Hubannoof

Qabiyyee Lafa Baadiyyaa Ilaalchisee Hiikoo DhIjMMWF

1) "Namni qabiyyee lafaa kennaan karaa seera qabeessa ta'e qaama kennaa raawwachuuf rogummaa qabu irraa argatee yeroo dheeraaf itti fayyadamuun isaa mirkanaa'e; lafichi maqaa nama kennaa raawwatuutiin galmaa'ee gibirri kanfalamaa turuu isaa qofti lafichi waliigalteen hin darbine kan nama jechisiisuu miti"  DhIjMMWF Jildii 21ffaa LGMM 122740

2) "..Mirgi itti fayyadama Lafa baadiyyaa bu'uura seera dhaalmaatiin nama qabiyyee fayyadamuuf mirga miseensa maatiitiif yoo ta'u; haaluma kanaan mirgi dhaalmaa dursa kennamuuf nama galii qabiyyee kana irraa argamuun bulu/dhaalaa galii biraa hin qabneef" DhIjMMWF Jildii 19ffaa LGMM 108335

3) "..Namni tokko qabiyyee Lafa baadiyaa karaa seera qabeessa ta'een qabachuu hanga hin mirkanoofnetti, qabiyyee lafaa kan qabate karaa seeraan alaatiin ta'uu tilmaamni waan fudhatamuuf adeemsa mormii sadarkaa duraatiin himannaa irratti mormii sadarkaa duraa kaasuu akka hin dandeenye" DhIjMMWF Jildii 24ffaa LGMM 179827

4) "..Qabiyyee lafa baadiyyaa waliin wal qabatee waldhabdee ykn wal diddaan yoo jiraate dhimmichi karaa Bulchiinsa Gandaatiin ykn filannoo falmitootaatiin jaarsolii araaraatiin ilaalamee wal dhabdeen akka hiikamu gochuun garee falmitootaaf carraa hayyamame malee dirqama akka hin taane; dhimmichi sadarkaa Gandaatti jaarsolii bitaa mirgi filataniin osoo hin ilaalamiin kallattiin Mana Murtii idileetti dhihaachuu akka danda'u" DhIjMMWF Jildii 24ffaa LGMM 169648

5) "..Qotee bulaan abbaa qabiyyee lafaa ta'e tokko akkaataa seeraatiin beenyaan kanfalameefi ykn bakka bu'iinsaan qabiyyeen Lafa biraa kennameefi itti fayyadama qabiyyee isaa irraa akka ka'u taasifama malee fedhii qaama Bulchiinsaa guutuuf qofa qabiyyee isaa irraa buqqa'uu akka hin dandeenye; qabiyyee Lafa isaa qotee bulaa biraatiif kennuun dura dursa qotee bulaa abbaa qabiyyee sanaaf qabiyyee Lafa isaa irraa buqqa'uu akka hin hordofsiisne of eeggannoo cimaa taasifamee qulqullaa'uu akka qabu"
DhIjMMWF LGMM 162083

6) "..Waliigaltee seeraan alaa ta'e ka'umsa irraa hin jirre waan ta'eef darbiinsa yerootiin hin daangeeffamu, qonnaan bulaan abbaa qabiyyee isaa garee sadaffaaf qabsiisaan kennuuf ykn nama miseensa maatii hin taaneef kennaan dabarsuuf mirga kan hin qabne ta'uu; dhimma seeraan akka taasifamu hayyamame fi ykn dhorkii seeraa kan jiru irratti waliigaltee taasifame waliigaltee seeraan waan ta'eef, waliigalteen seeraan alaa ka'umsa irraayyuu bu'aa kan hin qabnee fi diigamaadha"
DhIjMMWF Jildii 14ffaa LGMM 79394

7) "..Kennaa Lafa baadiyaa ilaalchisee seerri raawwatiinsa qabu seera addaa Labsii Lafa baadiyaa Bulchuuf baheedha malee seera hariiroo hawaasaa miti; nama firooma dhiigaa hin qabneef kennaa Lafa baadiyaa taasisuu kan hin danda'amne ta'uu"
DhIjMMWF Jildii 18ffaa LGMM 105092

8) "..Namni tokko mirga abbaa qabiyyummaa Lafa baadiyaa dhaalaan argachuuf miseensa maatii ta'uun qofti gahaa miti, dabalataanis, qonnaan bulaa, jiraataa Ganda baadiyaa Lafa falmiif sababa ta'e keessa jiraatufi galii qabiyyee kana irraa argachuun bulu ta'uu akka qabu" DhIjMMWF Jildii 18ffaa LGMM 109776

9) "..Abbaa warraa fi haati warraa yeroo wal fuudhan maatiin hayyama isaaniitiin qabiyyee mana bahaaf kennanii yeroo dheeraa itti fayyadamaa turan yoo ta'e, yeroo gaa'elli diigamu qabeenya waliinii jedhamee qixxeetti qooddachuu akka qaban"
DhIjMMWF Jildii 18ffaa LGMM 107840
irratti murtii dirqisiisaa kennee jira.
https://t.me/http_Ijooseeraa

Seera Ragaa; Qajeeltoowwan madaallii Ragaa ilaalchisee ==================================
Bu’aan qorannoo samudaa ashaaraa ykn foorensikii kophaa isaa otuu hintaane ragaalee biroo waliin madaalamee ilaalamuu akka qabu Dh Ijbt MMWF glme Lkk 248162 ta’erratti gaafa 07/02/2017 hiikkoo haaraa kennee jira.
=================
Falmii ragaalee barreeffamaa bu’ura gochuun dhiyaataniin walqabatee yeroo hedduu mallattoon kiyyaa miti ykn ani hinmallatteessine jechuun falmiin yeroo ka’u numudata. Keessaayyuu falmiiwwan waliigaltee fi cheekii fa’aan walqabatan irratti sanadicha haaluu fi mallattoon kiyyaa miti jechuun foorensikiin akka qoratamu gaafachuun hedduu baratamaadha.
Bu’aa qorannoo foorensikii dhiyaatu haalduree tokko malee akka ragaa dhumaatti (conclusive) fudhachuun ragaalee biroo kufaa gochuun murtii kennuunis bal’inaan mul’ata.
Haata’u malee glme olitti caqafame irratti Dh Ijbta MMWF hiikkoo kenneen mallattoon waakkatame kan abbaa waakkatee ta’uu dhabuun bu’aa qorannoo foorensikiin mirkanaa’uun qofaa isaatti hariiroon falmii kaase hinjiru ykn wanti abbaa mallattoo waakkate sana waliin akka jiru ibsame hinjiru jechuun sirrii akka hintaane ykn bu’aa qorannoo foorensikii qofaa isaa yeroo hunda akka ragaa mudaa hinqabneetti fudhatamuu akka hinqabne bal’inaan ibsee jira.
Haaluma kanaan qabxii falmii kaase ilaalchisee hariiroo gareewwan giddutti ture ulaagaalee seeraa hundeessuuf rogummaa qaban hubachiisuu ragaalee danda’a waliin ilaalamuu akka qabus Dh Ijbta murtii kenneen murteessee jira.
https://t.me/http_Ijooseeraa

Seera Yakkaa: Adabbii Hidhaa Akkaataa Seera Yakkaa kwt 192n Daangeffamu=======================
Hiikkoo Dh Ijbta MMWF glme Lkk 262248 ta’erratti gaafa 06/02/2017 kenname===========================
Namni gochaa yakkaa adabbii hidhaan adabsiisuun himatame tokko balleessaa jedhamee yoo itti murtaa’e akkaataa qajwelfama adabbiitiin adabbiin tumaa kwt balleessaa jalatti jedhamaan ibsame shalagamee adabamuun sirnuma Seera yakkaa qajeeltoo waliigalaatidha. Adabbii hidhaa itti murtaa’es Mana Amala Sirreessaa aangoo qabutti kan raawwatu ta’uunis hoj-maata seera qabeessaa fi baratamaadha.
Haata’u malee adabbiin hidhaa yakkamaa gochaa yakkaa raawwatee balleessaa jedhame irratti murtaa’u haala addaan akka hinraawwatamne daangeffamuu akka danda’u SY kwt 192 tumee jira. Akkaataa hiikkoo kwt 192 ilaalchisee garuu hanga ammaatti ejjannoowwan garaagaraa kan jiran yemmuu ta’u inni duraa yakki adabbiin hidhaa kamiiyyuu ulaagaa kwt 192 guute daanga’uu akka danda’u kan falmu yoo ta’u kaan immoo adabbii yakka itti yaadamee (intentionally) raawwatamuu daangessuun akka hindanda’amne ibsa.
Dh Ijb MMWF glme Lkk olitti caqafame irratti hiikkoo kenneen garuu tumaan seera yakkaa murtiin balleessummaa jalatti kenname adabbiin akka hindaangeffamne ifatti kan dhoorku yoo ta’e malee adabbiin ulaagaa kwt 192 guutu kamiiyyuu daangeffamuu akka danda’u murteessee jira. Keessaayyuu haala guddinaa fi fayyummaa xiinsammuu daa’immanii eeguun sababa akkaataa SY kwt 192 jalatti adabbii daangessuuf dandeessisan keessaa isa tokko akka ta’e Dhaddachichi bal’inaan xiinxalee jira.
Guutuu murtichaa armaan gaditti dhoobamee jira.
https://t.me/http_Ijooseeraa

#Waliigaltee_Bittaa_Fi_Gurgurtaa_Qabeenya_Hin_Sochoone_Mana_Irratti_Taasifamu Vs Seeraa fi Murtiilee Dhaddacha Ijibbaataa:
  Waliigaltee bittaa fi gurgurtaa Manaa seera fuulduratti raawwatiinsa qabaachuuf barreeffamaan taasifamee garee waliigaltootaan irratti mallattaa'ee ragooleen lama mallattoon mirkaneessanii qaama waliigaltee raawwachiisu yookiin Mana Murtii fuul-duratti raawwatamuu qaba.Waliigalteen barreeffamaan taasifame qaama aangoo qabu biratti galmaa'uu qaba,seera hariiroo hawaasaa keewwattoota 1723,2877 fi 2878.
✔#Dhaddachi_Ijibbaataa_Mana_Murtii Waliigalaa Federaalaa Jildii 14ffaa lakkoofsa galmee 78398 fi Jildii 12ffaa lakkoofsa galmee 57356 ta'aniin "waliigalteen bittaa fi gurgurtaa Mana tokko seera fuulduratti raawwatiinsa qaba jechuuf akkaataa seera waliigaltee keessatti tumameen ulaagaa guutamee raawwatamuu akka qabu"seera hariiroo hawaasaa keewwata 2005(1),1678(C),1723 fi 2877 waliin wal qabsiisuun murtii dirqisiisaa kennanii turan.
👇Waliigalteen qaama sanadicha mirkaneessu fuul-duratti taasifamu faayidaa guddaa qaba:
✔1ffaa waliigaltichi Mana Murtiitti fudhatama akka qabaatu taasisa;
✔2ffaa Sanadni garee falmitootaa harka ture yoo bade,yoo gubate yookiin garaa garummaa yoo qabaate sanadichi qaama mirkaneesserraa akka argamu taasisa;
✔3ffaa nama barumsa hin qabnee fi ijaan arguu hin dandeenye miidhaa irraa hambisa.
✍#Dhaddachi_Ijibbaataa_Mana_Murtii_Waliigala_Federaalaa_Jildii 15ffaa lakkoofsa galmee 83674 ta'een "waliigalteen tokko barreeffamaan ta'ee garee waliigaltootaatiin ragoolee lamaan mallattaa'uu akka qabuu fi waliigalteen namoota hin barannee fi ijaan arguu hin dandeenyeen taasifamu waliigalchiisa yookiin Mana Murtii fuulduratti yoo hin taasifamne waliigaltichi dirqisiisummaa akka hin qabne"seera siivilii keewwattoota 1727,1728(3),fi 2005 waliin wal qabsiisuun murteessee ture.
🤙#Dhaddachi_Ijibbaataa_Mana_Murtii_Waliigala_Federaalaa_Jildii 13ffaa lakkoofsa galmee 36887 ta'een "waliigalteen jiraachuu yoo amaname mormiin qaama aangoo qabu fuulduratti hin taasifamne jedhamee ka'u fudhatama hin qabu"jechuun murtii dirqisiisaa laatee ture.Seera hariiroo hawaasaa keewwattoota 1731(1),2878.Kunis sababnii fi kaayyoon waliigalteen qaama aangoo qabu biratti taasifamee galmaa'uu barbaachiseef waliigaltichi jiraachuu hubachiisuufiidha.
👉Waliigalteen ulaagaa armaan olitti ibsameen hin hundeeffamin bu'uura shh keewwata 1720(1) tiin akka wixineetti lakkaa'ama(dirqisiisummaa hin qabu).
✔#Dhaddachi_Ijibbaataa_Mana_Murtii_Waliigalaa_Federaalaa Jildii 10ffaa lakkoofsa galmee 43825 ta'e irratti "garee wal falmitootaa yoo kaasan malee Manni Murtii kaka'umsa isaatiin kaasuun waliigalteen foormii(ulaagaa) hin guunne diigamaadha jedhee murtii kennuu akka hin dandeenye"seera hariiroo hawaasaa keewwattoota 1723,fi 1808(2) waliin wal qabsiisuun murtii laatee ture.
✍#Dhaddachi_Ijibbaataa_Mana_Murtii_Waliigalaa_Federaalaa_Jildii 8ffaa lakkoofsa galmee 34803 ta'e irratti "waliigalteen ulaagaa seera hariiroo hawaasaa keewwata 1723 hin guutne jedhamee yeroo diigamu gareen wal falmitootaa bakka duraan turanitti akka deebi'an murtiin kennamuu akka qabu"seera siivilii keewwattoota 1723 fi 1815 waliin wal qabsiisuun murteessee ture.
Maddi:-Fuula Fb MohammedXeyyibNure
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

👉#Dhaddachi_Ijibbaataa_Mana Murtii Waliigalaa Federaalaa Lakkoofaa Galmee 219862 ta'e irratti "lafeen cabee ture kan fayye ta'uu Ogeessa Mana yaalaatiin kan mirkanaa'e yoo ta'e,himatamaan seera yakkaa keewwata 555(B) bira darbuun utuu hin taane seera yakkaa keewwata 556(2) bira darbuun adabamuu qaba" jechuun murteessee ture.

  Ka'umsi dhimmichaa gabaabinaan,himatamaa 1ffaan  ulee kaazaraatiin miidhamaa dhahee buruksee kuffisee Lafee nyaara ijaa keessatti kan cabe yoo ta'u, himatamaa 2ffaan uleedhaan(dullaan) ceekuu miidhamaa dhahuun miidhaan caba lafee nyaaraa waan gaheef seera yakkaa Keewwata 555(b) jalatti himanni hundaa'ee ture.
Manni Murtii Aanaa bu'aan yaalaa kan agarsiisu Lafeen nyaaraa jedhame fayyeera kan jedhuudha jechuun seera yakkaa keewwata 556(2) (a) jalatti jijjiiruun adabeera.
Manni Murtii Ol'aanaa ammoo miidhaan gahe kan ilaalamuu qabu " yeroo yakkichi raawwatametti(at the time of commission of crime) ta'uu ibsuun murtii Mana Murtii Aanaa diiguun himatamaa keewwatuma ittiin himatame seera yakkaa keewwata 555 jalatti adabeera! Manni Murtii Waliigalaa fi Ijibbaata Oromiyaas Murtii Mana Murtii Ol'aanaa kana cimsuun murteessanii turan.

⚖️ #Dhaddachi_Ijibbaataa_Mana_Murtii_Waliigalaa_Federaalaa Lakkoofaa Galmee 219862 ta'e irratti "lafeen cabee ture kan fayye ta'uu Ogeessa Mana yaalaatiin kan mirkanaa'eera,bu'aan yaalaa dhihaate irraa kan hubatamu Lafeen nyaaraa cabe fayyuu isaati.Kana malees miidhaan miidhamaa irra gahe bifa miidhamaa ifatti balleesse kan hin jechisiifne waan ta'eef,yakkichi yeroo raawwatametti osoo hin taane erga raawwatamee booda miidhaan dhaqqabe fayye moo hin fayyine kan jedhutu ilaallamuu qaba jechuun himatamaan seera yakkaa keewwata 555(B) bira darbuun osoo hin taane seera yakkaa keewwata 556(2)(A) bira darbuun adabamuu qaba" jechuun yakkicha Keewwata 555(B) irraa gara keewwata 556(2)(A) jalatti jijjiiruun hidhaa salphaa Baatii 6 tiin adabeera!
=============================
⚖️ #Dhaddachi_Ijibbaataa_Mana_Murtii_Waliigalaa_Federaalaa Lakkoofsa Galmee 168166 ta'e fuula 367 irratti kenneen "namni tokko yakka miidhaa qaamaa cimaa geessiseera jedhamee himatame gochicha raawwachuuf meeshaan fayyadame kan hin jirre ta'uu ragaan kan mirkanaa'e yoo ta'e,itti yaadee miidhaa kan qaqqabsiise(kan geessise) yoo ta'es miidhaa kan geessise boksiidhaan fi teestaan ta'uu, fi miidhaa cimaa itti yaadee qaqqabsiisuu kan hin mirkanoofne yoo ta'e seera yakkaa keewwata 555 jalatti tumameen ala seera yakkaa keewwata 556(1) jalatti balleessaadha jedhamee adabamuu qaba,namni tokko itti yaadee miidhaa cimaa qaqqabsiisuu Abbaan Alangaa ragaa isaatiin  hubachiisuuf(mirkaneessuuf) dirqama qaba jechuun seera yakkaa keewwata 556(1) jalatti hidhaa salphaa Baatii 3 tiin adabee "  seera yakkaa bara 1996 bahe keewwata 23(2),111,112,141,555 fi 556(1) wal qabsiisuun hiikoo kenneera.
===========================
#Gaaffii:
✍️Gochi yakkaa tokko yeroo raawwatametti( at the time of commission of crime ) ilaalamuu qaba moo erga raawwatamee booda bu'aan(consequence) isaatu ilaalamuu qaba jettu? Lafeen cabe fayyee bakka uumama isaatti deebi'ee guutumaan guutuutti tajaajiluu danda'a?

Join https://t.me/BikilaFreeLegalAwareness

https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Seera Ragaa: Jechi amantaa SDFY kwt, 35n kenname dirqama malee bilisaan kan kenname ta’uun akkamitti mirkanaa’a?==============================
Namni yakkaan shakkame tokko jechi adeems qorannoo yakkichaa keessatti mirgoota  ijoo qabu keessaa tokko mirga ogeessa seeraa qunnamuu fi hangasitti mirga caldhisuu yoo ta’u dirqama tokko malee jaalatee fi itti amanee bilisummaa guutuun jecha isaa W/ra Poolisii dhimmicha qoratutti akkaataa SDFY kwt 27(2) kennuu akka danda’u tumaalee heeraa fi SDFY rogummaa qaban irraa nihubatama.
Akkasumas jecha amantaa W/ra Poolisiitti kenne sana Mana Murtiitti dhiyaatee akkaataa SDFY kwt, 35n yoo kenne booddee himannaa irratti dhiyaatuuf ragaa akka irratti ta’u ibsamee jira. Jechi amantaa SDFY kwt, 27(2) kenname ragaa biroon yoo deeggarame malee  ofii isaatti yakka raawwatame jedhameef shakkamaa ykn himatamaa balleessaa gochuu akka hindandeenye saayinsiin seera ragaa waliigalaa kan akeeku ta’uu caalaayyuu Dh Ijib MMWF yeroo hedduu hiikkoo dirqisiisaa itti kennee jira. Gama biraan jechi amantaa akkaataa SDFY kwt, 35n kenname yeroo himannaan dhiyaatutti himatamaan dirqamee fedhii koo malee kan kennedha yoo jedhe fedhii isaatiin kan kenne ta’uun ykn kan hindirqisiifamne ta’uu fi dhiisuun akkamitti mirkanaa’a, qabxiin jedhu garuu hedduu falmisiisaa ta’ee mula’ta. Qabatama jiruunis ejjannoon adda addaa kan jiran yemmuu ta’u sana keessaa lama hedduu kan beekamudha.
Ogeeyyiin hedduun jecha mantaa akkaataa sdfy kwt, 35n Mana Murtii duratti kenname abbaan seeraa ulaagaalee seeraa guutuu isaa mirkaneessee, fedhii fi bilisa ta’ee shakkamaan kennuu isaa qulqulleefatee, dubbisee fi mallatteessisuun kan fuudhu waan ta’eef yeroo falmiin ka’etti jechichi bilisummaadhaan dirqama tokko malee kan kenname akka ta’etti tilamaamni kan fudhatamnu ta’uu fi garuu immoo himatamaan dirqamee kenne kan jedhu yoo ta’e dirqamee kennuu isaa ragaadhaan hubachisuu akka qabu falmu.
Gama biraan ogeeyyiin biroo immoo jalqabumaayyuu dirqamni balleessaa himatamaa mirkaneessuu jalqabaa kaasee hanga dhumaatti Abbaa Alangaa irra kan jiru ta’uu (legal burdon of proof) fi hanga Abbaan Alangaa dirqama isaa kan bahutti himatamaan akka nama qulqulluutti kan ilaalamu (presumption of innocence) ta’uun qajeeltoo seera ragaa fi heeraa waliigalaa ta’uu kaasu. Kana malees haalli qabiinsa shakkamaa yeroo qorannoon gaggeeffamutti poolisii harka waan ta’eef carraan dirqisiifamuu isaa jiraachuu fi kunis hanga Manna Murtiittis dirqiin akka amanu doorsifamuu akka danda’u qabatamaan bal’inaan kan jiru waan ta’eef jechichi himatamaan bilisaan kenne jedhamuun seerris ta’ee bu’urri qajeeltoo ragaa tilmaama fudhachiisu akka hinjirre falmu.
Akkasumas isuma akkaataa sdfy kwt, 132n eega himannaan irratti dhiyaate booda mana murtii duratti amanuuyyuu Manni Murtii barbaachisaa yoo ta’e ofeegannoon ilaalee akka hinamannetti fudhatee ragaa Alangaa Dhagahuu akka qabu tumamee kan jiru waliin yemmuu ilaalamus jecha 35n kenname bilisaan kennamuu isaa himatamaan yoo haale dirqamni mirkaneessuu kan Alangaati jedhu.
Muxannoon biyyoota birootis yemmuu ilaalamu kan biyyoota hedduu ejjannoo 2ffaa kana kan agarsiisu yoo ta’e akka fakkeenyeetti Afrikaa Kibbaa fudhachuun nidanda’ama.
https://t.me/http_Ijooseeraa

𝐁𝐮'𝐮𝐫𝐚 𝐒𝐞𝐞𝐫𝐚 𝐀𝐝𝐞𝐞𝐦𝐬𝐚 𝐅𝐚𝐥𝐦𝐢𝐢 𝐇𝐚𝐫𝐢𝐢𝐫𝐨𝐨 𝐇𝐚𝐰𝐚𝐚𝐬𝐚 𝐊𝐞𝐞𝐰𝐰𝐚𝐭𝐚 78 𝐭𝐭𝐢𝐢𝐧 𝐅𝐚𝐥𝐦𝐢𝐢𝐧 𝐈𝐫𝐫𝐚 𝐃𝐞𝐞𝐛𝐢𝐢𝐧 𝐀𝐤𝐤𝐚 𝐈𝐥𝐚𝐚𝐥𝐚𝐦𝐮𝐮𝐟 𝐈𝐲𝐲𝐚𝐭𝐚 𝐃𝐡𝐢𝐲𝐚𝐚𝐭𝐮𝐮 𝐟𝐢 𝐇𝐚𝐚𝐥𝐚 𝐈𝐲𝐲𝐚𝐧𝐚𝐚 𝐃𝐡𝐢𝐲𝐚𝐚𝐭𝐞 𝐈𝐫𝐫𝐚𝐭𝐭𝐢 𝐌𝐮𝐫𝐭𝐢𝐢𝐧 𝐊𝐞𝐧𝐧𝐚𝐦𝐮.

📕Himatamaan tokko namni mana murtiiti isa himatee osoo hin dhiyaatin hafuun falmii fi ragaa himataa qofan  murtiin iddoo inni hin jirreti kan kennamu yoo ta'e bu'ura seera adeemsa falmii hariiroo hawaasaa kewwaata 78 ttiin falmiin iddoo inni jirtuti irra deebin dhagahamee murtiin akka kennamu iyyannaa dhiyeefachuu ni danda'a.

📚Seera adeemsa falmii hariiroo hawaasaa keewwata 78 jalatti murtiin iddoo himatamaan hin jiretti kenname ka’uun galmeen of deebi’amee iddoo himatamaanm jirutti irra deebiin kan ilaalamu waraqaan waamichaa akkaataa seeraatin himatamaan kan hin dhaqqabne yoo ta'e yokiin waraqaan waamichaa sirnaan isa dhaqqabe sababa gahaadhan kan hafu yoo ta’e qofa akka ta’e ifatti tumamee jira.

📗Bu’ura SDFHH keewwata 78 iyyannaa dhiyaatu yeroo ilaalu manni murtii himatamaan dhimma duubati deebisuuf beekaa hafuu fi dhabuu isaa mirga himataa wal bira qabun ilaaluun barbaachisaadha.

📕Bu'ura SDFFH keewwata 78 ttiin yeroo himatamaan iyyannaa dhiyeefatu himataan deebii akka irratti kennu taasifamee wanti falmisiisaan yoo jiraate falmii fi ragaan dhagahamuu qaba.

📗Himatamaan waraqaan waamichaa sirnaan ana hin dhaqqabne jechuun kan falmu yoo ta'e himataan waraqaa waamichaa sirnaan himatamaa dhaqqabsiisuu ragaan mirkaneessuu qaba.

📕Waraqaan waamichaa karaa bulchiinsa gandaatiin kan himatamaa dhaqqabu yoo ta’e bulchaa gandaa waraqaa waamichaa himatamaa dhaqqabsiise jedhame waamuun akkasumaas ragaa nama himatamaan yeroo waraqaa waamichaa fudhatu argan dhagahuun barbaachisaadha.

❇️Dhaddachi ijibaataa galmee hin maxxanfamin galmee lakkoofsa 198839 ta’e irratti haala kanaan murteessee jira.

📗Himatamaan waraqaan waamichaa na dhaqqabee sababa gahaniin hafe jechuun kan falmu yoo ta'e kan ragaan mirkaneessuu qaba.

📗Sababa gahan falmii irraa hafuu isaa mirkaneessuuf kan dirqama qabu himatamaa yommuu tahu waraqaa waamichaa himatamaa dhaqqabsiisuu isaa mirkaneessuuf kan dirqama qabu himataadha jechuudha.

📕Waraqaan waamichaa sirnaan tartiiba seerri ka’een himatamaa dhaqqabuun ragaa gahan mirkanoofnaan iyyannaan kufaa ta’a jechuudha.

📗Himatamaa waraqaan waamichaa isa dhaqqabee garuu sababa gahan kan osoo hin falmatin hafuun murtiin kenname yoo ta’e sababa himatamaan hafeef jedhu ragaan qulqullaa’ee sababa gahaa tahuu fi dhabu isaa madaalamuun jala murtiin kennamuu qaba.

📗Dhaddachi ijibaata mana murtii waliigala federaalaa jiildii 6ffaa lakkoofsa galmee 35403 ta’e irratti himatamaan sababa waraqaan waamicha hin dhaqqabiniif dhihaatee falmachuu yoo oole murtiin kenname ka'uun falmiin irra deebi'amee kan dhagahamu tahu murteessee jira.

📕Karaa biraatiin iyyanni gaafa himatamaa beeke irra ji’a tokko keessatti dhiyaachu qaba jechuun kan SDFHH keewwata 78 jalatti tumamee ilaalchisee manni murtii waliigala federaalaa dhaddachi ijibaataa galmee hin maxxanfamin lakkofsi isii 198141 ta’e irratti darbinsi yeroo ji’a tokko absolute period of limitation akka hin taane fi ji’a tokko booda sababni humnaa olii yoo jiraate sana madaaluun barbaachisaadha jechuun murteesse jira.

📕Dabalataan dhaddachi ijibaataa mana murtii waliigala federaalaa jiildii 23ffaa lakkoofsa galmee 137704 ta'e irratti himatamaan bu'ura SDFHH keewwata 78 ttiin murtiin iddoo inni hin jiretti kenname akka ka'uuf gaafa murtiin kennamuu beeke irraa yeroo ji'a tokko keessatti iyyannaa dhiyeeffachuu qaba jechuun kan tumame mirga haqa argachuu himatamaa kan sarbu waan ta'eef bu'ura heeraa hin qabu jechuun murteessee jira.
✍@musalawyer
🔰Barnootaa Fi Odeeffannoo dhimmoota seeraatiin walqabatan kamiyyuu itti fufinsaan argachuuf fuula telegiraamii keenyaa liinkii armaan gadii kanan seenuun join godha, kanneen birootifis share godha galatoomaa
👉https://t.me/musalawyer

Seera Ragaa: Jechi amantaa SDFY kwt, 35n kenname dirqama malee bilisaan kan kenname ta’uun akkamitti mirkanaa’a?==============================
Namni yakkaan shakkame tokko jechi adeems qorannoo yakkichaa keessatti mirgoota  ijoo qabu keessaa tokko mirga ogeessa seeraa qunnamuu fi hangasitti mirga caldhisuu yoo ta’u dirqama tokko malee jaalatee fi itti amanee bilisummaa guutuun jecha isaa W/ra Poolisii dhimmicha qoratutti akkaataa SDFY kwt 27(2) kennuu akka danda’u tumaalee heeraa fi SDFY rogummaa qaban irraa nihubatama.
Akkasumas jecha amantaa W/ra Poolisiitti kenne sana Mana Murtiitti dhiyaatee akkaataa SDFY kwt, 35n yoo kenne booddee himannaa irratti dhiyaatuuf ragaa akka irratti ta’u ibsamee jira. Jechi amantaa SDFY kwt, 27(2) kenname ragaa biroon yoo deeggarame malee  ofii isaatti yakka raawwatame jedhameef shakkamaa ykn himatamaa balleessaa gochuu akka hindandeenye saayinsiin seera ragaa waliigalaa kan akeeku ta’uu caalaayyuu Dh Ijib MMWF yeroo hedduu hiikkoo dirqisiisaa itti kennee jira. Gama biraan jechi amantaa akkaataa SDFY kwt, 35n kenname yeroo himannaan dhiyaatutti himatamaan dirqamee fedhii koo malee kan kennedha yoo jedhe fedhii isaatiin kan kenne ta’uun ykn kan hindirqisiifamne ta’uu fi dhiisuun akkamitti mirkanaa’a, qabxiin jedhu garuu hedduu falmisiisaa ta’ee mula’ta. Qabatama jiruunis ejjannoon adda addaa kan jiran yemmuu ta’u sana keessaa lama hedduu kan beekamudha.
Ogeeyyiin hedduun jecha mantaa akkaataa sdfy kwt, 35n Mana Murtii duratti kenname abbaan seeraa ulaagaalee seeraa guutuu isaa mirkaneessee, fedhii fi bilisa ta’ee shakkamaan kennuu isaa qulqulleefatee, dubbisee fi mallatteessisuun kan fuudhu waan ta’eef yeroo falmiin ka’etti jechichi bilisummaadhaan dirqama tokko malee kan kenname akka ta’etti tilamaamni kan fudhatamnu ta’uu fi garuu immoo himatamaan dirqamee kenne kan jedhu yoo ta’e dirqamee kennuu isaa ragaadhaan hubachisuu akka qabu falmu.
Gama biraan ogeeyyiin biroo immoo jalqabumaayyuu dirqamni balleessaa himatamaa mirkaneessuu jalqabaa kaasee hanga dhumaatti Abbaa Alangaa irra kan jiru ta’uu (legal burdon of proof) fi hanga Abbaan Alangaa dirqama isaa kan bahutti himatamaan akka nama qulqulluutti kan ilaalamu (presumption of innocence) ta’uun qajeeltoo seera ragaa fi heeraa waliigalaa ta’uu kaasu. Kana malees haalli qabiinsa shakkamaa yeroo qorannoon gaggeeffamutti poolisii harka waan ta’eef carraan dirqisiifamuu isaa jiraachuu fi kunis hanga Manna Murtiittis dirqiin akka amanu doorsifamuu akka danda’u qabatamaan bal’inaan kan jiru waan ta’eef jechichi himatamaan bilisaan kenne jedhamuun seerris ta’ee bu’urri qajeeltoo ragaa tilmaama fudhachiisu akka hinjirre falmu.
Akkasumas isuma akkaataa sdfy kwt, 132n eega himannaan irratti dhiyaate booda mana murtii duratti amanuuyyuu Manni Murtii barbaachisaa yoo ta’e ofeegannoon ilaalee akka hinamannetti fudhatee ragaa Alangaa Dhagahuu akka qabu tumamee kan jiru waliin yemmuu ilaalamus jecha 35n kenname bilisaan kennamuu isaa himatamaan yoo haale dirqamni mirkaneessuu kan Alangaati jedhu.
Muxannoon biyyoota birootis yemmuu ilaalamu kan biyyoota hedduu ejjannoo 2ffaa kana kan agarsiisu yoo ta’e akka fakkeenyeetti Afrikaa Kibbaa fudhachuun nidanda’ama.
https://t.me/http_Ijooseeraa

#Lafa!
Himannaan Lafa Bu'uuraan Daangaa Bulchiinsa Baadiyyaa Jala Tureefi Boodarra immoo Daangaa Bulchiinsa Magaalaa Jala Galeen Wal Qabatee Dhiyaatu Bu'uura Seera Lafa Magaalaatiinmoo Bu'uura Seera Lafa Baadiyyaatiin Furmaata Argata?
======✓✓[[[[[]]]=====✓✓✓✓[[[[]]]]]

Lafti magaalaa bu'uuraan lafa baadiyyaa kan ture ta'ullee, falmiin yemmuu ka'utti dhimmichi kan ilaalamuu qabu wayita himannichi dhiyaatu lafichi kan magaalaatimoo kan baadiyyaati? Seerri dhimmichaaf rogummaa qabuhoo seera lafa magaalaatimoo baadiyyaati? kan jedhu ta'uu osoo qabuu, lafichi Bulchiinsa Magaalaa jala erga galee booda waliigaltee kennaa Lafa Baadiyyaa yeroo lafichi ganda Baadiyyaa jala ture raawwatame bu'uureffachuun himannaa; manni ijaarame diigamee, lafti falmiif sababa ta'e akka gadi lakkifamuuf iyyattootaan gaafatame ta'ee osoo jiruu, murtiin seera lafa baadiyyaa irratti hundaa'ee kenname dogoggora bu'uura seeraa mirga bu'uuraa qabeenya horachuu daangessudha jedheera.
  (Murtii dirqisiisàa Dhaddachi Ijibbaataa MMWF, Lakk.Ga.210072 ta'e irratti kenne. Murtiin kun murtiilee Daani'eel Fiqaaduutiin walitti qabamaniifi hin maxxanfamne keessaa kan fudhatamedha)

❓Tajaajilli lafichaa jijjiiramuun ('Land Conversion') dura waa'een mirga qonnaan bultootaa ykn namoota biroo (garee 3ffaa) Lafa Baadiyyaa irraa mirga argatanii furmaata argachuu hin qabu turee? Seerri Lafa Magaalaa, kan qabiyyee duriiyyuu sirna liiziitti galchuuf qorannoo eegaa jiru lafa baadiyyaa kallattiidhaan ni simataa? (Labsii Lakk.721/2004 Kwt 6 ilaali)
❓Seerri adeemsa lafti itti daangeeffamuu tarreessu (Seera lafa Magaalaa keessattis ta'e lafa Baadiyyaa) haala itti mirgoonni duraan uumamanii turan itti keessummeeffaman ykn hafaa itti ta'an (ukkaamfaman) ilaalchisee maal akka jedhe addatti ilaaluun hin barbaachisu jechuudhaa?

👁️Hubachiisa:

Labsiin Bulchiinsaafi Itti Fayyadama Lafa Baadiyyaa Oromiyaa, Lakk.248/2015 Kwt 2(13) jalatti "Lafa Baadiyyaa" jechuun lafa daangaa bulchiinsa ganda baadiyyaa keessatti argamu ta'ee, lafa akkaataa Labsii kana keessatti tumameen daangeffamee pilaanii magaalaa jala galee walharkaa fuudhinsi hin taasifamne hunda kan dabalatuudha jedha.
https://t.me/http_Ijooseeraa
https://t.me/http_Ijooseeraa

Beekisisa Gita Hojii Banaa
--------------
(Caamsaa 5,2017 MMWO,Caffee Araraa,Finfinnee)-Kunneen ulaagaa guuttanii fi fedhii qabdan itti dhiyadhaa.!!

Dogongorri  adeemsa falmii akkaataa SDFHH kwt 208n MM ofii isaa sirreessu kan akkamiiti?
==================================
Hiikkoo Dh Ijbt MMWF glm Lkk 245834 ta’erratti gaafa 07/02/2017 kenname ilaala =========================
Hiikkoo murtii Dha Ijbtf sababa kan ta’e dogongora moggaasa maqaa nama himannaa MM Sdrk Jalqabaa Federaalaatti dhiyeessee yoo ta’u innis maqaa himannaa duraa ittiin dhiyeesse jijjiiruun himannaa fooyyeffatee eega dhiyeesse booda MM maqaadhuma himannaa jalqaba ittiin dhiyeesseen murtii kennee ture.
Sana booda himatamaan maqaan koo sirriin isa himannaa fooyya’e keessatti caqafame waan ta’eef maqaan murtiin ittiin kenname akkaataa SDFHH kwt 208 n akka naaf sirraa’u jechuun gaafate.
MM sdrk Jalqabaa 1ffaa maqaan murtiin ittiin kenname kanuma himannaa keessatti himataan ibse waan ta’eef maqaa himannaa fooyya’e immoo MM waan hinfuuneef dogongorri MM adeemsa seeraa MM raawwatee fi ofii sirreessuu danda’u hinjiru.
Akkasumas 2ffaa maqaan himataa sirriin isa himannaan duraa ittiin dhiyaatee miti yoo ta’es dogongorichi kanuma himataa mataa isaati malee kan MM waan hintaaneef MM akkaataa SDFHH kwt 208n sirreessuu hindanda’u jedhee iyyannoo dhiyaate ajajaan kufaa godhe.
MMO Federaalaatis komii itti dhiyaate kufaa gochuun ajaja MM Sdrk jalqabaa waan cimseef himataan dhimmicha Dh Ijbtatti dhiyeeffate.
Dh Ijbta gama isaan 1) maqaan iyyataa kan himannaa fooyya’e ittiin dhiyaate moo kan himannaan duraa ittiin dhiyaatedha kan jedhu MM jalaa qulqulleeffachuun akka irra turee fi 2) dogongora maqaa dabalatee dogongorri adeemsa falmii akkaataa SDFHH kwt 208n sirraa’uu qabu kamiiyyuu Mana Murtiinis ta’ee gareewwaniin yoo raawwatame MM dogongoricha akkaataa SDFHH kwt 208n sirreessuu akka qabu ibsuudhaan murtii MM jalaa diigee MM Sdrk jalqabaa irra deeb’ee iyyannoo himataa qulqulleessee akka fala Kennu bu’ura SDFHH kwt 343(1)tiin itti deebisee jira.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

𝐐𝐨𝐨𝐝𝐢𝐧𝐬𝐚 𝐐𝐚𝐛𝐞𝐞𝐧𝐲𝐚 𝐇𝐚𝐚𝐝𝐡𝐚  𝐖𝐚𝐫𝐫𝐚𝐚 𝐟𝐢 𝐀𝐛𝐛𝐚𝐚 𝐖𝐚𝐫𝐫𝐚𝐚 𝐈𝐥𝐚𝐚𝐥𝐜𝐡𝐢𝐬𝐞𝐞 𝐌𝐮𝐫𝐭𝐢𝐢 𝐇𝐚𝐚𝐫𝐚𝐰𝐚 𝐌𝐚𝐧𝐚 𝐌𝐚𝐫𝐞𝐞 𝐅𝐞𝐝𝐞𝐫𝐞𝐬𝐡𝐢𝐧𝐢𝐢𝐭𝐢𝐧 𝐊𝐞𝐧𝐧𝐚𝐦𝐞.

📕Kanaan dura falmii qoodinsa qabeenyaa jaarsaa fi jaartii ilaalchisee manni jireenyaa gaa’elaan dura dhuunfaan horatame gaa’ela keessatti baasii dabalataan ijaarsaa fi haaromsa taasifameen jijjiiramni bu’ura kan taasifame yoo ta’e qabeenya waliinii akka ta’u dhaddachi ijibaataa mana murtii waliigala federaalaa galmeewwan adda addaa irratti murteessaa turuun isaa ni yaadatama.

📗Haa ta’u malee Manni Maree Federeeshiinii galmee lakkoofsa 130/15 ta'e irratti gaafa 28/1/2017 qabeenyi mana jireenyaa gaa’ilaan dura kan dhuunfaa ture gaa’ela keessatti jijjiiramni bu’ura kan irratti godhame yoo ta’es jijjiirama taasifameen baasiin ijaarsaa tilmaamamuun gareewwaniif kan qoodamu ta’uun alatti manicha qabeenya waliinii kan taasisuu miti jechuun murtii dhaddachi ijibaataa kanaan dura kanne diiguun murteessee jira.

📕Seerri maatii keenyaas qabeenyi dhunfaa kan waliiniitin yoo waliti makame yokiin kan dhunfaa kan waliinitin yoo kan walitti makamu ta'e hangi itti makame irraa adda bahee haala sanaan qoodamu akka qabu kan tumee jiru waan taheef murtiin mana maree federeshini dhama qabeessaa fi bu'ura seeraa kan qabuudha.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

የስራ ቅጥር ማስታወቂያ ለአዲስ ተመራቂዎች

ታክስ ይግባኝ ኮሚሽን

የስራ መደብ፦ ረዳት ዳኛ

የትምህርት ደረጃ፦ በሕግ የመጀመሪያ ዲግሪ

የስራ ልምድ፦ 0 ዓመት

የምዝገባ ጊዜ፦ እስከ ሚያዚያ 9 ቀን 2017 ዓ.ም

@lawstudentsunion

👉Waliigalteen tokko ragaa nama lama duratti barraa’uu fi isaaniin mallatteeffamuun ulaagaa fudhatama ragaa sanadaa sana qofaaf osoo hin tahin waliigalteen barreeffama mataan isaa bu’aa seeraa akka qabaatuuf ulaagaa ijoodha.
🔴Kunis dhaddachi ijibbaataa jildii 12ffaa lakk galmee 57356 ta’e irratti waliigalteen gurgurtaa manaa iddoo ragoonni nama lama hin jiretti taasifame bu’aa seeraa tokkolee akka hin qabne murteessee jira.
✅Haa ta’u garuu,waliigaltichi waliigaltee qeenxee yookiin waliigaltee gareen tokko qofti ittin dirqisiifamu (unilateral contract) yoo ta’e,kan barreeffamicha irratti mallatteessuu qabu garee waliigalteen dirqisiifamuu fi ragoota nama lama qofa taha jechuudha.
👉#Fakkeenyaaf:waliigaltee gurgurtaa manaa ilaalchisee yeroo barreeffamu gurguraa fi bitataan eenyu akka ta’e,gatiin mana meeqa akka ta’e,manni eessatti akka argamu daangaa isaa waliin erga ibsame booda gurguraa fi bitataan akkasumas ragoonni namni lama maqaa isaanii barreesanii mallateessuu qofa.

🔴Gareewwaan waliigaltee keessaa inni tokko nama ijaan hin agarre yoo ta’e,garuu mallattoon isaa fi sanadni waliigaltee barreeffamaa kunis ragaa fudhatama qabu ta'uuf mallattoon isaa mana murtii yookiin qaama waliigalticha mirkaneessuuf aangoo qabu duratti mirkanaa’uu qaba.

✅Fudhatamummaa ragaa sanadaa waliigaltee tokkoof ulaagaan inni biraa akkaataa seera hariiroo hawaasa keewwata 1723 jalatti tumamee jiruun ragaan sanada barreeffamaa waliigaltee qaama aangoo qabu biratti galamaa’uuu fi mirkanaa’uudha.
👉Barreefamni waliigaltee qaama seeraan aangoo qabu biratti galmaa’uu fi mirkanaa’uun fudhatamummaa ragaa sanadaa waliigaltee sana qofaaf osoo hin tahin,waliigalteen barreeffama mataan isaa bu’aa seeraa akka qabaatuuf ulaagaa ijoodha.Kanas dhaddachi ijibbaataa mana murtii waliigalaa jildiilee garagaraa irratti waliigalteen barreeffamaa qaama aangoo qabu duratti hin galmqa’inii fi hin mirkanaa'in bu’aa seeraa akka hin hordofsiifne murteeseera.

✍Qaamoolee adda addaa waliigaltee barreefamaa tokko galmeessuu fi mirkaneessuuf seeraan aagefamee jiru ilaalchisee ogeessi seeraa keenya obbo Eliyas Kaasaa chaaneelii telegiraamii isaa irratti bal’inaan barreessuun maxxansee waan jiruuf peejii isaa jala deemtanii dubbisuu dandeesu, anis barreeffama hayyuu keenya kana dhuma barreeffama kana irratti isiniifin maxxansa. 
✡Haa ta’uu garuu,formiin waliigaltee kennaa qabeenya hin sochoonee formii barreeffama armaan olitti ibsame kana irraa adda.Kunis seera hariiroo hawaasaa keewwata 2443 jalatti formiin waliigaltee kennaa qabeenya hin sochoonee akkaataa formii barreefamaa dhaamoo ifaatiin ta'uu akka qabu ifatti tumameera.
👉Formiin kunis waliigalteen kennaa qabeenya hin sochoonee kun erga barreeffamee booda ragoota nama afur duratti dubbifamee yeruma kana abbaan qabeenya kana namaaf kannee fi ragoonni afranuu maqaa isaanii barreessuun mallatteessuu qabu.
👉waliigalteen kennaa qabeenya hin sochoone kunis erga barraa’ee mallatteeffamee booda ragaa nama afur duratti dubbifameefi mallatteessaniiru ibsi jedhu barreeffama waliigaltichaa irratti barraa’uu qaba.
✅Seera hariiroo hawaasaa keewwata 2005 jalatti sanadni barreeffama waliigaltee garee bitaa fi mirgaa jiddutti ragaa gahaa waliigaltee isaanii mirkaneessu akka ta'e ifatti tumamee jirachuu isaa olitti isiniif ibsine jirra.
👉Sanadni waliigaltee kun immoo ragaa gahaa tahuun qabiyyee ofiratti qabatee jiru tokko kan mirkaneessuu danda’u gareewwan waliigalteen dirqisiifamanii fi ragaa nama laman mallattaa’uu dabalatee ulaagaa olitti bal’inaan isiniif ibsine kana yoo guutee argame qofa.
💟Dhaddachi ijibaata jiildii 14 lakk galmee 78398 ta’e irratti sanadni ragaa amantaa guutuun irratti gatamu ta’ee fudhatama argachuu qabu waliigaltee barreeffamaa bu’uura seerri dhimma waliigalteen irratti raawwatamaa jiru bitu ajajuun jechuunis akkaataa olitti ibsine kanaan kan qophaa’e qofa yoo ta’eedha jechuun murteesseera.
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Qooda qabeenya AW fi HW ilaalchisee eega qoodinsi raawwatamee galmeen cufame booda qabeenyi haaraan yoo argame SDFHH kwt 5(1) fi 216 waliin akkamitti ilaalama?
==================================
Dhaddachi Ijibbaataa MMWF dhimmichi qabeenyi yeroo qooddiin gaggeeffamu jiraachuun isaa hinbaramne garuu qooddii booda beekamu akka qoodamuuf iyyanni/himanni dhiyaatu akkaataa SDFHH kwt 5(1)nis ta’ee kwt 216n kan daangeffamu akka hintaane hiikkoo dirqisiisaa kanaan dura galmee Lkk 36780 ta’erratti kennee ture yaadachiisuun murtii haaraa kennee jira ( Glme Lkk 251383 gaafa 07/02/2017).
https://t.me/http_Ijooseeraa

Dhimmi tokko akkaataa SDFHH kwt 7n Manneen Murtii adda addaatti ilaalamuu hinqabu, yoo dhiyaates MM himanni jalqaba itti dhiyaatetu aangoo qaba kan jedhamu yoom? Dhimmichi tokko ta’uun hoo maaliin madaalama?
==================
Qajeeltoowwan falmiin hariiroo hawaasaa ittiin hoogganamu keessaa aangoo MM murteessuun isa tokkodha. Aangoon MM immoo tumaalee qajeelchan keessaa tumaan SDFHH kwtni 7 isa tokkoodha. Innis dhimmi tokko sababa aangoo tooraan walqabatee MM adda addatti yoo dhiyaate MM jalqaba falmiin itti eegaletti akka ilaalamu tumaan kwtichaa niajaja.
Haata’u malee dhimmi tokko MM adda addaatti kan dhiyaate kan jedhamu ulaagaa maaliin akka madaalamu ifaan wanti tumame waan hinjirreef qabatamaan yeroo falmii kaasu nimul’ata.
Akka fakkeenyaatti dhimma MM Ol’aanaa Godina Silxeetii eegaluun Dh Ijbt MMWF gahuun murtaa’e tokko asitti ilaaluun nidanda’ama.
👇👇👇👇👇👇👇
Dh Ijbt glme Lkk 205762 (2014)
===========================
Jalqaba dhimmichi falmii qooda qabeenya Abbaa warraa fi Haadha warraa MM Sdrk jalqabaa Federaalaatti kan dhiyaate yoo ta’uqabeenyaan falmiin irratti ka’es qabeenya waliinii /gamtaati jedhamee qixxee abbaan warraa fi haadholiin warraa lama saditti akka qoodatan murtaa’e.
Sana booda qabeenya wixxee akka qooddatan jedhame keessaa mana jireenyaa Magaalaa Waraabeetti argamu waliigaltee bittaan kan argadhe irratti murtiin kenname akka keessaa naaf bahu jechuun gareen 3ffaan biroo iyyata mormii murtii akkaataa SDFHH kwt 58n MM Sdrk Jalqabaa Federaalaatti dhiyeeffatee falmiin beellamaan jira.
Sun otuu beellama irra jiru haadholii warraa lamaan keessaa ishiin tokko waliigalteen bittaa fi gurgurtaa mana Magaalaa Waraabeetti argamu qixxee akka qooddatan jedhame irratti mormataa murtichaan raawwatame qabeenya waliinii irratti beekamtii fi eeyyama koo malee waan ta’eef akka naaf diigamu jechuun himannaa haaraa waliigalteen akka diigamu gaafatu MMO Godina Silxeetti dhiyeessitee falmiin eegale.
Mormataan murtii MM Sdrk Jalqabaa Federaalaa himatamaa MMO G/Silxee waan ta’eef SDFHH kwt 7?caqasuun mormii kaaseen MMO godinichaas mormii ka’e fudhachuun dhimmichi tokko waan ta’ee fi dursee MM Sdrk Jalqabaa Federaalaatti ilaalamaa kan jiru waan ta’eef himannaa himattuutis ilaaluuf aangoo hinqabu jedhee murteessuun MMW Naannichaatis cimseera.
Dh Ijbta gama isaan komii himattuu fuudhee ilaaluun qabxii ijoo falmii dhimma mormii murtii MM Sdrk jalqabaatti ilaalamaa jiru  mana qabeenya waliinii maatiiti jedhamee murtaa’e irraa mormataan murtii mirga qaba moo hinqabu ykn murtiin kenname ka’uu qaba moo miti, kan jedhu ta’uu fi kan dhimma MMO Godina Silxeetti dhiyaatee immoo waliigalteen diigamuu qaba moo hinqabu qabxii jedhu ta’uu kaasee sababa kanaan qabxii ijoo falmii fi seerummaan gaafatames adda adda ta’ee bakka jirutti dhimmicha ilaaluuf MMO godinichaa aangoo hinqabu jedhamuun dogongora jedhee diiguun ijootti seenee waliigalteen diigamuu qaba moo hinqabu kan jedhu ilaalee akka murteessu dhimmichi qajeelfamaan MMO Godina Silxeetti deebisee jira.
Kanaaf dhimmi tokko akkaataa kwt 7n  MM adda addaatti dhiyaate kan jedhamuu fi MM boodarra falmiin itti ergale aangoo kan dhabsiisu 1)qabxii ijoo falmii tokko yoo ta’ee fi
2)seerummaan gaafatames tokko yoo ta’e akka ta’e hiikkoo Dh Ijbt kana irraa nihubatama.
Karaa Telegrama 👇kana hordofaa ; Http://t.me speaklawinabsentia
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa

Dhimmi MMtti falmii irra jiru tokko akkaataa SDFHH kwt 274 -277tiin araaraan xumurameera kan jedhamu yoomiidha? Ulaagaa maal maal guutuu qaba?
==================================
Dhaddacharratti araarri taasifamuu fi bitaa fi mirgi araaraan xumuanneerra jechuun Dhaddachis kanuma mirkaneessee galmee cufuun dhimmichi bu’ura tumaalee seeraa olitti caqafamaniin araaraan xumurame kan jechisiisuu miti.
Araaraan xumurameera jedhamuu kan danda’u 1) waliigalteen araaraa barreeffamaan ta’uu, 2)gareewwaniin mallattaa’uu, 3) seeraa fi safuu kan eeggate ta’uun dhaddachaan ykn MMn mirkanaa’uu fi sanadni waliigaltichaa galmeen walqabachuu qaba.
Kana yoo ta’ee waliigalteen araaraa murtii MM ta’uun bu’aa murtiin MM tokko qabu hunda kan hordofsiisu ta’a. Bal’ina qabxii kanaa irratti xiinxala murtii Mana Maree Federeeshiinii glme Lkk 107/15 irratti kennee jira

https://t.me/http_Ijooseeraa
https://t.me/http_Ijooseeraa
https://t.me/http_Ijooseeraa