#مابعد_الرماد

"لا تُضرم النار"

#Part_5



وبقدر ما تقدر
اوعك تقارن نفسك بغيرك
انت فريد ومتميز
وفيك حاجه اكيد ماعند حد تاني ..

لو يوم وقارنت
قارن نفسك الحالية بالزمان
دي المقارنه الوحيدة الناجحه
وغيرها من المقارنات .. حرفياً غير الرجوع لي ورا ما ح تفيدك بشي


#Hiba_Ahmed



••





*فاطمة:



الباص وقف .. والمشرفين قالو انو ح نستريح لمدة ٤ ساعات هنا ، لأنو الدنيا ليلت والشارع كعب .


اي حد فينا شال حاجاتو ونزل .. اتوجهنا لي داخل الفندق " فندق صغير او استراحه ممكن نقول عليها "


المدخل كان كلو نجيلة وحوالينو في قطاطي مزينة بأنوار خافته من برة .. الازيار وقعدات خشبية مجدعه حوالين المكان ، الجو كان بارد شدييد ومع الشجر والنجيلة ذاد البرد أكتر ، دخلنا الاستقبال .. كانت صالة كبيرة وفيها صور عن التراث السوداني .


تقريبا الفندق ده بينزلو فيه السُياح اكتر شي ، عشان كده عاكس حضارة البلد بطريقه حلوة .
ونحن في الاستقبال المشرفين قسمونا
الشباب في الجناح رقم ٨
والبنات حايكونو في رقم ٥

متوكل ده طنطن لمن الله غفر ليه

وبي صوت فضيل : عاد تفصلونا كيفن يعني !.


••


شلنا شنطنا وطلعنا على مجموعتين .

الحسن قالينا انا وراما لو ما تعبانين تعالو تحت
راما قالت ليه انا ماشه انوم تعبانه شديد
الحسن قاليها كيفكم ..فاتتكم عزومة قهوة


طلعنا الغرف في الجناح رقم ٥
الغرف عادية مافيها شي يجزب
نضيفه ومنظمة بطريقه بسيطة ، والاوان كانت هادية .. الجناح فيه ٤ غرف
ونحن ك عددية كنا ٥٧ واغلبنا شباب

البنات ما بيفوتو ١٥ بي المشرفه

اتقسمنا ع الغرف
انا وراما ومعانا وحده اسمها ميناس
الاتنين ديل م اتفاهمو نامو طوالي .





عاينت بالشباك لقيت ب ورا الفندق في جلسات حلوة شدييد
لبست الجكت بتاعي ... وشلت التلفون والبوربانك +الكاميرا .

نزلت تحت وطلعت بالباب الخلفي
الساعه كانت ١ ونص .

جاتني افكار كتييرة في راسي
انا جنيت شكلي المطلعني الساعه ١ شنو والناس كلها نايمة !

سمعت صوت حيوانات ، بس .. ده ماصوت كلاب
ده صوت شنو ي ربي !

والمشكلة دورت بيني وبين عقلي ..

انا :خلينا نقعد ياخ الجو حلو والدنيا هادية والمكان ظابط للتصوير

عقلي : جنيتي ي بت في الصقيعه دي وبت براك والدنيا شبه ضلام .. م بتخافي ما سامعه صوت الحيوانات دي ..قومي خشي جوة


وفي النهاية قررت م اشتغل بي كلام عقلي ك العادة ..💁‍♀️

بديت اصور ..

الساعه ٢ جات
قفلت الكاميرا ودخلتها في الشنطة .. فتحت تلفوني وبديت اكتب عن اليوم وتفاصيله..

لما قفلت التلفون لقيت الساعه ٣ الا
الساعه دي احسن امشي ارتاح فيها لانو يوم بكرة طويل .


وانا طالعه من المكان وداخله على الممر
اتهيأ لي انو في حد ..
عملت رايحه .. بس صوت الخطوات خلتني اقيف مصدومه في مكاني .. " انا لما جيت ماكان في حد ! .."

بقول لنفسي واصلي.. م تتلفتي
بس كيف مااتلفت وانا الشمار حيقتلني في يوم
Surprise 🙂

كانت حاجه طويلة جداً ..
اجري؟!
اجري يفاطمة .. اجري
(ده عقلي طبعا )
جريت ..
لما حصلت باب الفندق .. قبلت تاني عشان اشوف هل انا بتخيل ولا دة فعلا جن !
لقيت الحاجه الطويلة لسه في مكانها ..

اتلفت عشان اواصل جري .. بس تاني عاينت

ده جن .. اكيد جن
جن طويل كمان

كل آية جات في بالي نزلتها وجرييت
ماحسيت بروحي الا وانا جوة الغرفه ..


بشيل في نفسي ..
خفت
الخوف الواحد دة
جن واقف وبيعاين لي عاد البيخليني مااخاف شنو
ي ربي ح يلبسني ..

لالا بسم الله .. اطردي الافكار دي من راسك ي فاطمه
اعاين لي ديل القاهم نايمات نومة عميقه .. لو الواحد مات م بيشهودوه .

قمت اتوضيت وصليت الرقيبة اساسا الفجر قرب يأذن
طلعت كرواسون من شنطتي بالدس
.. فتحت الصور اعاين ليها .. عسى انسى الجن الشفتو قبيل

اندمجت مع الصور لغاية ماجات صورة ظاهر فيها الجن القبيل
صنيت مسافه
فاطمة الله يهديك مافي جن بيظهر في صورة !

ضحكت على هبلي
الخوف بيعمل اكتر من كدة ..

قربت الصورة لقيتو مركز مع الصورة بنفس النظرات القبيل .


اطمنت اكتر وقفلت الكاميرا
ونمت
ماصحيت الا براما وهي بتقول لي الزمن جا ي بت قومي.


••


: ايوة ي سعيد .. لا خلاص جاهز .. اوك
تمام .. نفس اللوكيشن الرسلتو ؟! طيب تمام .. نص ساعه بس.

انهى المكالمة .. قام بتثاقل ييحرك راسو يمين وشمال .. ماقدر ينوم ليلة أمس .

الشغل كان كتير جدا والايميلات المحتاجه ترجمه أكتر .. فعدا الليل كلو وهو بيشتغل

_

ذي الساعه ٢ صباحا .. طلع عشان يشرب قهوة ويصحصح اكتر
شال قهوتو وفتح تلفونو .. مر ع المواقع ورد ع رسايل اصحابو ورجع قفل التلفون .

وهو بيشرب في القهوة .. عاين بإتجاه السور .. لقى بنت قاعدة في كراسي الاسمنت المعمولة على الطرف .. وورا السور عبارة عن خلا!

هي نصيحه يعني!
في حد نصيح بيقعد في حته ذي دي .. آخر الليل وبراهو؟!
وتلفون وكاميرا ؟!
.. لا دي اكيد جنت
الفضول قيدو ف ماقدر يد

#”صبرا_جميلا”
#ذات_الرداء_الأسود♡
#Part_5
✷✷✷______✷✷✷
القناعه كنز لا يفني ،، لا تطمع لكي تعش بسلام
✷✷✷✷✷✷✷✷✷✷✷✷✷
بعد مرور 5 سنين.
تقف تلك الفتاة أمام المحكمه العليا هي وأخوانها 3 وصديقتها المقربة نعم هي عائشة لم تستسلم يوما ولن تستسلم أبداً.
بلسان عائشة.
اليوم محكمة عمي ناصر لأنو قبل خمس سنين البلطجي الاجرو اعترف ماعارفة كيف ومتين ولي ولكن اعترف أنو عمي هو الحرضو أنو يقتل أبويا وأنو بيتاجر بالمخدرات .
دخلت المحكمه وشفت عمي ناصر خلف القبضان 😶وكانت أصلا الجلسة خلصت وقال القاضي
بعد الإطلاع على الأدلة تعلن محكمة....بإصدار الحكم إلى السجين ناصر أحمد...بالسجن مدى الحياة رفعت الجلسه ارتفعت الأصوات في المحكمة منهم الفرحان ومنهم الحزين على عمي ناصر وصراخ عمي وهو بيقول
ناصر بصراخ..كل بسببك ،كل بسببك
أنا عاينت ليهو قبل ما أطلع، وجريت طلعت أخواني كانو كانو عاوزين يلحقوني ولكن ماقدروا بسبب الزحمة، ركبت العربية واتحركت بسرعة ووقفة في مكان اشبه بالجبل قصاد النيل نزلت من السيارة وقعدة في الارض وانفجرت في البكاء
أنا بصوت عالي..جبت حقك ياأمي ييييييي
وبعد مسافة من البكاء جاني صداع شديد ركبت السيارة ولكن من التعب ماقدرة
شلت تلفوني واتصلت على مصطفى
أنا بتعب..الو مصطفى
مصطفى.. وينك يابت
أنا بتعب.. والله حبيت اقعد براي شويه
مصطفى بقلق..ومالو صوتك متغير كدا
أنا.. والله تعبانة وماقادرة اسوق العربية
مصطفى بقلق.. خلاص خليك أنا جاي أنتي وين
أنا.. وصفة ليهو المكان وقلت ليهو جيب واحد من ناس محمد عشان يسوق لي العربية
مصطفى..طيب ماتتحركي
قفلت الخط وقعدة اذكر الاحداث من قبض عمي يوسف وعمي ناصر وموت حبوبة بصدمة 😨 وانتحار عمي يوسف ودخولي الجامعة وتخرجي نهاية السنة دي وفتح مستشفى خيرية بإسم أمي يديرها محمد وأحمد واستلام مصطفى إدارة الشركات واستكشافي مرضي بالسرطان في الدماغ في مرحلة مبكرة وهبدأ العلاج بعد التخرج ومافي زول بيعرف غير خديجة.
✷✷✷✷✷✷✷
لكل ظالم نهاية🥀🍂.
✷✷✷✷✷✷
بعد مسافة وصلو ناس مصطفى هو والجماعة الطيبين
نزلت من العربية ولكن حسيت بدوار فقعدة في الأرض وسندة رأسي على السيارة جوني جاريين
مصطفى بقلق..مالك ياعائشة
أنا بتعب..يا أحمد هتلقى في شنطتي حبة جيبا لي مع الموية الورا
أحمد..جابا لي ..وقال شنو دي الحبة
أنا..بتخفف الصداع
اداني وبلعتها وسندني محمد لحد العربية بتاعة مصطفى وأحمد ساق عربيتي.
نكمل بلسان أحمد.
بعد ما ركبو العربية وأنا ركبت عربية عائشة فتحت الشنطة وشلت كرتونة الحبة قريت اسمها
أحمد في نفسو ..لاحبة مسكنة ولا اسبرين طيب هي شنو فاتصلت على صحبي الشغال معاي في الصيدلية
أحمد..آلو ياكريم
كريم..اوه يامان كيف
أحمد.. تمام كنت عاوز أسئلك من حبة...دي بتاعت شنو؟؟
كريم.. بتاعت مرض السرطان لي
أحمد بصدمة.. سرطان متاكد
كريم.. أيوة والله لي
أحمد بصدمة.. بعدين هقول ليك
بعد ما قفلت قعدة افكر لي عائشة بتبلع حبوبة سرطان
اذكرت أنو عائشة الصداع دائما بيكون عندها وبتتعب طيب هي لي ماقالت لينا وأنا قاعد أسوق ألقا عربية ناس مصطفى وقفت وأنا زاتي وقفت ولقيت محمد ومصطفى قاعدين في الكرسي الورا مشيت عليهم
أحمد بقلق..مالكم وقفتو
محمد..عائشة أغمى عليها
أحمد.. منتظرين شنو يلا نتحرك على المستشفى
مصطفى بقلق..يلا
✷✷✷✷✷✷✷✷✷✷✷✷✷✷
نكمل بلسان عائشة.
طبعا من شدة الصداع ماقدرة استحمل فما حسيت بنفسي وإلا أنا في غرفة بيضاء وحاولي أخواني
أنا بتعب..امممم
محمد..بقيتي أحسن ياعشوش
أنا بتعب..أيوة لوممكن طلب
مصطفى بقلق..أيوة
أنا بتعب..جيب لي تلفوني
لقيت أحمد بيمد لي تلفوني وهو ماسك دموعو ابتسمت ليهو ابتسامة باهتة
واتصلت على خديجة وحكيت ليها وقالت لي أنو هتمشي المستشفى تسبقني وتقول لي الدكتور
أنا.. مصطفى
مصطفى.. أيوة
أنا..عاوزة امشي مستشفى سلوى حسي وهتعرفوا كل حاجة لما نوصل
محمد بشك.. طيب ماتقولي هنا وخلاص
أنا بتعب..هناك بيكون أحسن
طبعا ركبنا العربية وطول الطريق ساكتين لحد ما وصلنا ونزلنا ولقيت خديجة والدكتور منتظريني بالكرسي المتنقل محمد سندني وكلهم علامات الإستفهام مرسومة على وجوهم قعدة في الكرسي واتحركنا على غرفة الأشعة دخلت الغرفة والباقيين
كانوا منتظرين برا
مصطفى بعصبية..ماتتكلمي يا خديجة
خديجة..حكت ليهم من طق طق إلى السلام عليكم وقعدة تبكي
مصطفى بخوف على اختو..أسف..
قاطع كلاموا خروج الدكتور
أحمد.. كيف عائشة يادكتور
الدكتور.. نحنا ضروري نعمل العمليه بكرة وحسي هيتم نقلا في غرفة عادية
بعدها نقلو عائشة وبدأت حصت العتاب😒

#"دموع_العيـــــد"
#ذات_الرداء_الأسود♡
#Part_5
✷✷✷_____✷✷✷
صحيت مع آذان الصبح مادام آذن قررت أنو امشي المسجد الجمبنا فاستحميت وغيرت ملابسي وطلعت وقفلت الباب وراي وطول الطريق وانا بستغر لحد ما وصلت وصليت تحيت المسجد وصليت الفجر جماعة وقعدة أقرا قرآن لحد ما الشمس طلعت
✷✷✷✷✷✷✷✷
أفضل وقت تقرأ فيهو القرآن هو بعد صلاة الصبح وأصلا القراية في الوقت دا بتحسسك براحة وسكينة وسعادة ،،حاجة كدا عجيبة 💗🍥.
عن تجربة...
✷✷✷✷✷✷✷✷✷
بعد ما طلعت من المسجد لقيت ناس الدكان بيعملوا في طعمية وكان في عيش سخن اشتريت فلافل وعيش سخن وشوية طماطم وعلبتين بيبسي ومشيت البيت اها دخلت وشربت الشاي وقعدة في التلفزيون وأنا أحضر مباراة رن تلفوني
تتننن تنننن
أنا.. سلام عليكم
عمر.. وعليكم السلام يامحمد لووممكن طلب😁
أنا.. عاوز شنو
عمر.. عادي اجي افطر معاك
أنا.. سبحان الله من متين بقيت مؤدب كدا
عمر..من يومي 😏،،اها رأيك
أنا..اممم ،،طيب لكن في شرط
عمر.. خير ياطير
أنا..تحترم ولا مافي فطور
عمر..لا لا خلاص أطلب وأنا انفذ
أنا..جيب كاتشب وشطة
عمر بصدمة...ها
أنا..السمعتو ولا ماف فطور
عمر.. خلاص طيب بس..
وقفلت الخط في وشو ((مين قال أني طيب 😈😈😁)) مشيت جبت العيش والطعمية وباقي الحاجات وانتظرت عمر
بعد مرور 5 دقائق
طخخخ طخخخ طخخخ الباب كان بيخبط لقيت عمر شايل الحاجات ودخل البيت
عمر بحماس.. الفطور بشنو
أنا بكل فخر.. طعمية
عمر.. لااااا وأنا أقول فطور محترم
أنا.. فطور شنو بيختو فيهو كاتشب يازول
عمر.. أتقدم عشان ألحق أكل لأنو هموت من الجوع
أنا..من يومك مابتشبع ،،وماداكلو ماظاهر عليك
عمر..لأني بحرق دهون
أنا بتمتم..قال أحرق دهون قال
ودخلنا جوة وقعدنا نآكل ونشرب بيبسي
أنا.. حسي يا عمر أنت جاهز لمهمة بكرة
عمر.. أيوة
وبعد ماخلصنا الفطور قمت وغسلت العدة وعملت كبايتين شاي وقعدنا نرغي لحد ما تلفوني رن تن تننن تننن تننن تنننن
أنا..آلو
👤..ياحضرة الرائد عاوزينك أنت والرائد عمر ضروري الآن
أنا.. ثواني ونكون عندك ياسيادة المقدم وقفلت الخط والتفت على
أنا.. سريع ياعمر قوم البس عشان عاوزيننا
عمر بجدية.. خلاص طيب وقام مشا
وأنا مشيت استحميت ولبست ملابس الشغل وشلت سلاحي وخطيتو في الحزام
وطلعت ولقيت عمر منتظرني في السيارة وركبت جنبو وطول الطريق وانا بفكر شنو بيكون عاوز منا المقدم.........يتبع
⁦～⁦～⁦_____⁦～⁦～
تفكير تفكير تفكير وهنقعد نفكر لي دا كدا ولي داك كدا وهيحصل شنو وهتسحبنا دوامة التفكير لي مكان بعيد وحاجات بعيد بس أنا عندي الحل؟؟
شنو هو ؟؟
التوكل على الله عزوجل..‹توكلت على الله ›