axborot | Lotin
2.8K members
24 photos
4 videos
536 links
Yangi qonun hujjatlari, huquqiy islohotlar haqida tezkor maʼlumotlar taqdim etuvchi kanal

Savollar, huquqshunos maslahati uchun: www.advice.uz

Qonunchilikka takliflar uchun: @qonunchilikbot
Download Telegram
to view and join the conversation
#Adliya_xabari
Bepul yuridik yordam tizimi takomillashtiriladi

Adliya vazirligi tomonidan ishlab chiqilgan “Bepul yuridik yordam to‘g‘risida”gi qonun loyihasi Yagona interaktiv davlat xizmatlari portaliga https://regulation.gov.uz jamoatchilik muhokamasi uchun joylashtirildi.

Loyihaga asosan:
👉 bepul yuridik yordam ko‘rsatish tizimining boshqarish, muvofiqlashtirish va tartibga solish bo‘yicha yagona tizim;
👉 ijtimoiy himoyaga muhtoj fuqarolarga jinoiy sud ishini yuritish bilan birga ma’muriy va fuqarolik ishlarida davlat hisobidan yuridik yordam ko‘rsatilishini ta’minlash;
👉 bepul yuridik yordam olish huquqi kafolatlangan shaxslar toifalari hamda bunday yordamni ko‘rsatish shartlari;
👉 bepul yuridik yordam turlari, shakllari va amalga oshirish usullari;
👉 davlat hisobidan jalb qilingan advokatlarning faoliyati natijadorligi va sifatini baholash;
👉 advokatlar, nodavlat notijorat tashkilotlari, yuridik klinika va boshqa sub’ektlar tomonidan bepul ixtiyoriy yuridik yordam ko‘rsatish tartibi nazarda tutilmoqda.

Ushbu qonun loyihasi muhokamasida faol ishtirok etishga chorlab qolamiz.

Kanalga ulanish👇👇👇
https://t.me/huquqiyaxborot_lotin
#Adliya_xabari
Xabaringiz bor, adliya organlari tizimida korrupsiyaga qarshi murosasiz urush eʼlon qilingan.

Bunda, Adliya vazirligi tizimidagi shu jumladan, adliya boshqarmalari, notarial idoralar, davlat xizmatlari markazlari, yuridik taʼlim muassasalaridagi korrupsiya koʻrinishi haqidagi maʼlumotlarni telegramdagi @antikorbot boti orqali yoki vazirlik rasmiy veb-saytidagi maxsus platforma orqali yuborish mumkin.

Bunda, yuborilgan xabarlar belgilangan tartibda koʻrib chiqiladi hamda murojaat qiluvchining shaxsi qatʼiy sir saqlanishi kafolatlanadi.

Maxsus platforma havolasiga oʻtish manzili: http://www.minjust.uz/uz/anticorruption/feedback

Kanalga ulanish👇👇👇
https://t.me/huquqiyaxborot
#Adliya_xabari
#vakant_ish_oʻrinlari

Adliya vazirligi tomonidan Davlat organlari va tashkilotlari yuridik xizmatlarining maʼlumotlari bazasi shakllantirilgan. Mazkur baza orqali ushbu tashkilotlarning yuridik xizmatlaridagi vakant ish oʻrinlari bilan tanishish mumkin.

Eslatib oʻtamiz, davlat organi va tashkilotlarining yuridik xizmat xodimi lavozimida faqatgina oliy yuridik maʼlumotga ega yoki Yuridik kadrlarni xalqaro standartlar boʻyicha professional oʻqitish markazida oliy maʼlumotga ega boʻlgan shaxslarni yuridik mutaxassislikka qayta tayyorlash kurslarini tugatgan shaxslar ishlashi mumkin.

Vakant lavozimlar haqidagi qoʻshimcha maʼlumotlarni tegishli tashkilotlarning kadrlar bilan ishlovchi boʻlinmasidan yoki adliya organlaridan olish mumkin.

Vakant ish oʻrinlari bilan tanishish uchun ushbu havolaga oʻting:
👉 http://yurist.adliya.uz/gv/vacancy

Kanalga ulanish👇👇👇
https://t.me/huquqiyaxborot_lotin
#Adliya_xabari
Soʻnggi vaqtlarda ijtimoiy tarmoqlarda 2019-yil 1-avgustdan maʼmuriy jarimalar miqdori oshishi haqida maʼlumotlar tarqatilmoqda.

Maʼlumki, qonunchilikka muvofiq jarima huquqbuzarlik aniqlangan vaqtdagi belgilab qoʻyilgan eng kam ish haqidan kelib chiqqan holda belgilanadi. Prezident Farmoniga muvofiq 2019-yil 1-avgustdan eng kam ish haqining 10 foizga oshishi belgilandi. Shunga koʻra, turli maʼmuriy jarimalarning miqdorlari ham 2019-yil 1-avgustdan 10 foizga oshadi.

Bunda, jarimalar huquqbuzarliklar sodir etilgan vaqtdagi eng kam ish haqi miqdori boʻyicha toʻlanadi. Masalan, 28-iyul kuni haydovchiga transport vositasida harakatlanishda telefondan foydalanganligi uchun maʼmuriy bayonnoma tuzildi. 1-avgustdan jarimalar miqdori oʻzgarishiga qaramasdan, mazkur haydovchi 60 kun ichida 28-iyulda amalda boʻlib turgan jarimani (608 190 soʻmni) toʻlashi lozim boʻladi.

Kanalga ulanish👇👇👇
https://t.me/huquqiyaxborot_lotin
#Adliya_xabari
Hurmatli abituriyentlar!

Xabaringiz bor, Oʻzbekiston Respublikasi Adliya vazirligining yuridik kollejlariga abituriyentlarning oʻqishga qabul qilish haqidagi arizalari yuridik kollejlar qabul komissiyalari tomonidan 2019-yilning 1-iyunidan 20-iyunigacha (shu kuni ham) qabul qilindi.

Hujjat topshira olmagan koʻplab abituriyentlar hamda ularning ota-onalarini murojaatlari boʻyicha Hukumat tomonidan yuridik kollejlarga abituriyentlardan hujjatlarni qabul qilish muddatini joriy yilning 17-avgustigacha davom ettirishga rozilik berildi.

Shunga koʻra, yuridik kollejlarda abituriyentlardan hujjatlarni qabul qilish jarayoni yana boshlanganligini maʼlum qilamiz.

Mamlakatimizning eng nufuzli kollejlaridan biri hisoblangan yuridik kollej oʻquvchisiga aylanish imkoniyatingizni qoʻldan boy bermang.

Yuridik kollejlarga hujjat topshirishga marhamat!

Kanalga ulanish👇👇👇
https://t.me/huquqiyaxborot_lotin
#Adliya_xabari
Adliya vazirining birinchi oʻrinbosari lavozimida faoliyat yuritib kelgan Maxmud Shuxratovich Istamov Oʻzbekiston Respublikasi Markaziy saylov komissiyasi raisining oʻrinbosari etib saylandi.

Adliya vazirligi jamoasi Maxmud Shuxratovichni ushbu sharafli, ayni paytda masʼuliyatli lavozim bilan qutlaydi, kelgusida ishlarida omad tilaydi.

Kanalga ulanish👇👇👇
https://t.me/huquqiyaxborot
#Adliya_xabari
Oʻzbekiston Jurnalistlari ijodiy uyushmasining IV konferensiyasida (17.07.2019-y.) Oʻzbekiston jurnalistlarining kasb etikasi kodeksi tasdiqlandi

Mazkur kodeks muqaddima hamda 10 ta banddan iborat boʻlib jurnalistlar va barcha OAV xodimlari oʻz kasb majburiyatlarini bajarishda rioya etishi shart boʻlgan maʼnaviy-axloqiy yoʻnalishlarni belgilaydi.

Haqqoniylik, xolislik, adolat, fikrlar xilma-xilligi va inson huquqlariga hurmat Oʻzbekiston jurnalistlari faoliyatining asosiy qoidasi hisoblanadi.

Oʻzi tarqatayotgan axborotning ishonchliligini tekshirish va xolis axborot taqdim etish jurnalistning majburiyati hisoblanadi.

Ishonchsiz va dalillarga asoslanmagan axborot tarqatgan taqdirda jurnalist zudlik bilan oʻz xatosini tan olishi, uzr soʻrab, xatosini tuzatish chorasini koʻrishi lozim.

Hujjat bilan jurnalist kasb etikasi talablari va meʼyorlari buzilish holatlarini tahlil qilish va xulosa chiqarish maqsadida ommaviy axborot vositalari boʻyicha Jamoatchilik kengashi tuzilishi belgilandi.

Jamoatchilik kengashi yetti kishidan iborat tarkibda besh yillik muddatga Oʻzbekiston Jurnalistlari ijodiy uyushmasi konferensiyasida saylanadi.

Jamoatchilik kengashi jurnalistlik faoliyati bilan bogʻliq bahsli holatlarga oydinlik kiritilishida yordamlashadi.

Jamoatchilik kengashi qarori jurnalistni intizomiy, maʼmuriy yoki boshqa turdagi javobgarliklarga tortish uchun asos hisoblanmaydi, u tavsiya xususiyatiga ega boʻladi.

Manba: Oʻzbekiston milliy axborot agentligi

Kanalga ulanish👇👇👇
https://t.me/huquqiyaxborot_lotin
#Adliya_xabari
Xabaringiz bor, adliya organlari tizimida korrupsiyaga qarshi murosasiz urush eʼlon qilingan.

Bunda, Adliya vazirligi tizimidagi shu jumladan, adliya boshqarmalari, notarial idoralar, davlat xizmatlari markazlari, yuridik taʼlim muassasalaridagi korrupsiya koʻrinishi haqidagi maʼlumotlarni telegramdagi @antikorbot boti orqali yoki vazirlik rasmiy veb-saytidagi maxsus platforma orqali yuborish mumkin.

Bunda, yuborilgan xabarlar belgilangan tartibda koʻrib chiqiladi hamda murojaat qiluvchining shaxsi qatʼiy sir saqlanishi kafolatlanadi.

Maxsus platforma havolasiga oʻtish manzili: http://www.minjust.uz/uz/anticorruption/feedback

Kanalga ulanish👇👇👇
https://t.me/huquqiyaxborot_lotin
#Adliya_xabari
Fuqarolar va tadbirkorlik subyektlarining mulk huquqi kafolatlanishini soʻzsiz taʼminlash boʻyicha qoʻshimcha chora-tadbirlar toʻgʻrisida Prezident farmoyishi qabul qilindi (03.08.2019y., F-5491)

Farmoyishga koʻra, 2019-yil 5-avgustdan boshlab, fuqarolar va tadbirkorlik subyektlarining yer uchastkalarini olib qoʻyish hamda koʻchmas mulk obyektlarini buzish ishlari quyidagicha 3 bosqichda amalga oshiriladi:
👉 hokimlar tomonidan buzilishi rejalashtirilgan hudud boʻyicha materiallar toʻplami Vazirlar Mahkamasiga kiritiladi;
👉 Vazirlar Mahkamasida shaharsozlik talablari boʻyicha va moliyaviy hisob-kitoblar boʻyicha xulosalar tayyorlanadi;
👉 xulosa Bosh vazirga koʻrib chiqish va qaror qabul qilish uchun kiritiladi.

Shuningdek, Farmoyish bilan:
👉 yer uchastkalari olib qoʻyilishi munosabati bilan fuqarolar va tadbirkorlik subyektlariga yetkazilgan zarar miqdorini xatlovdan oʻtkazish boʻyicha respublika muvofiqlashtiruvchi ishchi guruhi va hududiy ishchi guruhlar tarkibi;
👉 xatlovdan oʻtkazishga koʻmaklashish uchun hududlarga biriktiriladigan masʼullar roʻyxati;
👉 xatlovdan oʻtkazish hamda ularni qoplashda yoʻl qoʻyilayotgan kamchiliklarni bartaraf etish boʻyicha “yoʻl xaritasi” tasdiqlandi.

Xatlovdan oʻtkazish boʻyicha ishchi guruhga:
👉 fuqarolar va tadbirkorlik subyektlariga yetkazilgan zararlarni joylarga chiqqan holda xatlovdan oʻtkazib, ularning qonunchilikka muvofiq bozor qiymati asosida haqqoniy va adolatli miqdorini belgilash;
👉 yetkazilgan zararlarni qoplashning aniq manbalari belgilanish, agar zarar mansabdor shaxsning noqonuniy qarori qabul qilinishi oqibatida yetkazilgan boʻlsa – mazkur mansabdor shaxslardan regress tartibida undirib olish;
👉 aybdor mansabdor shaxslarga javobgarlik choralari koʻrish hamda qonun hujjatlari normalarini yanada takomillashtirish yuzasidan aniq takliflar ishlab chiqilish vazifasi topshirildi.

Hukumat tomonidan bir oy muddatda quyidagilarni nazarda tutuvchi qaror qabul qilinadi:
👉 davlat dasturlari, yirik investitsiya va boshqa loyihalarni hududdagi koʻpchilik aholining fikrini inobatga olgan holda amalga oshirish;
👉 yer uchastkalari olib qoʻyilishida ularda joylashgan koʻchmas mulk obyektlarining mulkdorlari bilan ochiq muhokamalar oʻtkazgan holda, birinchi navbatda, eskirgan va avariya holatidagi uy-joy fondi obyektlari, shu jumladan foydalanilmayotgan obyektlar bilan band boʻlgan yer uchastkalarini tanlab olish;
👉 hokimlar tomonidan yer uchastkalarini olib qoʻyish haqida qaror qabul qilish uchun ushbu hududda joylashgan turar va noturar koʻchmas mulk obyektlari mulkdorlarining roziligini olish hamda yer uchastkasi olib qoʻyilishi oqibatida yetkazilgan zararni qoplash boʻyicha yozma kelishuv tuzish.

Yer uchastkalari noqonuniy olib qoʻyilganligi munosabati bilan mulkdorlarga zarar yetkazilganligi uchun mansabdor shaxslarning javobgarligini kuchaytirish yuzasidan Qonun loyihasi ishlab chiqiladi.

Mazkur tartib farmoyishda koʻrsatilgan yer uchastkalarini olib qoʻyish va mulkdorlarga yetkazilgan zararlarni qoplash tartibini belgilovchi Hukumat qarori qabul qilinguniga qadar amal qiladi.

Kanalga ulanish👇👇👇
https://t.me/huquqiyaxborot
#Adliya_xabari
Hukumatning farmoyishiga asosan 2019 yilning 15-30 avgust kunlari mamlakatimizning barcha hududlarida obodonlashtirish va tozalik oyligi deb e’lon qilindi (672-F, 10.08.2019 y.)

Shuningdek, farmoyish bilan 17-18 avgust kunlari umumxalq xayriya hasharini o‘tkazish belgilandi.

Kanalga ulanish👇👇👇
https://t.me/huquqiyaxborot_lotin
#Adliya_xabari
Hurmatli abituriyentlar!

Xabaringiz bor, hujjat topshira olmagan koʻplab abituriyentlar hamda ularning ota-onalarini murojaatlari boʻyicha Hukumat tomonidan yuridik kollejlarga abituriyentlardan hujjatlarni qabul qilish muddatini joriy yilning 17-avgustigacha davom ettirishga rozilik berildi.

Shunga koʻra, yuridik kollejlarda abituriyentlardan hujjatlarni qabul qilishga sanoqli kunlar, yaʼni atigi 2 kun qolganligini eslatib oʻtamiz.

Mamlakatimizning eng nufuzli kollejlaridan biri hisoblangan yuridik kollej oʻquvchisiga aylanish imkoniyatingizni qoʻldan boy bermang.

Kanalga ulanish👇👇👇
https://t.me/huquqiyaxborot_lotin
#Adliya_xabari
Adliya vazirligi yuridik kollejlariga hujjat topshirgan abituriyentlar diqqatiga!

Yuridik kollejlarga oʻqishga kirish boʻyicha yozma imtihon kunlari belgilandi.

Yozma imtihon ikki kun davomida oʻtkaziladi.
“Huquqshunoslik” fanidan – 21-avgust;
“Ona tili va adabiyoti” fanidan – 22-avgust
kuni boʻlib oʻtadi.

Yozma imtihon soat 9.00 da boshlanadi va 2 soat davom etadi.

Hurmatli abituriyentlar, eslatib oʻtamiz yozma imtihonga faqat pasport bilan soat 8.30 gacha kirish mumkin.

Kanalga ulanish👇👇👇
https://t.me/huquqiyaxborot_lotin
#Adliya_xabari
Notarius lavozimlariga tanlovni onlayn ravishda kuzatib boring

Oʻzbekiston Respublikasi Adliya vazirligi huzuridagi Oliy malaka komissiyasi tomonidan 2019-yilning 21-avgust kuni soat 10:00 da vakant notarius lavozimlariga tanlov oʻtkaziladi. Tanlov jarayonlarini Adliya vazirligining www.minjust.uz rasmiy veb-sayti orqali bevosita kuzatib borishingiz mumkin.

Kanalga ulanish👇👇👇
https://t.me/huquqiyaxborot_lotin
#Adliya_xabari
Yuridik kollejlarga qabul jarayonini korrupsiyadan xoli oʻtishiga koʻmaklashing

Xabaringiz bor, hozirda Adliya vazirligi tizimidagi yuridik kollejlarga qabul jarayoni davom etmoqda.

Mazkur jarayondagi korrupsion harakatlar, bundan tashqari shubhali tuyulgan boshqa noqonuniy harakatlar haqida oʻzingizga maʼlum boʻlgan barcha maʼlumotlarni telegramdagi bot yoki vazirlik rasmiy veb-saytidagi maxsus platforma orqali yuborishingizni iltimos qilamiz.

Bunda, yuborilgan xabarlar belgilangan tartibda koʻrib chiqiladi hamda murojaat qiluvchining shaxsi qatʼiy sir saqlanishi kafolatlanadi.

Telegramdagi bot havolasi: 👉 @antikorbot
Maxsus platforma havolasi: 👉 http://www.minjust.uz/uz/anticorruption/feedback

Adliya vazirligi abituriyentlar va ularning ota-onalaridan yuridik kollejlarda qabul jarayoning shaffof va adolatli oʻtishiga munosib hissa qoʻshishga chaqiradi.

Kanalga ulanish👇👇👇
https://t.me/huquqiyaxborot_lotin
#Adliya_xabari
Senatda atom energiyasiga oid Qonun muhokama qilinadi

Senatning 21-yalpi majlisida shu jumladan quyidagi qonunlar koʻrib chiqiladi:
👉 “Ona suti bilan oziqlantirishni qoʻllab-quvvatlash hamda goʻdaklar va kichik yoshdagi bolalar oziq-ovqat mahsulotlariga doir talablar toʻgʻrisida”gi;
👉 “Xotin-qizlar va erkaklar uchun teng huquq hamda imkoniyatlar kafolatlari toʻgʻrisida”gi;
👉 “Xotin-qizlarni tazyiqlar va zoʻravonlikdan himoya qilish toʻgʻrisida”gi;
👉 “Atom energiyasidan tinchlik maqsadlarida foydalanish toʻgʻrisida”gi.

Shuningdek, kun tartibiga xalqaro shartnomalarni ratifikatsiya qilish toʻgʻrisidagi hamda ayrim qonun hujjatlariga oʻzgartirish va qoʻshimchalar kiritish toʻgʻrisidagi qonunlar kiritilgan.

Kanalga ulanish👇👇👇
https://t.me/huquqiyaxborot_lotin