【探討香港出路：獨立建國之國際考慮】

香港建國，要脫離一個主權國家，再自立門戶建立一個新嘅主權國家，條路係幾咁漫長。

而且越去研究香港建國嘅可行性，就越覺得其實係無咩可能做到。

我哋要明白，想要港獨，除咗建國之後我哋有能力管治香港之外，最緊要仲要得到國際社會嘅承認。

目前中國身為世界第二大國，試問有邊個國家願意同中共打對台，支持分裂中國，支持港獨？

所以香港人想要立國，一定要先俾國際知道我哋嘅實力同價值，話俾佢哋知香港獨立咗之後對國際一定有著數。

想要喺國際有話語權，就要為自己攞最多嘅手牌，提高議價能力。

當香港嘅價值喺中共嘅打壓下慢慢開始流失，就要搵其他價值去填補。

攬炒完後係要去自救，而唔係大家炒完一鑊熟之後就咩都唔理。

係時候要認真諗下點樣繼續發展我哋嘅經濟，增加貨物出口、文化輸出、科技研發等等。

希望上兩年嗌緊呢句口號嘅你，一齊思考下，到底香港係咪真係有能力獨立到。

Credit: #孤讀患者 IG @solreadism
#香港建國 #香港獨立 #唯一出路 #民族自強 #反思