曾發起呼籲在美港人喺人口普查嘅「種族」一欄填寫「香港人」、令美國政府喺未來規劃時關注到香港人嘅居美港人組織「We The HongKongers」，其創辦人之一許穎婷Frances今日於FB指，自己因國安法嘅種種憂慮而無奈離港。

佢提到自己如好多流亡手足嘅心情，「一走可能就是一世」，每當諗起可能再無法與家人朋友一齊、亦更深感受到被囚手足嘅痛楚；

佢亦有提到早前一單案件中一名17歲男生向法院求情指自己已被美國機械工程系錄取，但最終都係被判監兩年零八個月一事，指自己因案件心如刀割，「對於自己的僥倖感到無比慚愧」。

佢又談及自己參加社運八年裡面嘅體會同成長，指自己流落他鄉依然會不忘初心、背負另一種責任「為無聲的人發聲」，並對暫時無法並肩同行表示抱歉、亦衷心感激信任佢嘅人，承諾「在那天來臨之前，我都會繼續緊守崗位，好好活下去」。

資料來源：FB/ Frances Hui許穎婷
報導: #100毛
#WeTheHongKongers #流亡