*Dhimma kaffaltii tajaajila(service charge) hojii mirkaneessaa fi galmeessa sanadootaa ilaalchisee.**
✍️Sanadni Waajjira Abbaa Alangaatti mirkanaa'u hunduu koppii sadiin(Bu'uura Maanuwaalii Daayirektoreetii Mirkaneessaa fi Galmeessa Sanadoota BAAWOtiin)kan dhiyaatu ta'ee akkaataan kaffaltii isaa akka armaan gadiitti ta’a.
✍️Bakka bu'ummaa bulchiinsaa  akkaataa SHH kewt. 2204 kennamu  kooppiin tokko dhibba lama  200x3= 600 fi taarifni qaraxa teembiraa qarshii 35 kanaan dura kaffalamu akkuma jirutti ta'a. Kanaafuu qarshii 635 ta'a jechuudha                                                                                            
✍️Bakka bu'ummaa addaa ilaalchisee  akkaataa SHH kewt. 2205  kennamu  kooppiin tokko dhibba afur  400x3= 1,200 fi taarifni qaraxa teembiraa 35 kanaan dura kaffalamu akkuma jirutti ta'a. Kanaafuu qarshii 1235 ta'a jechuudha.
✍️Bakka bu'ummaa Abukaatoo akkaataa SDFHH kewt. 57 kennamu kooppii tokkon dhibba lama yoo ta'u 200x3=600 fi qarata teembiraa abbaa 35 kan kaffalamu ta'ee. Walitti qarshii 635 ta'a jechuudha. Kanumaan walqabatee Waliigalteen maamilaa fi abukaatoo kooppii sadiin kan dhiyaatu ta'ee Kaffaltiin Tajaajila Hojii Mirkaneessaa fi Galmeessa Sanadootaa bu’uura Qajeelfama Kaffaltii Tajaajila Hojii Mirkaneessaa fi Galmeessa Sanadootaa Biiroo Abbaa Alangaa Waliigalaa Oromiyaa Murteessuuf bahe Lakk. 24/2016 Miiltoo 1ffaa Kaffaltii ibsu Kewt. 10 (3) tiin Tarree Waliigalteewwan biroo jedhu jalatti kooppiin tokko dhibba afur  400x3= 1,200 fi qaraxa teembara abbaa qarshii 5 kan mirkanaa'u ta'a. Kanaafuu walitti 1840 ta'a jechuudha.
✍️Bareeffama hundeeffamaa waldaa shaarikummaa kooppiin tokko dhibbaa afur yoo ta'u, 400x3=1200 fi kaffaltii teembiraa kanuma duraan ture qarshii 350 yoo ta'u waliigalatti qarshii 1,550 kaffalama.
✍️Barreeffama hundeeffamaa waldaa dhuunfaa I/G isaa murtaa'ef kooppiin tokko dhibba 600 yoo ta'u, 600x3=1800 fi kaffaltii teembiraa qarshii 350 yoo ta'u waligalattii qarshii 2,150 ta'a
Horaa Bulaa Deebanaahttps://t.me/+WFtd-XXoYGk1ZTNk 👇👇👇👇👇👇👇👇👇👇
https://facebook.com/groups/1071018180580563/?mibextid=rS40aB7S9Ucbxw6v

𝐌𝐮𝐫𝐭𝐢𝐢 𝐃𝐡𝐚𝐝𝐝𝐚𝐜𝐡𝐚 𝐈𝐣𝐢𝐛𝐚𝐚𝐭𝐚𝐚 𝐇𝐚𝐚𝐫𝐚𝐰𝐚 𝐇𝐢𝐧 𝐌𝐚𝐱𝐱𝐚𝐧𝐟𝐚𝐦𝐢𝐧 𝐆𝐚𝐥𝐦𝐞𝐞 𝐋𝐚𝐤𝐤𝐨𝐨𝐟𝐬𝐚 273144 𝐈𝐫𝐫𝐚𝐭𝐭𝐢 𝐌𝐢𝐫𝐠𝐚 𝐖𝐚𝐛𝐢𝐢 𝐈𝐥𝐚𝐚𝐥𝐜𝐡𝐢𝐬𝐮𝐮𝐧 𝐊𝐞𝐧𝐧𝐚𝐦𝐞
♦️Dhaddachi ijibaataa mana murtii waliigala federaalaa galmee lakkoofsa 273144 ta'e irratti dhaddacha gaafa 21/4/2017 ooleen himatamaan bu'uura SDFY keewwata 67 (c) ttiin yoo mirga wabiitiin bahe ragaa balleessa jedhani  mormuun mirga wabii kan dhoorgisiisuu danda'u osoo ragoonni waajjira poolisiiti dhiyaatanii jecha ragummaa isaanii hin kennin dura malee erga galmee qorannoo xumuramee himannaan yakkaa mana murtiiti banamee booda miti jechuun murtii dirqisiisaa kannee jira.

♦️Erga galmeen qorannoo xumuramee himanni baname booda sababa raga balleessa jedhamee mormameef mirga wabii himatamaa dhoorkuun mirga heerri mootummaa namni kamiyyuu murteen dura akka nama qulqulluutti ilaalamuu qaba jechuun ka'een kan walitti bu'uudha jechuun dhaddachi ijibaataa murtii galmee kana irratti bal'inaan kanneen ibsee jira.
Ijoo seeraa kana hiriyoota keessanif share godha 👉👉👉👉👉👉👉👉👉👇👇👇👇👇👇👇👇👇👇👇👇👇👇
𝐁𝐚𝐫𝐧𝐨𝐨𝐭𝐚 𝐬𝐞𝐞𝐫𝐚𝐚 𝐟𝐢 𝐨𝐝𝐞𝐞𝐟𝐚𝐧𝐧𝐨𝐨 𝐝𝐡𝐢𝐦𝐦𝐨𝐨𝐭𝐚 𝐬𝐞𝐞𝐫𝐚𝐚𝐭𝐢𝐢𝐧 𝐰𝐚𝐥𝐪𝐚𝐛𝐚𝐭𝐚𝐧 𝐤𝐚𝐦𝐢𝐲𝐲𝐮𝐮 𝐢𝐭𝐭𝐢 𝐟𝐮𝐟𝐢𝐧𝐬𝐚𝐚𝐧 𝐚𝐫𝐠𝐚𝐜𝐡𝐮𝐮𝐟 𝐭𝐨𝐨𝐫𝐚 𝐭𝐞𝐥𝐞𝐠𝐢𝐫𝐚𝐚𝐦𝐢𝐢 𝐤𝐞𝐞𝐧𝐲𝐚 𝐤𝐚𝐧𝐚 𝐣𝐨𝐢𝐧 𝐠𝐨𝐜𝐡𝐮𝐧 𝐧𝐮 𝐡𝐨𝐫𝐝𝐚𝐟𝐚𝐚.
👉https://t.me/+WFtd-XXoYGk1ZTNk
𝐏𝐞𝐞𝐣𝐢𝐢 𝐅𝐚𝐜𝐞𝐛𝐨𝐨𝐤 𝐤𝐞𝐞𝐧𝐲𝐚𝐚 𝐁𝐚𝐫𝐧𝐨𝐨𝐭𝐚𝐚 𝐟𝐢 𝐨𝐝𝐞𝐞𝐟𝐚𝐧𝐧𝐨𝐨 𝐝𝐡𝐢𝐦𝐦𝐨𝐨𝐭𝐚 𝐬𝐞𝐞𝐫𝐚𝐚𝐧 𝐰𝐚𝐥𝐪𝐚𝐛𝐚𝐭𝐚𝐧 𝐤𝐚𝐦𝐢𝐲𝐲𝐮𝐮 𝐛𝐢𝐥𝐢𝐬𝐚𝐧 𝐢𝐫𝐫𝐚𝐚 𝐚𝐫𝐠𝐚𝐭𝐚𝐧 𝐥𝐢𝐢𝐧𝐤𝐢𝐢 𝐚𝐫𝐦𝐚𝐚𝐧 𝐠𝐚𝐝𝐢𝐢 𝐤𝐚𝐧𝐚 𝐢𝐫𝐫𝐚𝐭𝐭𝐢 𝐜𝐮𝐪𝐚𝐚𝐬𝐮𝐮𝐧 𝐣𝐨𝐢𝐧 𝐠𝐨𝐝𝐡𝐚𝐚👇👇👇👇👇👇👇👇👇👇👇👇👇👇👇👇👇https://www.facebook.com/61571397566359/posts/122108914412713252/?mibextid=rS40aB7S9Ucbxw6v

Hiikoo Seeraa Dhaddacha Ijibbaataa MMW Federaalaa Haarawa gara Afaan Oromootti hiike.pdf

Bakka bu’iinsa Falmii diiggaa gaa’ilaa
…………………………….
Bakka bu’iinsi falmii diiggaa gaa’ilaa ni danda’amaa?  DhIjMMWF Jiildii 23ffaa LGMM 150408 ta’e irratti murtii dirqisiisaa kennee jira.
Xiinxalli isaas “Gaa’ila raawwachuuf haala addaatin bakka bu’iinsan akka danda’amu osoo seerri hayyamuu gaaffii diiggaa gaa’ilaa Manni Murtii falmii dhirsaa fi niitii yeroo ilaalutti akkuma haala dhimmichaatti barbaachisaa ta’ee yoo argame dhirsaafi niitii bakka tokkotti ykn kopha kophaatti yeroo haasofsiisu ykn dhimmicha yeroo qoratuu fi ragaa yeroo dhaga’u dhaddacha cufaadhan ilaala isa jedhu tumaa seera maatii Federaalaa kwt.110 caqasuudhan gaa’ilaa fi diiggaan bakka bu’iinsan hin danda’amu jedhamuun falmiin dhiyaatu fudhatama hin qabu. Sababni isaa manni murtii walfuutota qaaman kan haasofsiisu barbaachisaa ta’ee ennaa arge malee dirqama dubbisuu akka qabu kan tumu akka hin taane  fi gaa’illi abbaanan /agent/ raawwatamuu akka qajeeltootti kan hin danda’amne ta’us walfuutota keessaa tokko gaa’ila raawwachuuf  haala nama hin shakkisiisneen ibsuudhan fuula fi fuulatti argamuuf ykn dhiyaachuuf kan isa hin dandeessifne sababa cimaan yoo isa mudate dhimmichi Ministeera Haqaatti dhiyaatee yoo mirkanaa’e gaa’ila karaa abbaanaa raawwachuun akka danda’amu ifatti Seera maatii Federaalaa fooyya’e kwt.12 jalatti tumameera. Kana ta’ee qabiyyeen ragaa bakka bu’iinsaa  bu’uura S/D/F/H/H kwt.58 fi S/H/H kwt.2199 tin bakka bu’aan diiggaa dabalatee dhimmoota kamiiyyuu bakka bu’ee falmuu fi ogeessa seeraa biraa bakka buusuu akka danda’u sanada bakka bu’iinsaa irratti ifatti kan ibse yoo ta’e diiggaan bakka bu’iinsaan hin gaafatamu jedhamee dhorkamuu hin qabu”.
Guduunfaa:
Gaa’ila raawwachuuf bakka bu’iinsi akkuma danda’amu diigufis bakka bu’iinsi ni danda’ama
http://t.me/+WFtd-XXoYGk1ZTNk

!https://www.facebook.com/61571397566359/posts/122108914412713252/?mibextid=rS40aB7S9Ucbxw6v

Qabiyyee/Lafa baadiyyaa irratti wal falmii ka’u qaamni mootummaa Federaalaa keessatti hirmaatus ykn qabeenya mootummaa federaalaa ta’us yookiin wal falmitoonni jiraattota naannolee garagaraa yoo ta’anis dhimmicha sadarkaa jalqabaan ofitti simatee ilaaluun murtii kennuuf  Aangoo hundee dubbii kan qabu Mana Murtii Aanaa qabiyyeen sun keessatti argamudha jechuun Manni Murtii Waliigalaa Federaalaa Dhaddachi Ijibbaataa galmee lakk 246305  ta’e dhaddacha gaafa Mudde 25/2016 ooleen (kan hin maxanfamne) irratti murtii fi hiikoo seeraa dirqisiisaa kenneera.

Akkaataa Labsii 1234/2013 kewt.5(1)(f,g,h) jalatti tumamee jiruun, falmii dhimmoota qaamni mootummaa federaalaa keessatti hirmaate yookiin qabeenya mootummaa federaalaa ta’e yookiin qaama Mootummaa Federaalaatti galmaa'e, yookiin dhimmoota jiraattota Naannolee adda addaa jiraatan gidduutti wal falmii ka’u yookiin wal falmii jiraattota naannolee fi Magaalaa Finfinnee jiraatan gidduutti falmii ka’u ilaaluuf  aangoo kan qabu Manneen Murtii Federaalaa akka ta'e tumamee jira.

Dhimmi kun keessaawuu, dhimmi wal falmii jiraattota Naannoo Oromiyaa fi magaalaa Finfinnee gidduutti wal falmii ka’u ilaalchisee hiikkoo Heeraatiif qajeelfamee kan jiru fi murtii /fala xumuraa kan hin arganne ta’uun ni beekkama.
Haata’u malee, Dhimma MMWF/Dh/Ijibbaataa Galmee Lakk. 246305  ta’e dhaddacha gaafa 25/4/2016 ooleen murtii fi hiikkoo seeraa dirqisiisaa kenname kanaan immoo dhimma wal falmii qabiyyee lafa baadiyyaa irratti ka’u ilaalchisee Manni Murtii dhimmicha sadarkaa jalqabaatiin ilaalee murtii kennuu danda’u (Aangoo hundee dubbii kan qabu) Mana murtii Aanaa qabiyyee/lafti sun keessatti argamudha jechuun murtii kennee jira.
Dhimmichi falmii lafa baadiyaa naannoo Amaaraatii ka'e ilaalchisee murtii kenname yoo ta’u, akkaataa Heera Mootummaa kewt. 51(5) tiin Lafaa fi qabeenya uumamaa irratti seera baasuun aangoo Mootummaa Federaalaa akka ta’e tumus, akkaataa Heericha kewt.52(2d) tiin Lafaa fi qabeenya uumamaa bulchuun aangoo naannoleef kenname akka ta'e, naannon immoo seera mootummaa federaalaan bahe irratti hundaa'uun seera lafaa fi qabeenya uumamaa ittiin bulchu baasee, seera ofii baaseen wal dhabbiin yeroo uumamu qaama dhimmicha ilaalee furmaata kennu hanga kaa'etti aangoon kan qaama seera naannotiin aangeffame ta'a malee sababa teesson wal falmitootaa naannoo gara garaa ta'eef ykn galmaa'aa ykn qaama mootummaa federaalaa ta'eef dhimmichi dhimma federaalaa kan ta'uu miti jechuun murtii kenneera

.https://www.facebook.com/61571397566359/posts/122108914412713252/?mibextid=rS40aB7S9Ucbxw6v

Mirkaneessaa Sanadaa akka Ragaatti (Notary as a witness too)
Qabxiilee lamaan tokko Hiikoo Dhaddacha Ijibbaataa Irraa...
1. Waliigalteen kennaa raawwatame qaama Waliigaltee mirkaneessuuf aangoon kennameef fuulduratti yoo ta'e namni dhuunfaan Mirkaneessaa Sanadaa ta'e ragaadha jedhamee barraa'uu yoo baatellee akka Ragaatti kan lakkaa'amuu ta'uu Dhaddachi Ijibbaataa Jildii 8ffaa Lakk Galmee 37562 irratti hiikoo kennee kan jiru ta''uu
2. Waliigalteen qabeenya hin sochoone kennaadhaan dabarsuuf taasifame qaama Waliigaltee mirkaneessuuf aangoon kennameef fuulduratti mirkanaa'ee kan galmaa'e yoo ta'e Waliigaltee kennaa sana irratti sirni "waliigaltichi nama kennaa kennee fi ragoota fuulduratti dubbifamuu kan raawwatamedha" jedhamee barraa'uu yoo baatellee mirkeessaa sanadaatiin akka raawwatametti lakkaa'amee Waliigalteen kennaa sun bu'aa seeraa akka qabaatu taasifamu kan qabu ta'uu Dhaddachi Ijibbaataa Jildii 25ffaa Lakk Galmee 193067 irratti hiikoo kennee jira http://t.me/+WFtd-XXoYGk1ZTNk

#ABBUMMAA_MIRKANEESSUU
✅#Haala_Abbummaan_Daa'imaa Ittiin Beekamu:-
✔"Abbummaan Daa'imaa" karaalee sadiin beekama.Isaanis:-
#1ffaa,tilmaama seeraatiin.Abbaan Daa'ima dhalate tokko eenyu akka tilmaama seeraa fudhachuun beekuun ni danda'ama.
✔Daa'ima/mucaa fuudhaaf heeruma keessatti ulfaa'amee dhalateef abbaan dhiirsuma haadhaati.
✔Yeroo dubartiin takkaa fi dhiirri tokko fuudhaaf heerumaan waliin waliin jiraatanitti ilmi dhalate yeroo fuudhaaf heerumni cimaan jiru keessatti kan ulfaa'ame ta'uu yoo mirkanaa'e malee fuudhaa-heeruma keessatti dhalachuu qofti fayyadamaa tilmaama seeraa nama hin taasisu.
✔"Fuudhaaf heerumni erga raawwatame booda guyyoota 180 booda ykn fuudhaaf heerumni diigamee guyyoota 300 keessatti mucaan yoo dhalate mucichi fuudhaaf heeruma keessatti akka ulfaa'ametti lakkaa'ama," Seera Maatii Oromiyaa Labsii Lakkoofsa 69/1995 fi 83/1996 keewwata 145(1).
✔Osoo fuudhaaf heeruma hin raawwanne gaa'elaan alatti akka abbaa warraa fi haadha warraatti yeroo waliin jiraatanitti daa'imni ulfaa'ame yookiin dhalate kan nama haadha mucichaa waliin qunnamtii kanaan jiraatuuti.
✔Guyyaa walitti dhufeenyi,fi wajjiin jireenyi namoota akka dhirsaa fi niitiitti wajjiin jiraatan jalqabamee eegalee guyyoota 180 boodaa fi guyyoota walitti dhufeenyi isaanii addaan cite guyyoota 300 keessatti mucaan dhalate kan nama akka dhirsaatti haadha mucaa waliin jiraatu ykn jiraataa ture sanaati.
✔Namni tilmaama seeraatiin abbaa mucaa dhalateeti jedhame kun falmiin waakkachuun(daa'imni kiyya miti jechuun) kaasu haala qorannoo saayinsaawaa ta'een ragaa dhihaatuun(qorannoo dhiiga nama abbaadha jedhamee fi mucaa dhalate/DNA test) taasisuun abbaa daa'imaa miti jedhee haaluu danda'a.
#2ffaa,ilmummaa ofitti fudhachuun abbummaan Daa'imaa beekamuu danda'a.
✅"Sirnoonni ilmummaa ofitti fudhachuun ittiin raawwatamus namni fedhii isaatiin ani abbaadha jedhu:-
A.Itti Gaafatamaa Galmeessa Haala Hawaasummaa biratti dhihaachuun abbaa daa'imaa ta'uu ibsuudhaan,
B.Dhaamoo barreeffamaa kennuudhaan,
C.Sanada Abbaa Taayitaa aangoon kennameef biroo kamiinuu mirkanaa'een abbaa ta'uu ibsuudhaanidha.
✅"Nama ani abbaadha jedhee ilmummaa ofitti fudhatu haati mormuu dandeessi.Namni tokko mucaan ulfaa'ame ykn dhalate intala/ilma koodha jedhee jechi kenne bu'aa Kan argatu haati mucaa sanaa eeyyamamtuu yoo ta'eedha."SMO keewwata 153 fi 154.
✅'Mucaan ofitti fudhatames erga umriin isaa gaa'ila gahe namni jecha ofitti fudhachuu kenne kun abbaa koo miti jedhee mormii dhiheessuu danda'a."
✅"Mirgi mormii dhiheessuu kun gochi ilmummaa ofitti fudhachuu kun raawwatamuu isaa guyyaa beekamee eegalee ji'a tokko(1) keessatti kan hin dhihaanne yoo ta'e akka mormiin hin jirretti kan lakkaa'amuudha,"
✅"Namni tokko mucaan ulfaa'ame ykn dhalate kan kooti jechuun jechi kenne diigamuu hin danda'u," Seera Maatii Oromiyaa keewwata 157(1).
✅"Hambifannoon ykn haalota addaatiin jechi ilmummaa ofitti fudhachuun kenname ittiin diigamu danda'u:-
#A.Nama Daa'ima argachuu hin dandeenye:namni jecha ilmummaa ofitti fudhachuu kenne tokko uumamaan yookiin rakkina booda irra isa qunnameen Daa'ima #ulfeessuu kan hin dandeenye jiraachuun yoo mirkanaa'e jechi inni abbaadha jedhee kenne diigamuu danda'a.
#B.Namni jecha ilmummaa ofitti fudhachuu fedhiisaatiin ala dirqisiifamee/humnaan akka kennu taasifame jechi isaa diigamuu danda'a.
#C.Namni umriin isaa gaa'ela hin geenye(waggaa 18 hin guunne) tokko jecha isaan ilmummaa kan ofitti fudhate jecha isaa diiguu danda'a.

#3ffaa,abbummaa murtii Mana Murtiitiin himamu:-
☑"Osoo fuudhaa-heerumni hin jiraanne akka abbaa warraa fi haadha warraatti warra wajjiin jiraatan jidduutti ykn fuudhaa heeruma keessatti ykn walitti dhufeenya namoota dhiiraa fi dubartii tokkoon guyyoota 180(ji'a jaha) booda ykn diigamuu gaa'elaa,addaan citiinsa akka gaa'ilaan alatti akka abbaa warraa fi haadha warraatti waliin jiraachuu kaasee guyyoota 300(dhibba sadi) keessatti osoo hin taane kanaan alatti daa'ima/mucaa dhalate namni ani abbaadha jedhee ofitti fudhatu yoo hin jiraanne himata Mana Murtii idileetti dhiheessuun Murtii Mana Murtiin abbummaan beekamuu

danda'a."http://t.me/+WFtd-XXoYGk1ZTNk

𝗕𝗜𝗧𝗧𝗔𝗔 𝗙𝗜 𝗚𝗨𝗥𝗚𝗨𝗥𝗧𝗔𝗔 𝗟𝗔𝗙𝗔 𝗠𝗔𝗚𝗔𝗔𝗟𝗔𝗔 𝗠𝗔𝗡𝗡𝗜 𝗜𝗥𝗥𝗔 𝗛𝗜𝗡 𝗝𝗜𝗥𝗥𝗘

Heerri Mootummaa Federaalaa bara 1987 bahes ta'e kan Mootummaa Naannoo Oromiyaa bara 1994 Fooyya'ee bahe lafti magaalaas ta'ee kan baadiyyaa qabeenya waliinii mootummaa fi uummataa ta'uu ifatti tumanii jiru. Kana jechuunis mirgi namni tokko lafa baadiyyaas ta'ee  magaalaa irratti qabu mirga abbaa qabiyyummaa (possessory right) fi mirga fayyadamaa ti. Mirgi abbaa qabeenyummaa lafaa kan mootummaa fi uummataa ta'ee mirgi namni dhuunfaa lafa irratti qabu mirga abbaa qabiyyummaa fayyadamaa ta'aa jechuu dha. Abbaan qabiyyee mirga abbaa qabeenyummaa hin qabu jechuun mirga qabeenyicha akka barbaadetti nama ykn qaama biraatti dabarsuu guutuu hin qabu jechuu dha. Heerri mootummaa fi seeronni bulchiinsaa fi itti fayyadama lafaa heericha hordafanii bahanis lafa gurguruus ta'ee jijjiiruun akka hin danda'amne ifatti tumaniiru (fkn heera mootummaa keewwata 40/3).

Daangaan mirga lafa gurguruu irratti taasifame lafa baadiyyaa fi magaalaa irratti garaagarummaa ni qaba. Lafa baadiyyaa manas ta'ee qabeenya biroo waliin gurguruun gonkumaa hin danda'amu (Labsii Bulchiinsaa fi Itti Fayyadama Lafa Baadiyyaa Oromiyaa Lakk. 130/1999 keewwata 6 (6) (7) fi (8)). Lafa Magaalaa ilaalchisee lafa duwwaa gurguruun gonkumaa kan hin danda'amne (legally speaking) yoo ta'u mana waliin gurguruun kan danda'amu ta'uun ni beekama.

Seeronni jiran kana kan tuman ta'ee namootni keenya beekanis haa ta'uu osoo hin beekin lafa magaalaa mana hin qabne (lafa duwwaa) waliigaltee mandara keessaa jedhamu waliif mallatteessuun yeroo walitti gurguranii bal'inaan argina. Darbees lafa akkaataa kanaan bitame irratti gamoo gurguddaa dabalatee mana ijaaruun ni mul'ata. Kana irratti seerri maal jedha? Gareewwan waliigalticha waliif raawwatan mirga akkamii qabaatu? Itti aansinee gabaabinaan ilaalla.

Seerri Hariiroo Hawaasaa Itoophiyaa bara 1952 bahe (kana booda SHH jedhamee kan ibsamu) Kitaaba 4ffaa jalatti waa'ee waliigaltee waliigalaa bal'inaan tumee jira. Tumaaleen kanneen waliigalteen tokko seera duratti ragga'uuf ulaagaalee akkamii guutee raawwatamuu akka qabu, mirgaa fi dirqama waliigaltootaa, waa'ee waliigaltee diiguu fi haquu, dirqama waliigalteen seenan raawwachuu fi raawwachuu dhabuu fi kkf bu'aalee isaan hordofsiisan waliin ibsanii jiru.

Haaluma kanaan waliigalteen tokko seera qabeessa jedhamuuf ulaagaalee guutamuu qaban keessaa tokkoo fi murteessaan dhimmi waliigaltichi irratti taasifamu (object of the contarct) seera qabeessa (lawful) ta'uu qaba (SHH keewwata 1678 (c) ilaalaa). Dhimmi waliigalteen irratti taasifamu seeraan ala ykn seeraan kan dhorkame yoo ta'e waliigaltichi bu'aa kan hin qabne ta'uu seericha keewwata 1716 irrattu ibsameera. Qixa kanaan gaafa ilaalamu waliigalteen bittaa fi gurgurtaa lafa baadiyyaas ta'ee lafa magaalaa mana hin qabne (lafa duwwaa) heeraa fi seera biyyattiitiin kan dhorkame waan ta'eef fudhatama hin qabu. Waliigalteen gosa kanaa bu'aa kamuu hordofsiisuu kan hin dandeenye ta'uurra darbee kan diigamu (invalidated) ta'uu seerichi ni kaa'a. Yoo akkas ta'e carraan (fate) namoota gamoo gurguddaa dabalatee mana lafa akkaataa kanaan bitame irratti ijaaran maal ta'a? Gaaffiin jedhu ka'uu hin oolu.

Waliigalteen tokko yommuu diigamu qaamoleen waliigalticha waliif raawwatan hanga danda'ametti bakka osoo waliigaltichi hin raawwatamin dura turanitti deebi'uu akka qaban SHH keewwata 1815 jalatti tumamee jira. Kana jechuunis namni mana bituuf maallaqa kanfale maallaqa isaa deebisee kan fudhatu yoo ta'u inni lafa gurgure immoo lafa isaa deebisee fudhata jechuu dha. Qabeenyi sana booda lafa sana irratti horatame, keessumattuu manni laficha irratti ijaarame maal ta'uu qaba gaaffiin jedhu kanumaan wal qabatee ilaalamuu kan qabuu dha. Dhimma kanaaf furmaata jechuun Manneen Murtii keenya darbee darbee hojiirra kan oolchan abbaa qabiyyichaa osoo hin mormin kan ijaarame waan ta'eef SHH keewwata 1179 hojiirra ooluu qabaa ejjannoo jedhu calaqqisiisu.
http://t.me/+WFtd-XXoYGk1ZTNk

☞𝐃𝐡𝐚𝐝𝐝𝐚𝐜𝐡𝐢 𝐈𝐣𝐢𝐛𝐛𝐚𝐚𝐭𝐚𝐚 𝐌𝐚𝐧𝐚 𝐌𝐮𝐫𝐭𝐢𝐢 𝐖𝐚𝐥𝐢𝐢𝗴𝗮𝐥𝗮𝗮 𝐅𝐞𝐝𝐞𝐫𝐚𝐚𝐥𝐚𝐚 𝐋𝐚𝐤𝐤𝐨𝐨𝐟𝐬𝐚 𝐆𝐚𝐥𝐦𝐞𝐞 𝟐𝟑𝟐𝟒𝟕𝟒 ta'e irratti "himannaan jeequmsi sagalee uumame haa dhaabatu yookiin fooliin badaa ollaa irraa na dhaqqabe jedhamee dhiyaatu,mirga abbaa qabeenyummaa seeraan ala fayyadamuu seera hariiroo hawaasaa keewwattoota 1225 fi 1226 kan ilaallatu waan ta'eef;iyyanni himannoos ta'e ibsi murtii keessatti kennamu yaad-rimee seera hariiroo hawaasaa keewwata 1149 jalatti tumamaniin osoo hin taane,tumaa rogummaa qabu adda baasuun ta'uu akka qabu" hiikoo kenneera.Haala kanaan miidhaan yoo dhaqqabe yookaan miidhaan dhaqqabuuf kan sodaachisu yoo ta'e,kisaaraa gaafachuu,bakka duraan turetti akka deebi'u yookiin tarkaanfiin of eeggannoo barbaachisaan akka taasifamu bu'uura shh keewwata 1225 fi 1226 himannaan dhiyeessuun akka danda'amu hiikoo Seeraa kana keessatti ibsameera.(𝐇𝐢𝐢𝐤𝐨𝐨 𝐇𝐚𝐚𝐫𝐚𝐰𝐚 Jildiidhaan Hin Maxxanfamne). Sultan Juneeydii
http://t.me/+WFtd-XXoYGk1ZTNk

Mirgi Baankileen Qabeenya Wabummaan Qabatan Irratti Qaban (Mirgi Ofumaan Gurgurachuu) Mirga Daangaa Hin Qabne (Absolute Right) Ta'uu Ni Danda'aa? Himannaa Haala Raawwii Wabummaa Kaffaltii Duraa Haala Irratti Hin Hundoofneen (Unconditional Advance Payment Security) Wal Qabatu Baankii Irratti Dhiyeessuun, Manni Murtii Adeemsa Caalbaasii Baankii Yeroof Akka Dhorkuuf Gaaffii Dhiyeessuun Ni Danda'amamoo Hin Danda'amu?

¢¢¢✓✓¢¢¢¢¢✓✓✓✓¢¢¢¢¢¢¢¢✓✓✓✓✓✓

Baankileen qabeenya wabummaan qabatan ofuma isaaniitiin akka gurgurataniif mirgi kan kennameef yemmuu ta'u, mirgichi mirga daangaa hin qabne (Absolute right) waan hin taaneef, ajaja mana murtiitiin baankiin qabeenyicha gurguruu irraa yeroof dhorkamee akka turuuf gaaffiin irratti dhiyaachuu ni danda'a. Gama birootiin daangaa inni qabu, aangoo dhaabbilee faayinaansiitiif seerri kenneefi kaayyoo seerichi galma geessisuu barbaade haala hafaa taasisuun akka hojiirra hin oolle taasisuuf of eeggannoo taasisuun barbaachisaadha.

Raawwii waliigaltee ijaarsaatiin wal qabatees baankiin wabummaa kaffaltii duraa (Advance Payment Security) kenne, bu'uura dirqama wabummaa isaatiin kaffaltii erga raawwatee booda qabeenya wabummaadhaan qabate akkaataa Labsii Lakk.97/90tiin caalbaasiidhaan yeroo gurguruuf jedhutti kontiraakterri qabeenyicha wabummaan qabsiise baankicha irratti himannaa yoo dhiyeesse, manni murtichaa caalbaasichi akka dhaabbatuuf ajaja dhorkaa kennuu hin danda'u falmiin jedhu fudhatama hin qabu. Baankiin bu'uura Labsii lakk.97/90tiin qabeenya wabummaan qabate caalbaasiidhaan gurguruuf aangoo kan qabu ta'ullee, haala raawwii wabummichaatiin wal qabatee (baankichi kaffaltii raawwachuu hin qabu jechuun) himannaan yoo dhiyaate, Manni murtii caalbasiin akka dhaabbatuuf ajaja kennuu ni danda'a. Aangoon mana Murtii kun sanada wabummaa haala irratti hin hundoofne ilaalchisees raawwatiinsa ni qabaata jedheera.
   (Lakk.Galmee Dhaddacha Ijibbaataa MMWF.233694. Murtiilee Dhaddacha Ijibbaataa MMWF hin maxxanfamne, kan Daani'eel Fiqaaduutiin walitti qabaman keessaa kan fudhatame)

          http://t.me/+WFtd-XXoYGk1ZTNk