15.3.2021
文: IG @rehk_neverforget
圖: IG @side._lee

以下節錄，IG全文： instagram.com/p/CMbWErxAhTs/?igshid=18vtt32jo9eml
.
有位戰友曾同我講過「如果我無咗對手，我會自殺死；如果我無咗對眼，我都會自殺死。」
.
戰友同我傾過好多次計，亦考慮完各樣安全因素，最終好想我將呢件事記錄落嚟，當係一個療癒過程。
.
戰友係名畫師，一對手同一雙眼對畫師而言係生命，可以想像，缺少其中一樣係幾咁絕望。以下原句記錄戰友嘅心聲：
.
// 當時我上咗索帶，索帶勒得好緊，我問啲狗可唔可以換過條索帶鬆返少少，結果啲狗索得更加緊，我係感覺到雙手幾乎無血到。喺路邊近 8 個鐘，我都未安排到上囚車，當時附近仲打緊，喺無任何 gear 連普通口罩都無嘅情況下，我不停吸催淚彈，而啲狗見我咁辛苦，係笑住咁講：「辛苦呀？放多啲先！你哋曱甴鐘意聞呀嘛！」，然後喺正我哋堆埋一堆嘅被捕人士隔離射催淚彈，射咗好多，對眼好痛。當日有幾場苦戰，齋捱催淚彈斷斷續續都捱咗差唔多 5 粒鐘，當中唔可以避，辛苦時唔可以抬頭或有其他郁動，你只能夠直接聞，有人聞到嘔，有人聞到係咁咳，而啲狗係咁笑⋯⋯ 「郁咩呀！做咩咁多動作！」，啲狗會係咁踢你打你，要求你保持住一個極辛苦姿勢。去到中段，我真係頂唔住，對手開始發脹，而且要撐住地下，感覺就嚟斷，當我想調整吓姿勢，試圖可以稍為舒服少少，就會有狗嚟踢我背脊，甚至會踢頭。咁多個鐘，我只有不停食催淚彈胡椒彈同埋感覺到對手慢慢無知覺。我好驚，如果再咁落去，對手會唔會無血到壞死⋯⋯ 我真係好驚⋯⋯ //
.
// 去到狗屋，剪索帶嗰吓好痛，因為索帶已入肉咁濟，我望住對手，啲手指郁唔到，成對手又脹又紫，對眼好痛，肺又痛。點算，我會唔會無咗對手，無咗對手我點畫畫，我對眼會唔會有後遺症，無咗對眼我仲點睇到畫又畫到畫。好驚好不安好痛。抬頭，望見對面一齊被捕嘅戰友，佢忍喊咁同我做口型講對唔住，我只能笑一笑另吓頭，唔想佢擔心。然後佢喊咗出嚟。 //
.
#hongkongprotest #香港人 #revolution #光復香港時代革命 #五大訴求缺一不可 #teargas #hongkongprotesters #standwithhongkong #hongkong #警暴 #勇武 #催淚彈 #policebrutality #前線

28.4.2021 記錄

全文: instagram.com/p/COMkQ4kAkbi/?igshid=1ocdfq1ome3pu
.
// 我最憤怒，係真正做嘢、真正付出咗好多嘅手足，大部分都係默默無名嘅勇士。當好多人仲將焦點捧喺出名嘅人士身上時，其實國會也好、遊說也好，一班持有 case 又低調嘅手足作用有時更大。但佢哋唔會出名，亦唔會犯險，我知道，要令人團結，總要有個偶像供人群作指標，但有啲所謂出名嘅組織或人物，奪去咗嗰班手足功勞，都算，仲奪去埋資源。低調嘅人唔需要光環，但唔代表唔需要資源，當眼見住某啲組織攞住手足嘅功勞以及接手足嘅事（其實接完放置 play 班手足）嚟吸金，再私下大魚大肉，我係好憤怒，但唔可以直斥其非，一嚟會捲入好多不必要是非，自問接受唔到咁巨大嘅人際關係壓力，二嚟焦點就會錯放晒係花生上。無人想知真相，好多人自以為掌握真相，好多人盲撐，亦好多人會以為你係鬼錯誤起你底。曾經有位救咗好多手足出過無數場嘅前線，就係因為所謂內鬥私怨，佢唔夠人哋高調，就變咗「真相」被對方控制，結果有群人睇完網上嘅事自以為得知真相而起底篤咗佢灰，最終警方上門。//
.
// 革命中，我發現人係唔需要真相，每當我講出親身經歷同真相，其實唔係咁多人 care。更多人願意食花生、願意做偵探，都唔願意承認「其實我唔知內幕，其實我哋重點係小心地革命」。

圈子入面，仍然有著誰大誰惡誰正確風氣，彷彿我哋已習慣嗰種模式。我哋慣於外判思考俾掌權者，即使革命，仍然未能脫離呢種外判思考嘅風氣。所以，只要一人或一個組織夠大聲夠惡，無論佢做幾多害手足嘅事，仍然會以「佢始終叫幫過人」同埋「你而家係咪鬼，係咪抹黑」作結。好多人永遠睇廣告式砂糖（付出少少再以媒體放大以得到名聲），都唔願意接受現實中嘅屎（篤灰、二次傷害、壓榨、欺壓、勒索）。

喺呢個虛幻嘅媒體炒作中，一群低調而默默耕耘，一群唔會以「我做過乜乜乜我幫過乜乜乜」大聲宣傳嘅人，永遠處於劣勢。我哋究竟仲想跟大台，定係每人都願意走多步圍成可信任嘅散兵群體，唔外判思考而係自己思考去運作？//

Credit: IG @rehk_neverforget
#revolution #hongkonger #前線 #勇武 #篤灰 #革命從不浪漫 #好人壞人 #人性

IG @neaes_intl_hk

[致好友]
最近一位好戰友上庭
記起我哋曾經一段對話
有晚我哋傾起光復香港嘅決心
佢話最壞情況唔係死唔係坐監而係送中
我都同意送中係最差嘅結局
而佢話之後走嘅路一定唔易
一定會成為清算target
接受到先好繼續行
呢晚唏噓而鼓舞
自此我哋無所不談
目標一致
不過最後佢都係被捕
但佢點都冇提起我
即使班狗氹佢講多啲去減刑
佢都冇咁做
所以我今日成功走到
都要多謝佢呢份覺悟嘅實踐
好想同你講一句
撐住🥲

#7系遊記 #流亡手足分享平台 #流亡手足 #牆內手足 #覺悟 #revolution #抗爭

圖: IG @side._lee

最近 #新疆 資料外洩
最年輕被拘留人士只有15歲
最年老被拘留人士已73歲
當中有拘留人士嘅被捕原因係 #不公開原因
好多稱為「學校」地方
其實係屠場
比所謂 #集中再教育更為黑暗
更有文件披露「校方」可以對逃離者先槍斃後報告
被虐嘅血加上槍殺嘅血
令我諗起中共建國初期
文化大革命前夕
中共喺平常嘅中小學、大學附近設刑場
每日喺學校上堂時間
都會運一群需要槍斃嘅受害者
去到學校附近刑場行刑
有記述者回憶當年，講述每日上堂時槍聲點樣將恐懼植根喺各人心深處
令到自己唔敢反對政權
害怕下一個被槍斃嘅會係自己或家人
到咗 #文化大革命 前幾年
大 #批鬥 開始盛行
即使你無做啲咩，可能僅僅只係唔好彩要湊夠數
就會捉你去監禁、去折磨、去問吊
新疆上演嘅係現代版本
歷史記載下，現在進行緊嘅事仍可更加無人性咁發生落去
人性黑暗可以無底
呢種黑暗亦可漫延
新疆嘅血
證明共產黨無變過
你亦唔好期待之後會有咩轉變

#Xingjiang #uyghur #uyghurmuslims #ccp #china #blood #history #revolution #文革 #歷史 #中共 #再教育營 #集中營 #共產黨 #維吾爾族 #standwithuyghurs