新一役正殘之戰開波㗎啦⋯⋯如果話係啲咩法案呀地位呀，應該都係無懸念大石砸死蟹式話過就過⋯⋯我哋可以做嘅反而係喺生活入面，多用多講多創作多推廣，賦予佢生命力，咁就點㩒都㩒唔住。

語言（廣東話）同文字（正體字）係我哋文化嘅載體，要毁滅我嘅嘅故有價值，敵人都想將呢個載體連根拔起唔出奇，總之，頂撚住啦，香港人⋯

By @kitdasketch
#正體字 #殘體字 #文化 #本土 #廣東話

#手足投稿
//小學時普通話課，大家都只係覺得要「學好兩文三語」，因為回歸，所以大家都習慣學校一星期至少一堂普通話科⋯⋯

上到中學，唔知點解有種風氣係「名校緊係用普通話教中文」「學生本身就講廣東話，用普通話上中文堂啲普通話先有進步」，連我媽媽，都以為「普通話即係書面語，學好普通話咪即係作文可以好叻」⋯⋯

我哋係被教育成「想寫字快就寫簡體」。中學有中史堂，中史卷好多人都會寫簡體，「邊有咁多時間心力寫繁體，啲老師都係教寫簡體，咁先夠快，有時啲嘢唔好咁執著。」⋯⋯ 高中我無揀中史，揀嘅都係理科，只有中文科需要寫中文字，我係咁多位同學仔入面，少有堅持仍用繁體寫字嘅人。「寫簡體都唔當寫錯字，點解要浪費時間寫繁體？」⋯⋯
//

原文：instagram.com/p/CPz4DfPgSJs

#正體字 #殘體字 #捍衛文化 #本土 #廣東話 #守護語言

一開始，大家都只係寫正體字。
然後學校開始教殘體字，話你知殘體字寫起上嚟快好多；
然後街上漸漸多咗殘體字鋪、書局多咗殘體字書賣；
然後政府話你知殘體都係官方用字；
然後正體字會被慢慢抹去，學校無論教材定考試，都只剩殘體⋯⋯

然後有日，你只係想捍衛正體中文，卻被關進牢獄，囚著會寫正體嘅你，外邊世界就唔會出現正體字。

正字逐漸被政治消失。

Credit IG: @side._lee

#正體字 #滅絕 #文化清洗 #香港 #殘體字 #繁體字 #簡體字 #中文