【 真不該 】富臨係藍店，就係人都知，除咗政見賤，對待員工都一樣咁賤。

四位美孚富臨員工，分別做咗成十年有多，公司二月開始迫佢地放無薪假，仲要無寫明期限，只係話直至另行通知。

成兩個幾月，員工手停口停、無晒收入，期間佢地問公司幾時有得返工，經理就十問九唔應。你唔想用人，大可解僱俾番足賠償，但佢唔係，總之就又唔出糧又無工俾你開，實行陰乾到你頂唔順自己辭職，就連遣散費都慳番。

公司仲同老員工講話係唔會賠錢，你有本事就去勞工處告我囉！

唔係喎，政府唔係話食肆要拎補貼，唔可以裁員㗎咩？你誤會晒啦！依家係個員工頂唔順放無薪假自己唔撈，唔係老闆炒佢，只要老闆之後請番個低薪散工去頂替，一樣唔叫裁員，一樣可以照拎政府補貼。

嘩，呢條數就襟計囉，富臨集團旗下有78間酒樓，按政府個資助計劃每間可以拎220萬，合共1億7千萬！老闆攤大手板著數舔到盡，員工就繼續被揸乾揸盡。今時今日呢班無良僱主咁叉囂張，就係呢班可恥高官一手造成！

#政府年年勞動節酒會都去富臨
#食飯緊係要食黃色經濟圈
#一行入藍店就周身唔自在
#母親節緊係要帶阿娘食好西
#藍店不了