Happy Thanksgiving！感恩節快樂！

Credit to @nyc852hker

感恩節係美國呢邊嘅傳統慶祝節日，好似我哋喺香港會過冬至嗰陣一樣，美國嘅人都會喺呢日返屋企，同家人朋友一齊慶祝，迎接Black Friday大減價掃貨。

對我哋呢啲喺外邊嘅人嚟講，要同屋企人朋友見面唔難，一句「今晚食飯？」就搞掂。但喺石牆入面嘅在囚人士就無咁幸運，可以返屋企享受同家人相處嘅時光。

支援方式：

細葉榕近期出售2024年月曆，每本售價$35USD，包郵。扣除成本後所得後將用於支援工作。美國朋友可以喺HKCC購買 @hkercommunitycenter

你亦可以選擇定期每月捐款，只需要每月$10USD就可以為在囚人士提供到一餐私飯、一本書、一次家屬探訪來回車費同埋零食。支援連結同捐款安全及私隱指引，可以喺 @bonhamtreeaid 官網上搵到。

希望大家喺外面過得愉快嘅同時，都可以令香港嘅在囚手足感受到大家嘅支持同陪伴。

#感恩節 #thanksgiving #人道支援 #政治犯 #在囚支援 #細葉榕