醫院管理局尋日（26）下午舉行，「大灣區專科護理知識交流計劃」記者會，3名廣東省護士聯同總護理行政經理見記者。有記者質疑佢哋廣東話水平與香港老人家溝通會否有困難，同英文水平能否睇到病歷，大陸姑娘就表示冇問題。醫管局就話，首批70名護士已經喺4月中抵港，而第二批100名廣東省護士預計最快今年底來港或明年初來港。

大陸姑娘就話：「有啲時候可能我小聲啲（細聲啲）佢哋聽唔見，咁我咪大聲啲囉！哈哈。」佢又話以前讀書嗰時都有學過英文，「同埋我而家都有讀英文文獻」，認為英文冇乜問題。

被問到喺異地工作會否大壓力，三位姑娘又大讚工作環境「好好」，無甚工作壓力之餘，亦感到「好開心，真係好開心！」

首批來港交流的廣東省護士，現時喺各聯網嘅內科同老人科病房參與基礎臨床護理工作，並逐步喺專科護師指導下，參與更多專科護理，以及參觀老年社區設施。// @gongjyuhok

#廣東省護士 #大陸姑娘 #大陸護士 #換血 #醫管局 #廣東話 #中国護士