@sayno4tvb
首先我唔認為TVB針對緊嘅係我哋，因為我哋一向主張理性消費，希望網民喺提倡幫襯或者杯葛一間商戶時，都要基於事實之上，而TVB提及嘅恐嚇行為，我哋一直都唔贊同，如果你知道用事實都可以說服到其他人，咁又何必要鋌而走險，用恐嚇呢啲違法行為？

如果佢認為網民喺facebook對廣告商派嬲同反映意見係恐嚇，只會顯得佢哋係玻璃心，我唔能夠代表所有網民嘅諗法，但我知道今時今日好多消費者幫襯商店嘅時候，考慮嘅已經唔止係價錢同質素，例如包括埋企業社會責任，又或者係個廣告將商品包裝成點，譬如話你見到俗套嘅嘢都唔會想買喇係咪？

我明白「大台」近年俾「友台」、Netflix、HBO、Disney打到七個一皮，高層感受到股東、廣告客戶壓力，係需要做啲嘢交差嘅，不過畀你哋滅到網民聲又點？節目製作思維仲停留喺連串誤會嘅《愛回家》、remake版「歡樂今宵」，遲早咪又係步上亞視後塵。

#TVB #老人台 #CCTVB #TVB假新聞 #假新聞 #黨媒 #垃圾TVB #罷睇TVB #抵制TVB #紅媒 #抵制tvb廣告商