// 今日係 11.18 三周年，諗返起當年今日凌晨被捕，坐喺爆滿嘅旺角警署臭格，被提堂並因案情嚴重而即時還押，再到一年後判刑先至獲釋。磨人嘅兩年三個月期間，我經歷過人生嘅高低跌宕，生離死別。但患難生忍耐，忍耐生老練，老練生盼望，我因此而成長不少。

開頭嘅日子非常難捱。牆內手足唔多，每一步只能自己摸索：監房嘅環境係差，但絕唔係大家想像中嘅烏煙瘴氣；監房嘅黑社會係多，但絕唔係大家想像中嘅窮凶極惡，而牆內手足都能互相照顧。團結捱過去，加上牆外嘅關注同支援，我亦總算可以慢慢適應，苦中不忘作樂，一步一步行落去。

放學後我本來可以重拾本行，遠離政治，但作為刑期較長，較早釋放嘅一批手足，我決定用自身嘅經歷去幫助他人。輾轉之間就喺候鳥度工作咗大半年，幫助手足、家屬了解監房嘅環境同生活，免除因未知而造成嘅恐懼，以至一起同行。愛係唯一可以跨越高牆，超越時間同空間嘅事物。期間有幸結識唔少善良嘅同路人，大家明知自己做緊一件吃力不討好嘅事，依然堅持行落去。

放學後過咗第一個正常嘅生日，過往願望總係「世界和平」之類，但今次狹窄少少，只希望各位手足能苦盡甘來，香港他日唔再需要在囚支援。

牆外候審手足嘅日子都絕不比起牆內手足好過。理大事件已過三年，但根據《法庭線》嘅報導，現時被控人數只係當時總被捕總人數三成左右，完結嘅案件只佔總數 6% 左右。司法程序緩慢，唔少案件拖到 2023、24 年先開審，更有大量手足因審訊無期，連提前認罪，求個了斷都做唔到。佢哋每日生活喺徬徨與不安之中：每週要簽到幾次，守宵禁令，難以就業，想移民卻被沒收旅遊證件，心理壓力日漸增加，甚至因此患上情緒病等。反而最近見有手足被判刑後，就算面對長達三年嘅刑期，卻如釋重負，因為件事終於有個了斷，睇得見痛苦完結嘅日子。

最後，想以一段詩詞勉勵大家：
“Do not go gentle into that good night;
Old age should burn and rave at close of day.
Rage, rage against the dying of the light.”

苦難不可避免，黎明有排都未到，但我哋可以挺起胸膛面對黑夜。//

#候鳥 FB / IG @waitingbirdhk

#候鳥平安包 #在囚支援 #在囚物資 #在囚手足 #毋忘手足

🎄聖誕卡資訊~🎄
就嚟到聖誕節啦，都係時候買定聖誕卡俾牆內手足寫下卡！

記得聖誕卡只可以入單層、冇機關、冇閃粉，總之最簡單嗰種就啱架啦！

男監而家可以無需申請下直接入 10 張聖誕卡 + 10 張信封 + 1 本郵票（10 張 $2.2），但記住要三樣野同時入，就算牆內手足唔寫卡都可以照入，當入多本郵票！

女監就需要牆內手足申請「聖誕卡郵票」，先可以入聖誕卡同時入郵票，所以記住提手足申請！但係只限聖誕入一次郵票，下一個月入卡都係好似平時咁，淨係可以入 10 張卡連信封！

暫時已知入到聖誕卡連郵票嘅監房：赤柱、壁屋（成人）、塘福、大欖女、羅湖

至於寄聖誕卡俾手足當然都可以，不過監房規矩每人只可以keep住20張卡，多過20張就要扔或者出翻俾屋企人。同埋如果手足收到嘅聖誕卡數量過多，都會影響佢收日常信嘅速度

根據過往經驗，郵局聖誕信件截郵日大概係聖誕前一星期，想寄聖誕卡俾牆內親友，睇住時間啊！

大家探訪嘅時候留意下！預祝各位牆內牆外嘅手足聖誕快樂~🎄🎄🎄

Posted by #候鳥 FB/IG @waitingbirdhk

#在囚支援 #在囚手足 #聖誕卡 #Christmas #Xmas #毋忘手足 #和你寫 #和你寄

2023 年 1 月判刑整合

踏入新一年，社運後續的審判未有放慢腳步。剛過去的 1 月，共有 44 人（37 男 7 女）因社運案獲刑，當中只有一人無需判監。除了勞教中心（一般刑期 7 個月）和教導所（一般刑期 18 個月），43 人之中最短刑期為 3 個月，最長為 52 個月。

2023 年 1 月判刑的刑期中位數為 38 個月，看似比上個月短（48 個月），但值得留意的是，1 月判刑的案件中，認罪被告的比例亦由 22% 按月增加至 36%。除此之外，選擇不認罪的暴動案被告刑期平均為 48 個月，比認罪的人高出 19 個月，可能反映社運案被告有見定罪率持續高企，加上判刑嚴厲，寧願放棄抗辯以換取較短刑期。

聖誕餘溫未冷卻又迎來農曆新年，除了 9.29 金鐘、 11.18 理大暴動案持續分批開審、裁決與判刑，「立場案」與「47 人案」的審訊過程也不斷刷新大家的觀念，唯一喜訊或許只有懲教重開「額外探訪」，讓已判刑的在囚人士在每月兩次探訪之外，額外申請兩至三次直系親屬專用的探訪名額。

隨著疫情措施解除，鼓勵大家善用旁聽權利到法庭支持手足，亦可以購買候鳥平安包，讓我們將在囚物資轉交有需要人士，也可透過封信子 @fung1seon3zi2、毋鳴 @bugle.2019 等組織與在囚人士交筆友，與牆內手足保持聯繫。

候鳥服務熱線｜6012 5534
#候鳥 FB / IG｜@waitingbirdhk

#候鳥平安包 #在囚支援 #在囚物資 #在囚手足 #毋忘手足 #與手足同行

MAY 7 「溫哥華手足」街站義工招募：關注在囚手足

自從通過國安法後，香港人權民主狀況極速倒退，大批市民被指控違反國安法、參與初選嘅泛民人士喺審判前已囚禁超過兩年。近期因為網上言論而被捕、被監禁嘅人更不斷增加，以言入罪情況愈趨嚴重。
而家喺香港遊行都要掛牌圍圈、申請遊行都會面對無可想像嘅威嚇，基本人權自由完全受剝削。

「溫哥華手足」將喺5月7號（日）舉辦街站，呼籲海外港人同本地人關注香港人權狀況，強烈要求釋放所有政治犯！持續支援細葉榕！

當日Anvil Center 內有「香港人市集」，我哋希望藉住咁多香港人聚集，鼓勵更多香港人嚟到海外都唔好忘記香港嘅手足，了解而家嘅自由係建基於無數在囚手足嘅犧牲，海外嘅我哋係絕對有責任持續關注香港情況！
街站好需要大家幫手！

日期：2023年5月7日（日）
時間：1:30-5:00pm
地點：Anvil Center 外, New Westminister

可以幫手做義工或有任何查詢請聯絡：
- IG PM @vanactivistshk
- TG PM @VAHKTeam
- email: vanactivistshk@gmail.com

#溫哥華 #Canada #在囚手足 #聲援在囚手足 #冤獄 #莫須有 #以言入罪

Artist @batyingmeng

不認命 • 岑敖暉
三十生日平安 祝早日團聚

#岑敖暉 #Lester #不認命 #生日平安 #在囚手足 #毋忘手足 #撐同路人

廣傳！告急！在囚手足需要你！
捐款入不敷支，儲備只剩約八千鎊！細葉榕人道支援基金 @bonhamtreeaid 已無法應付今個月的支援服務！
155位因為抗爭判囚手足，還有近百個等候個案，急需你的捐款支持！

安全捐款，支援在囚手足！

9月所需捐款額：£58,900
9月推算月捐款額：£31,509.86
9月尚欠捐款：£27,390.99 (約HKD$270,000)
儲備僅餘：£8,444.87

支援手足，刻不容緩，
立即捐款！立即廣傳！

捐款連結： https://www.bonhamtreeaid.org/donation

#細葉榕 #毋忘手足 #捐款 #課金 #人道支援 #在囚手足 #還押人士 #告急

報平安、求支持：候鳥未死！

候鳥向各位報平安。上星期朱仔被拘捕，打擊當然不可謂不大。經過馬拉松式會議，我們回答自己最內心的問題：「還要不要繼續？」答案是很自然的肯定。

最近半年來，候鳥服務的個案仍然眾多，雖然感激大家長期撐住，平安包銷情不俗，但庫存早已透支。到 10 月底為止，平安包儲備如下：

還押｜-55
在囚｜-52
小食包｜-118

預計 3 個月開銷 — 還押 120 / 在囚 180 / 小食包 120
總需求缺口 — 還押 175 / 在囚 232 / 小食包 238

我們預期未來幾個月，平安包需求將仍然高企，存量將更為告急，更需要大家的支持！

購買平安包
linktr.ee/waitingbirdhk

另一方面，候鳥平安包去年初推出以來，物資成本不斷上漲，不少主要物品如內褲、朱古力、蔥餅，來貨價增加逾一至兩成，個別如爽身粉，更因為品牌與款式改變，由十餘元暴增至近百元。所以，我們唯有調整平安包價格，希望大家理解。

留下來照顧無法離開的人，過這樣的生活，這是我們的選擇。
更以後的事無法預計，未來一段短時間內，我們將會致力維持服務。

候鳥希望得到各位支持，可以嗎？

候鳥服務熱線｜6012 5534
候鳥 FB / IG｜ @waitingbirdhk

#候鳥 #平安包 #waitingbird #在囚支援 #在囚物資 #在囚手足 #毋忘手足

#王逸戰 #WongYatChin
#毋忘手足 #在囚手足 #冤獄 #沒有暴動只有暴政