後國安法年代，香港社會充斥住嘅唔只係無力感。我哋面對住更大嘅問題係: 一整代有革命潛力嘅香港人民有意無意哋進入左一個去政治化嘅氛圍，將民眾嘅組織、改變現狀嘅力能全權上繳晒比一群觸不可及嘅代理人，以為大局已定，因而甘願接受自身對革命熱情冷卻。

我哋喺思維上，其實一直被各種建制同殿堂政治之類，及其現有嘅行動框架所束縛而不自知。

現有系統推緊嘅嗰種似有還無嘅希望政治，係極具催眠性同依賴性嘅政治，完全架空左以人民為單位嘅動員力，淨係鼓吹信奉只要說服某少撮西方精英就可以勝利嘅思想。

嚟到呢一個關口，我地嘅當務之急，係點樣可以重新帶出香港人對自由(emancipation)嘅慾望。最首要嘅解決方法，就係要揭示現有模式所帶嚟嘅絕對絕望。

要先破才能有後立。所以嚟緊有乜野可以做？答案就係除左現行框架之外乜_嘢都可以做可以試，就係驚死你唔敢做唔敢試。

我哋輸淨嘅，就只有身上嘅枷鎖；我哋贏得嘅，係一整個世界。

八月三十一號，我哋喺公共服務論壇(vol. 2)，以公開網上形式再續上述討論。Google Meet條link會喺當日於@hkpaceofficial Instagram bio發佈，各位屆時再會。

#831 #網上論壇 #後國安法時代 #抗爭到底