#رغبة_جسد /11/12 /10 ¥
بقلم : آلاء آدم إبراهيم
المشاعر البتكون من طرف واحد بتكون مؤلمة شديد!! بتحس بأنك مكبوت بس ما بتقدر تصرخ وتطلع الجواك؟! وبتخجل أنك تشارك وجعك مع زول!! فبتفضل معلق حرفياََ!! منتظر ومهموم!! والطرف التاني نائم؟!!
وقلقانة ومتوترة و عصام مبسوط وبيضحك!!؟ وبكتب ليه في مخيلتي!! وهو للأسف ما بيقرأ!!
ووصلت مرحلة اني اتمنيت الموت!! وهو ولا علي باله! ولا كأني موجودة!!؟ هل في شعور أسوأ من الحب من طرف واحد؟!!
وعد خبطتني بالمخدة!! قالت لي حالتك اتطورت وذادت سوء على فكره؟! مالك حاصل عليك شنو؟!
_قشيت دمعتي وقلت ماف شيء!!
رمغتني بنظرة متفحصة!! وقالت! الليلة آخر إمتحان لي بخلص بفضى ليك!؟ بالجد شيلتني هم!! مجرمة حتفضح سري في دقائق!!؟
قمت أشوف ريم كانت مع أبوي لقيتها تضحك ساي معاه!! ما صدقت عيوني وقلت لوعد أجري وجيبي معاك تلفون!! صورتها مقطع فيديو عشان أمها تصدق أنه بتها بتضحك بقهقهه كمان!! ولمن بتختم ضحكتها بصرخة!! قلت لابوي براحة عليها نفسها بتقطع كده ما متعودة البت على الضحك!! وابوي زاتو مندمج معاها وبلاعب فيها وبيضحك!! شكله حن وأشتاق لأولاد وصال أختي برضو بيعمل معاهم نفس الشيء؟!!
مشيت الوضايا غسلت وجهي وكبيت حببه موية في مقدمة شعري!!! لأنه حاسة بدماغي حيتفجر من الألم ولم حاسة بسخونتة!! بعديها جهزت لريم تاني وجبه لأنه آخر واحدة كانت الصبح واسسسه ٧صباحاً جات بتكون جاعت!! مع أني غيرت ليها حفاظها الصبح بس قلت اتأكد يمكن تكون عملتها تحتها بس لقيتو نضيف؟! وعد قالت لي حميها!! ضحكت وقلت ليها نسيتي عملت في رتوجة شنو؟! ضحكت بصوت عالي لم ابوي نهرها!! رتاج دي بت وصال أختي!! مره امها متحسسة شوية وطلبت مني احميها ورقدتها لي في حوضها حق الإستحمام!! بس بعد خلصت وفي أثناء ما أنا بغسلها بالموية من الصابون رفعتها من الحوض عشان اغسل ضهرها وانزلقت مني زي بروه الصابونة!! رتوجة بتصرخ وانا بصرخ وامها جات جارية بتصرخ!! كان يوم صعب خلاص قربت اموت من الخوف!! وتاني من يومها ما حصل حميت طفل!!
_وعد قالت لي الوووو؟! بطلي سرحاتك دي!! امها ما تجي تلقاها بغيار امس وريحتها حليب حليب! مشت جابت لي طشت الغسيل وختيت فيه بشكيرها عشان ما يكون ليها بارد في جسمها!! وسخنت موية في السخان وبقيت خايفة!! وعد تضحك وتقول لي نحميها سريع عشان انا لاحقة امتحاني؟! مرقت الشامبو حقها وصابونة البيبي اصلا ما بتأثر على العيون بس الشافعة دي مصبرعة اسسسه بتفتح حلقها وما حتسكت؟! وقلت بسم الله وبديت!! كسرت توقعاتنا السمكاية!! طلعت بتحب الموية ولم جسمها برجف ولا بتتخلع من الموية ما بعرف!! ضحكت وانا بغسل فيها بالصابون ووعد ماسكه لي راسها عشان ما يدق الطشت!! لم خلصت شلتها في رجولي ووعد بتكب فيني الموية عشان ما تتزلق مني وانا متوترة وخايفة!! كان منظري بشع خلاص وملينا الحته كلها موية وانا جسمي بقى يشرشر موية ؟! وهي تنطر في عيوناتها وتعاين لينا!! فرحت ولا شنو ما عارفة بس كان احساس حلوووو!!!
دخلتها الغرفة وقفلت المروحة ومكتفاها بالبشكير شكلها فقدت الموية بقت تبكي!! جبت ليها بزتها ورضعت حليبها وبعداك مسحتها ورقدت ليها شعراتها الخفاف ديل وريحتها وظاهر عليها النعاس!!
وفعلاََ بعد اطعمتها وظبطت امورها نااامت!! وعد مشت الجامعة و خليتها مع أبوي في الصالون ومشيت انضف البيت!! الشغل كله علي!! وعد طلعت علي الجامعة وامي مع عبير!! نضفت ومسحت وغسلت العده!! واستحميت؟! والزمن فات قلت لأبوي ماف طريقة اشد فطور حا اجيب فول وطعمية من الدكان!! قال لي خليك انا بمش!! وفات!!
دخلت غرفتي وقلت اتصل علي عبير اشوف حصل معاهم شنو؟! فصلت التلفون من الشاحن ولقيت أربعة مكالمات!!؟ لم اتهجمت؟! اتنين من عبير والتانين من عصام!!؟ خفت يكون حصل عليها شيء لا سمح الله!! واتصلت عليها ملهوفة!! ويدي في قلبي!؟ من اول جرسين ردت!! وين انتو وشلنا ليكم هم؟! وقلت ريم بكون حصل ليها شيء!!؟ لم شفتها ما سكتت إبتسمت واطمأنيت أنها بخير!!
_قلت ليها اسكتي خليني أرد عليك!!
ضحكت وقالت لي خفت والله!!
_قلت يازوله بتك كوييييسة ومبسوطة ولا فقدتك زاتو!! لكن انتو مالكم اتأخرتو!!؟
_قالت لي اسكتي ساااي جرجرة شديدة لكن الحمدلله خلصنا والدكتور مره علينا!! بس في أدوية عصام طلع يجيبهم من الصيدلية وبعديها حنجي عليكم!!
_قلت ليها حمد لله على السلامة.. منتظرنكم!! وقفلت منها..!
أبوي جاب الأغراض وجهزت الفطور وفطرنا مع بعض!! وقال ماشي علي صاحبة ساكن قريب مننا عازمة شاااي واصلا بيته قريب للجامع حيقعد لغايه ما الظهر يأذن ويرجع بعد الصلاة!!؟
_قلت ليه ماشي مخليني معاها براااي؟! قصدي ريم؟؟

_ابوي ضحك وقال لي ليه خايفة تاكلك؟!
_ابتسمت وقلت خايفاها تبكي وكان بدت تاني ما بتسكت!!؟ قال لي نايمة وبما أنه اهلها خرجوهم بكونو قربو علي البيت!! وكمان لازم تتدربي بعدين عيالك بتديهم لمنو يسكتهم ليك؟! وضحك وفات!! وفضلت براي وما عندي موضوع!! قلت اشد ليهم الغدا من بدري؟! تاني قلت والله ما ادخل المطبخ اسسسسه؟! اخد لي نومة ولبعد الظهر حتى أشد!!؟
عاينت لوشي في المرايا!! ملامح شاحبة وعيون محاوطاها الهالات وشفايف مشققة وبشرة مرهقة وناشفة!!؟ وسألت نفسي انا ليه بعمل في نفسي كده!!! بغض النظر عن أني مكرشة على عصام وعايشة دور الضحية والعاشقه الولهانه؟! دي ما ملامح بت طبيعية!! كل أنثى عندها طريقة بتظهر بيها جمالها!!؟ مع انه ما عندي بنقص كبير في مقومات انوثتي بس ماف اهتمام!! وزي وزي ابوي واحد!! ما بتمسح الا لم يكون طالع الشغل!!؟
فقلت لازم أهتم بنفسي ما عشان عصام يشوفني ويعجب بي!؟ مع أني بتمنى والله!! بس عشان نفسي؟ عشان انا بنت ومن واجبي اكون جميلة!! ما كان عندنا توليت في غرفتنا عشان اتمنظر في نفسي ولا اشوف شكلي كيف من بعيد!! بس عندي مراية مستطيلة معلقاها وعد جنب باب الغرفة!! مشيت نزلتها وتكلتها في زاوية السرير وفكيت كعكات شعري وسرحتو وطلعت خصلي وواسيتهم بالمشط وعملت لبشاين باللون الزهري!! ومع انها حاجة بسيطة بس شكلي اتغير!! ولم حسيت بوشي بقى ناير!!؟ وقلت اخد لي كم صورة للذكرى لأنه احتمال حماسي ينطفئ وما أكمل؟!! وفي اللحظة المسكت فيها التلفون باب الشارع دقة!! شلت طرحتي ومشيت عليه وقبل ما اصل جاني صوت امي!؟ عرفت أنهم وصلو!! فتحت ليهم وسلمت عليهم وكفرت لعبير ودخلو معانا بيتنا!! ظاهر عليها التعب!! دخلو علي برندتنا وعصام كان شايل الشنطة الأمس وكرتونة علاجات وامي شايلة أكياس؟؟! استغربت ده كلو شنو وهم قعدو يوم واحد بس هناك!!
ريم صحت علي صوتهم وحركتهم!! امها رفعتها وحضنتها عليها شديييييد وشمت ريحتها زي المسك لمن بكت فيها وقربت تبكي البت وامي اتكلمت معاها حتى هدت وشكرتني شديد وقالت لي انا مديونة ليك بحياتي يا ولاء ووقفتك دي مستحيل أنساها!!
أبتسمت وقلت الحاله واحدة نحن جارات!! ما قلت صحبات ولا أخوات وما تسألوني عن السبب!!؟
_امي قالت لي شديتي شنو للفطور نحن ما فاطرين!!
الصراحة نسيتهم مره واحدة؟! وما حسبت ليهم حساب!! قلت ليها فطرنا بفول لكن فضل باقي بسيط؟!
هاجت فيني ومالك ما بتشدي!! وما وريتك قبيل اننا برجع بدري!! بالجد احرجت!! انا متعوده علي كلام امي بس ما قدام الضيوف انا كبرت خلاص وما شافعة!؟
_عصام قال ليها ما تزعلي ياخالتي انا جبت فطور جاهز!!؟ وغير كده ولاء ما قصرت والعليها ما كان شوية!! شغل البيت وريم دي خليها ساااي تلاتة اشخاص ما بقدرو يلبو احتياجاتها!!؟
_بالجد فرحت لأنه دافع عني!! مع أنه مرتو ايدت كلامه بس كلامة عجبني شديد!!
_امي قالت ليه برضو من المفترض تتذكر الفطور!! ولو ما انت ابيت تسمع كلامي ونزلت اشتريت اكل جاهز كان قعدنا بجوعنا للعصر!!؟
سكتت ما قلت شي وما عارفة فطورهم شنو بس مشيت المطبخ جبت صينية وختيت باقي الفول والعيش وجبت صحن فاضي كبو فيه الفطور الجابوه معاهم!!!
اديهم ومشيت المطبخ لسسسه متوترة ومتضايقة!! قالو لي تعالي افطري قلت سبقتكم!! وختيت ليهم شاي واتحججت بيه عشان ما امشي عليهم!!؟
وماشاء الله ريحة السمك جاتني في المطبخ ولمت فينا كدايس الجيران!! بعد فطرو وشربو الشاي!!
شالو بنتهم وحاجاتهم وشكرونا وقالو بعده ماشين بيتهم!!
امي قالت ليها ما ماباياكم إلا امشي نومي ارتاحي!!؟
مشو علي بيتهم بعد ما اديتهم مفتاح برندتهم ومطبخهم كانو معاي من امس!!
لمحت شنطتهم قاعده ما شالوها!! امي قالت لي ما قدرو يشيلوها عصام شايل بنته والعلاج وعبير شايله كيس أغراض اشتراها من الطريق!؟ انت شيلي شنطة الملابس وديها ليهم وما تتأخري عشان تضايري حته الأكل دي وتولعي بخور!! بالجد تعبانا بس ما عندي حيل اناقش ولا احتج على شيء؟! شلتها بسكات ومشيت عليهم!! سلمت من بره قالت لي اتفضلي!! شكرتها وجيت طالعة!! قالت لي اقعدي شوية مالك مستعجله!؟ قلت ليها تعبانة والله!!؟
ما اقصد فيها حاجة بس شكلها اتحسست!؟ واعتدرت مني وانها كلفتني بمسؤولية فوق طاقتي؟!
_قلت ليها ما تتعاوري ده الواجب بس والله مرهقة وفترانة ساااي وكمان بتك حتتصدمي لم تشوفي انبساطتها وضحكها مع أبوي؟! برسل ليك الفيديو في الواتس؟!.
امها استغربت وقالت لي ما بصدق؟! ابتسمت وجيت ماشة!!
_قالت لي ولاء!!؟
_اتلفتت عليها؟!
_قالت في جردل مرقتو من التلاجة وديهو معاك البيت!!
_ما ناقشتها دخلت المطبخ لقيتو ده حق الفطائر الأمس؟! ابتسمت وشلتو وطلعت قلت ليها انتي وامي قايتو واحدة فيكم حتنجلط بسبب الجردل ده!!

_ابتسمت وقالت ولا كلمة لو ما عايزنها دفقوها في الشارع ورجعو لي الجردل فاضي!!؟
ابتسمت وشلتو ورجعت علي بيتنا بدون ما ألمح عصام!!
امي شافتو جاطت وقالت لي ما كان تجيبيه وخلي في تلاجتها لحدي ما يأكلوها!!
_قلت ليها ياامي البت أمس رقدت مستشفى بسبب الحاجات دي؟! خليها يااخ ما فيها حاجة؟!
_سكتت ما ردت علي!!
دخلت علي المطبخ لشنو ده هنا وشنو العياشة فاتحة!! والتلاجة ناقصة ماعون!!؟
_وااااي انا حأاجن!! وقلت بنبره حاده!؟ امي شنو الحكاية!! انت غبتي ساعات بس من البيت وماف شي عاجبك؟! نعمل شنو يعني؟!
جاطت فيني بس انسحبت عشان الموضوع ما يتطور اكتر ودخلت غرفتي ورقدت عايزة انوم!!
فعلاً اخدت لي غفوه!! صحيت علي كواريك وعد وبفرحتها انها خلصت امتحاناتها!!
_جات متلبه في سريري لمن صحيت مخلوعة!! وقالت سمك وفطائر!! ده خم رماد عشان خلصت امتحانات!؟
_مع أنها خلعتني بس ابتسمت وقلت إنا لله وإنا إليه راجعون... يابت اعقلي يااخ انت خريجة بعده!؟
_ضحكت وخبطتني برأسها وقالت لي انا مبسوطة شديد!! دفرتها مني وقامت متلبه طلعت تأكل!!
انا اتقلبت علي جنبتي اليمين وطلعت تلفوني من تحت المخده لقيت الساعة تلاتة عصر!! قمت ودخلت الحمام الله يكرمكم وصليت العصر، وقعدت اتونس مع ناس البيت...!
وعد سألت أمي عن الحصل مع عبير شنو؟! صدقوني انا ما استفسرت كنت تعبانة وبعد امي حكتها معاي مشيت نمت وما سألت!؟
_امي قالت ليها والله حالتها كانت بتقطع القلب!! لم وصلنا الطوارئ وعصام قال ليهم عندها كبد وبائي؟! تعالو شوفو الطاقم العملو فينا!؟ عزلونا وعقمو الطوارئ وحجرونا عديل زي العندنا مرض كعب شديد وبقضي علي البشرية!!؟ لم جدعونا في عنبر معزول وحق الأوبئة عصام زعل وأجر غرفة في المستشفى!!؟ وما اكتفو بكده وبس اااي ممرض يجي داخل علينا بكون متكمم وتحسي بيه كاشي مننا لمن خوفوني؟!!
عشان كده عبير لم شافتهم بعاملوها كده انهارت اكتر وبقت تبكي وما سكتت!؟ اول نحن محسسنها الموضوع عادي ومخالطنها لكن هناك في المستشفى كرتنوها عديل وحسسوها انه حالتها حرجة عديل عشان كده شوفوها الليلة وشها متغير كيف؟!
بالجد اتأثرنا؟! وسألتها طيب ما كلمت اهلها!!؟
_امي قالت كلمت خالتها في بورتسودان لكن ما كلمت اهلها؟!
_اصلا أنا عارفة من أول انه أهلها في السعودية مع أخوها لكن ما عارفة كلمتهم بمرضها ولا لا؟!
قلت ليهم مسكينة الله يعفاها ويشفاها!! قالو آمين..
امي قالت لوعد أمشي سلمي عليها وودي ليها الشوربة دي عملتها ليها مخصوص!!
كان شكلها موية ساااي ووش مدهن ما عندها؟!
_قلت لأمي دي شنو شوربة المستشفيات دي مالها عطشانة كده!؟ يعني ما فيها زيت؟!.
قالت لي الدكتور منع عبير من الزيوت عشان كده عملتها شوربة ضان بموية ساااي بدون زيت وحتى اللحوم زاتها قال ليها ما تكتر فيها!!
_وعد شالتها وفاتت عليهم بالباب لأنه امي قاعده في الحوش وحذرتنا ما نمشي بالممر!!
وفضلت قاعده بتصفح في التلفون!! وبعد ربع ساعة ولا اقله وعد جات منهم وقالت لي عبير قالت عايزاك!؟
_عقدت حاجبي وقلت ما كلمتك عايزة مني شنو!؟
_قالت لي لا ما قالت!!
أمي قالت لي امشي لكن ما تتأخري؟!
دخلت غرفتي وشفت وشي بالمرايا وعملت مرطب شفايف واتعطرت باسبراي عادي ولبست توبي وطلعت!! لم شفت امي دخلت وماف ليها أثر في الحوش جريت بالممر!! والله صعب علي اقطع المشوار ده كله وادق الباب!!؟
فعلا دخلت وسلمت كالعادة من بعيد عشان ما تكون مداهمة!! وبعد قالت لي اتفضلي حتى دخلت!!
_سلمت عليهم ومسيت!! وشلت رمريمة اشتقت ليها والله وقلت خير ياطير!! قالو عايزاني؟!
_ضحكت!! وقالت اااي اتعززي فينا سمح!! انا ضحكت!! وبالتزامن مع ضحكتي جا طالع فينا عصام!!
لم شفتو قلبي عمل فحححح!! سلم علي من بعيد وهو مبتسم!! رديت السلام وانا مدنقرة ما عاينت ليه!!
_عبير قالت لي ماشه اخد الحقنة في المركز الصحي هنا!! فعايزاك تمشي معاي؟!
قلت ليها حاضر!! بس اكلم ناس البيت واغير توبي ده!!؟
رجعت البيت كلمتهم وابوي قال لي تمام!! رجعت لبست فسان عادي وبسيط!! ومسحت فير وعملت روج هادي واتعطرت بعطر بارد وطلعت!؟ لم دخلت عليهم لقيت عبير علي عكسي تماما!! لمن احرجتني!!؟
لابسه عباية سودا ووشها مغسلاه بس وشايلة تلفونها!!
_لم شافتني قالت لي اشششي علي!! ما اتعرفنا ياولاء!!
_ابتسمت وقلت ليها انت لسسسه شفتي حاجة!! وضحكنا وجات طالعة!! قلت ليها دقيقة وريم؟!
_قالت لي معاها أبوها!!؟
_قلت ليها ونحن المودينا منو؟!
قالت لي حنركب رقشة عصام ما عندو وقود!!
وطلعت وانا حزينة؟! هل لأنه ما شافني ولا لأنه ما حيودينا!!
طلعنا بركشة ومشينا المركز ولم الممرض شاف نوع الدواء!! عاين لينا مسافة عرفو حق شنو؟! ختاه وطلع!؟ شوية كده وجا لابس كمامة أداها الابره وهي دمعتها جات نازله! ظاهر الألم في وجهها!!

وبعد خلص نزل الإبرة في كيس جا شايله معاه وطلع القلافز قدامنا وجدعو مع الإبرة وعقم يديه ونظام حبه يتظارف قال لينا هاكم التعقيم مهم ووقاية!! اتعقمنا ونحن فاهمين تصرفاته بس قطعناها في قلوبنا!؟ وزعلت اكتر شيء علي عبير!!؟ إذا انا اتأثرت فما بالكم هي؟!
رجعنا البيت بركشة برضو وفي الطريق اتصل عصام قال ريم بتبكي وواقف بيها في الشارع!!
لم وصلنا كانو ماف قلت ليها بتكون سكتت ودخلو؟!
ودعتها وجيت علي باب بيتنا قالت لي ادخلي معاي!! اعتذرت منها وقلت اسسه الوقت اتأخر بجيك الصباح ان شاء الله!! وقلت ليها تصبحي على خير ودخلت!! لم وصلت اتفاجأت بعصام قاعد في صالونا وابوي شايل ليه بنته!! لم شافني جا علي ملهوف!! قال لي حمدلله على السلامه وينها عبير!؟ قلت ليه دخلت بيتكم افتكرتك جوه البيت!! قال لي اهااا!
ومش علي ابوي شال منو ريم وشكرو وقال زوجتو جات وطلع!! نسى تلفونو في السرير!! وهو طلع! وما عرفنا الا بعد اتصلت فيه عبير!! شكلها لم ما لقتهم اتصلت تشوفهم وين؟! حتى نحن اتبهنا للتلفون وهو بكون وصلها اصلا لكن تلفونو معانا!!
شلتو وقلت بيده ليهم بالحيطة!!؟
وما قدرت الا اشوفو دخلت عليهم وشفتو طالع ماشي علي الشارع بكون ياداب فقدو ولا مرتو سألتو منو؟! واتلاقينا في الحوش!!
_مديت ليه التلفون وقلت نسيتو عندنا!!
_جا استلمو مني ومسك يدي مع التلفون!!!
صاح الواطا ظلام بس ما يعني انه ما يفرز التلفون من يدي!!؟
قلبي ضرب واتوترت الصراحة وسحبت يدي بقوه منو؟! مع اني متمنية يمسكها طول العمر بس انا في مواقف معينة ما بعرف اتصرف؟!
اعتذر مني واداني ضهرو!! قلت ياربي زعل مني ولا فهمني غلط؟! قلت ليه عصام!!؟
طلعت مني عفواً!! لا شعورياً كده؟ ما حبيت يمشي بالطريقة دي!!.
_اتلفت عاين لي وما قال شي؟!
_وانا ما عرفت اقول شنو؟؟ ماف حاجة خطرت علي بالي!!.
ولم سكوتي استمر لكم ثانية قلت ليه تصبح على خير!!
حك رأسه وقال لي انت من أهل الخير ودخل علي مرتو وخلاني واقفة متسمرة مكاني لا عارفة اتقدم ولا اتراجع ودمعني جات نازله سخخخخنة علي خدي!!
نواصل بعدين

♥️♥️أما القلب فهو مُتعب ، وأما الخاطر فهو مكسور ، وأما الروح ما عادت تشتهي شيء .!🖤

#رغبة_جسد11¥
بقلم : آلاء آدم إبراهيم
أنا أنانية؟! ولا مريضة!! ولا مهوسة؟!! ما قادرة أحدد حالتي بس انا عشقانة حد العشق!! ما فارق معاي متزوج ولا مرتو صحبتي!!؟ انا اتعمى علي عيوني وبصيرتي!!وما عايزة افكر في حاجة غيرو وما بتهمني العواقب المهم أشبع رغبتي المجنونة فيه!! انا مشتهياه حرفياََ!!
اتنهدت بصعوبة وكان في حمل ثقيل علي صدري!! جرجرت رجولي ورجعت بيتنا!! دخلت غرفتي وبكيت!! كنت بداري وجهي ودموعي من وعد عشان ما تحس بي!! لكن فشلت!! لقيتها جنبي في السرير!! وبتطبطب علي!! خفت اضعف ويظهر علي أني منهارة!! حضنتني بقوة!! قالت لي أهدى أهدى!! ما سألتني عن سبب بكاي بالجد زاحت عني عبء الشرح والتبرير ليها!!؟
بعد هديت وطلعت غسلت وجهي وجيت صليت كانت منتظراني!! قالت لي خلاص خلصتي!! رفعت صلايتي وقلت ليها عايزة اللمبة ولا اطفيها؟! قالت لي تعالي اقعدي هنا عايزاك انت؟!
مع أنها اختي الصغيره بس واعية شديد وتصرفاتها وحكمتها وحنكتها سابقة سنها؟! الصراحة كنت خجلانة!! كيف اصارحها بالجواي؟! قعدت في سريري جات قعدت جنبي وقالت لي احكي لي؟!
_قلت ليها شنو؟!
_اتنهدت وقالت الفي بالك؟؟
ابتسمت وقلت ماف شي في بالي!!
_عاينت لي بطريقة غريبة!! ما قدرت افسر نظراتها!!؟
قلت ليها الصراحة انا معجبة بزول؟!
_بانت عليها ملامح الدهشة؟! ومسكتني من يدي واتحسست جبني إذا عندي حمة!! ابتسمت وقلت ليها عشان كده ما كنت عايزة اقول ليك؟!
_قالت لي يابت انت الف من يتمناك!! بس انتي ومعجبة بزول؟! بالجد حدث مهم!! خليني اوثق اللحظة!! ضحكت وكانت جادة سجلتها في يومياتها!!؟
وربعت رجليها في السرير ومسكت يدي وقالت لي ده من تعيس الحظ ده؟! ضحكت وقلت ليها للان ما عارف!؟
_خبطت جبينها وقالت حب من طرف واحد؟!
_قلت ليها والمشكلة الأكبر أنه متزوج!!؟
_ملامحها اتغيرت!! خفت تكون شكت في زولي!! بس قالت لي ياولاء دي ما انت؟! دي أزمة مارة بيها وأثرت علي نفسياتك!! مستحيل تصومي تصومي وتفطري علي بصلة!! لم قالت لي بصلة اتذكرت لمست يدو قبيل لم شهقت وبطني اتشنجت؟!
_قالت لي انت كويسة!؟ ابتسمت وهزيت رأسي مويدة!!
قالت لي شكلك ما شكل زول بهزر!!؟ كدي احكي بالتفصيل؟!
_قلت ما بقدر بس لو حصلت تطورات بختك في الصورة!!؟
_قالت لي ما لقيتي غير راجل مره ياولاء؟؟!
_بكيت وقلت ليها امتحان رباني؟!
_ضغطت علي يدي وقالت لي ممازحة!! اصلاً وريناك من زمان قلنا ليك عرسي بس انت بتتعززي وبترفضي في الرجال؟! لم عجزتي بقت خياراتك محصورة بين ٤٠ و٤٥ و٥٠!! وكلهم بكونو متزوجين!!؟ ضحكت!! قالت لي ما تضحكي عايزة يجيك عمر٣٠ فرقكم سنة ولا اتنين بالكتير؟؟!

قلت ليها ليه ما بيجي؟!
_ضحكت وقالت الراجل العمرو ٥٠ سنة عايز بت عمرها عشرين ولا ١٨ سنة!!! نحن عجزنا خلي انتي!؟
ابتسمت وقلت انت بتواسي فيني ولا بتنرفزيني أكتر!!
_قالت لي دي الحقيقة ي بت امي!! نحن مواليد الفين بقو ما شغالين بينا وواقعين مواليد ٢٠٠٨ وعشرة!! ضحكت وقلت ليها يعني انت زاتك حتتزوجي راجل متزوج!!؟
_قالت لي الصراحة ما عيب ولا حرام!! وعندي كم بنت معانا في الدفعة متزوجين رجال نسوان وعايشين زي العسل!!؟ وانا اسسسه وعد دي لو لقيت راجل مقتدر وفاهم وعمرو ما كبير شديد بعرسو طوالي؟!
_ضحكت وقلت ليها طيب ومرتو؟! ومصطلح شلابة كيف تتخطيه!؟
_ضحكت وقالت انا مالي ومال مرتو!! معرساها هي ولا هو!! اما الشلب ما عيب واحسن اكون شلبتو وعجبتو وعرستو ولا اكون عشيقة يقضي بيها نزواتو!!؟
_قلت ليها انت جاده؟!
_قالت لي من متين انا بهزر في امور زي دي؟!
_قلت ليها طيب ما خايفة من نظرة ابوي ليك ولا نظرة المجتمع؟!
_قالت لي احسن ابوي يشوفني ولا يسمع بي طالعة ونازلة مع راجل متزوج ولا احسن اجيبو بالباب واعرسو؟! اما المجتمع انت من زمن الناس شغالة بالفارغة دي!! مالك ومال كلام الناس!! موووش الشرع محلل ليه اربعة؟! عملت عيب انا؟!
_الصراحة ما عرفت اقول ليها شنو كانت بتتكلم وكلها قناعة بوجهة نظرها!!
_قالت لي الموضوع عادي يابت امي!! بس ممكن يكون عيب في حاله انك تخوني اختك صحبتك جارتك بت اهلك؟! كده حتكوني شلابة ووسخة كمان!! بس غيرو ماف مشكلة لأنه ما بيناتكم سابق معرفة انت وضرتك ولا ضراتك؟!
_الصراحة ضغطت علي جرحي واصابت المكان الواجعني!!؟
دي معضلتي!! كيف القى حل للمشكلة دي!؟ قالت لي سرحتي وين؟! قلت معاك!!
_قالت لي ما وريتيني منو؟! قلت زميل في محل شغلي القديم... قالت لي حلو ومالك ياكل*به ما بكلميني؟!
_هو إعجاب من طرف واحد هو للان ما عارف؟!
_قالت لي وريني ليه صورة؟! صغير ولا كبير!!
ابتسمت وقلت نهاية التلاتين!! فرحت وكأنها شافتو قالت لي مناسب شديد!! قلت ليها ما تتحمسي سااي مستحيل انا اصرح ليه بمشاعري ولو عايزة اموت؟!
_قالت لي اكيد يابت انت قايلة روحك هينة!! اشري ليه بس وبجيك جاري زي الشاطر!!
_ابتسمت وقلت انتي متأكده بتتكلمي عني انا؟!
_قالت لي ولاء ما تقللي من قيمتك والله انت تستاهلي احسن شاب بس القسمة بت......!؟ استغفر الله العظيم...ما معروف مخبية لينا شنو؟ ولا ربنا كاتب لينا منو في طريقنا؟!
فقشقشي دميعاتك ياقلبي وماف راجل بستاهل دمعتك؟! ولو سمتك صدقيني ما حيفوتك!؟ وكمان لو ربنا ما جاعلة من نصيبك ان شاء الله ربنا يعوضك بالأحسن منه!!؟
_بالجد كلامها ريحني شديد!! لكن هل كلامها حيفضل زي ما هو لو عرفت انا عايزة منو؟!
قلت ليها انا نعست اطفي معاك النور!!؟ طفتو وفضلت اتقلب في السرير وبفكر في مستقبلي لحدي ما نمت؟!
في صباح اليوم التالي وبعد خلصنا شغل البيت المعتاد!! قلت ليهم ماشة الشركة الفلانية!! هم عارفني قدمت فيها قبل المره!! قلت ليهم رسلو لي للمعاينة!؟ اخدت رضاهم ودعواتهم وطلعت!!
قبل ما امش مريت علي عبير صبحت عليها وكانت راقده! بالجد صحتها متدهورة لكن الدكتور قال دي أثار طبيعية للعلاج!!
كنت حابة المح عصام عشان يحلي يومي!! حبيت اتفائل بيه!!؟ بس ما لمحتو؟! وخجلت اسأل مرتو عنه!!
وطلعت منها وانا ماشة علي الزلط! سمعت صوت عربية وراي بتضرب لي بوري فرحت واتلفت بحماس قلت بكون دا هو؟! بس طلعت عربية تانية انا كنت قافلة ليها الشارع!! وصلت الشركة وعملت المعاينة ونسبة لأني اشتغلت قبل المره كانت ساهلة بل أكتر من عادية بالنسبة لي!! وقلت ان شاء الله يشيلوني!! وطلعت منهم في نهار حار خلاص!! وبصعوبة حتى لقيت مواصلات وقبل ما اصل البيت سمعت صوت ضرب عنيف واصوات مخيفة خلاص!! قلت خلاص الدعامة دخلو شندي!! ولم بكيت انا بعيدة من البيت!! وبتاع العربية وقفنا واشهدت وانا منتظرة الموت كنت شايلة هم اني حموت بشوقي!! اكيد عارفين لمنو؟!
بعداك الخبر اتأكد وقالو دي مسيرات والجيش أتعامل معاها بالمضادات الأرضية؟! طيب إذا ده صوت مضادات كده صوت باقي الأسلحة الثقيلة كيف؟!
الله يكون في عون اااي واحد في منطقة اشتباكات وعمليات ويوقف الحرب اللعينة يارب العالمين، بعداك رجعنا لطريقنا ووصلت شارع بيتنا وشفت سيد الإسم واصل معاي في نفس الزمن!! كان قدامي انا شايفاه من بداية الشارع؟! لكن ما دخل كان متصنع متأكده؟! لأنه لحدي ما وصلته ما طلع حاجة من العربية!! ولا يمكن يكون فعلاً وقف يسلم علي عادي بحكم الخوة ووقفتي معاهم وانا فاهمة غلط؟!
بالجد بقيت مشوشة وما فاهمة شيء؟!
_جيت عليه وانا مبتسمة سلم علي وما فكى يدي طوالي!! بكلم معاي ولسسه ماسكها!! وما حبيت اعيد نفس تصرف أمس؟!

بس كنت خجلانة ما قدرت اعاين في عيونو!؟
_كله انتبه وقال لي بعتذر وقفتك في الشارع اتفضلي وسلمي لناس البيت!؟
_الراجل ده حيرني؟! مره يختها لي في وشي انه بحب مرتو وما بقدر يعيش من دونها!! ومره بحس بيه فاهم علي وبلمح لي بس ما عايز يصرح وعامل فيها رايح وما فاهم شيء؟!
ولا انا العايزاه يفهم غصب وبحلل وبستنتج من مخيلتي وهو ولا معبرني؟!
دخلت بيتنا وبشرت ناس البيت بالمعاينة!! واصلا من وقت المسيرات ضربت هم اتصلو علي واطمأنو علي!! بعداك أكلت لاني جيعانة شديد واخدت لي نومة مع أنهم منعوني من نوم العصر!!! صحيت المغرب صليت وقلت ليهم ماشة اشوف عبير!!
_امي قالت لي بحزن اااي امشي عليها تعبانة والله وبتها مغلباها!!
طلعت عليها بالباب!! ما عشان بقيت مؤدبة وما عايزة اداهمهم بالممر!!؟ بس حابة انه يجي عصام يفتح لي الباب!! انا خلاص مشيت في سكتي وما خايفة وعايزة اخوض التجربة مهما كانت النتيجة!! المهم بعدين ما اندم اني ما حاولت..!
فعلا دقيت الباب وجا فتح لي وكان شايل بنته!! سلمت عليه بإبتسامة ومديت يديني ليه عايزة ريم!! قال لي عايزة رمريمة ابوها!!؟
في سري قلت عايزة احضنك انت؟! ابتسمت وقلت اكيييييد وشلتها منه!! بستها وصدقوني شامة فيها ريحة ابوها؟! ولا انا بقيت مجنونة رسمي ما عارفة!؟!
ماشي قدامي وانا بعاين ليه وقلبي بضرب بطريقة حلوه!! حاسة بحاجة بتدقدق جواي، وبتبسم براااي!! دخلت البرنده علي عبير!! وفجأة مزاجي اتقلب ١٨٠ درجة!! بالجد اتخلعت!! كبرت عشرة سنوات في خلال يومين؟! معقولة دي عبير!! ما حبيت احسسها بأنها ما تمام!!؟
قلت ليها يازوله شنو النوم ده؟؟ خلاص قومي اتنفضي وشوفي بيتك وبتك بي وين؟! ما قلت شوفي راجلك؟! بس والله ما كنت قاصدة حاجة!!
قالت لي الكلام سهل يالولو بس والله تعبانة وجسمي كله ممزق؟! وكل حته في جسمي بتوجعني زي الداقني!! قلت ليها ده شي طبيعي معناها العلاج مدي مفعول!! ربنا يكتب ليك فيه الشفاء!!؟
دعيت ليها من كل قلبي والله!! صااح انا حابة راجلها بس ما بتمنى ليها مكروة!! لأنها طيبة شديد بس الله ختاني في طريقها امتحان لينا نحن التلاتة!!؟ دردشت معاها وضحت والله!! قلت ليها انا بعده ماشة الزمن اتأخر اخدي راحتك؟! قالت لي جيتك فرقت لي والله، عصام قال ليها ممازح انا ما بفرق ليك يعني؟!
ضحكت وقالت ليه ممازحة برضو لالا انت طولت معاي!! ما عايزاك ما جبت لي الا الفقر والمرض!! ضحك وقال ليها بكره لم اشوف لي برعماية صغيرونة يبقى ليك بمبي؟! ضحكت وقالت ليه سويها كان تقدر؟! ضحك وقال ليها الا كان جنيت!! واظنهم نسو انا معاهم وبقو بهزرو مع بعض!!؟ قلت ليها هوي بعده اطردوني عديل شنو تتغازلو قدامي!!؟ ضحك واعتذر وطلع!! قلت ليها انا ماشة؟! قالت لي شكراً ليك!! ما بقدر اقدمك!! ابتسمت قلت عارفة الطريق!!
طلعت وجيت ماشة علي الممر سمعت الصوت الما بيغباني؟! قال لي ولاء!!؟
_انا ركبي رجفو وقلبي بحسو بتخج عديل ما بضرب ساااي؟!
وقفت واتلفت عليه!!؟
_قال لي تصبحي على خير!!
في سري قلت بس كده؟!
ولا دي إشارة!! ولا يقصد شنو بالضبط!؟ ده كله وانا واقفة!! وهو لسسسه بعاين لي من بعيد!!! لم انتبهت لوقتني الغبية ابتسمت ورجعت بيتنا وانا خجلانة!!
وللصباح بفكر في الموضوع وكنت حموت من الفرح!! عقلي شطح شديد معاه واتخيلت حاجات بخجل اكتبها؟! بس كنت مبسوطة جداً!! وقمت نشيطة ومزاجي رايق وبوزع ابتسامات بدون سبب علي ناس البيت!!؟ وعد لم شافتني قالت لي اهااا اتفقتو على العرس!!! ضحكت ضحكة كعبة خلاص!! انا زاتي خجلت من نفسي لم امي نهرتني!! واسمع عبير بتنادي بالحيطة وبتقول لي يابت دي شنو ضحكة الكبريهات دي!!! تاني ضحكت!! ومشيت اشاغلها بالممر!! لقيتها ماسكة مكنستها وعايزة تنضف بيتها!! قلت ليها ما شاء الله تبارك الله!! شايفاك أحسن الليلة!! قربت علي وقالت لي قايلة نفسك براك مبسوطة الليلة!! ضحكنا وقلت ليها اهاا ابسطيني معاك؟!
قالت لي الموضوع القلت ليك الدكتور مانعنا منه؟! امس عملناه وغمزت لي!! انا ابتسامتي اتجمدت في وجهي!! وبدت تتلاشى ولمن قلبي طعني!! وقلت ليها بإستغراب يعني تقصدي عصام نام معاك؟!
نواصل بعدين..

♥️♥️قد تسمع من غيري أحبك...
ولكن ليس كل مؤذن كبلال...
وليست كل عاشقة كزليخة...
وان سألوك يوماً لماذا افترقنا..!؟
أخبرهم أنني كنت أعبر عن مشاعري كثيراً،، أهتم كثيراً،، أغار كثيراً،، أسامح كثيراً،، أتنازل كثيراً،، بإختصار كنت أحبك كثيراً..
ولا تنسى أن تخبرهم أنك ألمتني كثيراً..💔
وقل لهم طيبة قلبها وقساوة عقلي لم يتفقا.. 💔💔
ع حسب التفاعل ح أنزل البارت 12🥰♥️
متابعة ممتعة🌸💜

: #رغبة_جسد12¥
بقلم : آلاء آدم إبراهيم

في أحاسيس ما بنقدر نخفيها مهما حاولنا وجاهدنا !!؟ وحتى الدموع بتكون واضحة وكل زول ممكن يشوفها بس ما بنخليها بتنزل من مدمعها لأنها حنت لأشخاص ممنوعة أنها تنظر ليهم!! وفي غصة ولا وخذة كده في القلب بتبين مهما حاولنا نتخلص منها وبتفضح قوتنا المصطنعة!! الصراحة جرحي ما قادرة اخفية غلبني!! مستحيل عبير ما تكون حست على!!؟ رجعت دمعتي غصب وما خليتها تنزل؟! لكن صوتي خذلني!!؟
_قالت لي بسم الله مالك؟!
_قلت ليها الضحكة شرقتني!!؟
_ضحكت المسكينة! وقالت لي متأكده الضحكة ولا عاجابك الأمور ديك وخلعتك!!
_جاملتها بإبتسامة باهتة!! وقلت انا حلقي اتربط ماشة اشرب موية!! بالجد كان صوتي مبحوح!! بس من الصدمة!!؟
رجعت الغرفة عشان ناس البيت ما يلاحظو شيء!! وقعدت في نص سريري وبسأل في نفسي؟! انا ليه زعلانة!! هو ما عشمني بشيء!؟ ولا صرح لي بمشاعر اتجاهي؟! انا الكذبت الكذبة وصدقتها وبنت آمالي علي سراب!!؟
معقوله انا مغفلة للدرجة دي؟! معقولة الحب بيعمل كده!! ولا انا فعلاََ جنيت!!؟
داريت دموعي واخدت كم نفس عميق، وقلت خلاص كفاية!! دي رغبة شيطانية لازم اتخلص منها!!؟
انا لازم اتزوج بأي شكل من الأشكال!! طلعت غسلت وجهي ومشيت علي ناس امي في العريشة وقعدت اقطع معاهم في خدرة!! وعد هزت لي بكتفها وعقدت حاجبيها وقالت مالك؟!
_هزيت راسي بمعنى ماف شيء!! امي قالت لي بقيتي زي المجنونة!! شوية تضحكي وشوية تصري فينا خلقتك!!؟
قلت ليها عرسو لي ببقى كويسة!! امي اتخلعت وياداب بدت تخاف علي!! عمري ما طرحت الموضوع ده وكمان بإسلوب زي ده؟! سكتت ما ردت!! شكلها انصدمت!؟
_وعد حبت تلطف الجو وقالت دي أزمة منتصف العمر موووش!!.
أبتسمت ومشينا الموضوع على كده، وفتحنا كذا سيرة!! بعداك مشيت اخدت لي دش!! يروق أعصابي... وانا طالعة سامعة وعد بتتكلم مع عبير بالحيطة وقالت ليها انا في الحمام وبتضحك معاها!! ما طلعت صوت عشان ما تسمعني!؟ ودخلت الغرفة بأمشاط رجلي عشان تحس بحركتي!! دخلت واتمسحت وبسرح في شعري وانا بفكر فيها وفي الكلام القالتو لي!!!؟
انا ليه هاربة منها!! لازم أواجها وأشوف راجها ده فهمو شنو؟! ليه بيلعب علي الحبلين!!؟ ولو كان برئ وانا خاتاه في رأسي! برضو أعرف عشان انسحب بباقي كرامتي؟؟!
قمت مندفعة لبست توبي واتعطرت ومشيت عليها قبل ما حتى ما استأذن من ناس البيت!! لقيتها راقدة وبنتها نايمة جنبها وبتحضر في مسلسلها!!
لم شافتني فرحت بشوفتي! وقالت لي نورتي!! من قبيل منتظرة جيتك؟!
_احترت الصراحة؟! وسألتها مستنكرة!! منتظرة جيتي؟!
_ابتسمت! وقالت لي قبيل لم اتشرقتي ولا اتخنقتي ما بعرف! مووش قلت ليك بعد تخلصي شغل البيت تعالي احكي ليك؟!
_يمكن يكون كلامها صاااح بس انا قبيل في دنيا تانية وما كنت مستوعبة شيء؟!
_قالت لي ما تسرحي كتير! وما تفكري في ااي كلمة بتتقال!!؟ كده الزول الما بعرفك بقول البت دي غريبة الأطوار!!؟.
_إبتسمت ابتسامة ساخرة وقلت وانتِ بتعرفيني من وين؟!
_ما ردت علي وقالت لي تشربي شنو؟!
_قلت اااي شيء!! قالت لي امشي التلاجة جيبي العصير واتناولي اقرب كبايتين قدامك!!
_ضحكت وقلت انا ضيفة ياعديمة الذوق!! وفعلا قمت جبت العصير وجيت!! شربنا واتونسنا!! وفي ملابس مغسلة خاتاها في الكنبة!! قلت ليها ليه غسلتي كان تصبري شوية لحدي ما تشدي حيلك؟!
_ابتسمت وقالت لي ما انا والله؟! غسل عصام!!
_استغربت وقلت معقوله؟!
_قالت لي وبيعرف يطبخ احسن مني؟! قلت ليها ماشاءالله بختك؟! قالت لي لأنهم ولدين بس وما عندهم اخت!! كانو بساعدو أمهم في البيت؟!
_قلت ليها ربنا يحفظو ليكم!!
_قالت أمين... وانت كمان ربنا يجيب ليك ود الحلال اليسعدك ويهنيك!!
_قلت ليها امييين يارب العالمين، بس ود حلال بقى ماف + الرجال ماتو في الحرب!!
_ضحكت بقهقهة وقالت لي الله يجازيك بالخير!! يازوله قسمتك قاعدة! بس ربنا لسسسه ما قال ليها كوني؟!
_قلت ربنا يعجل بيها!؟ قلت امييين..
_قلت ليها بمناسبة القسمة انتو حبيتو بعض كيف؟!
_عاينت لي بطريقة غريبة وابتسمت!! الصراحة ما فهمت نظرتها بتوحي بشنو؟! واخدت نفس عميق ومنتظرة جوابها!!؟
_قالت لي ياستي كلمتك قبل المره أنه زواجنا كان تقليدي!! شافني في مناسبة في الحلة وعجبتو جا طلبني ووافقت لأنه سمعت انه زول كويس وفي خلال شهر اتزوجنا!!
_قلت طيب ما خفتي مثلاً ما تتوافقو ولا مثلا ما تحبو بعض؟! ولا يكون مابناسبك؟!!
_قالت لي ياولاء الزواج ده زي البطيخة المقفولة!! ما بتعرفيه نافع ولا لا ولا حلو ولا لا إلا بالمعاشرة!!؟ يعني ممكن تلقي واحد بحبك موت وتقولي ده فارس أحلامي وتنتظرو بفارغ الصبر متين تتلمو في بيت واحد!! وبعد تتزواجو تتصدمو بالواقع!! تبدا الخلافات!! يظهر عدم التوافق الفكري!! تظهر العصبية والغيرة المفرطة!! يعني كل زول بظهر علي حقيقتو!! لأنه في فتره ما قبل الزواج كلنا بندعي المثالية!! ولم نعيش مع بعض بنكون على طبيعتنا فبظهر الإختلاف؟! عشان كده انت وحظك؟!

_قلت ليها طيب ما خفتي نهائي!!؟
_ضحكت! وقالت خفت لكن من واقف خبرتي حسيتو شخص كويس!!؟
_قلت دقيقة دقيقة يعني عصام ما حبك الأول!!
_ضحكت لم بتها قربت تصحى!! قالت لي انت يامسكينة شديد ياعويرة الصراحة!! يابت نحن بشر عادي بنحب وبنتحب؟! كنت مرتبطة قبليه وهو زاتو كان عندو الف حبيبة!! بس نحن ما بننمبش الماضي عشان يأثر علي واقعنا ومستقبلنا!؟
_قلت طيب مقارنتا بحبك والأول وحبك لزوجك الاحلى وينو؟!
_عدلت قعدتها وقالت ماف مقارنة اصلاً!! بالرغم من انه علاقتي السابقة امتدت لكذا سنة!! وعصام ياداب كملنا السنة مع بعض بس حبي لعصام ما بتوصف ولا بتقاس!! بتحسي أنه ده عوض ربنا ليك!! اتشاركنا الفرح والحزن والروح!! وريم بنت بيناتنا جسر عمرو ما حينهدم!! مستحيل يكون في مقارنة!!؟
صاااح في الأيام الأولى حسيتو غريب شوية لكن بعداك اتعودنا علي بعض سريع؟!
_قلت بإستنكار؟! غريب كيف؟!
_قالت لي من المفترض في أسرار تكون بين الزوجين ما تطلع بس انت صحبتي!! فعصام شخص متزن جداً!! وعايز كل حاجة علي اصولها!! وعندو قدره تحمل فظيعة؟!
_حيرتني الصراحة لم بطني وجعتني والفضول حيقتلني!!! قلت كيف يعني؟!
_قالت لي اتخيلي نحن عرسان اول تلاتة يوم ما قرب علي؟!
قلت كيف يعني!! قالت لي ما تفهمي غلط ومخك يمشي شمال؟! لا ما عندو اااي مشاكل!! مع اني كنت خايفة من كده لكن بعداك وراني نجوم الظهر!!
_ابتسمت وقلت كيف طيب احكي؟! قالت لي ياستي قال عايز يديني مساحة اخد فيها راحتي معاه ولحدي ما اتعود عليه!! وكنا بنتونس وبنداعب بعض وبنتلاطف!! وقبل وبوسات خفيفة لحدي ما حسيت فعلا انا راغباه شديد وهو بادلني نفس الشعور وتاني ما بقدر احكي ليك أكتر انا اسسسه تعبت خلي انت العزابية؟!
_خجلت وقلت بس ده ما شي طبيعي تصل لمرحلة احضان وحاجات تانية وفي اخر لحظة يبعد عنك؟! كيف بيقدر يتمالك نفسه؟!
_قالت لي دي قوة التحمل الانا قلتها ليك من شوية!! قال لي انا لو الموضوع بس تفريغ شهوة ممكن اكبو في الحمام وبرتاح!! بس انا عايز اعيش كل تفصيلة معاك واستمتع بيها!! ما لانك عروس وده واجبك؟! لا لازم تسلميني نفسك وانتي راغباني ومييييتة عشان تعاشريني؟!
انا انفاسي اتسارعت وقلت ليها بحب يشوفك.....وخجلت اكمل؟!
قالت يشوفني شنو؟! قلت ولا شيء!!
بالجد كلامها خلاني اخاف اكتر!! طلعت نفس عمييق وقلت ربنا يسعدكم!!
_قالت آمين وجمعاََ!!
خلاص نفسي مرقت من اي حاجة وعايزة ارجع بيتنا!! قالت لي مالك بتتغيري فجأة انت!؟
راسك المربع ده بفكر في شنو وبعكر ليك مزاجك فجأة؟! إبتسمت وقلت بس الإرهاق والله وحاسة بفتور كده؟!
_قالت لي بخلعة الله يستر ما اكون عديتك؟!
_ابتسمت وقلت نسيتي انا واخدة اللقاح!!
_قالت لي ما ناسية بس الحذر واجب اعملي حسابك غاليتي مرضي ده ما معاه هزار!!
_انا ضحكت بسخرية؟! وقلت ليها خايفة علي من انك تعديني عن طريق الهواء سااي!! وما خايفة علي راجلك وبتتصلي بيه جنسياً!!
_ضحكت وقالتها بغطرسة حارقك وين يالسمحة؟!
_بالجد استفزتني!! لو بقصد ولا بدون قصد!!؟ قلت ليها وانا مالي ومالكم ان شاء الله تعديهو انا فارق معاي بشنو!؟
_ضحكت شمتانة وقالت لي بصلتك محروقة خلاص!! يابت خلي عندك رحابة صدر وما تنفعلي وقتي!!
_قلت ليها كلامك مستفز لكن؟!
_اتنهدت وقالت لي الدكتور منعنا وبالرغم من انه واخد اللقاح!! وقال ليه ما يعني انك واخد اللقاح معناها تشيل المرض وتحقن بيه نفسك؟! قد يحصل رد فعل!! او يتولد متحور جديد ولا ينتج فايروس تاني يعمل ليك مشاكل!!؟
_قلت ليها وبعده ده كله خاطرتو؟!
_قالت لي والله امس اتجرس وانا اكتر منو عايني لينا كم يوم بعاد!! في النهاية استخدم واقي ذكري وعملنا عملتنا!! لكن بدون قبلات!! شغل ناس مستعجلين!!
انا خجلت وجسمي كششه!!
_قالت لي خليك مني انت حصل معاك شنو؟ وحتنزلي شغل متين؟؟
_قلت ما معروف لو اتصلو علي الليلة! بكره طوالي بنزل!!
_قالت لي ياحليلك تاني البيجي يقيف معاي منو وبساعدني!!!؟
_قلت ليها امي ووعد قاعدين!! وحتى راجلك ما بقصر!!
قالت لي كلمتو يشوف لي شغالة لكن هنا ماف ما زي الخرطوم؟! ولا في مكاتب عمالة ولا في نسوان بيجو يفتشو للشغل؟! قلت ليها بتلقي والله انا بساعدك في الموضوع ده!!
قالت لي تكوني ما قصرتي والله انا شغل البيت غلبني وريم هدت حيلي!!؟
وفي أثناء ما بنتكلم جا داخل عصام!! غير ريحة البرندة!! انا لم عيوني زغللوو!!؟ وسلم علينا وعيني جات في عينه بالجد حسيت برحة ما طبيعية!! طيب كيف لو حضنته!!؟
مع أنه قبل ما يجي قلت ما عايزة اشوف خلقتو ولا المحه حتى!! والعجب لم قال لي ولاء كيفك؟! ناداني باسمي!! وكأنه اول مره اسمعو؟! فنسيت اااي شيء الزعل!! ومرتو!! وحتى التعب؟؟!

وان شاء الله ما اتحمس بزيادة واقول كلمة ما من المفترض تطلع مني؟! رديت السلام وكنت حريصة أنه ما اعاين ليه!!
جيت قايمة!! مسكني من يدي نفس اللمسة الأمس!! عايز يقعدي بالقوه في الكنبة!! بس انا قواي خارت ووقعت فيها براي من طولي!! قال لي هاربة وين؟!
_مرتو قالت حرام عليك يا عصام مالك علي البنت؟! عارفها بتتحسس من التصرفات دي؟!
انا قاعده بيناتهم ولساني خرص!! كنت بعيش اللحظة بكل تفصيله فيها!!
قال ليها ما قلنا شيء!! بس ما كل ما تشوفي تقوم جارية هاربة!!؟ من المفترض تكون اتعودت علي ولا ما كده يالولو!!
_لالا ما تقول لولو ما بستحمل انا؟! ده كله جواي ما قادرة انطق؟!
_قالت ليه خلاص كده ارتحت بكمت البت؟!
_كانَو جادين بتناقشو بسببي وانا عايزة في دنيا مخملية فيها انا وصوتو ولمستو!!
_اعتذرت مني وقالت عصام مزحاتو ثقيلة زي دمو اعفي لينا؟!
_انا ابتسمت وقلت ما تتأسفي بس انا شردت شوية!!
اتلفتت علي عصام وكنت قاصدة اعاين ليه جوه عيونو وقلت ليه عادي اتعودت علي حركاتك وفهمتها!!
_سحب عيونو وابتسم وقال خلونا في المهم!! انا جيعان ياريت واحدة فيكم تتكرم وتخت لينا الغدا!! ولو سمحتي يا ولاء اقعدي اكلي معانا نحن ما بنسمم الناس!؟
_مرتو قالت ليه انا زعلانة منها ما بتاكل في بيتي؟!
_ابتسمت وقلت اسسه اخدو راحتكم واتغدو بمزاج وانبسطو وبكره الجمعة ان شاء الله جايه افطر معاكم!!؟
_قالت لي وهي متحمسة وعد؟!
_حبيت اتظارف وقلت ليها وعد اختي انا ولاء؟!
_عصام بقى يضحك انا لمن بلعت ريقي وقربت اهحم علي شفايفه واسكتو إجباري؟!
_قالت لي ما ظريفة طبعاََ!! يلا اقطعي وشك شميناك زاتو؟!
_ضحكت وودعتهم رجعت بيتنا مبسوطة!! انا ما عندي خبرة في التعامل مع اولاد آدم!! بس متأكده ٢٠٠٪ أنه عصام فاهم علي وبسايرني سيسي سيسي!؟!
المساء كده وانا بتصفح في تلفوني لقيت منه رسالة؟! لم اسمه ظهر لي في الستارة يدي رجفت وبطني بقت تتكتك من شده الخوف!!!
دخلت سريع لقيتو كاتب لي بكره جيبي معاك فطورك نحن ما عاملين فطور ومعاها ضحكة!!؟
ابتسمت؟!
ياربي حبه يلقى ليه مدخل عشان يتواصل معاي ولا بس حبه يتظارف ساااي ويلطف الجو بيناتنا؟!
ولا لأني بعشقه بشوف كل كلمة منه حب وبفسرها علي هواي؟!
بس ابتسمت ابتسامة عرييييضة وحضنت تلفوني ورقدت!!
نواصل بعدين
♥️♥️دعني ابلغ عينيك اني عشقتها
غرقت وما اروع الغرق في بحورها
اسرت وما اجمل الاسر بها..
عشقت ولا عشق يفوق عشقي لها!! ♥️♥️
يتبع

: #رغبة_جسد /14/15/13¥
بقلم: آلاء آدم إبراهيم
عمري ما اتخيلت إني اغرم براجل متزوج!! كتيرين منكم شايفني قليلة أدب أو مستفزه؟! من ناحية عندكم حق لأنه حتى انا ما مسامحة نفسي على خيانتي لصحبتي عبير!؟ بس في حاجة إسمها قسمة؟!
اتحدي اااي واحد فيكم يقول هو اختار شريك حياته بالقوة؟! كلكم في الربنا رزقه شريك حياتة؟! وفي المنتظر؟!
انا ما ببرر فعلتي؟! بس انا ما ابتعدعت الحاجة دي؟! لا بديتها ولا حتكون النهاية معاي؟! يمكن خيانة الرفقية قاسية لكن حتكون درس لينا ومثال للآخرين!! وكل مره لم اقول أنا ليه ربنا قسم لي الحب ده!! بتذكر انه ربنا قسم لبنت تانية أنه تحمل بالحرام؟! فبحمد ربي على قسمتي؟!
والصراحة انا وصلت لقناعة؟! من اللحظة القررت فيها اتبع قلبي!! رميت كلام الناس ورا ظهري؟ ومتأكده حاسمع كتير وأبكي اكتر؟؟ بس انا رضيانة بك ده طالما عصام حيكون معاي؟! وبصراحة للآن ما متأكده إذا ببادلني نفس الشعور؟ بس حابة اجرب حظي معاه...!
نمت وانا بفكر فيه وفي الرد المناسب وما طلعت معاي نهائي!! بعد الصبح قلت أرد ليه قلت احترمي نفسك اسسسه كان مرتو شافت المسج تقول ولاء بتراسلو من الصبح؟!
اتراجعت وختيت التلفون في الشاحن لأنه امس كان نايمة بيه في صدري ما شحنتو!! واستنيت بفارغ الصبر متين الواطا تصبح؟!
زي الساعة سبعة كده جريت شلت التلفون ودخلت علي الدردشة ومجهزة ردي ومبسوطة!! قبل ما أرد ما لقيت الرسالة!! محذوفة؟؟ استغربت؟! ليه حذف الرسالة؟ معقوله بيلعب علي!! معقوله خايف من مرتو؟! طيب لشنو حذفها؟؟!
وخلاص رأسي كبس وخفت!! ما يكون عايز يستغلني بعد حس بأني معجبة بيه؟ وعقلي بقى يودي ويجيب؟ بعداك ما قدرت ارسل ليه!! واقول شنو؟ ولا أرد علي شنو وهو حاذف رسالتو!! جدعت التلفون وطلعت علي ناس البيت وانا متوترة!!
امي جهزت الفطور كان قراصة ببامية وانا عملت شوربة دجاج لعبير بس قللت ليها الزيت والتوابل عشان ما تأثر معاها!! وزي الساعة تسعة ونص طلعت عليهم!! لقيتهم صاحين لكن ما شادة حاجة!! جايبة بيض وزبادي وعندها طحنية ومربى اصلاً في البيت!! قلت ليهم انا جاية متحمسه وقلت بتكونو ضابحين لي ؟ القاكم جايبين روب؟! ضحكت وقالت انت العزمتي نفسك؟؟! بالجد كلمتها دي وجعتني شديد؟ والزعل بان في ملامحي؟ وقلت معليش ازعجتكم؟؟ وجيت راجعة علي بيتنا؟؟ حصلتني جنب باب البرندة يخسي عليك ياولاء ونحن اخوات ومعقوله تزعلي مني؟! وبدت تتأسف؟! قلت ليها انت ما غلطي فعلا انا قلت بكره بجي افطر معاكم؟! لاني خاته الحالة واحدة!! بس شكله كان لازم أسألك اول!!!
عصام كان سااكت اول وبعد خلاني كملت كلامي قال لينا؟!
-انتو جنس النسوان ده غريبات خلاص؟ بتزعلو وبتتحسوو من أمور فارغة!! اسسه ده سبب ليكم!!
-مرتو قالت ليه انت ما تدخل!!
-قال ليها! امس عملتي لي حفله عشان مسكتها والليلة تطرديها؟!
_حمرت ليه بس ما ردت عليه!!
_قلت ليها ابعدي لي عن الطريق والله ما زعلانة بس نفسي طلعت من الأكل بجيك بعدين تمام؟!
قالت لي متأكدة حتى لو جبرتك تقعدي ما حتاكلي عشان كده ارح بيتكم؟! شالت الصينية الجبتها وقالت لي ارح ارفعي ريم حصليني!! انا احترت فيها؟! مجنونة وما جادة نهائي؟؟
راجلها قال ليها دقيقة وانا؟! طيب انتو غورو بس خلو لي جزء منه؟! ضحكت واتقدمت لي وانا رفعت ريم وقبل ما اطلع قال لي حتى انت ياولاء؟! قلت ليه عشان حذفت الرساله؟! قال لي اي رسالة؟!
ما رديت عليه!! وحصلت عبير جنب الممر البيناتنا؟! وانا بسأل نفسي؟ معقولة الرسالة تكون مرسلاها عبير!! ولا مرسلها هو وبستهبل علي؟! معقوله عبير تكون حاسه بالبيحصل معاي؟! وخلاص حسيت ببطني انتفخت غازات وراسي تقل؟! بالجد خفت!! وكل ما عيني تجي في عينها بدنقر!! امي قالت ليها مالك مرجعه الأكل كان تخليه لابوكم؟ ضحكت وقالت يتصرف ياكل ااي حاجة!!
وفطرت معاهم بدون نفس!! لكن ما حبيت احسسهم بشي؟! قالت لي حتى بعد جينا بيتكم لسسسه زعلانة؟! قلت ليها ابدا والله بس مرهقة!! بعد فطرت مباشرة رجعت بيتها لأنها ما جات بكمامة وما حبت تتسبب في عدوى لزول من ناس البيت... ! وانا مقدماها قالت لي منتظراك للجبنة ما تكسفيني؟! قلت ليها بس انا تعبانه والله!! قالت لي بزعل منك والله؟ عازماك يابت ماتتحسسي كده؟!
قلت خير ان شاءالله!! غسلت عده الفطور وعملت لناس امي الشاي وطلعت عليهم؟! وبقول الزوله دي عايزة توقعني شكلها ولا راجلها ده مستهبل!! مشيت عليهم ولقيتها مجهزاها ومولعة البخور وبس منتظراني!!
قعدت وما سألت عن عصام كان ماف!!!؟ قلت ليها اكب خلاص؟!
قالت لي ممازحة معقوله اشرب اخلي سيد ريدي؟! قلت ليها بغيظ طيب منادياني لشنو؟ ما كان تشربي معاه!!!؟

_ضحكت وقالت لي ما تتحسسي قلنا!! بهزر معاك انا!! مشى يجيب شيبش من الدكان!!
اتشجعت وقلت احرق ورقة راجلها واشوف منو فيهم بيلعب علي!! ؟
_قلت امس فتحت الشبكة ظهرت لي رساله في الواتس من عصام؟! لم دخلت اشوفها لقيتها محذوفة؟!
-ابتسمت وقالت لي ده ما عصام دي انا؟!
-انا جاتني قبضة حرفيا!!! معقوله تكون شاكة فيني؟؟ عايزة توقعني!!! قلت ليها كيف يعني؟ لشنو مرسلة لي من تلفونو؟ وليه حذفتيها؟!
_بكل برود الدنيا قالت لي كنت بتكلم مع أهلي في السعودية بتلفون عصام وبعد قفلت منهم نسيت انه ده تلفونو افتكرتو حقي؟ وسلت ليك!! لم انتبهت انه ده ما حقي حذفتها!! ورجعت رسلت ليك من واتسابي لكن شكلك ما شفتيها؟!
-ما صدقت ولا كلمة واحده منها؟! بس اتأكدت من انها شاكة في الموضوع!!؟
قلت عادي كلنا بنغلط!!! وفي الاثناء ديك جا داخل عصام؟؟ عشان كده قبيل قال لي رساله شنو شكله ما جايب خبر؟! وفجأة اتذكرت الرد الكنت مرساله؟! كان مصيبة إذا شافتو مرتو وحتى لو شافو هو يقول عني شنو؟!
الحمدلله ربنا سترها معاي؟!
شربنا الجبنة واتونسنا وفي نص الونسه عصام شال كبايه جبنتو وفات تاني ما شفتو الا بعد انا طالعة منها وراجعة علي البيت؟! قالت ليه مشيت وين انت؟!
-قال ليها موووش قلتي لو معاك ضيوف ما اقعد معاكم؟! ضحكت ضحكة مصطنعة مختلفة عن ضحكتها المألوفة وقالت بس ولاء ما ضيفة؟!
-انا فهمت انه يقصدوني انا؟! اصلا ماف مره ولا زول بيدخل عليها غيري انا وامي ووعد زاتها مررره بعد مره!!! قلت خلاص بما انه اللعب بقى علي المكشوف انا لازم احدد مصيري؟! هل اظبط اموري مع عصام ولا حأطلعو من حياتي؟! وهل صداقتي مع عبير حتستمر ولا خلاص كل واحده بطريق؟! وقلت لازم قرييييب اصل لنتيجة!!!
رجعت البيت وانا مقلقة ومتوتره !! وجاتني المكالمة العدلت مزاجي الصراحة ناس الشغل الجديد اتصلو علي وقالو قبلوني واجي بكره اكمل إجراءات التعين!! بالجد كان احلى خبر ياداب كده حااحاول ارجع لحياتي وابدا اخطط لمستقبلي من اول وجديد!!!
وامي فرحت اكتر مني طبعا لأنها اكتر زول مستفيد من قروشي!!! ضحكت وبشرتهم ومشيت طلعت دولابي كلو وطلعت غيار حلو مناسب لطبيعة العمل ونمت مبسوطه!!!!
في صباح اليوم التالي!! طلعت وانا حلوه ومظبطة نفسي ومهندمة ومتفائلة خير....طلعت الزلظ وانا منتظرة المواصلات اتفاجأ بعصام وقف جنبي بعربيتو وقال ولاء؟؟ بإستنكار كده؟!
ابتسمت وقلت الحمدلله جاتني من السماء!!!
قبل ما يقول لي اركبي فتحت باب العربية وركبت؟!
-ابتسم وصبح علي وقال لي على وين إن شاءالله!!!
حكيت ليه انه قبلوني في الشغل والليلة اول يوم لي!!!
بارك لي وفرح لي شديد وقال لي في طريقي بوصلك؟!
قلت عشان كده انا ركبت؟!
ضحكنا واتحرك؟! سألتو عن عبير قال لي كويسة وما كويسة!!
قلت كيف؟!
قال لي كل ما تاخد العلاج بتتعب!!! ومرات بتنفسن براها وبتقول حتموت وكلام سخيف من ده!!
-قلت ليه ما سخيف بس ليها حق والله اتفاجات بالمرض وبالجد حاجة بتخوف!!
قال لي ربنا معاها وكلنا معاها!!
قلت أكيد!!!
قال لي الليلة جاياها بت خالتها من بورسودان تقعد معاها لأنها ما بتقدر علي ريم ولا علي شغل البيت؟!
قلت ليه كويس والله خيرآ ما فعلت!!
وبيني وبين نفسي قلت خلاص الزوله دي جابت بديل لي وعايزة تطلعني من حياتها بالجد!!!
قال لي سرحانة وين؟!
ابتسمت وقلت لا لا معاك!!
قال لي بس انا ما حاسك معاي؟!
قلبي رجف وقلت دي فرصتي لازم اعرف هو عايز شنو بالضبط؟!
قلت ليه ما فهمت عليك؟!
قال لي مستحيل ما تكوني فهمتي وضحك!!!
قلت ليه جاده معاك فسر لي؟!
سكت شوية وقال لي انت حابه تعرفي شنو بالضبط وانا مستعد اجاوبك؟!
نواصل بعدين

❤️❤️ادمنت عناقك رغم أنه لا يحدث إلا في مخيلتي❤️❤️

#رغبة_جسد14¥
بقلم : آلاء آدم إبراهيم
كنت بهرب من رغبتي المجنونة بعصام!! بس إكتشفت أنه هروبي من الشي البألمني حيألمني اكتر!! لازم أواجه لازم اصل لنتيجة حتى وإن كانت موجعة!! لازم اخوض التجربة بكل تفصيله فيها وأكيد حأتعلم منها..!!
اخدت نفس عميق! وانا قلبي بضرب بعنف!! والكلام في طرف لساني وما قادرة اطلعه!! يمكن اكون خايفة؟! ولا ما عندي الشجاعة الكافية عشان أعبر عن الجواي!!
_قال لي ما تسرحي؟! قولي الفي بالك؟!!
_فعلاََ اصرح بالجواي!! بس لم قالي طلعي الجواك؟!
_كأنه اتصعقت بكهرباء!! واتمالكت نفسي!! وقلت بمارس معاي أسلوب التعذيب العاطفي!!؟ شكله مهوووس وبحب يشوف البنات ميتة فيه!! ولا انا ما قادرة احلل شخصيتة!!؟
_قال لي الوووو!!
_قلت ماف شيء؟! فتحت تلفوني وبقيت ادعي الإنشغال بيه!! وما عبرتو!!
_شكله الموضوع أكل معاه جنبة!! قال لي انت ليه خوافة كده؟!
_قفلت شاشة التلفون وقلت بإستنكار؟! بالنسبة لشنو؟!

_قال لي بتخافي من الرجال!! وبتخافي من نفسك؟! الصراحة ثقتك زيرو في نفسك!!
_أبتسمت وقلت شكلك مركز معاي شدييييد!!؟ بس بناءاً على شنو قلت كلامك ده!؟؟
_قال لي ما بالضرورة اكون ذكي شديد ولا مركز معاك عشان اعرف طبيعتك!! انت بنت نقية شديد وطيبة!!
_قلت ده كسير تلج ولا بياكل في رأسي!! وابتسمت لأنه ناقض مفسه بنفسه!؟ كيف اكون نقية وانا خاتة عيني علي راجل صحبتي؟!
_لم شافني بتبسم افتكر أنه كلامه عحبني وابتسمت خجلانة!؟ قال لي بالمناسبة ده ما كسير تلج دي حقيقة!!؟
_حبيت اللعب معاه بنفس أسلوبه!! انا مستحيل اصرح ليه بمشاعري!! عشان ما تبقى لي ذله لبعدين!!؟ متزوج وانا الجريت وراه وصرحت لراجل صحبتي اني مغرمة بيه!؟ لو منتظرها مني ما بلقاها!!؟
قلت عشان اتأكد لازم المح ليه وهو وفهمه تاني!!
قلت ليه علي فكره اول أمس لقيت رساله منك واتضح بعدين انها من مرتك شكلها ملخبطة بالتلفونات؟!
_ضحك وقال لي عشان كده؟؟!
_ما فهمت سبب الضحكة؟ وقلت تقصد شنو؟!
_ما تشغلي بالك!!
_قلت لا انا بالي انشغل ممكن توضح لي!!؟
_قال لي والله شكله مرضها غير في نفسيتها وسلوكياتها!! حتى معاي بقت عدائية؟!
_قلت وانا دخلي شنو في الموضوع؟!
_عاين لي بنفس الطريقة الشفتها يوم جبنة مرتو وعترت قربت اقع علي وشي؟!
وفجأة انفاسي اتسارعت واتربشت!!! بس كنت حريصة اني ما اعاين ليه تاني عشان ما يستقل ضعفي قدام عيونو!! وبقيت اعاين قدامي للطريق؟!
_قال لي كيف دخلك شنو؟! انت ما شايفة نفسك!!؟
_فهمت عليه بس اتغابيت؟!!! وقلت عارفة انا شنو؟! بس مرتك مالها؟!
_ابتسم واتكلم بتفاخر ونرجسية زايدة!! وقال انا ما بغيرو علي؟؟؟!
_ضحكتت بقهقهة؟؟! والله ما ضحكت في مضمون الكلام لأنه عندو حق ولو كان رجلي بخبيه جوووه ملابسي من الناس زيو وزي مفاتني واحد؟!
_شكله اتغاظ من ضحكتي وفسرها غلط؟! وبالجد دعمني كتير بفهمو ده!! شكله افتكر انا ضحكت عشان هو ما بستحق يغيرو عليه!؟ ولا انا ما معبراه اصلا عشان مرتو تغير!!
وسبحان الله!! لم يتوتر ولا يتغاط ما بوزن افعاله زي وضعو الطبيعي!!
حسيتو عايز يتحداني ولا يثبت لي أني ميتة فيه!!؟ لأنه حاسي بي بس عايزني ارضخ عليه واتذل ليه عشان يكون مبسوط!؟ بس ما بلقاها مني؟!
_قلت ليه وانا لسسسه ما قادرة اخبي ضحكتي!! تغير عليك؟! ومني انا!!! وتاني ضحكت!!
_قال لي ضحكك ده فاضح الجواك!؟
_يلا جاني في ملعبي!!؟ انا زوله الهجمات المرتده!! مبدعة في الردود المباغتة!!
_قلت دقيقة انت حاسي بشيء جواي ناحيتك؟!
بدل ما كنت خايفة كيف اصرح بمشاعري؟! خليتو هو يرد نيابه عني؟!
_قال انا ما قلت كده؟ بس بشكل عام كل بت تتمنى تكون معاي!؟
_قلت ليه يعني فيك شنو مميز!!؟
ولا تقصد الكرشة؟! وتاني ضحكت!!
الصراحة ما عندو كرشة بس انا وريتكم قبل المره انه صحتو كويسة!! مليان تبارك الله! بس ما سمين؟!
_يلا قفل مني الصراحة وسكت!! ما رد علي!!! بالجد كنت مبسوطة!! سبحان الله اكتشفت انه الشخص البيهواه قلبك ما بالضرورة يتغزل فيك ولا يلمسك عشان تحس بالسعادة؟! مجرد كلامة معاي حتى وإن كان مناقرة بسطني شديد!! حسيتو كأنو بقول لي بحبك؟! وفي دقيقة بقى واحد تاني!! ما نفس الشخصية المتزنة والبحسب كلامتو وبسحب عويناتو!! كان واحد اشبه بالمراهق!! المندفع والمغتاظ العايز يثبت لحبيبتو انه سمح وكسار وكل البنات عايزاه!!
شكله كل ما يسرق نظر يشوفني بتبسم وبتغاظ مني اكتر!!
وصلني مقر الشركة وقال لي يلا مع السلامة!!
شكرتو ونزلت ولوحت بيدي وقلت مع السلامة!! بإبتسامة كده!! ابتسم بس ما رد على ودور عربيته وفات!!؟
اتنفست الصعداء!!؟ حسيت بأنه فعلا حاسي بي ولو ما كان ببادلني نفس الشعور!؟ بس كفاية انه مشاعري وصلت بدون ما اصرح ولا اذل نفسي!!؟
دخلت الشركة وكأنها حقت ابوي!! ثقة الف!! فرحة فوق!! حماس ملامس عنان السماء!! خفت اسحر نفسي!! سلمت في الريسبشن ووجهوني لمكتب مدير العلاقات العامة وطلعت عليه عشان اسلم وظيفتي واشوف مكتبي وين؟! وفعلا تم الشغل بكل سلاسة!! ومع أنه مكتبنا في شركة الاتصالات كان احلى الصراحة!! بس هنا حسيت بالانتماء سريع واتأقلمت من اول يوم سبحان الله!!
ولأنه اول يوم دوامي ما كان طويل!! وقالو لي اطلعي بدري وبكره ان شاء الله حيجيك الترحيل سبعة ونص صباحاً!!
طلعت وانا مبسوطة وحتى المواصلات اتسهلت علي!! وعرفت أنه فعلا وجه السعد بالنسبة لي!!! رجعت بيتنا وبشرت ناس البيت!! وشافو الفرحة الشديده في وشي؟! افتكروها بسبب الشغل؟! لكن انا عارفة سبب فرحتي شنو؟!
استحميت واكلت وصليت ووعد حققت معاي ولون الجير حق الشركة سألتني منه شده ما حشرية وفضوليه!! بعداك امي جات من بره كانت ماف!! سألنها جاية من وين؟ قالت عبير بت خالتها جات من السفر ومشت سلمت عليها!!

الفضول قتلني!! وقلت لوعد ارح نسلم عليها!! امي قالت اصبري شويه! شكله القعاد غلبك؟! يقولو علينا شنو واحده داخله والتانية طالعة؟! خلو الناس ياخدو راحتهم شوية!!!؟ قلت امي عندها حق خليها لبعدين شويه على الأقل عصام بكون جا من الشغل عشان اشرفو؟! ومووش لمح لي بأنها بتغير عليه مني؟! نشوف الغيرة حدها وين؟ وحتتصرف معاي كيف؟! مع اني محترماها جدا وعمري ما نظرت لراجلها نظره ما تمام قدامها ولا اتجاوزت حدودي والله وكنت مقطعاها في قلبي؟! إلا لو حست بي؟ ولا قلبها وراها!!
وكنت عارفة انه علاقتنا حتخرب في يوم بس ما اتوقعتها بالسرعة دي!! ومن طرفها هي سبحان الله!!
قعدت ودردشت مع صحبتي وكانت اكعب من وعد!! كرهتني لليوم الدخلت عليها!!
وقبل المغرب بشويه قلت لوعد ارح نسلم ونجي قبل المغرب ما نقعد معاهم!! لبست توب الهزاز المكوي واتعطرت وعملت مرطب شفايف وطلعت!! وعد جات ماشة علي الممر قلت ليها لا بالباب!؟
مشت وراي وهي مستغربة!! قالت لي الحماس ده كله بسبب الشغل!! قلت ليها يمكن يكون بسبب العريس!!! ضحكت وجات مسكتني وقالت لي عليك الله احكي لي؟! اها اتلاقيتو؟! اعترف ليك؟! ضحكت وما رديت!! شفت عربيتو واقفة!! دقيت الباب وشكله كان قريب!! دقة واحدة وجا فتح الباب!! لم شفتو حسيت بحاجة غريبة!! في حنين بيناتنا ما بقدر اتخلص منه إلا وانا في حضنه!! يااخ انا قلبي وجعني من شده ما ضرب عشانه!! سلم علينا وكان ياهو عصام البعرفو من اول يوم أثر قلبي!! سلم علينا بحفاوة!! ولا كأنه الصباح كان زعلان ومتغاظ!!؟ ابتسمت!! قلبي عمل فحححح ورديت السلام!!! كنت حرصة المسه!! ايدينا اتلاقو متأكده اننا بلعنا ريقنا في وقت واحد!! وعيونا ما نزلت من بعض!! وعد قالت لينا اهاا وبعد السلام ما حندخل ولا شنو؟! ضحكنا ودخلنا البيت!! لقيناهم في البرنده!! سلمت علينا بأسلوبها الحلو والراقي!! وفضلتنا وبعد قعدنا شوية كده جات طالعة بت عشرينيه حلاتها كده من غرفة نوم عبير!! سلمت علينا وجابت لينا موية!!
حبيت اهزر معاها وقلت انت جاية تعبانة نحن ما ضيوف بنشرب برانا لو عطشانين!!
_عبير قالت لي بطريقة غريبة!! سلمى ست البيت ما غريبة!!؟
_الصراحة ما فهمت ليه قالت كده!! مشيتها ليها وما علقت!!
قعدنا شويه وسالتني عن اول يوم دوام!! وكان كلامنا عادي!! بس لاحظت بت خالتها سقيلة!! وما بتتكلم ولا بتشارك في اااي شيء زي التقول ما قاعدة معانا!! لم سمعنا الأذان استأذنا وقلت ليها مشينا!! قالت لي تمام!! جات قايمة معنا بتها صرخت مخلوعة من النوم!! رفعتها وشاغلتها وهي شايلاها بالجد اشتقت ليها!! قالت لي ما بقدر اطلع معاكم!! بتي بكت!! قلت ولا يهمك البيت قريب!! لم بت خالتها اتقدمت لينا!! قالت ليها لالا ما بتمشي بالباب بيناتنا ممر!!
_ابتسمت وقلت جينا بالباب!! وحنرجع بيه؟!
ضحكت لكن ما علقت!! رجعنا وقبل ما اقفل باب الشارع شفتو جاي داخل علي بيته!! ابتسمت ليه وبادلني نفس الابتسامة!! قفلت الباب وانا مبسوطة!!
بعداك اتعشيت وصليت العشاء!! وباليل قبل ما انوم قلت اشغلها لعصام!! رسلت قلت ليه في الواتس وعلقت علي حالها رافعها!! كان متصل لكن ما رد علي مباشرة!! وكنت متوقعة الصراحة!! عامل فيها تقيل شديد وغير مهتم!! انتظرتو غرابة العشرة دقائق حتى رد!! ابتسمت وقريت الرسالة من الستارة ببره وما فتحت الدردشة!!؟
_قال لي شكرا ده من ذوقك؟! وكيف مسيتي!!
اهااا حابي يفتح موضوع!! ابتسمت وقفلت شبكة البيانات ونمت!! الصباح وقبل ما اطلع علي الشغل رديت عليه وقلت تسلم... صباح الخير!! معاها ايموجي ابتسامة!! المره دي رد سريع!! ود علي! وقال لي طالعة علي الشغل!!؟ قلت ايواااا!!
قال لي ممكن اقدمك إذا جاهزة!؟
ابتسمت وقلت شكرا جايني الترحيل!!
رسل ايموحي حزين!!!
انا رديت بإيموجي ضاحك وطلعت!!
ياربي متين حنتكلم عادي!! متين حيفضفض لي ويفتح لي قلبه؟! متين حيقول لي بحبك وانا اقول ليه بعشقك!! متيييييين اغمر بريحتو!! وخلاص تعبت الصراحة!!؟ بعد اتمالكت نفسي جهزت وطلعت في زمني!!!
مشيت الشغل واتعرفت علي الزملاء وكونت صداقات مع الزميلات!! اما الزملاء بس بيناتنا السلام وعزموني فطور كترحيب بي!! وكنت مبسوطة بس بالي مشغول بشي تاني!!
لم خلصت وقبل ما اطلع اتصل علي عصام؟! رديت بحماس وقلت الووو!!
_ولاء كيف اخبارك؟!
_الحمد لله بخير؟! وانت!!
_طيب الحمد لله!! خلصتي شغل؟!
_استغربت وابتسمت وقلت ايواااا!!
_قال طيب جاي عليك!!
_بس انا راجعة بالترحيل شكرا ليك؟!
_ايواااا عارف! بس عايز اشتري حاجات لريم وأعراض للبيت؟! وعبير ما بتقدر تجي معاي؟! قلت اطلب منك ترافقيني إذا ما عندك مانع؟! واذا مترددة لأنك ما كلمتي ناس البيت ممكن اتصل لعم إبراهيم اخد مواقتو؟؟!

_قلت في سري فرصة جاتني وحأستقلها!! ابتسمت وقلت ما مشكلة ما بقولو شي!! طلعت كلمت الزملاء اني ما راجعة معاهم وطلعت انتظرتو جنب البوابة!! تلاتة دقايق وكان في وشي؟!
نزل تبارك الله فاقد بس الحنة ويكون عريس؟! وشو كان بيضوي وخطف قلبي!!؟ ابتسمت وجيت عليه!! نزل سلم علي!! فتحت الباب وركبت وهو كمان!!
وسالني عن الشغل والمكان واذا اتعودت؟! وقلت كلووو حلو وزي ما اتوقعتو؟!
ابتسم وقال لي الليلة انيقة ماشاءالله!! في سري وقلت انت حلو عديييييل!! وكأنه سمعني؟!
ابتسم!! وانا اتوترت؟!
ما رديت عليه!! وغيرت الموضوع عايز تجيب شنو بالضبط؟! قال لي اغراض لريم ومقاضي للبيت!! قلت تمام!؟ مشينا السوق اشترينا اغرلض البيت!! وكان بيسأل فيني وده كيف وده مناسب وده داعيه شنو؟! وانا بجاوب فيه وبضحك ومبسوطة حسيت كأننا بنتسوق لبيتنا؟! وقربت احس بأني فاقدة ولادي ومضيعاهم ونحن مشغولين عنهم!! لم مشينا لقسم الأطفال!! التاجر بارك لينا وقال منتظرين بنوتة!! انا خجلت!! قال ليه لا لطفله مولوده وعمرها تلاتة شهور إلا!! التاجر قال ماشاء الله ربنا يسعدكم!! معقوله انا ظاهر لي متزوجة؟! وهو انا لو متزوجة بتلقاني غبشة كده؟! ولا بخلي عصام يطلع!! وضحكت علي نفسي!!
قال لي مبسوطة مالك!!!
قلت ليه ممنوع؟!
قال لي لا خليك كده لائق عليك الفرح!! اتشجعت وقلت وانت كمان!!
_قال لي انا كمان شنو؟!
_ضحكت وقلت ولا شي؟!
قال لي مصيرك تنصاعي!!
_قلت شنو؟!
_ابتسم!! وقال ولا شيء!!
رداها لي طبعا!! جبت ماشة وانزلقت بكيس وموية في الأرض لمن فحطت برجلي!! ولو كان قريب مني كنت مسكت فيه بس متقدم لي بكم خطوة!! طلعنا من السوق ونحن في الطريق نزلنا الصيدلية وشلنا بكت بامبرز وعلبتين حليب!! واشترى لي عطر!! ما شفتو والله نزل الحاجات وانا واقفة بس ما عارفاه قال شنو للصيدلي!! بعد طلعنا صادفنا كافي قال لي ننزل نشرب حاجة اعتذرت ورفضت!! وقدر ما اصرعلي ما وافقت!! ما حليت اسارع الأحداث!! نمشي حبه حبه!! ورجعنا البيت وقبل ما ادخل بيتنا شكرني وقال لي تعبتك!!! قلت ده الواجب!!؟
ما عارف هو خدمني كيف بالطلعة دي!! بالجد اسعدني لعشرة سنوات!! ويمكن أكتر!!!
قال لي ما تسرحي!! ضحكت ومدا لي الكيس وقال لي هدية بسيطة!! اول رفضت بس اصر!! وقال لي كفاية احرجتيني بموضوع الكافي!! ضحكت وشلت الكيس ودخلت البيت!!! سلمت على ناس البيت وجري على غرفتي!! قفلتها علي وفتحت الكيس لقيتو العطر؟!! ابتسمت رقدتا في السرير علي ظهري وانا مبسوطة!! فتحت الغطاء وبخيت في الهواء وخليتها تنزل على من فوق وشميتها لمن نفسي كتم!! وقربت ادوخ!! وانفاسي اتسارعت!! يمكن لاني حبست الريحة جواي وما خليتها تطلع!! لم شفت اسم العطر!!! لقيتو رغبة!!؟ ضحكت وقلت هل هو راغبني زي ما انا راغباه!!؟
نواصل بعدين

♥️♥️لاشيءَ يحدثُ عبثًا
داخلُ كلِّ قدرٍ سر!!؟
يمهد الطريقَ لقدر آخر!!!! ♥️♥️

#رغبة-جسد15¥
بقلم: آلاء آدم إبراهيم
في اللحظة ديك اتمنيت احتضن عصام بعنف!!؟ واطلع كل المشاعر المكبوتة جواي من سنين!! كنت حاسة بطاقة عجيبة متحركة جواااي وكاتمة علي نفسي!؟ كان احساس حلو ومخيف في انً واحد؟؟! ما عارفة اوصله كيف؟! بس كنت منتشية حرفياً!!!
سمعت باب الغرفة بدق بس كيف اقدر اقوم؟!! كيف اخليهم يشوفو حالتي دي؟! كيف اشاركهم فرحتي!!! ما عايزة اشوف زول!! مستعدة اتعزل عن العالم كله وانا متخيلاه؟! طيب كيف إذا كان معاي وجنبي علي طول!!!؟ والله حأموت حباً فيه!!
لم وعد خبطت الباب شديد وكانت بتنادي علي!! قمت وانا مرهقة بدنياً!! قلبي برقص فرحان وجسمي دايب ومسلم علي الآخر بس منتظر الاوكي!!؟
فتحت ليها الباب وانا عيوني دايخة؟! كانت منفعلة بس لم شافتني اتخلعت!!
_قالت انتي كويسة!!
_ضحكت واتسندت علي الباب وقلت السعادة دي كلها ما باينة علي؟!
دفرتني ودخلت وقالت أمرك عجيب يابت انا بقيت اخاف عليك؟!! بقيتي زي الزول البتعاطى مخدرات!!؟
_ضحكت وقلت واحدة جرعة حب؟! بس صدقيني مفعولها أقوى من المخدر!!!
_ بقت تعاين لي وانا راقدة في سريري وبعاين للسقف ومبسوطة فبقت محتارة في أمري!!!
_قالت لي دي ريحة شنو السمحة دي؟!
_اتنهدت وابتسامتي مرسومة علي وجهي وقلت ليها عطر هدية؟!
_ ضحكت وقالت لي انت جابو ليك هدية؟! من متين بقبلي هداية!!! ولا تكون من لبنى صحبتك؟!
_ضحكت بخجل وقلت أبدا من شاب والله؟!
فزادت دهشتها؟! وقالت لي منفعله بتتذكري لم زميلي في الجامعة جاب لي هدية في عيد ميلادي عملتي لي درس عصر وكنتي عاملة نفسك واعظ ديني؟! وندمتيتي لليوم الكلمتك فيه!!! اسسسه يا دجاله بتقبلي في الهداية بدون خجل؟!
_ضحكت كانت منفعله شديد وما ادتني فرصة احكي كانت بترمي في كلامها؟!! قلت روقي يابت وافهمي الحاصل؟! هدية من شاب صاااح بس ما بالضرورة يكون حبيبي؟! وابتسمت؟! وقلت مووش من شوية قلت ليكم مشيت مع عصام جبنا حاجات لبنته ومرتو؟! فإشترى ليهم عطور وبعد وصلت البيت حتى اداني ده هدية؟! في الأول ابيت اخدو بس أصر علي؟!

_قالت لي مستنكره عصام الواحد ده؟!
_ابتسمت وقلت ايووواااا
_قالت لي هوووي اعملي حسابك لا تقولي لي عصام ولا بطيخ؟! متعرفيه من متين ياهو الشهر ده؟! ولا أقل زاتو!!
_اتقلبت علي بطني وحضنت المخدة وقلت ليها لي مالو؟! ما كان بهني رأيها فيه لأني واثقة من اختياري؟ ولم حبيتو ما كنت بعرف عنه شيء!! بس كنت متلهفة للكلام عنه؟ المهم سيرتو ولو اتذكر اسمه بس انا بكون مبسوطه؟!
_قالت لي ما عليه شيء راجل طيب وفاهم؟! وبحب مرتو!! سامعاني بحب منو ؟؟ مرتو!!!
_يمكن يكون قلبي مات؟! ضحكت وكأنها بتقول في نكتة؟! وقلت انا مالي ومال حبه لمرتو؟! دخلي شنو؟!
_انفعلت اكتر بسبب برودة دمي؟! ولاء انت متخلفه ولا جنيتي صحي؟!
يابت اسسه كان مرتو عرفت جاب ليك عطر هدية حترضى؟!
واصلا يجيبو لشنو؟! انت ساعدتيه كجارة ليهم ولا صاحبتو؟!
_قلت ليها ما فكرت في كلامك ده؟! بس لانه الموضوع عادي ما قلت ممكن تتحسس إلا إذا هي ما واثقة في راجلها؟!
_ قالت لي ولا انت تقصدي منو بالراجل المتزوج الانت معجبه بيه؟!
_انا هنا مياعتي طارت وقلبي عمل دددق؟! قمت قعدت في نص السرير وقلت ده دخلو شنو بعصام؟!!
قالت لي من خلال كلامك عنه وعن العطر ولا مبالاتك من انه ممكن صحبتك الهي مرتو ممكن تتضايق من الحته دي؟ عشان كده سألت؟!
_بالجد زنقتني في الزاوية وما عرفت اقول شنو؟! ياربي انكر ليها؟! بس انكر لشنو وكده كده انا عايزة علاقة جادة ورسميه مع عصام؟! يعني الكل حيعرف مستقبلاً؟! فإحترت اكلمها ولا اصبر شوية؟! يمكن يكون ما عايزني؟! يمكن يكون عايزني بس كعشيقة!! وما حيتزوجني؟! عشان كده قلت بعد اعرف فهم عصام شنو حتى اكلمها؟! فإتهربت من الإجابة؟!
_قالت لي انا بتكلم معاك؟؟! سرحانة وين؟!
_قلت ليها لأنك بتحكي سخافات!! وما بضيع زمني فيها؟!
_قالت لي مخيييرة وانت ادرى بنفسك وبمصلحتك لكن انا نصحتك غايتو؟!! وانا من يوم سلم ليك امس جنب الباب ما ارتحت لنظراتو ليك؟!
اتحمست بزيادة وقلت ليها عليك الله نظراتو لي كان فيها شيء؟!؟ بس كنت الغريق العايز قشة يتمسك بيها؟!
_قالت لي بحزن واضح ونبره غريبة!! يعني انت ما عندك مشكله في نظراتو بس عايزة تعرفي نوعها كيف؟ وبتوحي بشنو؟! هوووي ياولاء بقول ليك ولا زي الما بعرفك؟! اصحي علي نفسك؟! دي ما انتي؟!
_اتنهدت بصعوبة وعرفت انها حست علي بس ما عرفت أرد؟! ما بقدر اكذب عليها حتنقشني في دقيقة؟! فقلت ليها ما بعرفك الليلة مالك لكن بفكر في كلامك وانسحبت منها علي الحمام الله يكرمكم!! ما كنت مزنوقة بس حبيت اهرب؟! لكن لمتين؟! وإذا انا خايفة من اختي كيف طيب بعدين أواجه امي وابوي والناس عموماً!!! يااخ عبير زاتها اقول ليها شنو؟! وخفت لمن بطني وجعتني ومشتني الله يكرمكم!!! وكلام وعد قرب يأثر معاي لحدي ما سمت عصام بتكلم وبيضحك بالتلفون؟! شكله كان في الحوش بره؟! ضحكتو نستني وعد وكلامها وحتى نسيت نفسي!! فضلت واقفة وبتنصت علي كلامة؟! ما انتهاك للحرمات!! بس والله انا مدمنه صوتو؟! بتكيف ليه عديل وما بشبع منه؟!
ولم فاض بي الحنين وبدون ما أشعر قلت بصوت عالي وووعددد ياااا ووووعددد!!! الصابونة وين؟!
انا لا عايزة وعد؟ ولا عايزة الصابونة؟! ولا عارفة اصلا انا عملت كده ليه!!!
فجأة سكت!! بقيت ما سامعة صوتو؟! وعد ردت لي من باب الغرفة لكن ما طلعت بره؟! مالك بتكوركي؟؟ وصابونة شنو كمان؟!
_قلت ليها صابونة وجهي ما لقيتها!!!
ياريتها لو سترتني؟! قالت لي عمرك ده كله بتغسلي بصابونه الغسيل الليلة جبتي ليك صابونة زي البنات عايزة تتبوبري فينا؟! صابونتك البشيلها منو كمان؟! شوفي شباك الحمام؟!
ما رديت عليها وخجلت قلت ان شاءالله يكون فات وما سمع قله ادبها معاي؟! مع انه انا قليلة الأدب بس برضو ما برضى يتقال لي كده قدام سيد الريد؟! ضحكت ومشيت اشوفها عشان الملعونة دي ما تحس بأني مخبية شيء؟! لقيت صابونتي قاعده في حتتها اصلا ماف زول بقرب عليها بس حركات مني ساااي؟! بعد غسلت وجهي وانا بكركب في الحوش وفاتحة الماسورة حقه الوضايه؟! وانا راجعة وبجرجر رجولي في الأرض عشان يسمعني وتصرفات غبية ما بتشبهني ولا حصل عملتها؟ وانا زاتي متفاجئة في نفسي؟!! بس ده الحب!!! انا مستعده اعمل اااي شيء وبقيت ما بفكر؟! قلبي هو المسيرني!!!؟
وكنت متأكده من انه ما يناديني بالحيطة ومستحيل يسلم علي؟! بس كنت عايزاه يحس بوجودي؟! انا جنبك بالرغم من انه مانعنا حيط؟! المهم سخافة ناس كبار ولا أمور بايرات بسموها ما بعرف؟! ضحكت علي نفسي ودخلت غرفتي؟!
وعد قالت لي امي عندها وجع ضرس؟! قلت ليها من متين؟!؟
قالت من الصباح لكن برد وتاني شكله وجعها؟! تعبتك من السرير ومشيت ليها؟! لقيتها راقده مدية وجهها الحيطة؟! وما كانت قادرة تتكلم وبترد علي بيي امممم امممم!!!

سألت وعد إذا بلعت مسكن؟! قالت بلعت حبة واحدة وكانت اخر واحده؟! سكنت ليها بس شكله مفعولها راح لأنها من الصباح؟! قلت خلاص تمام بشوف ناس ع.. كنت حقول عصام؟! بس لقيت عيون وعد في عيوني؟! قلت حشوف عبير إذا عندها؟!
قالت لي خليك جنب امي انا بمشي عليها؟! اجييي شوف قله ادب البت؟! سكتت وما قلت شيء عشان أأكد ليها شكوكها؟!! واخدت نفس عميق وقلت خلاص تمام امشي انت؟!
ما مشت بالباب!! نادت بالحيطة؟! شوية كده وجاتها سلمى بت خالة عبير!!! سلمت عليها وسألتها عن ناس البيت وكلمتها بموضوع الحبوب؟! وفي أثناء ما وعد منتظراها تجيبهم؟! جات شايلاهم عبير بنفسها ودخلت بالممر!! كانت وعد واقفة منتظرة!! سلمت عليها وسألتها عن امي؟! فجات علينا في العريشة؟! سلمت علي بإبتسامة وقالت الناس المختفييين؟! سلامتها خالتو!!
قلت الله يسلمك!!! ومشت ناحية امي كانت لابسه كمامتها؟! ودنقرت فيها؟! خالتو سلامتك والف سلامة عليك؟! الليلة فقدتك وما سمعت صوتك والله؟! بس ما كنت قايلاك عيانة؟! امي ردت ليها متألمة ورجعت تاني للحيطة؟! قالت لي جيبي ليها موية تبلع الحبة؟! فعلا الموية قريبة!! اديتهم الاتنين شربو؟! وقعدت شوية وجات قايمة؟!
_قلت ليها بدري؟!
_قالت من عمرك غلاي بس سلمى براها مع ريم البكاية؟! وكمان يخسي عليك انقطعتي مني مالك؟!!
قلت ليها وانا بضحك يازوله امس انا معاك في بيتك؟!
_قالت لي جيه عشرة دقايق دي؟!
_قلت برنامجي اتغير شغل وغسيل وتجهيز غيار يومي وكلام طولت منو؟!
_ضحكت وقالت لي الله يعينك بس منتظراك؟! قلت اكيد حأجي!!!
وطلعت معاها اقدمها؟! لم وصلنا الممر قلت ليها تصبحي على خير!!
ردت وانت من اهله...وجات ماشة؟!
اتلفتت علي وقالت نسيت اشكرك شكرآ علي مشيتك مع عصام!! تعبناك معانا؟!
انا ركبي ساااحو ولمن بطني قبضتني؟!
_ضحكت وانا في وضع ما بضحك وقلت ولا يهمك ياااخ الحاله واحدة؟!
مشت بيتها وخلت الفأر بيلعب في عبي؟؟! هل كلمها فعلا ولا حست براها ؟؟! يمكن يكون ما كلمها وحبت تختبرني وانا كشحتو ليها؟! طيب لو كان نكر ولا قال ليها مشيت برااي انا اودي وشي وين منهم الإتنين!!!؟
تاني قلت دقيقة؟! وهو اصلا كلمها شنو؟! الولد ده بيلعب علي الحبلين؟! عايز مرتو تغير وعايزني اتعلق بيه؟! معقوله عمل كده ولا انا فاهمة غلط؟؟!
وانا قريب الخمسة دقايق واقفة بفكر في نفس الحته ما اتحركت؟! ابوي جا داخل من بره لم شافني واقفة؟؟ قال لي ولاء عايزه حاجة؟!
حتى انا انتبهت علي نفسي وقلت ليه قدمت عبير؟! وقلت ليه تصبح على خير وخليته فات علي امي؟!
وانا الليل كله بفكر؟! وبطلع اشوف امي اول كانت صاحية وبتئن من الوجع!! وتاني لقيتها نامت شكله برد شوية ؟! بالجد ألم الضرس ماف أصعب منه إلا الحب من طرف واحد!!!
دخلت غرفتي ونمت؟! قمت الصباح فترانة لكن لازم اقوم؟! ارتبطت بعمل انا؟! نضفت جزء من البيت وخليت لوعد العده والطبيخ وجهزت نفسي ومنتظره الترحيل؟! للساعة ٨ما جا؟! اتصلت علي السواق قال لي العربية فيها عطل وما حيجي اليوم؟!
أخدت لي زي نص ساعة كده واتصلت علي مديرتي المباشرة وقلت ليها بالحصل؟! قالت لي انت ساكنة بعيد ولحدي ما تصلي الزمن بفوت؟! اليوم خليك اووف واعتبريه راحة؟! لكن بكره ان شاءالله ولو الترحيل ما جاك تتصرفي تطلعي بدري؟!!
شكرتها وقفلت منها وانا مبسوطة؟!
بالجد جات في وقتها العطلة دي؟!!!
غيرت ملابسي واحدت لي رقده صغيرة؟! امي لم شافتني قالت لي ما كان تخلي شغلك عشاني؟! انا بقيت كويسة؟!
الصراحة خجلت اكسر بخاطرها وجيت ناحيتها انا عندي كم أم لكن؟! بستها وبقت تضحك؟! رجعت مسكت تلفوني وراجعت الماسنجر والواتس لقيت عشرات الرسائل من كذا قروب؟!!! وانا بتغاظ من الحته دي بس ما بقدر اقادر كلهم قروبات أصدقاء ودفعة واهل وانا براجع فيهم شفت بيناتهم رسالة من عصام؟! لمن اتخلعت وقلت ده رسل متين وكيف ما انتبهت ليها؟!
فتحتها بلهفة ولقيتو كاتب لي لقيتي الصابونة ولا لسسسه ومعاها ضحكة؟! فضحكت وغطيت وجهي بيدي؟؟!
فما فهمتو يقصد شنو؟! انا سمعتك؟! ولا عرف اني كنت حابه اسمعو واستلم الإشارة؟؟! فرحت شديد وما عرفت أرد بشنو؟!
بس اتذكرت انه كلم مرتو امس؟! وقلت يمكو اسأله وكلمها برضو ولا يكون التلفون معاها؟! فخليتها قلت بعد الاقيه؟!
قلت ليه التجسس حرااام ومعاها ضحكة وقلب مكسور؟؟! ما استلمها ما كان خاشي!! جدعت التلفون وطلعت علي وعد في المطبخ اجهز معاها الفطور؟!
وقلت ليها رايك شنو بعد نفطر نمشي نشرب الجبنة مع ناس عبير!! بت خالتها جاتها وتاني ما مشينا عليها؟!
_قالت لي هووي البت المرضانة دي انا جسمي بكش منها والله وما ناقصة اتعدي بأي مرض؟!
_صحكت وقلت يخسي عليك يمكن ربنا يخت فيك حاجة اكعب من كده فما تشمتي؟!

_قالت استغفر الله العظيم...ما شمتانة يابت بس الحذر واجب والله ما أمر بالهلاك؟! انت عشان ضامنة انك واخده اللقاح لكن نحن كان عطست ساااي وانا بعد ساعتين جيت استنشقت الهواء الفي محل عطستها بتعدي؟!
_ضحكت وقلت القال ليك منو؟! قالت بحثت في الانترنت؟!
المهم قالت لي امشي براك اصلا امي لسسسه جسمها خدران بقعد معاها؟!
وفعلا لم أخدت الأذن من امي؟! قالت لي امشي؟! وانا المسكينة القايلاك قاعده عشاني؟! ضحكت وطلعت علي غرفتي لبست توبي ومسحت يدي بمرطب واتعطرت من العطر الأمس ومشيت؟!
شلت لي صحنين بس منقة وفنكوش؟!
مشيت عليهم بالممر لأنه الشمس سخنة الصراحة؟! وكمان راجلها في الشغل ما حتتحسس اكيد؟!
اتفاجات بي ورحبت بي بس لفت انتباهي البيت كان مقلوب وما منضف؟! اجييي مالهم قال؟! والبت جاياها لشنو طيب؟! شكلها اتحسست وقالت لي صحينا متأخرين ؟! قلت ليها عادي اصلا كلنا فترانين اليومين دي وماشين بالعافية؟!!
جابت لي موية وشوية كده جات سلمى جابت لي عصير؟! ومشت تعمل الجبنة؟! اصلا ما بتقعد مع الناس شكلها؟!
قالت لي عطرك حلوو ورهيب تبارك الله؟! غير ريحة البرنده!!!
ابتسمت وقلت تسلمي ده من ذوقك؟!!
وقعدنا نتونس؟! وبدون مقدمات وفي عز الونسة سلمى قالت لعبير ما كلمتك بريان بت خالة أمجد؟!! جكست ليها راجل مره؟!
_انا قلبي قبضني ورأسي تقل؟! وبقيت بعاين للجبنة وللباب؟! اهرب عشان ما يخبتني ولا ما اشرب الجبنة يمكن يسمموني؟! ولا انا جبانة سااي ولأني غلطانة بفتكر كل كلام موجه لي؟!
-ليها اااي كلمتني سحر ؟! كدي احكي لي بالتفصيل ونشوف قصتها شنو الوسخة ختافة الرجال؟؟
انا بعده اتأكدت انه الكلام لي؟؟ بس شينة اقوم ولمن قلبي بيرجف من الزعل ولوني انخطف؟! وقلت ليهم احكو علينا نتعلم منها؟!
وخليتهم بعاينو لي في وقت واحد؟!!
نواصل بعدين
♥️♥️فلا انت بالقرب الذي يريح الفؤاد!!
ولي هو بالبعد الذي ينهي حبائل الأمل؟؟! ♥️♥️
يتبع