by IG @as1.entertainment #娛壹

【專訪有片丨轉型直立板教練遠離煩囂 林師傑：香港人真係好需要空間】

「離開咗TVB，冇諗過自己轉變會咁大，冇諗過自己成長咁多，清楚咗自己想點，以一個乜嘢方式去做人，以一個乜嘢方式去對人，唔想用重生去講，因為呢個字太娘，哈哈，唔想再做以前講嘢好娘嘅林師傑！」眼前的林師傑洗脫「木偶哥」氣味，踏着直立板（stand up paddle，SUP）在海上划行，很陽光。

現年33歲的林師傑，第一屆《超級巨聲》出身，去年不滿TVB提出「6騷約」，保證每年有12,000元的侮辱價，憤而跟TVB結束11年賓主關係，以自由身亮相香港開電視和ViuTV，早前就以SUP教練身份，參與ViuTV真人騷《阿女又戀嚟》，令觀眾眼前一亮。

成為SUP教練後，林師傑自覺改變了很多，享受簡單的人生，「我都冇諗過，一出嚟做教練可以有咁多學生，大家一齊傾偈一齊食素，一齊享受陽光，下一個trip係幾時，去乜嘢目的地，突然間香港變得一個有空間同有時間嘅地方，只要你肯付出，我覺得每一個香港人，值得經歷咁嘅香港。」

場地：布袋澳秤哥水上活動中心

#林師傑 #austonlam #木偶哥 #TVB #教練 #直立板 #CCTVB #TVB假新聞 #假新聞 #黨媒 #垃圾TVB #罷睇TVB #抵制TVB #紅媒 #抵制tvb廣告商