【暴動候審女店長有話兒】#限定店長
雖然唔係好有資格講呢句，但係希望大家仲抱有希望，無論係其他人、香港定自己生命，生活喺呢度我知道好辛苦好困難，情緒唔易穩定，穩定到已經好叻，無需要再奚落自己貶低自己。睇到呢段嘢既咁多位你地捱到今日已經好值得稱讚，每次每次打擊都只會令我地更強壯，每一個曾相遇既都祝福你哋…

我對你地嚟講只係一個過路人，就好似你地對我嚟講名份只係手足，我唔清楚你地經歷好似你地唔清楚我一樣，希望你哋買份pancake既時候唔係諗緊買贖罪卷，而係俾份支持真店長同一日店長，我哋無人有真正既錯。

奈何呢個法律遊戲，並無一條完整抽身既路，罪會認但情況唔係我認哂罪就處理到，一個專業既律師我唔會judge佢，坐最少已經輸少當贏，但凡我只有一條罪我都會獨身上court答辯。

永遠都覺得自己做唔夠做唔夠，又想保護其他人既責任感導致呢個地步，一個大愛撚唔易做，係自己一手一腳決定，曾經有人問過我後唔後悔，在外求情時：「後悔當然後悔，你唔覺得好傻咩？」在內唔駛多講，內疚感始終深過所做既一切。

我現身唔係為證明我做左幾多付出左幾多，只係身不由己，仲好唔鍾意要拋個身出嚟同人講做左咩既自己，明明9cake自己盈虧已經唔係下下賺憑咩要幫我？已經同上次一日店長嘈左好多次唔想攞呢個所謂光環去賺錢，但係我始終都要向現實低頭。

盡管講到咁，當日我都係會拎最好既笑容去面對每一個願意嚟支持既咁多位…
我會為左曾經幫過我既每一位而拼命挨落去，唔知你地有冇聽過送車師，即係追囚車拍車窗個啲呢。

而家到我講返個句啦：手足撐住啊！;)

IG: @hk9cake
#手足 #暴動罪 #店長 #沒有暴徒只有暴政 #葵涌廣場