#100毛 @100mosthk

周國賢今日憑《一秒拳王》榮獲香港電影導演會2020年度嘅「最佳男主角 」，由「寫歌佬」變成「大隻佬」嘅佢，除咗感激導演恆仔趙善恆@ToNick、同電影團隊嘅熱血之外，亦都有好大感觸。

喺電影中，恆仔鼓勵冇咗一秒預知能力嘅周國賢嗰陣，同佢講咗句「避唔到，一齊捱囉」。周國賢除咗喺戲入面決定捱落去之外，佢喺現實中都一樣。佢喺感言中話「難撐嘅，我地都會撐得過去，再唔容易嘅困境，你只要肯行落去，都一定會搵到出路！」。佢亦都講到，「好多人成日話樂壇已死、香港電影已死」，但係喺成長過程中，「嗰段夾band歲月令我明白『挑機（唔鍾意妥協）』嘅重要性！」即使身邊嘅人，係咁踩低自己，但只要唔放棄，我哋一定會做得越好。

《一秒拳王》唔單止為大家帶嚟鼓舞，仲為香港人帶嚟咗啟發。雖然我哋唔似劇中嘅周國賢咁擁有一秒預知能力，亦都冇人會知道將來會點樣，但就好似佢咁講，「我哋都有一個共同嘅超能力，香港人嘅超能力就係唔會放棄。」

#周國賢 #趙善恆 #一秒拳王 #超能力 #唔會放棄 #避唔到一齊捱