【民意逆轉？！贏民心 CONNECT黃藍大技 】
by IG @solreadism #孤讀患者

香港人由雨傘革命開始用政治立場將彼此分類，黃藍嘅分法一直被人沿用至今，唔少人用憎恨藍絲，樹立敵人嚟增加「黃營」嘅凝聚力，或者用此標籤嚟方便區分我者與他者，然而標籤化會令香港人走向極端同分裂，增加抗爭成本，例如你身邊嘅藍絲會篤灰。爭取民意未必係一定指要增加朋友，但至少要減少反對者，盡量唔好主動樹敵，增加咗敵人對抗爭冇好處。

「團結就是力量」好老土嘅一句說話，我哋要嘅團結並唔係只限黃營裡面，藍綠乜乜乜色都好，都需要團結，而唔係見到對方同自己唔同立場，就拒之門外。只要你相信大家都係「香港人」呢個身份，大家都係愛香港，只係大家對「愛香港」嘅定義唔同，求同存異，要好似小組討論咁達成共識，可能好難，可能夠曬鐘都達成唔到，但願意去溝通，去勸說嘅話，改變得一個得一個，只要人人都願意去試，就已經好夠。

任何事都係開始成功，先會開始多人跟。抗爭最理想嘅係唔好跟住民意走，而係要民意跟住抗爭運動走，人心只會跟贏嗰邊。喺呢場抗爭贏之前，加強文宣、推廣思想係要繼續做嘅事，仲要推而廣之，包括其他國家勇武抗爭成功例子，慢慢改變人心，爭取民意。

參考資料：
書生百用：抗爭者以武制暴守則：正義原則、效用原則、公共說服
徐俊文：【圖輯】藍絲攻略 - 拆解 18 種建制
漫畫 @watchit.comics

#民意 #民心 #黃營 #藍屍 #黃藍之爭
#呢個議題應該好多爭辯