行禮如儀可恥但很有用
Post by IG @deliberate.hk #眾論我城

#節錄
叫口號、去遊行、唱首歌、舉蠟燭，行禮如儀嘅傳統民主運動，喺雨傘運動後逐漸受到衝擊。僅僅五年內，香港嘅抗爭就全面進化，推起反抗浪潮。

但係喺進化之中，更加出現新嘅聲音，全盤否定由大眾參與嘅政治儀式，相信惟有國際制裁甚或武裝革命，先可以帶動政治改變。

係，政治儀式唔會帶嚟革命，更加無法撼動政權。但係惟有保持每個香港人心裏面嘅一束光，我地先可以一齊面對呢個時代、保住有用之身，喺劣勢堅守信念。

就算係一句口號、一個手勢、一支蠟燭，儀式代表嘅更加係背後豐富嘅歷史同信念，承載住曾經發生嘅故事。透過儀式，我地就有機會將佢嘅內涵代代傳承，抗衡排山倒海嘅官方論述。

無數香港人已經以身軀同生命，完成拓荒嘅神聖任務，點樣守住以苦難換嚟嘅信念同教訓，將會係我地艱鉅嘅任務。

#行禮如儀 #儀式 #堅守信念 #毋忘初衷 #兄弟爬山 #堅守戰線