Post by @rehk_neverforget
19.9.2021 記錄 .
#節錄
// 612 同埋石牆花消失，雖然兩者有啲位的確處理得非常差，但香港嘅手足，有啲案件及支援突然斷咗，一時間都會彷徨無助。有啲好叻，可以有方法慢慢解決，但有啲就有困難，然而香港嘅政治氣氛已經好難再有人支撐落去。
.
係好多黃店，但信得過又可以支援嘅好少好少。有時甚至因為危險程度及身份問題，拒絕幫忙嘅亦有。我唔怪拒絕嘅人，始終香港已經草木皆兵，但食黃店一定幫到手足嘅諗法大家係時候要轉變，唔係一定幫唔到，但亦唔一定幫到，幫唔到嘅似乎佔多數。
.
至於海外組織，好多錢都攞咗去幫移民家庭以及自稱手足但嚟旅行嘅人，有堆人嚟到攞晒資助後話返香港或去其他地方，嗰啲資助夾夾埋埋，可能已幫到香港某啲手足堂費或心理支援。上庭除咗要俾律師費，仲有好多雜費及其他支出要搞，呢啲都係難以理解嘅費用。
.
我唔知仲可以點幫到佢哋，香港認識嘅人唔係走咗就係被捕或者自己都未顧掂自己，連幫手探開監嘅朋友，都唔可以再去探監，或者即將探唔到人監。
.
好多事情無奈，望住新嘅「國民教育」科，覺得我哋呢代好似一個斷層。上面提倡和平理性抗共，明顯中共理你白痴；下面將會被洗腦，抗爭歷史將會被改寫。呢場革命嘅現實係好可悲，可悲在於好多人以為好易就成功，好多人以為好易就可以抵抗洗腦，以為走咗仲係有香港人社群咪得。其實唔係咁簡單，一切簡化都只係中共風向技倆。革命從來係長期且痛，喺陣痛中尋找可以行嘅路。路，只有少數人想繼續行，係唔夠。
.
圖中兩段摘錄，出自中國學者，不過配落今日香港所謂嘅完善教育，真係好撚襯。//

#中秋 #國民教育 #education #移民 #香港獨立唯一出路 #hk #hongkong #hkprotest #前線 #流亡 #exile #brainwashed #洗腦 #洗腦教育