#手足投稿
Full article posted by IG @rehk_neverforget

//啲人話黨唔會咁浪費資源去逐個睇你，緊係啦，我哋自細教育就係督灰，我哋自細教育就係黨嘅監控機器。只要由教育入手，每個人民都係 CCTV。我微訊有排無更新飲飲食食，已經有人質疑，仲喺大陸（深圳）嘅朋友都已經感覺到我有去革命。然後發生咗啲事，我洗咗個微訊啲朋友圈，即刻每日 post 返啲飲飲食食相，但都感覺到自己無得再返去⋯⋯ 我哋單喺深圳嘅教育，已經係自小已知道無論父母幾錫你朋友對你幾好，都唔可以相信，我就係懷住呢份恐懼長大。曾經被朋友警告會督灰，只係因為講過少少反對嘅聲音，而父母，我雖然好愛佢哋，但亦知道有咩事上嚟佢哋實『大義滅親』。好羡慕香港人可以有信得過嘅朋友，信得過嘅家人，一過咗關就係另一世界。//

原文：instagram.com/p/CSbaWCYrBiX
#洗腦教育 #督灰 #自由國度 #民主是個好東西

#手足投稿

// 好多地方嘅引戰，提示住我哋共產黨嘅帶風向，呢點係不容忽視。//

原文： instagram.com/p/CSvqiSlr5Ob

#塔利班 #恐怖分子 #阿富汗 #Taliban #支共暴政 #共匪 #中共極權 #CCPvirus #evilCCP #fxxkCCP #NeverTrustCCP

#手足投稿
//「係咁㗎啦，好出奇呀？」黃子華呢句最能夠貼近呢種生活。呢句最恐怖在於，每個人都「係咁㗎啦，好出奇呀？」「唔係咁，可以點呀？」時，就會放棄、退讓、接受、忘記。唔好睇少人類適應能力，要記住呢種狀況係異常而非正常，比你同我想像中更難。說服自己，比你同我想像中更易。
⋯⋯
共產黨下並無長遠安穩可言。//

原文：
instagram.com/p/CTEfT6GLQbs

#黃子華 #教會 #毛澤東 #支共暴政 #共匪 #中共極權 #CCPvirus #evilCCP #fxxkCCP #NeverTrustCCP #暴政必亡

#手足投稿
#值得睇晒全文
www.instagram.com/p/CToVaBPrpKT

10.9.2021 記錄
節錄：// 理大嘅事，喺接近兩年嘅距離，我最記得仍然係警暴警暴同警暴。被捕後只因讀醫科而被槍射腳嘅FA、無晒 GEAR 情況下黑警刻意喺隔離狂放催淚彈（話曱甴鐘意聞所以喺我哋隔離放好多）、幾個鐘唔俾郁，一郁就踢你打你、痛唔可以出聲⋯⋯ 仲有去到狗屋後嘅屈辱⋯⋯ 一切一切或者都唔會上到大銀幕，或者講出嚟只能換到一啲眼淚但傳唔到好遠。
.
當晚點解要留，點解要走，已成過去爭論都無謂。我只記得聽住隊友--亦係現任男友--被黑警虐待嘅情節。「係我帶佢嚟嘅」呢句，令佢受到不必要暴力對待。但其實係我帶佢去理大，只係我當時被㩒住亦唔能夠浪費佢句說話嘅苦心。
.
因為理大一役，除咗警暴亦承受好多不必要傷害。出嚟後被跟蹤、被 hack account、屋企人朋友被跟蹤調查、被所謂同路人恥笑、被質問⋯⋯ 因為暴動，之後亦因為其他革命罪行，我哋喺長刑期定流亡下選擇離開香港，承受好大段自責時間，亦承受住好多不必要壓力（包括被所謂同路人利用壓力）。.
當時律師仲話我加加埋埋可能廿年，而家回望，可能係終身監禁。然而我哋做錯啲咩？即使只計理大一役，我哋都應該要坐 4-5 年？喺「真係班學生搞搞陣喎！」呢句下，係唔係應該至少問一條問題：點解我哋唔返屋企打機唔去行街拍拖，要去「搞搞陣」？
.
男友隔住半個地球，有次同我傾電話，佢講笑咁話：「我哋一早識，但諗返轉頭，根本無拍過拖，所有一齊出街唔係去遊行就係去集會去打，我都從未拖過你隻手行街。」諗返理大嗰晚，我哋原本真係約咗去拍吓拖，結果都係入咗理大，然後就打到入埋狗屋。當日打得最激時，我哋有段時間輪流休息，堅持落去嘅動力就係學校入面某位置有人等緊自己返去，唔死得住。
.
理大我哋唔係以玩嘅心態入去，當然我唔知有無人其實係諗住玩咁入去，至少我哋認真嘅人入面無人玩緊。
.
如果想認識理大發生咩事，或有人睇完《理大圍城》後覺得唔知抗爭為乜唔明點解要衝嘅，建議去理解多次 2019 年發生咩事。問心嗰句，我知道理大係一次失敗，但係咪失敗等於我哋抵死，或者只譴責留咗喺度打嘅人而無視對家打壓及暴力？//

#理大 #polyu #理大圍城 #香港獨立唯一出路 #手足不是condom #hkprotest #前線

#手足投稿

全文: www.instagram.com/p/CUeT1aLrkxZ

1.10.2021 記錄
.
// 仲喺香港嘅朋友話已經好少人覺得要幫手足，事隔咁耐，每個人都應該可以生活到。其實不然，好多 2019 年已去咗外國，有身份嘅當然已開始慢慢適應生活。但 2020 年啱啱走甩嘅，面對變幻國際局勢，身份未定真係唔能夠太大安旨意。而仲留喺香港嘅，有朋友啱啱出嚟做嘢，因為被捕過隨時要上庭無咗份工；有繼續返工嘅受政治打壓而隨時失業，經濟亦未必能夠完全自立；有啲未畢業嘅，因為抗爭無得再返學，面臨上庭壓力同家庭壓力，情緒仍未能平伏；有啲坐緊；有啲因為要上庭，除咗律師費仲需要好多錢去揼靚 case。
.
錢嘅問題當然易講，但佢哋更大面對嘅係心理壓力。有位同我講，喺香港再搵唔到人傾計，因為身邊嘅人，即使係同路人，有啲事無面對過嘅話係唔會明白，甚至講咗好多難聽說話。仲喺香港嘅佢哋，唔可以再好似以前咁易搵到信得過嘅心理支援，即使有都無財力可以負擔，加上移民潮同被捕潮，好多都喺失去應有心理支援下承受巨大壓力。口可以好輕鬆講去坐吓，但唔多唔少對於長時間審訊及進進出出監獄都感到好攰。
.
寫出嚟，唔係要大家捐款或者去搵手足傾計，而係想大家知道確實發生緊嘅事。有時坐監唔係最折磨，反而係生活上離唔開抗爭影子，未來亦離唔開，先係一種折磨。有人叫我朋友「睇開啲，走出個圈啦，人始終要生活。」，可惜審訊未完，或者身份未定，甚至你親友坐緊，或者自己將要去坐，一切都唔能夠輕易話「離開個圈抖吓咪得」。//

#在囚手足 #在囚 #手足 #移民 #香港獨立唯一出路 #hk #hongkong #hkprotest #前線 #流亡 #exile #心理 #心理支援 #上庭

#手足投稿 #全民backup
最近應該會有人對 backup 某些網頁有興趣

最簡單做法就係用 https://archive.is

例如想 backup 某一單新聞，就 copy 網頁 link 貼去 archive.is ，跟住撳 Save

如果有人一早做左，佢會問你是否 update
- 如果篇野有大改，就可以 update
- 如果無改過野只係日期唔同左，就可以不用 update

如果篇野之前無人 backup ，咁佢就會開始啟動程序 backup

等佢搞掂後會出一條 link
例如: https://bit.ly/33T1x5x

咁就代表 backup 成功，就算原 post 無左都好，以後都可以去 archive.is 搵返篇文

文：和你跑-沙田