【越打壓 越頑強——9月3號 捍衛蒙古話運動跟進報道】

喺新學年9月1號，估計有30萬名內蒙古學生罷課，抗議普通話取代蒙古話做校園嘅授課語言。

罷課第二日，公安局就喺微信用100多個人名嘅通緝名單回應，備有「通緝犯」相片同外表描述。公安局話呢班通緝犯「尋釁滋事」，懸賞一千人民幣鼓勵舉報。
同時，已經有最少兩個蒙古學生嘅家長以死相諫，抗議當局逼子女返學。佢哋分別係一個老師同埋老師嘅丈夫，因為當局見罷課人數眾多，施壓要老師嘅仔女率先返回校園。

而更多嘅蒙古人加入咗呢場捍衛母語運動。超過300名內蒙古廣播電台同內蒙古電視台嘅工作人員聯署聲明抗議，並且聲言如果任何一個人因為仔女參與罷課而俾人炒，佢哋會集體辭職抗議。
而家只係來到罷課撐蒙古話運動嘅第三日，當局唔單止冇讓步，仲加強打壓。示威運動仍然會持續。

資料來源：南蒙古人權信息中心
#standwithmongolian #saveourmothertounge #捍衛母語 #撐蒙古人