周庭好友兼區議員袁嘉蔚喺25號聖誕節去咗羅湖懲教所探望周庭，袁嘉蔚探監之後，就透露周庭嘅近況，「啱啱見到阿庭着咗七件衫，阿庭本身都怕凍，嚟緊除夕跌到6度，我諗阿庭要着多幾件衫。」佢話周庭喺獄中做洗衣工作，亦報咗個蛋糕班，「另外佢有特別講，收到日本市民寄俾佢嘅打氣信件，因為佢喺裏面已經好耐冇睇過日文，所以見到熟悉嘅文字，佢都好開心。」

圖片: #周庭 #袁嘉蔚 Facebook
報導: #囧報 #smartposthk
#FreeAgnes #沒有暴徒只有暴政 #agneschow #freedomofspeech #抗爭無罪 #歷史會判我們無罪

由英國倫敦設計博物館（Design Museum London）同保險集團Beazley合辦嘅比斯利年度設計大獎（Beazley Designs of the Year），由香港抗爭者於2019年設計嘅磚陣，早前已經入圍，大會今日公佈得獎名單，結果香港磚陣贏得「民眾選擇獎」（People’s Choice Award)，被形容係小巧而功能強大的障礙結構。呢個獎項並由35,000名民眾喺網上投票選出。

報導: #囧報 #smartposthk
圖片：Studio Incendo、the DESIGN MUSUEM
#磚陣 #年度設計大獎 #民眾選擇獎

國際時裝品牌Vetements一向係年輕潮牌，品牌嘅創辦人兼CEO Guram Gvasali日前接受雜誌Vogue訪問，透露Vetements嘅新系列其中一個元素，係來自香港抗爭，男女裝都係以淺灰為主色，然後配上藍色嘅潑水圖案，Guram Gvasali指出「顏色和圖案來自香港警方向民主示威者噴射的液體」（Gvasalia also drew attention to a skinny sweater dress and a man’s turtleneck which have blue streaks knitted into them: the color, he noted, of the paint that Hong Kong police sprayed on democracy protesters last summer）。而呢個系列推出後，香港社運再度引起國際關注，更加成為fashion blogger嘅討論熱話。

圖片：Vetements ig/Vogue
報導: #囧報 #smartposthk
#vetements #guramgvasalia #vogue #水炮車 #藍水 #黑警死全家 #PoliceState

位於旺角嘅「阿木台灣麵」，係由嫁到香港嘅台灣人Polly開設，呢間黃店不嬲多人幫襯，早排Tommy仔阮民安都有去懲罰「阿木」。噚晚「阿木」嘅fb貼咗張相，相片係一段whatsapp對話截圖，內容係一名自稱《東張西望》嘅writer出示公司卡片，話留意到「阿木」好受歡迎，對間舖嘅賀年禮盒同食物好有興趣，想喺下星期三去「阿木」度做個簡單採訪，不過老闆娘就冇興趣，佢話「我真的好喜歡香港...的媒體訪問。真的很想、好喜歡、十分渴求接受訪問。但是CCTVB不喜歡香港，就算了。」

「阿木台灣麵」店舖地址：
─旺角廣華街8號
─旺角豉油街98-100號鴻都大廈地下3-4號鋪

圖片: #阿木台灣麵 fb
報導: #囧報
#CCTVB #黨媒 #垃圾TVB #罷睇TVB #抵制TVB #紅媒 #CCTVB不了 #黃店 #黃色經濟圈

由記者一直做到大台主播嘅王俊彥，前晚係佢最一晚報道晚間新聞，喺尾聲時，佢哽咽話「今次最後一次為大家報道新聞，香港人，珍重，Goodbye！」

王俊彥之後喺ig發文，述說由入行至今嘅經歷同感受，第一次上無綫新聞車係幾咁莫名興奮，「無綫新聞」四個字曾經令佢自豪，「又誰想到一天，新聞車要用白布作遮掩，咪牌要拆掉來躲避。」佢話經過漫長過程，意識到「嚴謹」背後係另一故事。「無稽的人和事日日碰面、夜夜上演，是折磨。年多後，可幸，由前線轉到主播枱上，又大開眼界。轉變崗位不代表轉了角色，記者身分從沒失蹤，反而抽離一點，更明瞭荒誕背後，原來無可救藥。」

王俊彥並引述前港督彭定康1997年臨行前同中方官員談話，以勞斯．萊斯比喻香港，「Hong Kong was like a Rolls-Royce. All you had to do was to take charge of the ignition key, get in, turn on the engine. And the car would go. 」「今天，勞斯．萊斯大概換成了恆馳。不幸，也是這裡的倒影，可悲，返魂乏術。」

最後王俊彥喺ig多謝拍擋、同事、戰友、摯友；佢想念呢份工作嘅刺激、咬文嚼字嘅執著。「難題是，時光未許倒流。」

圖片：王俊彥 IG
報導: #囧報 / IG @smartposthk
#CCTVB #黨媒 #垃圾TVB #罷睇TVB #抵制TVB #紅媒

海關日前出動過百人搜查「AbouThai 阿布泰國生活百貨」全港門市及貨倉，疑有貨品未按消費品安全條例貼上足夠標籤，檢取近百萬貨品並拘捕相關負責人，其後阿布泰喺官方fb發文話面對不停打壓，委曲但求全，只希望繼續服務港人、繼續發展，而對於今次檢控就回應「阿布泰再次承認為我們的疏忽，在門市過千款產品中漏貼了其中十多款產品的警告字句。」

事件發生後，噚日阿布泰各門市就出現大量人龍，藍奕邦亦喺ig貼咗去阿布泰時拍下嘅人龍同戰利品相片，話排隊排咗足足兩個幾鐘頭先俾到錢，佢又出po留言「仲做到幾多得幾多啦。」仲hashtag「香港人仲好齊心」。

至於涉及民主派被捕案嘅阿布泰老闆林景楠，噚晚9點幾突然出現旺角荷李活商業中心嘅門市分店，當時好多人排隊俾錢，佢多次向市民鞠躬合十：「多謝哂你哋，Thank you!」，顧客見到佢出現亦拍掌叫佢加油、唔好放棄，林景楠即刻回應：「我哋一定唔會放棄！」

圖片：林景楠 Mike Lam fb、藍奕邦 Pong Nan ig
林景楠現場圖片：Resistance Live Media影片截圖

By IG #囧報 @smartposthk
#abouthai #阿布泰國生活百貨 #藍奕邦 #黃店 #黃色經濟圈 #懲罰 #金魔法 #爆買 #良心經濟圈

By #囧報 #smartposthk @smartposthk

香港《蘋果日報》噚日出版100萬份，由今日開始，香港冇咗呢份報章，一大班《蘋果》員工亦加入失業大軍。有網民建議杜汶澤可以邀請《果籽》嘅編採去《喱騷》，結果阿澤坐言起行，噚日佢先係出po透露已初步接觸《果籽》同事，《喱騷》將開發全新版面「果苗」，有進一步消息就會宣佈。相隔一個鐘，阿澤再發文指《飲食男女》助理總編輯將會喺7月上班，帶領《喱騷》團隊開發新節目。

阿澤嘅行動獲得好多網民俾like，不過佢就請大家唔好褒獎，因為冇觀眾支持，《喱騷》嘅收費台又邊有錢？又點會有今日嘅佢？仲話「所以我不是英雄，觀眾才是！香港，感恩有你們！風雨同路！」其實身在台灣嘅阿澤亦好忙碌，因為又要搞個台、又要搞鴨血同鳳梨酥生意，但忙得嚟係好充實嘅。

#網上圖片
#杜汶澤 #飲食男女 #果籽 #果苗 #蘋果日報 #AppleDaily #新聞自由無價 #守護真相 #撐蘋果 #壹傳媒 #滅聲 #匪安法

TVB前主播王俊彥（Chris），今年3月喺電視上最後一次報新聞時，講咗句「香港人珍重，Goodbye」，其後佢喺ig發文話自己「遠離渣滓」。其實Chris早有準備，一個月前佢同太太已經移居英國，依家住喺倫敦，喺事業上重新開始。

Chris喺ig透露最近有身在各地嘅香港人鼓勵佢，叫佢繼續專業，俾在英及各地港人睇到廣東話新聞，所以佢就喺自己嘅YouTube channel試行，將屋企變成錄影廠，佢同太太就一腳踢包晒製作，但因為剛開始有好多不足，會不停改善，願景係每日可以喺英國時間1600播出，即香港時間2300、北美東岸時間1100左右。

#囧報 訪問 | 圖片：王俊彥 ig

#記者 #王俊彥 #新聞 #報導真相 #廣東話

#只想和你身體健康
請大家踴躍到以下專頁支持本地有心品牌

Youtube: youtu.be/diKHLx1XZlY
IG: instagram.com/p/CWkylB-F5Rh
FB: fb.com/hktrappistdairy/videos/171331975211572

#王宗堯 #rubberband #晴天林 #專家dickson #senzaacappella #劉小華 #gsmchoir #熊仔頭藍仔頭 #蝦條哥及米露迪 呢十個單位一齊合作好得意。已經有超過半世紀歷史嘅十字牌牛奶噚日推出廣告歌MV《只想和你身體健康》，就請嚟以上十個單位演唱，帶出喺疫情嘅日子入面，大家冇得旅行、少咗聚會少咗娛樂，但大家會發掘香港嘅美，可以網購、Staycation、做運動等等，但最緊要最緊要係身體健康，飲奶補鈣，保持健康體魄。

呢首歌係藍奕邦創作，阿邦亦有份唱咗段，而宗堯係壓軸出場，仲難得地唱下歌仔，宗堯話今次好感恩有阿邦，歌同詞都係對方操刀，另外又有好多單位去創作，所以佢好開心參與到呢個project，宗堯話：「喺呢個艱難時期，大家係需要有啲小感動，點辛苦都好，唔係自己一個人行，大家保持正面腰板挺直，最緊要身體健康。」

圖片：藍奕邦 Fb
報導： #囧報 IG @smartposthk
#十字牌牛奶 #十字牌 #廣告 #香港健康 #香港人平安 #見字飲水 #腰骨挺起 #不驚怕亂世

巴黎時裝周播經典廣東歌
巴黎鐵塔下響徹 #關淑怡 #難得有情人

巴黎時裝周嘅SAINT LAURENT 2022秋冬時裝騷，喺浪漫嘅巴黎鐵塔下舉行，喺行騷其間突然出現關淑怡《難得有情人》嘅歌聲，真係超surprise！ #廣東歌 #廣東話

影片: SAINT LAURENT twitter
報導: #囧報 @smartposthk