號外！號外！
屬於荃灣區嘅社區報《荃承》面世啦！

IG @tsuenstory_hk

我哋希望可以藉住《荃承》，連繫每一個荃灣嘅街坊，令大家都有身為「荃灣人」嘅呢一個身份認同。

同時，我哋都會透過實地調查，訪問同埋將荃灣嘅歷史，仲有一啲荃灣嘅奇聞趣事，記錄落嚟，等各位街坊可以放鬆一下之餘，亦都可以將荃灣嘅過去，現在同未來統統傳承落去。

被戲稱「天空之城」嘅荃灣，區內一條條嘅天橋望落離地，但其實有承載嘅意義。如「荃」﹑「承」緊緊相承，就構成昔日聚集一眾荃灣人嘅連儂紅橋，亦係我哋《荃承》嘅象徵。

點解我哋需要一本屬於荃灣嘅區報？

荃灣呢個地方，雖然只係屬於香港入邊嘅一個小社區；但一個個小社區串連起嚟先會成為香港，社區先至係香港嘅根本。

荃灣區嘅歷史、荃灣區嘅文化、荃灣區嘅故事，呢啲屬於荃灣嘅一切一切，都需要有一個載體將佢哋傳承落去，而《荃承》就係呢一個載體。

愛香港，就要由認識自己社區開始。創立地區報嘅理由，就係咁簡單。

#區報 #荃灣 #荃承 #荃灣人 #tsuenstory #tsuenwan #newspaper