#香港民族 #香港歷史 #香港文化 #民族自強 #香港獨立 #本土論述 #思想犯罪 #洗腦
【你正在被洗腦 請立即注意用詞】

大家成日話要反中反共，但你可能俾中共洗緊腦都唔知。語言唔係口舌之爭咁簡單，而係思想自由嘅鬥爭。

喺《一九八四》入面，極權透過定義詞彙、修改或扭曲意思，削弱人民嘅表達能力同思想空間。只要你同極權嘅「好思想」唔一致，就係「思想犯罪」。

示威者係暴徒、鐳射筆係鐳射槍、催淚彈係催淚煙，施暴虐打係止暴制亂，武漢肺炎係新冠肺炎。語言係會潛而默化咁影響我哋嘅思考模式，限制我哋嘅想像同表達能力。一旦接受咗極權嘅語言，我哋嘅思想就會被干預，慢慢失去理解真相嘅能力。

香港人多年被中共創造嘅語言潛而默化，受大中華、大一統意識束縛。相信「回歸」、「內地」就好難挑戰大一統思想；相信「特區政府」、「中央」就好難承認一國兩制嘅失敗；相信「返大陸」、「阿爺」就好難走得出大中華情意結同狹隘嘅血統論；相信「中港關係」、「水貨客」就好難提倡本土、港人優先。

我哋要重奪思想自由，因為只有透過不斷想像，香港民族先能夠睇到漆黑中嘅黎明。

LIHKG: https://lih.kg/1963919 -【本土思潮】你有可能已經俾中共洗咗腦
Facebook: https://bit.ly/2VgnP9m
Matter: https://bit.ly/2V5FP6c