緬甸軍方控制嘅電視台MRTV喺噚晚報導指，上個月27號喺仰光嘅北奧加拉巴區，有19人涉嫌毆打一名上尉同殺害軍官嘅夥伴，宣布跟據《緊急法令》395/396號，全部判處死刑，並不得上訴。而喺19人當中，有 17人缺席審訊。
根據畫面所見，該19人包括男女老幼，部份人面上更有被毆打痕跡。
呢次係自緬甸反政變運動以來，首次有死刑嘅判決。
報導: #100毛
#standwithmyanmar #savemyanmar #緬甸 #Burma #Myanmar #MilitaryCoup #軍事政變 #evilCCP
根據畫面所見，該19人包括男女老幼，部份人面上更有被毆打痕跡。
呢次係自緬甸反政變運動以來，首次有死刑嘅判決。
報導: #100毛
#standwithmyanmar #savemyanmar #緬甸 #Burma #Myanmar #MilitaryCoup #軍事政變 #evilCCP
下星期三（4月28日）入境修訂條例草案將會喺立法會恢復二讀。條例當中列明，入境處長可以被賦予權力，限制任何運輸工具接載或不載個別指定乘客。
大律師公會曾經就呢項修訂提出意見書，質疑字眼上相關修訂可以禁止任何人用任何交通工具離開香港，並且無列明入境處長喺咩情況下先可以運用呢個權力。即係話，入境處長可以無限制地運用權力，而呢個權力本身、係會限制香港市民基本嘅出入境自由。
同時公會認為，現時由法院執行嘅法律已經可以限制部分人士離港，並唔需要由入境處長決定，所以好難理解今次修例，係希望達至點樣嘅進一步目的。
Post by @100mosthk #100毛
#入境修訂條例 #二讀 #權力無限制 #出入境自由 #自由之死 #巨大集中營
大律師公會曾經就呢項修訂提出意見書，質疑字眼上相關修訂可以禁止任何人用任何交通工具離開香港，並且無列明入境處長喺咩情況下先可以運用呢個權力。即係話，入境處長可以無限制地運用權力，而呢個權力本身、係會限制香港市民基本嘅出入境自由。
同時公會認為，現時由法院執行嘅法律已經可以限制部分人士離港，並唔需要由入境處長決定，所以好難理解今次修例，係希望達至點樣嘅進一步目的。
Post by @100mosthk #100毛
#入境修訂條例 #二讀 #權力無限制 #出入境自由 #自由之死 #巨大集中營
台灣新聞攝影協會公布咗《2021台灣新聞攝影大賽》嘅得獎名單，當中有唔少香港記者以「反送中」同「香港抗疫」新聞相獲得各個獎項。包括「一般新聞類」、「新聞人物類」，而「年度最佳新聞攝影作品集」就由端傳媒嘅林振東獲得。
林振東早前接受《報導者》專訪時指，喺反送中運動入面，香港記者應該更加珍惜作為當事人嘅參與，呢個係外國攝影師唔會有嘅一種感覺。同時喺攝影中，佢希望能帶出「善」同「希望」，製造「出路」比讀者。
2021台灣新聞攝影大賽得獎名單：https://bit.ly/3szNZCG
Post by @100mosthk #100毛
#2021台灣新聞攝影大賽 #反送中 #希望 #出路
林振東早前接受《報導者》專訪時指，喺反送中運動入面，香港記者應該更加珍惜作為當事人嘅參與，呢個係外國攝影師唔會有嘅一種感覺。同時喺攝影中，佢希望能帶出「善」同「希望」，製造「出路」比讀者。
2021台灣新聞攝影大賽得獎名單：https://bit.ly/3szNZCG
Post by @100mosthk #100毛
#2021台灣新聞攝影大賽 #反送中 #希望 #出路
平日去紅館、都係睇演唱會，但噚日紅館出面大排長龍，居然唔係為睇演唱會喎～
中大校友評議會原訂上年 7 月舉行周年會員大會，投票選出新主席同兩名常委，點知拖咗差唔多成年，噚日晏晝終於喺紅館舉行。
有校友不滿現屆主席林偉雄喺早前過千名校友聯署要求下，仍然拒絕召開特別會員討論同表決譴責中大校方打壓中大學生會「朔夜」嘅議案，更批評咁樣係違章違憲嘅做法。因此，喺會上中大校友以近九成嘅1,235 票，高票通過對現任評議會主席林偉雄的不信任動議。結果公布後，紅館即刻好似開concert咁，全場掌聲雷動～
除此之外，呢次改選一直受坊間注目，更被稱為「黃藍之爭」，而今次主席同常委嘅結果都係開明派大勝。常委當選人之一嘅屯門區議員盧俊宇指，過去一兩年中大經歷咗不少事，例如保安事件、二橋事件，去到最近學生會被DQ，所以激發咗中大人「用選票投下良知一票」。
Post by IG @100mosthk #100毛
#中大校友評議會 #紅館 #投票 #黃藍之爭 #良知一票
中大校友評議會原訂上年 7 月舉行周年會員大會，投票選出新主席同兩名常委，點知拖咗差唔多成年，噚日晏晝終於喺紅館舉行。
有校友不滿現屆主席林偉雄喺早前過千名校友聯署要求下，仍然拒絕召開特別會員討論同表決譴責中大校方打壓中大學生會「朔夜」嘅議案，更批評咁樣係違章違憲嘅做法。因此，喺會上中大校友以近九成嘅1,235 票，高票通過對現任評議會主席林偉雄的不信任動議。結果公布後，紅館即刻好似開concert咁，全場掌聲雷動～
除此之外，呢次改選一直受坊間注目，更被稱為「黃藍之爭」，而今次主席同常委嘅結果都係開明派大勝。常委當選人之一嘅屯門區議員盧俊宇指，過去一兩年中大經歷咗不少事，例如保安事件、二橋事件，去到最近學生會被DQ，所以激發咗中大人「用選票投下良知一票」。
Post by IG @100mosthk #100毛
#中大校友評議會 #紅館 #投票 #黃藍之爭 #良知一票
憑《Colette》奪得第93屆奧斯卡金像獎最佳紀錄短片嘅美國導演Anthony Giacchino，喺得獎時不忘提到反送中記錄片《不割席》，指「香港嘅抗爭者唔會被忘記。」
報導: IG @100mosthk #100毛
#colette #奧斯卡 #OScars #不割席 #DoNotSplit #NeverForget
報導: IG @100mosthk #100毛
#colette #奧斯卡 #OScars #不割席 #DoNotSplit #NeverForget
對香港人嚟講，廣東話絕對無可取代。而最近喺美國史丹福大學嘅本科生評議會通過咗一項決議，就係要求史丹福大學恢復粵語課程。
事源要講返上年12月，史丹福大學當時以「削減開支」為由，拒絕向校內唯一廣東話課程教師張錫莉續約，令呢個由97年起設立嘅廣東話課程面臨「殺科」危機。於是，一班舊生同教職員就成立「Save Cantonese」游說校方保留廣東話課程，並且成功收集到超過4000個嚟自香港同海外嘅校友聯署支持。最終，喺師生嘅壓力下，校方先至同意改用兼職講師、開辦兩個廣東話課程。
Save Cantonese嘅成員Shawn Lee批評校方決定係忽略廣東話喺加州當地嘅重要，而且無視早年來自廣東嘅鐵路工人協助學校創辦人利蘭史丹福興建橫跨美國東西岸嘅太平洋鐵路，校方有道德責任保留廣東話，以紀念呢一班廣東鐵路工人嘅貢獻。
廣東話嘅美妙，其實世界仲有好多人都知，英國就有人因為覺得廣東話係「好靚」嘅語言所以自學廣東話、而家美國都有人為咗守護校內嘅廣東話課程而努力，所以我哋香港人都要加把勁、繼續捍衛屬於我哋嘅母語。
報導: #100毛
#廣東話 #捍衛廣東話 #史丹福大學 #粵語課程
事源要講返上年12月，史丹福大學當時以「削減開支」為由，拒絕向校內唯一廣東話課程教師張錫莉續約，令呢個由97年起設立嘅廣東話課程面臨「殺科」危機。於是，一班舊生同教職員就成立「Save Cantonese」游說校方保留廣東話課程，並且成功收集到超過4000個嚟自香港同海外嘅校友聯署支持。最終，喺師生嘅壓力下，校方先至同意改用兼職講師、開辦兩個廣東話課程。
Save Cantonese嘅成員Shawn Lee批評校方決定係忽略廣東話喺加州當地嘅重要，而且無視早年來自廣東嘅鐵路工人協助學校創辦人利蘭史丹福興建橫跨美國東西岸嘅太平洋鐵路，校方有道德責任保留廣東話，以紀念呢一班廣東鐵路工人嘅貢獻。
廣東話嘅美妙，其實世界仲有好多人都知，英國就有人因為覺得廣東話係「好靚」嘅語言所以自學廣東話、而家美國都有人為咗守護校內嘅廣東話課程而努力，所以我哋香港人都要加把勁、繼續捍衛屬於我哋嘅母語。
報導: #100毛
#廣東話 #捍衛廣東話 #史丹福大學 #粵語課程