候鳥 #平安包
#在囚手足 #物資 #在囚支援

平安是人之所望也，所以我們為在囚／還押的物資包取名為平安包，希望透過物資代辦服務，傳達平安這個微小的願望，穿透圍牆，跨越空間的阻隔。

每個平安包都有足夠牆內親友每月所需物資，既減省你籌集的時間，也可以代你派發給有需要人士。

平安包分為在囚／還押、小食包，你到網頁購買後，會有工作人員與你聯絡跟進服務。每月派發的平安包數量，會視乎我們接觸和支援的個案數目而調整，請大家留意。

候鳥服務熱線｜6012 5534
#候鳥 FB / IG｜@waitingbirdhk

#候鳥月餅 轉送手足親友 🥮🌙

每當與牆內摰親接觸無門，總會牽腸掛肚。但只要終於得見對方15、30分鐘，終於收到來鴻，或者福利官突然傳來口信，對牆內外人都是莫大的鼓勵。

臨近中秋，有朋友問起可否將月餅轉送給手足親友，候鳥也希望可以向親友傳達心意。如果你也支持的話，歡迎到如一網站訂購（落單選【買一盒候鳥轉送親友♡】），讓我們將心意傳開去。

Link: https://linktr.ee/waitingbirdhk

月餅代送時間｜8.28 星期日 10AM - 6PM
報名截止時間｜8.21 星期日 6PM

#牆內手足 #候鳥 #月餅 #毋忘手足 #中秋節

平安包要人！

11-12月預期需求為還押120、在囚80、小食包120。在囚包暫時仍有餘裕，小食包庫存量卻是負數。邀請大家支持平安包，並在選購時考慮 #小食包，撐住手足！

支持候鳥平安包：
asonehk.com/collections/waitingbird

#候鳥 FB / IG @waitingbirdhk
#候鳥平安包 #在囚手足 #在囚支援 #在囚物資 #毋忘手足

// 今日係 11.18 三周年，諗返起當年今日凌晨被捕，坐喺爆滿嘅旺角警署臭格，被提堂並因案情嚴重而即時還押，再到一年後判刑先至獲釋。磨人嘅兩年三個月期間，我經歷過人生嘅高低跌宕，生離死別。但患難生忍耐，忍耐生老練，老練生盼望，我因此而成長不少。

開頭嘅日子非常難捱。牆內手足唔多，每一步只能自己摸索：監房嘅環境係差，但絕唔係大家想像中嘅烏煙瘴氣；監房嘅黑社會係多，但絕唔係大家想像中嘅窮凶極惡，而牆內手足都能互相照顧。團結捱過去，加上牆外嘅關注同支援，我亦總算可以慢慢適應，苦中不忘作樂，一步一步行落去。

放學後我本來可以重拾本行，遠離政治，但作為刑期較長，較早釋放嘅一批手足，我決定用自身嘅經歷去幫助他人。輾轉之間就喺候鳥度工作咗大半年，幫助手足、家屬了解監房嘅環境同生活，免除因未知而造成嘅恐懼，以至一起同行。愛係唯一可以跨越高牆，超越時間同空間嘅事物。期間有幸結識唔少善良嘅同路人，大家明知自己做緊一件吃力不討好嘅事，依然堅持行落去。

放學後過咗第一個正常嘅生日，過往願望總係「世界和平」之類，但今次狹窄少少，只希望各位手足能苦盡甘來，香港他日唔再需要在囚支援。

牆外候審手足嘅日子都絕不比起牆內手足好過。理大事件已過三年，但根據《法庭線》嘅報導，現時被控人數只係當時總被捕總人數三成左右，完結嘅案件只佔總數 6% 左右。司法程序緩慢，唔少案件拖到 2023、24 年先開審，更有大量手足因審訊無期，連提前認罪，求個了斷都做唔到。佢哋每日生活喺徬徨與不安之中：每週要簽到幾次，守宵禁令，難以就業，想移民卻被沒收旅遊證件，心理壓力日漸增加，甚至因此患上情緒病等。反而最近見有手足被判刑後，就算面對長達三年嘅刑期，卻如釋重負，因為件事終於有個了斷，睇得見痛苦完結嘅日子。

最後，想以一段詩詞勉勵大家：
“Do not go gentle into that good night;
Old age should burn and rave at close of day.
Rage, rage against the dying of the light.”

苦難不可避免，黎明有排都未到，但我哋可以挺起胸膛面對黑夜。//

#候鳥 FB / IG @waitingbirdhk

#候鳥平安包 #在囚支援 #在囚物資 #在囚手足 #毋忘手足

🎄聖誕卡資訊~🎄
就嚟到聖誕節啦，都係時候買定聖誕卡俾牆內手足寫下卡！

記得聖誕卡只可以入單層、冇機關、冇閃粉，總之最簡單嗰種就啱架啦！

男監而家可以無需申請下直接入 10 張聖誕卡 + 10 張信封 + 1 本郵票（10 張 $2.2），但記住要三樣野同時入，就算牆內手足唔寫卡都可以照入，當入多本郵票！

女監就需要牆內手足申請「聖誕卡郵票」，先可以入聖誕卡同時入郵票，所以記住提手足申請！但係只限聖誕入一次郵票，下一個月入卡都係好似平時咁，淨係可以入 10 張卡連信封！

暫時已知入到聖誕卡連郵票嘅監房：赤柱、壁屋（成人）、塘福、大欖女、羅湖

至於寄聖誕卡俾手足當然都可以，不過監房規矩每人只可以keep住20張卡，多過20張就要扔或者出翻俾屋企人。同埋如果手足收到嘅聖誕卡數量過多，都會影響佢收日常信嘅速度

根據過往經驗，郵局聖誕信件截郵日大概係聖誕前一星期，想寄聖誕卡俾牆內親友，睇住時間啊！

大家探訪嘅時候留意下！預祝各位牆內牆外嘅手足聖誕快樂~🎄🎄🎄

Posted by #候鳥 FB/IG @waitingbirdhk

#在囚支援 #在囚手足 #聖誕卡 #Christmas #Xmas #毋忘手足 #和你寫 #和你寄

留下來的人 仲可以做啲咩？
齊上齊落如何實踐？

// 「候鳥」主要提供在囚資訊以及服務，提供好多google都搵唔到嘅嘢，例如探訪/入物資程序、法律資訊、邀請放學手足親身分享在囚生活……//

// 候鳥 -- 等候的鳥：等候身陷囹圄的親友重聚；等候重遇移居的人；等候公義來臨的一天…
一班原本從事社區活動的人，經過政治大洗牌後，已經不能再以官方身份服務市民。不過佢哋冇放棄，涉足自己唔熟悉嘅方向 -- 從商，呢個係網店「如一」嘅誕生。//

// 小編L正正就係放學手足，而家係「候鳥」全職員工，處理物資、舉辦放學分享活動、為在囚者家屬提供支援甚至擔當「樹窿」角色。咁多項目中，最重要嘅係「樹窿」。資訊或物資可能用一張紙，一個msg已完成，但對於在囚者親友嚟講，一位好重要嘅人身陷囹圄，唯一幫到佢哋嘅依靠出現了，忍不住盡吐苦水，而小編們形容自己係暫代在囚者，陪伴佢哋親友走下去的人。//

// 在這壞時代，愈來愈多人需要「候鳥」幫助，全職人手只得兩位實在不足夠，因此出現「候鳥實習計劃」，招募更多未能淡忘的人，做還可以做的事。
應招嘅人好多原本都身兼一「師」- 寫信師、旁聽師、送車師等等，雖然叫做「實習計劃」，但小編們直言應招人可能有更豐富的支援經驗。小編仲記得有一位應招人面試時不禁流淚，原來佢有位朋友身於牆內，本來有做開支援，而現今仲有得圍爐嘅地方少之又少，因此自我介紹時已經按捺不住情感。或許是感動，或許是感慨，也可能是終於有機會實踐被打壓的信念。//

Full article: www.instagram.com/p/CnBhJV2v7ih
Source: 籽煤 IG @yseedsmedia

#候鳥 #如一 #放學手足 #在囚物資 #樹窿 #牆內手足 #寫信師 #旁聽師 #送車師

2023 年 1 月判刑整合

踏入新一年，社運後續的審判未有放慢腳步。剛過去的 1 月，共有 44 人（37 男 7 女）因社運案獲刑，當中只有一人無需判監。除了勞教中心（一般刑期 7 個月）和教導所（一般刑期 18 個月），43 人之中最短刑期為 3 個月，最長為 52 個月。

2023 年 1 月判刑的刑期中位數為 38 個月，看似比上個月短（48 個月），但值得留意的是，1 月判刑的案件中，認罪被告的比例亦由 22% 按月增加至 36%。除此之外，選擇不認罪的暴動案被告刑期平均為 48 個月，比認罪的人高出 19 個月，可能反映社運案被告有見定罪率持續高企，加上判刑嚴厲，寧願放棄抗辯以換取較短刑期。

聖誕餘溫未冷卻又迎來農曆新年，除了 9.29 金鐘、 11.18 理大暴動案持續分批開審、裁決與判刑，「立場案」與「47 人案」的審訊過程也不斷刷新大家的觀念，唯一喜訊或許只有懲教重開「額外探訪」，讓已判刑的在囚人士在每月兩次探訪之外，額外申請兩至三次直系親屬專用的探訪名額。

隨著疫情措施解除，鼓勵大家善用旁聽權利到法庭支持手足，亦可以購買候鳥平安包，讓我們將在囚物資轉交有需要人士，也可透過封信子 @fung1seon3zi2、毋鳴 @bugle.2019 等組織與在囚人士交筆友，與牆內手足保持聯繫。

候鳥服務熱線｜6012 5534
#候鳥 FB / IG｜@waitingbirdhk

#候鳥平安包 #在囚支援 #在囚物資 #在囚手足 #毋忘手足 #與手足同行