Raawwii murtii ilaalchisee SDFHH kwt, 389 yoom raawwatama? Hidhaan hanga baatii jahaa jedhamuun tumame adabbii gochaa yakka raawwii murtii gufachiisuu ykn danquuti moo turtii toohannaa/hidhaa siviilii MAI dhibaawaa otuu dandeettii qabuu fi raawwachuu danda’u beekaa raawwii didu ykn danqu ykn gufuu uumu akka dirqamee raawwatu taasisuutidha? MMWF Dhaddachi Ijibbaataa murtii galmee lkk, 63754 ta’e irratti kennuun jiildii 11ffaa  keessatti maxxanfamuu argamuun kwt, 389 akka adabbii gochaa yakka ajaja raawwii diduu ykn gufachiisuutti xiinxaluun murteessuu isaa qabiyyeen murtichaa irraa kan hubatamudha. Akkas yoo ta’e immoo tumaan Seericha kwt, 389 raawwii idaa mallaqaa qofaaf otuu hintaane raawwii murtii kamiiyyuu keessatti MAI raawwicha danqe ykn gufuu itti ta’e ykn qabeenya/wanta raawwiif sababa ta’e miliqsuuf yaale ykn miliqse kamiiyyuu irrattis raawwatiinsa qaba jedhuu fakkaataa. Haata’u malee kaayyoo tumaa kwt ,389 hidhaa adabbii yakkaa otuu hintaane MAI sababa gahaa malee raawwii dide ykn danquu yaale ykn gufuu ta’uu danda’u iyyannoo MAMn dhiyaatu bu’ura gochuun gaaffii fi baasii MAMtiin toohannoo siviilii hanga ji’a jaha gahu jala akka turu sirna raawwii murtii dandeessisu akka ta’e SDFHH biyya Hindii fi qabatama MM biyya sanaa irraa nihubatama. Akka seera biyya keenyaattis tumaan SDFHH kwt, 389 tumaalee kwt, 386 fi 387 waliin walqabatee kan raawwatamuu fi innis MAI dhibaawaa fi dabaa dirqamsiisuuf kan yaadame malee tumaa adabbii yakkaa akka hintaane ifaan kan hubatamu waan ta’eef tarii murtiin Dhaddacha Ijbata ifa yoo ta’uu baateeyyuu bifa kanaan otuu hubatamee gaariidha.https://t.me/+WFtd-XXoYGk1ZTNk

,,,,,👇👇👇👇👇👇👇👇👇👇👇👇👇👇
#ABBUMMAA_MIRKANEESSUU
✅#Haala_Abbummaan_Daa'imaa Ittiin Beekamu:-
✔"Abbummaan Daa'imaa" karaalee sadiin beekama.Isaanis:-
#1ffaa,tilmaama seeraatiin.Abbaan Daa'ima dhalate tokko eenyu akka tilmaama seeraa fudhachuun beekuun ni danda'ama.
✔Daa'ima/mucaa fuudhaaf heeruma keessatti ulfaa'amee dhalateef abbaan dhiirsuma haadhaati.
✔Yeroo dubartiin takkaa fi dhiirri tokko fuudhaaf heerumaan waliin waliin jiraatanitti ilmi dhalate yeroo fuudhaaf heerumni cimaan jiru keessatti kan ulfaa'ame ta'uu yoo mirkanaa'e malee fuudhaa-heeruma keessatti dhalachuu qofti fayyadamaa tilmaama seeraa nama hin taasisu.
✔"Fuudhaaf heerumni erga raawwatame booda guyyoota 180 booda ykn fuudhaaf heerumni diigamee guyyoota 300 keessatti mucaan yoo dhalate mucichi fuudhaaf heeruma keessatti akka ulfaa'ametti lakkaa'ama," Seera Maatii Oromiyaa Labsii Lakkoofsa 69/1995 fi 83/1996 keewwata 145(1).
✔Osoo fuudhaaf heeruma hin raawwanne gaa'elaan alatti akka abbaa warraa fi haadha warraatti yeroo waliin jiraatanitti daa'imni ulfaa'ame yookiin dhalate kan nama haadha mucichaa waliin qunnamtii kanaan jiraatuuti.
✔Guyyaa walitti dhufeenyi,fi wajjiin jireenyi namoota akka dhirsaa fi niitiitti wajjiin jiraatan jalqabamee eegalee guyyoota 180 boodaa fi guyyoota walitti dhufeenyi isaanii addaan cite guyyoota 300 keessatti mucaan dhalate kan nama akka dhirsaatti haadha mucaa waliin jiraatu ykn jiraataa ture sanaati.
✔Namni tilmaama seeraatiin abbaa mucaa dhalateeti jedhame kun falmiin waakkachuun(daa'imni kiyya miti jechuun) kaasu haala qorannoo saayinsaawaa ta'een ragaa dhihaatuun(qorannoo dhiiga nama abbaadha jedhamee fi mucaa dhalate/DNA test) taasisuun abbaa daa'imaa miti jedhee haaluu danda'a.
#2ffaa,ilmummaa ofitti fudhachuun abbummaan Daa'imaa beekamuu danda'a.
✅"Sirnoonni ilmummaa ofitti fudhachuun ittiin raawwatamus namni fedhii isaatiin ani abbaadha jedhu:-
A.Itti Gaafatamaa Galmeessa Haala Hawaasummaa biratti dhihaachuun abbaa daa'imaa ta'uu ibsuudhaan,
B.Dhaamoo barreeffamaa kennuudhaan,
C.Sanada Abbaa Taayitaa aangoon kennameef biroo kamiinuu mirkanaa'een abbaa ta'uu ibsuudhaanidha.
✅"Nama ani abbaadha jedhee ilmummaa ofitti fudhatu haati mormuu dandeessi.Namni tokko mucaan ulfaa'ame ykn dhalate intala/ilma koodha jedhee jechi kenne bu'aa Kan argatu haati mucaa sanaa eeyyamamtuu yoo ta'eedha."SMO keewwata 153 fi 154.
✅'Mucaan ofitti fudhatames erga umriin isaa gaa'ila gahe namni jecha ofitti fudhachuu kenne kun abbaa koo miti jedhee mormii dhiheessuu danda'a."
✅"Mirgi mormii dhiheessuu kun gochi ilmummaa ofitti fudhachuu kun raawwatamuu isaa guyyaa beekamee eegalee ji'a tokko(1) keessatti kan hin dhihaanne yoo ta'e akka mormiin hin jirretti kan lakkaa'amuudha,"
✅"Namni tokko mucaan ulfaa'ame ykn dhalate kan kooti jechuun jechi kenne diigamuu hin danda'u," Seera Maatii Oromiyaa keewwata 157(1).
✅"Hambifannoon ykn haalota addaatiin jechi ilmummaa ofitti fudhachuun kenname ittiin diigamu danda'u:-
#A.Nama Daa'ima argachuu hin dandeenye:namni jecha ilmummaa ofitti fudhachuu kenne tokko uumamaan yookiin rakkina booda irra isa qunnameen Daa'ima #ulfeessuu kan hin dandeenye jiraachuun yoo mirkanaa'e jechi inni abbaadha jedhee kenne diigamuu danda'a.
#B.Namni jecha ilmummaa ofitti fudhachuu fedhiisaatiin ala dirqisiifamee/humnaan akka kennu taasifame jechi isaa diigamuu danda'a.
#C.Namni umriin isaa gaa'ela hin geenye(waggaa 18 hin guunne) tokko jecha isaan ilmummaa kan ofitti fudhate jecha isaa diiguu danda'a.
#3ffaa,abbummaa murtii Mana Murtiitiin himamu:-
☑"Osoo fuudhaa-heerumni hin jiraanne akka abbaa warraa fi haadha warraatti warra wajjiin jiraatan jidduutti ykn fuudhaa heeruma keessatti ykn walitti dhufeenya namoota dhiiraa fi dubartii tokkoon guyyoota 180(ji'a jaha) booda ykn diigamuu gaa'elaa,addaan citiinsa akka gaa'ilaan alatti akka abbaa warraa fi haadha warraatti waliin jiraachuu kaasee guyyoota 300(dhibba sadi) keessatti osoo hin taane kanaan alatti daa'ima/mucaa dhalate namni ani abbaadha jedhee ofitti fudhatu yoo hin jiraanne himata Mana Murtii idileetti dhiheessuun Murtii Mana Murtiin abbummaan beekamuu

👇👇👇👇👇👇👇👇👇👇👇👇👇👇
#Keewwata 543. Dagannoon Nama Ajjeesuu
✅️ Namni kamiyyuu seera yakkaa keewwata 54 keewwata xiqqaa (2) fi (3) jalatti haalawwan tumamaniin ala dagannoon nama kan ajjeese yoo ta’e;hidhaa salphaa ji’a jahaa hanga waggaa sadii gahuu danda’uun yookiin adabbii maallaqaa qarshii kuma lamaa hanga kuma afurii gahuu danda’uun ni adabama.

✅️ Lubbuu, fayyaa yookiin nageenya nama biroo eeguuf dirqama ogummaa yookiin kan biroo kan qabu kan akka ogeessa yaalaa yookiin konkolaachisaa kan ta’e dagannoon nama kan ajjeese yoo ta’e; adabbichi hidhaa salphaa waggaa tokkoo hanga waggaa shanii gahuu danda’uufi adabbii maallaqaa qarshii kuma sadii hanga kuma jahaa gahuu danda’u ni ta’a.

✅️Fakkeenyaaf konkolaachisaa namoota baay'een fe'uun of eeggannoon konkolaachisuu osoo garagaluun ykn daandii irraa maquun nama kan ajjeese yoo ta'ee akkasumaas Doktara osoo yaalii baqaqsanii yaaluu gochaa jiruu maqasii yokiin meeshaa biroo garaa namaa keessatti dagachuun namni akka du'u kan taasise yakka ajjeehaa dagannoon akkaataa seera yakkaa keewwata 543 kan itti gaafatamu taha.

✅️Balleessichi namoota lama yookiin isaa ol kan ajjeese yookiin yakkicha kan raawwate dambii yookiin qajeelfama ifa ta’e darbuun yoo ta’e, yookiin wahiyyoota yookiin dhugaatiwwan nama macheessan yookiin fajajeessan fudhachuun haala itti gaafatamummaa irraa bilisa isa taasisu keessa erga of galchee booda yoo ta’ellee;adabbichi hidhaa cimaa waggaa shanii hanga waggaa kudha shanii gahuu danda’uufi adabbii maallaqaa qarshii kuma kudhanii hanga kuma kudha shanii gahu ni ta’a.keewwata 543https://t.me/+WFtd-XXoYGk1ZTNk

Waliigalteen Bittaa fi Gurgurtaa Manneen Dhuunfaa Mirkanaa'uuf Ulaagaan Guutamuu Qabu Maal Fa'i? Waliigalteen Bittaafi Gurgurtaa Manaa Qaama Kam Biratti Mirkanaa'a (Raawwatama)?

€€€€¥€€€€€¥¥€€€€€€€€€¥¥¥¥€€€€€€€€€


Bittaa fi gurgurtaan manaa kan raawwatamu Bitaataa fi Gurgurataa gidduutti ta'ee, waliigaltichi mirkanaa'uuf;

a) Manichi qabeenya dhuunfaa gurgurataa ta'uu, kaartaa fi nagahee abbaa qabeenyumaa dhiyaachuu;
b) Kallattii 4 (arfaniin) maal maaliin akka daangeffamuu fi koordineetii manichaa beekamuu;
c) Idaa fi dhorkaa mana murtii kan hin qabne ta'uu;
d) Waraqaa eenyummaa gurgurataa jiraachuu fi
e) Ragaan Gaa'ilaa dhiyaachuun barbaachisaadha.
      (Qajeelfama Misooma, Bulchiinsaafi Dabarsa Manneen Naannoo Oromiyaa, Lakk.28/2016 Kwt 58)

👉Biiroon Misooma Magaalaafi Manneenii Oromiyaa;

Waliigalteen bittaa fi gurgurtaa manaa sadarkaa bulchiinsa magaalaatti akka raawwatamu taasisuuf; hordofuuf; to'achuuf aangoo qaba.
     (Qajeelfama Misooma, Bulchiinsaafi Dabarsa Manneen Naannoo Oromiyaa, Lakk.28/2016 kwt 61(6))https://t.me/+WFtd-XXoYGk1ZTNk

     

👇👇👇👇👇👇👇👇👇👇👇👇👇👇👇#Dhaaltummaa_Keessaa_Buqqisuu
✍️Dhaalchisaan namoota isa dhaaluu danda’an kamiinuu dhaaltummaa keessaa buqqisuu danda’a. Dhaamoo dhaamu keessatti dhaaltota isaa kanneen isa akka hin dhaalle barbaadu maqaan ifa taasisuun, kanneen akka isa dhaala barbaadu ammoo dhaamoo dhaamuufii danda’a.

✍️Sirni dhaaltota asi-gadi lakkaa’amanii fi asi-ol lakkaa’aman dhaaltummaa keessaa itti buqqisan garaagarummaa qaba. Dhaalchisaan ilmaan ykn ilmaan ilaaman isaa dhaaltota keessaa buqqisuuf, sababa dhiyeessuutu irraa eegama.Gochaa dhaaltuun sun raawwate ykn gochaa inni raawwachuu dhabe diddiriirsee ibsuu qaba jechuu dha.

✍️Buqqa’uun dhaaltuu tokkoo mana murtiitti ijoo falmii kan ta’e taanaan, manni murtii sababni dhaaltuu sana dhaaltota keessaa buqqise,nama sana buqqisuuf gahaa ta’uusaa qulqulleessuun dhaamo dhaamame sana mirkaneessuu ykn diiguu danda’a. Hata’u malee, Sababa dhaalchisaan dhaaltuu sana buqqisuuf ibse gahaa ta’uusaa madaaluurra darbee, dhaalchisaan sababoota sana akka caqasu kan isa taasise maal akka ta’ee fi haalli dhaalchisaan keessa ture ejjennoo sanarra gahuu kan isa dandeessisu ta’uusaa madaaluu hin danda’u.Seera HH keewwata 938

✍️Dhaalchisaan qabeenya dhaalaa isaa nama tokkoof kan dhaame yoo ta’ee fi dhaaltota asi-gadi lakkaa’aman kan hin qabne taanaan, dhaaltota isaa sadarkaa lammaffaa, sadarkaa sadaffaa fi sadarkaa arfaffaa dhaaltota keessaa buqqisuu isaa ibsa. Dhaalchisaan dhaaltota isaa asi-gadi lakkaa’aman haala ifa ta’een osoo hin buqqisiin qabeenya isaa nama tokkoo qofaaf kan dhaame yoo ta’e,dhaamoon sun mana murtii duratti kan ragga’u hin ta’u.Namni dhaamoon dhaamameef sun qabeenya dhaamameef hunda qofaa isaa kan fudhatu osoo hin taane, ofii isaa akka dhalataa dhaalchisaa fi dhaaltuu sadarkaa tokkoffaatti lakka’amuun dhaaltota biroo wajjiin dhaalaaf kan dhiyaatu taha.

✍️Dhaalchisaan dhaaltota sadarkaa tokkoffaa ykn sadarkaa biroo irra jiran dhaaltota keessaa buqqisuu kan danda’u yoo ta’u,dhaamoo dhaalchisaan dhaaltota isaa ittiin buqqisa guutummaattis ta’e gamisaan sababoota garagaraatiif hanqina qabaachuun isaa kan hubatame taanaan tumaa dhaamichaa hanqina qabu sana qofa osoo hin taane guutummaan dhaamichaa fudhatama kan dhabu ta’a.

✍️Fudhatama dhabuun dhaamoo kanaa ammoo namootni qabeenya dhaalaa akka hin arganneef maqaan isaanii eerame, carraa mirga dhaaltummaa isaanii deebifatanii ni argatu jechuu dha👇👇👇👇👇👇😉👇👇👇👇👇👇👇👇👇👇👇👇👇
Fuula miidiyaa Ijoo Seeraa kana follow ,share gochun maatii Ta'aa https://t.me/+WFtd-XXoYGk1ZTNk

👇👇👇👇👇👇👇👇👇👇👇👇#GOCHOOTA_YAKKA_MALAAMMALTUMMAAA
1) Aangootti Gar-malee Fayyadamuu:
• Anngoo ykn itti gaafatamummaa kennameef akkaataa barbaadamuun ala itti fayyadamuu
• Aangoo kennameefiin ol bahuun hojjechuu
• Hojii irraa kaafame, jijjiirame, itti gahumsa hin qabne, irraa dhorkame hojjechuu
2) Matta’aa Fudhachuu:
Hojii raawwachuu qabu raawwachuu dhiisuuf, ykn raawwachuu kan hin qabne raawwachuuf jecha faayidaa nama biroorraa kallattiin ykn al-kallattiin ofiif ykn nama birootiif fudhachuu, gaafachuu, abdii fudhachuu, dabalata.
3) Faayidaa Hin Malle Fudhachuu:
Tajaajila kennuu qabu tokko kennuuf ykn erga kenneen booda kanfaltii bu’uura seeraa hin qabne gaafachuu
4) Jaarsolii Araaraa ykn Namoonni Biroo Faayidaa Fudhachuu ykn Gaafachuu:
Jaarsoliin araaraa ajaja m/murtiitinis ta’ee dhuunfadhaan dhimma nama biroo ilaalan, ogeessotni yaada ogummaa
kennan kan akka maandisaa fi kan biroo faayidaa kan fudhatan, kan gaafatan, yoo ta’e
5) Mana Hojii Mootummaa ykn Dhaabbata Misoomaa Haala Hin Mijanneen Gaggeessuu:
Hojicha karaa faayidaa mataasaaf ykn nama biraaf eeguu fi/ykn mana hojichaa miidhuun hojjechuu ykn raawwachuu, iccitii dabarsanii kennuu(jecha darbiinsaa kompuutaraa fi kan biroo)
6) Mi’a ykn Meeshaa Adaraadhaan Itti Kenname Haala Hin Taaneen Irratti Ajajuu:
Mi’a ykn meeshaa imaamaadhaan itti kenname tokko kan akka poostaa, mi’a haguuggamaa, sanada ykn wanta gatii
qabu kamuu eeyyama tokko malee banuu, bansiisuu,fudhachuu, fudhachiisuu, itti fayyadamuu, namni biroo akka itti fayyadamu gochuu
7) Sababa Hojiitiin Qabeenya Harkasaa Gale Fudhachuu ykn Dhoksuu
Sakatta’iinsaan, qabiinsaan,adaraadhaan, qabeenyichi dhaalamuudhaan, caalbaasiidhaan gurguramuudhaan, murti m/murtiitiin ykn karaa kamiinuu qabeenya harkasaa gale dhoksuu, fudhachuu
8) Aangoodhaan Daldaluu
Aangoo qabu akka meeshaatti fayyadamuun faayidaa hin malle argachuu ykn nama biroof argamsiisuu ykn miidhuu
9) Karaa Seeraan Alaa Galii/Maallaqa Sassaabuu ykn Dabarsuu Gibira, mindaa, beenyaa fi kanfaltiiwwan biroo hanga taarifaatiin ol ykn sanaa gadi sassaabuu ykn kennuu
10) Dhimma Lafarra Harkisuu;
Sababa gahaa fi amansiisaan osoo hin jiraanne ta’e jedhanii dhimma lafarra harkisuu/abbaa dhimmaa deddeebisuu
11) Wanta Gatii Qabu Tokko Kanfaltii Malee Ykn Kanfaltii Gahaa Malee Fudhachuu
12) Seeraa Ala Eeyyama Kennuu ykn Haaromsuu Ulaagaa guuttachuu qabu osoo hin guutiin eeyyama kennuu
ykn haaromsuu
13) Qabeenya ykn Maallaqa Maddisaa Hin Beekamne Qabatanii Argamuu
14) Iccitii Mana Hojichaa Baasuu
15) Sanada Sobaa Hojjechuu, Sobatti Jijjiiruu, Itti Fayyadamuu fi Seera Qabeessa Fakkeessanii Dhiyeessuu
16) Sanada Mootummaa/Dhaabbatichaa Balleessuu ykn Miidhaa Irraan Geessisuu
17) Tajaajilamaan matta’aa ykn faayidaa hin malle kennuu
18) Matta’aa ykn Faayidaa hin Malle Kennuu ykn Fudhachuu Irratti Faddaalaa/Walquunnamsiisaa Ta’ee Hojjechuu
19) Aangoo Hin Qabnetti Fayyadamuu
Erga aangoorraa kaafamee, hojii gadi lakkisee, haqamee/ari’amee, fuulduratti aangoon/hojiin argadha jechuun, ykn
hojjetaa mootummaa fakkaachuun akka waan aangorra jiruu fakkeessuun hojjechuu
20) Dhageettii Dhuunfaatiin Daldaluu
21) Faayidaa /Maallaqa Sossobbiif Filannoo Irratti Kennuu Namni mirga filachuu qabu tokko akka nama ta’e/dhaaba siyaansaa tokko filu ykn filuu dhiisu maallaqa kennuu ykn waadaa galuu
22) Amantaa Hir’isuu Cimaa Sababa hojiitiin wal qabatee imaanaa itti kenname faayidaa dhuunfaaf oolchuu
23) Gowwoomsuu Cimaa Hojetaan mootummaa/dhaabbilee misoomaa ykn muudamaan ykn filatamaan uummataa faayidaa argachuuf ykn nama biroof
argamsiisuuf ykn miidhaa irraan gahuuf gocha gowwomsuu raawwachuudha.👉👉👉👉👉👉👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇👇
Miidiyaa Ijoo Seeraa kan keessan share ,follow ,Join gochun maatii Ta'aa

https://t.me/+WFtd-XXoYGk1ZTNk

👉Leenjii : yakka malaammaltummaa fi qabeenya bu'aa yakka malaammaltummaa ta'e deebisiiisu( ILQSo Bara 2017),
👉Credit to Abdi Asefa fi Getachew kebede

👇👇👇👇👇👇🏾👇👇👇👇👇👇👇🏿👇👇🏿👇#Namni_akka_of_ajjeesu_kakaasuu
👉️Namni kamiyyuu namni biroo akka of ajjeesu kan kakaase yookiin kan gargaare yoo ta’e yaaliin of ajjeesuu yommuu taasifametti hidhaa salphaan; gochi of ajjeesuu yommuu raawwatametti hidhaa cimaa waggaa shan hin caalleen ni adabama.

👉️Akka of ajjeesu namni kakaafame yookiin gargaarsi taasifameef ijoollee gaa`elaafhin geenye yookiin sababa dhukkuba sammuun yookiin dullumaan dandeettii dhabee kan ture yoo ta’e; adabbiin kakaasaa yookiin gargaaraa irratti murtaa’u namni kakaafame yookiin gargaarame of ajjeesuuf kan yaale yoo ta’e hidhaa cimaa waggaa shan hin caalleen; kan of ajjeese yoo ta’e, hidhaa cimaa waggaa kudhan hin caalleen ni ta’a.seera yakkaa kwt 542https://t.me/+WFtd-XXoYGk1ZTNk

👇👇👇👇👇👇👇👇👇👇👇👇👇👇👇👇👇
Bakka Bu’uun Dhaaluu (Representation),kwt. 842(3),831,908Bakka bu’uun dhaaluu kan jedhu dhaallii isa du’ee hogguu banamu:namni silaa lubbuun osoo jira ta’ee, dhaaltummaan dhaala isa du’ee keessatti qooda fudhachuu danda’uu tokko; dhaalchisaa isaatiin dura sababa du’een dandeettii isa du’e dhaaluu hogguu dhabu; dhalatoonni isaa isa bakka bu’uun dhaaltummaan akka hirmaatan sirna ilaalatuudha.

B/bu’ummaan dhaalchisaa dhaaluuf ulaagaaleen sadii wal-faana guutuu qaba (shh kwt.853-856):kunis:Bakka bu’aan dhaalchisaa wajjiin firooma kan qabu ta’uu Namni bakka bu’iinsaan dhaalu (the represented heir) nama dhaalchisaa dhaaluu hin malle (unworthy) ta’uu dhabuu.Bakka bu’iinsaan dhaaltummaa hin simatamne dhaaluun hin danda’amu.Garuu dhaalchisaa dhaalli isaa hin simatamne bakka bu’uun dhaaluun ni danda’ama.

2. Nama dhaaltummaaf hin malle ‘’unworthiness’’ ta’uu. Arts. 838 – 840Dhaaltuun dhaalchisaa, dhalattoota (ilmaanii fi abbayyuu) isaa ykn abbaa manaa /haadha manaa isaa itti yaadee ajjeesuun ykn yaalii ajjechaa irratti raawwachuun ykn himata yakka adabbii du’aa ykn hidhaa cimaa Wag.10 ol adabsiisu irratti ragaa sobaa bahuun isaa mirkanaa’ee itti murtaa’e ykn adabame (shh kwt.838)

Dandeettii dhabuu dhaalchisaatti fayyadamuudhaan du’aan duratti ji’a 3 gidduutti dhaalchisaan dhaamoo akka hin goone, akka hin jijjiirre, akka hin haqne kan godhe kwt.840Fedhii dhaalchisaa malee dhaamoo dhabamsiisuu, haquu fi dhaamoo sobaa qopheessuu kkf. Haata’u malee dhaalchisaan ifatti dhiifama yoo godheef dandeettii dhabuun dhaaltuu hafaa ta’a. SHH kwt.841https://t.me/+WFtd-XXoYGk1ZTNk