大家好！我係上年Masquerade Halloween(哈囉喂狗官面具夜)嘅搞手之一。仲未知道今年Halloween有咩做？繼上年Halloween 後，今年Halloween 又有新搞作！

活動名稱: 哈囉喂泰驚萬聖節
(Halloween scare thai you)

活動時間: 10月31日(Halloween)夜晚7
點-10點(可隨時加入)

活動地點: 五區(旺角、中環、銅鑼灣、
沙田、尖沙咀)

活動定位: 主題為泰國，支持泰國手足。此活動並非大型聚人活動，不聚人，不設聚集點，而且係和理非活動。

點解要搞依個活動？

依家香港抗爭陷入樽頸，需要一啲創新活動。另外，今年Halloween啱啱好遇到泰國抗爭，泰國手足需要國際嘅關注同支持，此活動用一個唔同嘅方式表態同向泰國政府示威，諷刺巴育，而且增加港人對泰國示威嘅關注。最後，依家大規模聚人示威遊行聚到人嘅可能性低，且成本高，需要試下其他新形式同較低風險嘅活動，be water。

活動流程: 參與者同我哋嘅義工會喺五區戴住巴育恐怖版面具(面具嘅原檔已擺上tg channel，希望大家都會一齊戴)另外，一啲關於泰國抗爭嘅物件會放置喺唔同checkpoint，checkpoint入面都有唔同嘅嘢拎！見到巴育或者checkpoint物件之後(詳細地點不會被公佈，要自己搵)影低佢擺上唔同嘅社交媒體(例如Twitter,IG)然後tag #MilkTeaAlliance，#StandWithThailand，#halloweenthaiscareyou，#หยุดคุกคามประชาชน，然後答啱佢問你關於泰國抗爭嘅問題，仲有糖同其他神秘嘢收！希望大家喺唔同地方(唔一定喺指定嘅五區)戴上巴育面具遍地開花！記得自行跟據風險而決定戴唔戴面具！

備註: 本活動沒有任何party成份。建議參加者戴唔同嘅面具同萬聖節裝扮加強氣氛，關於時政就更加好，亦都希望舉起三大訴求手勢聲援泰國手足。

上年我哋係唔同社交平台都被質疑為鬼，但努力同成果有目共睹。希望大家停止捉鬼，要捉鬼嘅嚟我哋活動捉飽佢。😤

人心比鬼更可怕！

如果有任何意見、查詢、問題，請加入公海討論。

https://t.me/halloweenthaiscareyougrp

關於活動嘅最新消息請參考此channel:

t.me/halloweenthaiscareyou

更多詳細將會在此channel更新！

另外希望大家將依個活動同channel link share去唔同地方(telegram group/Facebook/IG/連登等)因為你嘅每一個share都會令依個活動踏出一大步，多謝你哋！

#standwithThailand
#三大訴求