蘋果日報桌面日曆+記者積木套裝預售
預訂連結: uncleplastic.hk
Source: IG @uncleplastic #膠叔叔

話說喺上年嘅5月，有一位蘋果日報嘅記者主動聯絡膠叔叔嘅專頁，話蘋果日報想同我合作出一啲公仔。同佢通過電話之後，我只想講一句"機會嚟啦，飛雲！"，之後就即刻約上佢哋將軍澳嘅Office傾合作細節啦。

到6月頭，我完成咗初稿設計。Send咗比蘋果嘅同事睇之後，意想不到地佢哋都非常鍾意！喺完全唔需要改嘅情況下已經話可以落實設計！我哋亦都開始傾合作細節，打算盡快開始生產。但估唔到嘅係唔夠一個星期之後，佢哋通知我話要叫停個project，因為管理層嘅人已經被捕！之後再過多一個星期，蘋果日報就直接停刊。結果係，呢個project喺任何合約都未簽嘅情況下，胎死腹中！

講到呢度，我諗大家可以想象到呢個project係經歷咗幾多波折先可以面世。佢更有可能係香港最後一件蘋果日報嘅產物。我好感恩有機會參與呢次設計，亦希望大家可以繼續支持所有本地創作！

最後一提，今次係可以用消費券預購架！而呢個project嘅10%收益將會捐贈到細葉榕人道支援基金，幫助在囚及更新人士。預購期由今日起到6月30日，預計7月發貨。為咗答謝大家一直以嚟嘅支持，頭200位支持者更有9折優惠。折實為$585一套。衷心多謝大家嘅支持。

我更想多謝所有蘋果員工及其他新聞工作者多年來為香港報導真相。僅將此拙作獻給你哋每一位，有緣再聚。

利申：此次發售之任何收益均與蘋果日報或壹傳媒旗下任何公司無關，全屬膠叔叔自己的小本經營。

#蘋果日報 #新聞自由 #國安法 #AppleDaily #FreedomOfPress #NationalSecurityLaw