#執政意志 #主權在民 #普選 #獨立
【香港人要有執政意志】

選舉將近，民間出現各種選戰路綫圖，有贊有彈。但係屌還屌，我哋道德批判咗咁多年又點？更重要嘅係，對實現目標而言有無用。

而終極目標就只有一個，奪權。無執政意識就只能永遠處於被動，等政權回應，佢有義務回應你，但如果有足夠强大嘅權力，就可以唔回應你，你睇呢8個月就知。所以，運動進行到依家，目標唔應該再係「回應」，而係「奪權」。

唔好覺得奪權好似好激進咁，其實本質係奪回公民賦予政府的權力，所謂「主權在民」。無論係爭取真雙普選，定係香港獨立，只係奪回應有權力的不同路綫。只要no harm就可以去試，只要有用就可以去做，先可以打破路徑依賴，揾到突破點。

咁多個月以嚟，大家都放下了不少政治潔癖，唔爭在今次。其實就算獨立，都要解決一個問題，組織同資源。唔係揭竿起義就可以建立一個新國家，你要有一個可以取代現有政權嘅「準政權」，具備國家運作嘅基本組織、人員、資源同權力。白手興家定換血顛覆，同樣係不同路綫而已。

中共並非一個典型極權，佢當然有極權的特性，但同時更靈活且resilient。面對中共，香港就是前鋒，需要更多的想象力和行動力。反對只需要口水，執政需要行動，做咗先講啦。