[坐48最慘係聽呀蛇9up]
#7系遊記 #流亡手足分享平台
By IG @neaes_intl_hk

坐48真係好悶
最慘係呀sir係咁講嘢
我話我冇嘢講，佢就繼續講嘢
佢話：「𡃁仔，我而家係教你做人
唔好比人洗腦
認住我，我呢上咗老豆搵仔嘅
編號xxxxxx (我冇記住sorry)
你哋成日話我哋冇number
而家我就比你
記住呀 (下省一萬字)」
一隻狗教我做人
除咗我冇嘢講
真係唔知比咩反應😅

#流亡手足 #前線 #落場回憶 #坐48 #我冇嘢講 #被捕

[無嘢阻到食煙嘅手足食煙]
By IG @neaes_intl_hk
#7系遊記 #流亡手足分享平台

落場嘅時候
有時見到手足去食煙
都明嘅
落場起碼幾個鐘
都要抖下氣
神奇嘅係
佢哋可以戴住豬咀食㗎喎
就算戴住6800
佢都可以唔露樣地食煙
然後喺理大
已經被困幾日
佢哋都仲有煙食
究竟佢哋有幾多煙喺身？
我係唔食煙嘅手足
真心想知😗

#流亡手足 #前線 #落場回憶 #落場 #食煙 #豬咀

[汗水加TG真係絕配?!]
#7系遊記 #流亡手足分享平台
By IG @neaes_intl_hk

有人講過
TG味好似胡椒蟹
我就唔覺
但落場企完一日
背囊條帶索晒d汗
再加埋TG
就真係人間極品

#聞一聞好醒神 #流亡手足 #前線 #落場回憶 #催淚彈 #teargas

[on9隊友系列#不定期更新]
#7系遊記 #流亡手足分享平台
By IG @neaes_intl_hk

有一次落場
準備散水之際
收到個隊友電話
佢話喺防暴狗準備衝嘅電光火石之間
佢一手掉開咗自己個背囊然後9秒9跑走
個銀包同身份證都仲係裡面
我到而家都黑人問號
最危急關頭竟然係掉開個背囊
係咩玩法
好彩最後有人報咗上channel話執到
我諗執到嗰個手足如果知道成件事
一定都會笑佢on9🥲

#流亡手足 #前線 #落場回憶 #落場 #柒事

一開始，係從來無諗過自己可以受幾重嘅傷。
我相信，曾經嘅我哋，都唔會去諗自己可能承受嘅一切。
直到睇住隔離嘅人頭破血流，睇住新聞報道另一戰區嘅手足失去身體一部分，睇住眼前嘅槍，再親身感受疼痛⋯⋯

傷痕大大小小，無論傷痕今次喺邊個身上，觸發到嘅係都係共感。
但係⋯⋯
「可憐」「心痛」「好慘」⋯⋯
我哋要嘅唔係憐憫嘅句子，傷痕唔係一種可憐，係一種提醒。
提醒你不論決定如何，都要共感呢段傷痕，放底光環，記住仇恨，唔好放底留喺香港嘅人，唔好恥笑任何選擇，我哋目標從來都係「香港」。

一開始，我哋都無諗過原來人生從不安逸⋯⋯
By IG @side._lee

#手足 #前線 #傷痕
#光復香港時代革命
#香港獨立唯一出路

[伸縮魔法陣]
By IG @neaes_intl_hk

伸縮到手之後
我哋研究點樣出場先最有霸氣
有人提議數三聲之後成隊人一齊篤落地
試咗一次之後覺得
咁落到場一定比人笑
所以我哋最後只係好低調咁孭住支野就算

#7系遊記 #流亡手足分享平台
#流亡手足 #前線 #落場回憶 #落場 #伸縮棍 #柒事

[點解冇人信㗎]

大家睇我哋落場好開心
其實有好多準備
平日就要開濕鳩會、踩線、準備物資
星期六日先落場
做得成一單嘢嘅時候
啲人竟然話一定係假
會講成啲狗又自編自導
好嬲呀🙄🙄🙄

#7系遊記 #流亡手足分享平台
#流亡手足 #前線 #落場回憶 #落場

[明明我blackbloc咁完美]
By IG @neaes_intl_hk

有時我出咗去
老母就會睇live搵我

然後佢真係會睇得出，會text我：「呀仔我見到你掉嘢，勁呀！掉完快啲走啦」

明明我包得咁好，個個睇落一撚樣，點解會認到㗎

老母就話，自己個仔點會認唔到

勁！

#7系遊記 #流亡手足分享平台
#流亡手足 #前線 #落場回憶 #落場

[612兩週年之前線想當年]

話咁快就2年
作為一個前線手足, 好記得當日
大家都好有火, 但又唔算好多準備
冇豬咀、冇戰術頭盔
我哋有嘅係地盤頭盔, 3M眼罩
連冰袖都冇
係用保鮮紙包到出汗, 出汗出到甩
雖然冇靚裝, 但係好多人好有火
話衝就一齊衝, 出TG一齊頂
當日一齊衝嘅你, 你好嗎？
做到當日所講嘅「不受傷不流血不被捕」嘛？

希望你哋還好
團火還在

By IG @neaes_intl_hk

#7系遊記 #流亡手足分享平台 #前線 #落場回憶 #落場 #612圍立會 #612兩週年 #二讀 #反送中

IG @neaes_intl_hk

[唔經唔覺]

唔經唔覺走咗咁耐
唔經唔覺畫咗咁耐
.
介紹返，我哋係7系遊記，我哋有唔同手足，各散東西
透過一齊run呢個IG，雖然唔同地方生活緊，都好似陪伴住彼此咁
亦同香港人拉返近個距離
.
喺呢個越嚟越差嘅時代
學會苦中作樂會好過啲
我哋都唔係畫開畫
算係新學緊嘅技能啦，大家見諒呀
.
希望大定繼續支持，
一日仲有人睇，我哋都會繼續分享
鍾意睇嘅可以推介多啲朋友follow呀，搵我哋吹下水都得㗎
.
預告!
我哋將會推出自家設計嘅Tee，詳情好快會有
期待吧

#7系遊記 #流亡手足分享平台 #流亡手足 #手足 #hker #勇武 #前線 #政治庇護 #香港獨立 #hongkongindependence

#手足投稿
#值得睇晒全文
www.instagram.com/p/CToVaBPrpKT

10.9.2021 記錄
節錄：// 理大嘅事，喺接近兩年嘅距離，我最記得仍然係警暴警暴同警暴。被捕後只因讀醫科而被槍射腳嘅FA、無晒 GEAR 情況下黑警刻意喺隔離狂放催淚彈（話曱甴鐘意聞所以喺我哋隔離放好多）、幾個鐘唔俾郁，一郁就踢你打你、痛唔可以出聲⋯⋯ 仲有去到狗屋後嘅屈辱⋯⋯ 一切一切或者都唔會上到大銀幕，或者講出嚟只能換到一啲眼淚但傳唔到好遠。
.
當晚點解要留，點解要走，已成過去爭論都無謂。我只記得聽住隊友--亦係現任男友--被黑警虐待嘅情節。「係我帶佢嚟嘅」呢句，令佢受到不必要暴力對待。但其實係我帶佢去理大，只係我當時被㩒住亦唔能夠浪費佢句說話嘅苦心。
.
因為理大一役，除咗警暴亦承受好多不必要傷害。出嚟後被跟蹤、被 hack account、屋企人朋友被跟蹤調查、被所謂同路人恥笑、被質問⋯⋯ 因為暴動，之後亦因為其他革命罪行，我哋喺長刑期定流亡下選擇離開香港，承受好大段自責時間，亦承受住好多不必要壓力（包括被所謂同路人利用壓力）。.
當時律師仲話我加加埋埋可能廿年，而家回望，可能係終身監禁。然而我哋做錯啲咩？即使只計理大一役，我哋都應該要坐 4-5 年？喺「真係班學生搞搞陣喎！」呢句下，係唔係應該至少問一條問題：點解我哋唔返屋企打機唔去行街拍拖，要去「搞搞陣」？
.
男友隔住半個地球，有次同我傾電話，佢講笑咁話：「我哋一早識，但諗返轉頭，根本無拍過拖，所有一齊出街唔係去遊行就係去集會去打，我都從未拖過你隻手行街。」諗返理大嗰晚，我哋原本真係約咗去拍吓拖，結果都係入咗理大，然後就打到入埋狗屋。當日打得最激時，我哋有段時間輪流休息，堅持落去嘅動力就係學校入面某位置有人等緊自己返去，唔死得住。
.
理大我哋唔係以玩嘅心態入去，當然我唔知有無人其實係諗住玩咁入去，至少我哋認真嘅人入面無人玩緊。
.
如果想認識理大發生咩事，或有人睇完《理大圍城》後覺得唔知抗爭為乜唔明點解要衝嘅，建議去理解多次 2019 年發生咩事。問心嗰句，我知道理大係一次失敗，但係咪失敗等於我哋抵死，或者只譴責留咗喺度打嘅人而無視對家打壓及暴力？//

#理大 #polyu #理大圍城 #香港獨立唯一出路 #手足不是condom #hkprotest #前線