#王宗堯 #七一立法會案 #求情信

法官閣下，

我的名字是王宗堯。

首先我想感謝你在這次審訊之中，你對我地每一位上犯人欄嘅作供都非常用心地聆聽。
在2019年9月30日被捕，當時我40歲。之後，我的人生，相信同好多不同嘅香港人一樣，停頓了下來。

40歲之前嘅我一直將表演/演戲視爲終生事業。

好多人話，戲劇係可以反映生活，係可以同社會，同時代連結在一起。戲劇亦都係可以幫助大家對話，戲劇亦都可以安撫大家嘅心靈。

在演戲上面，我遇過很多無私地願意教導年輕人嘅前輩，我遇過翁靜晶，曾江，廖啓智，吳孟達等……

係佢地嘅身上我學識咗「學做戲先學做人」
要專業之餘更時常懷著謙卑同助人嘅心。

所謂「活到老學到老」我一直都視佢爲我嘅一個終身嘅課題，希望可以用我嘅作品去演活同接觸更加多不同人嘅心靈。

然後，40歲當天之後，我已經被迫離開我這個由12歲開始接觸的工作。

這五年間我好努力地為留下來的自己增值，我同太太最近亦都開始了我們的小食店，希望可以帶多一點開心嘅氣氛俾到社會大衆。

我很感激在最困難嘅時候遇上咗我嘅太太，得到佢同家人對我嘅包容，陪伴同理解，在這五年間亦為我擔驚受怕，替我分憂，同埋面對未來要受到刑責嘅種種不確定性。

面對父母年紀開始漸大，自己亦擔心自己在身邊不能好好照顧佢地。自覺愧對了他們栽培同養育之恩。

然而，我爸爸，我地同讀嘅英華書院，都同樣地用「篤信善行」去鼓勵我。

要常懷善心。
要樂於助人。

我相信，無論這次的刑期有多重，在負上這次社會責任之後，我仍然會懷著一顆最真誠心，去幫助社會上有需要幫助的人。

我亦相信同盼望，
在大家一同努力之下
香港，
會走得更好，
會走得更遠。

再次感謝法官大人聽取我嘅求情。

第八被告
王宗堯
謹啟