有線新聞今日大裁員，其中被裁嘅有線中國組助理採訪主任黃麗萍，啱啱接受傳媒訪問，佢先表示員工對裁員嘅決定好失望，因為管理層事前並冇同佢哋商量過，又指中國組不論危險與否，都博晒命去唔同地方採訪，但「公司係冇重視過」。

佢表示，之前已經有傳聞話會裁員，而佢哋內部亦商量過，只要炒佢哋任何一個人，其他同事都會跟住走，因為有線嘅「中國組好團結」，並強調係「冇壓力，係大家自己意願」。佢又表示對裁員決定好失望同好嬲，因為管理層事前冇同佢哋商量過，只係今朝一返到嚟就被通知，而公司嘅答覆就只係一句「冇錢」。

佢受訪時眼泛淚光，同組嘅中國組嘅同事亦企喺佢身後以示支持；佢指出其實現時人工已經好低，繼較早前公司cut bonus後，今年疫情關係就no pay，但一班同事仍然「好鍾意做中國組呢份工」。就算當時中國疫情極嚴峻，佢哋都照樣派記者去做採訪，甚至華南野味市場都照去；而當其他台都撤退嗰陣，佢哋仍然堅持採訪，然而，即使佢哋有幾努力都好，但「公司係冇重視過」。

Credit: #有線中國組 FB #立場新聞 #100毛
#有線 #新聞自由 #撐記者 #salute #respect

【總辭以後 原「有線中國組」浴火重生】
【「過去以為理所當然，失去才會去珍惜」】

香港有線電視新聞部去年12月初以架構重組為由，解僱包括前「有線中國組」助理採訪主任黃麗萍在內的大批資深員工，管理層事前未有和各組主管溝通，觸發「有線中國組」集體辭職。

觀眾「另起爐灶」之聲不絕於耳，原「有線中國組」10名成員近日終於宣布，將加盟網媒《眾新聞》，以「眾新聞中國組」的身份重現觀眾眼前，延續團隊的「中國新聞夢」。

在最新的宣傳片中，原「有線中國組」班底一張張熟悉的面孔，直面公眾提出一個問題：「我們選擇繼續，關鍵是大家會否選擇我們。」

Credit: @rfacantonese
#有線中國組 #眾新聞中國組 #你們會支持嗎