感謝手足 #無懼白色恐怖, 堅持 #抗爭到底 ！
#貼紙師 #連儂 #流動連儂 #全民文宣 #文宣戰線 #多你一個好多

Chickeeduck荃灣新店前日傍晚被警員圍封搜舖，但未有帶走老闆周小龍同店內任何物品。好多市民喺事後到場「懲罰」Chickeeduck，店外大排長龍，男女老幼都有，到噚日都仲有好多人去。

當中嘅兩位女士Wendy同阿怡，分別係由元朗同香港仔專誠嚟到荃灣支持，佢哋排完一次隊、各自買咗差唔多10件貨品，但買完都係覺得唔夠喉、想再支持多啲，於是再重新排一次隊，仲話甚至有喺外國嘅朋友特登托佢哋嚟買。

Wendy同阿怡覺得嚟排隊買嘢係為咗支持同表態，「冇理由打壓呢樣嘢」。而佢哋亦都對前日搜舖感到憤怒，覺得警方「完全唔合理、根本冇交代過任何理由（搜舖），問佢咩原因又話唔答你住，搞完你一輪又話唔答你住」。

講到周老闆表示唔會畏懼白色恐怖，佢哋都表示好敬佩，話「其實唔淨止周老闆好堅持，仲有好多真香港人都好堅持。就好似你見到好多人嚟買嘢咁，呢個就係香港人嘅精神。」佢哋仲特別提到其實「排隊嘅唔淨止一個年齡層，啱啱都有個好老嘅伯伯問我哋點樣去」，覺得大家都有眼睇民意在邊一方。

By #100毛 / IG @100mosthk
English version by TG @TwitterPicChannel
#香港民主女神像 #藝術生活百貨 #荃灣 #Chickeeduck #周小龍 #evilCCP #NSL #PoliceState #Chickeeduck #無懼白色恐怖